اريد ان اكون انثى جديده خلال ست شهور - بإذن الله

[نسمه بارده]

موضوع مميز واي استشاره انا حاضره اذا حابه
اخواتي اتمني منكن عدم التردد باستشارتي في اي تغيير ترغبون بالحصول عليه لنضع معا خطط تناسب التغيير المطلوب وباذن الله نحصل علي النتائج النطلوبه وشرطي الاساسي لاتابع اي حاله هو الجديه والاصرار

 

[لمعة الالماس]

ماشاء الله موضوعج اكثر من رائع..

الله يتمم عليج .

 

[lovemyself]

بصراحه موضوع اكثر من رائع
لا يوقف

 

[دلع العيوون]

رد : اريد ان اكون انثى جديده خلال ست شهور - بإذن الله

الله يوفقج ويثبج حلونظامج شجعتيني اغير حياتي

 

[انثى جديده]

رد : اريد ان اكون انثى جديده خلال ست شهور - بإذن الله

مشكورين اخواتي على المتابعه
واعتذر بسبب انشغالي
لكن اخواتي انا حابه ان الموضوع مايقتصر علي وعلى جدولي
ابيكم كلكم تشاركون كل وحده حابه انها تغير تكتب سلبياتها وشنو الاشياء اللي ودها تغير فيها
وتكتب جدول تخطط فيه اهدافها والمده اللي ناويه تغير فيها - علشان نساعدها
صدقوني اخوات انا جربت طريقة التخطيط وكتابة الاهداف وتحديد المده - والطريقه جدا ناجحه وفعاله
لانها تخليني اسير على هدى وما اتخبط في حياتي - وعارفه شنو الاهداف اللي ابيها واللي لازم احققها في وفت محدد
اخواتي الموضوع حيل مهم لي ولكثير من الاخوات اللي مثلي واللي موعاجبتها حياتها وحابه انها تغير
فياليت نصايحكم وتجاربكم في التغيير وتشجيعكم لنا للاستمرار 00 والاخت نسمه بارده ماقصرت عرضت انها تتابع معانا خططنا وتغييرنا
بس اهم شيء الاراده والاستمرار وعدم الكسل والتراخي
واشكر لكم مره اخرى على المتابعه - واحسان الظن بي 0
وانتظروني في جدول التغيير بالناحيه الجماليه وينقسم الى عدة اقسام :
1- العنايه في البشره
2- العنايه في الشعر
3- العنايه في الجسم والرشاقه

 

[ام الدكاتره]

يعطيج العافيه ورجاء حار لا تبطين علينا

 

[سر حياتي]

بارك الله فيج علي هذا الموضووع اللي نبهتينا او صحيتينا من الغفله اللي حنا فيها من دين وزوج و اولاد وصلة الرحم اومسؤولية (((الانثى)))اللي ضاعت او شبه ضياع واحنا نتبع القشور او الشكليات وتتبع المناسبات اللي بداعي ومن غير داعي
وإذا فكرنا نجدد من نفسنا لجأنا للمكياج اواللبس اوالتسوق والفراره علي الكوفيات والمطاعم وغيرهم و نتعرف على صديقات عشان يقولون هذي معارفها شكثرهم !!!!
صرنا نلهث وراء كل شي للحفاظ علي ((انوثتنا))اللي ماعرفنا شنو أهي بضبط اوشنو مسؤولياتنا.
سامحوووني علي الحده بكتابتي بس والله شي حيل عايشينه وتعبانين منه بس كل يوم نقول بنتغير ولا نسوي شي هذا إذا ما هبينا بتغير جم يوم ونرد بعد مده قصيره
انا بديت اتغير شوي شوي من كذا ناحيه ولي رده ان شاء الله
​

 

[سعادتي برضى ربي]

رد : اريد ان اكون انثى جديده خلال ست شهور - بإذن الله

اتمنى الموضوع يستمر مشالله احنا كلنا وياج

 

[@ بنت النـور @]

وااااااااااااي الموضووووووع يهبل

صج صج محتااااجة أتغير بجم شغله .. انا حاليا ما أشتغل توني متخرجة

فما عندي شي بفترة الصبح .. اقعد عاللاب توب لي الظهر بعدين أنام

بإذن الله هالأشياء بحرص عليها :

1) بحط خلطه حق شعري ,, وبحاول أعود نفسي عليها وأخليها روتين يومي ,,
وبهالفترة اللي أحط الخلطة بحاول ألبق البيت ,, وأطبخ لحمتي حق الفطور (أو للغدا إذا خلصنا صيام)

2) وعجبتني سالفة العصير ,, مسكين ريلي يرجع من الدوام عال12 الظهر ,, أحس راح يستانس حييييييييل لو سولتله عصير التفاح اللي يحبه ,,

3) وانا الحمدلله مبلشة من يومين مشي عقب صلاة الفجر ,, بإذن الله بستمر عليها عاد الحين الجو يهبببببببل هالحزة
تحسين انج نشيطه حيييييييييييييييييييييييل


وحاليا هذا اللي امفكره فيه ,, يالله يارب يصير شعري كثيييييييييييييييييييييييييف لدرجة ان ما يدش من الباب :dddds::dddds:

 

[عـــسل*_*]

رد : اريد ان اكون انثى جديده خلال ست شهور - بإذن الله

موضوع حلو ونا حابه اتغير ويصير عندي هدف
لانه حالين قاعده با البيت وطفشة من الروتين
يالله يا بنت شدو همتكم وشجعونا يا صبايا
با التوفيق لى الجميع

 

[نجاح بلا حدود]

للرفع

 

[الطموحه 84]

الله يوفقكم بنات انا تعلمت من دكتور بشير الرشيدي انا لازم تحددين 3شغلات تبين تمتنعين عنهم و3شغلات تبين تضيفينهم الحياتج وطبقت هالشي على البيبسي بمدة شهر وحددته بتاريخ والانتهاء مته حددته والمفاجاه مرة نعزمت على عشا يوم شربت سفن اب شربت جغمه وتركته لاعت جبدي منها الحمدلله الحين بكمل7شهور من غيره بيبسي الحمدلله يالله تشجعوا يابنات وكونوا سنعات

 

[ام الحلوين :)]

انا بعد من فترة قررت اتغير
بس الحين تشجعت اكثر لاني مو بروحي
وماشاءالله عليج افكارج حلوة ومرتبة ومنظمة

يارب يارب يارب اتغير للاحسن ياااارب

 

[أ.العتيبي]

مرحبا

عفية عليج والله يوفقج يارب

كلنا محتاجين للتغيير من وقت للثاني

بس في بعضنا يحتاج لتغيير جذري وانا منهم

انا يمكن نفسج من الناحية الايمانية

قبل سنه كنت ذكر الله 24 ساعه على لساني

استغفر 1000 الى 3000 مره باليوم وسبحان الله وبحمده 100 مره بالنهار و100 مره بالليل والسنن واذكار المساء والصباح ومستحيل انا بدون ما اصلي الشفع والوتر الا اذا كنت في اسبوع المرور

وبعدين حصلت لي تغيرات نفسية واجتماعية اثرت علي بشكل كبير وقطت هالامور بالتدريج وخذتني الدنيا

كنت دايم اقول ابي ارد نفس ما كنت ابي ارد نفس ما كنت وما كنت ارد بالعكس ابعد اكثر واكثر

بس قبل فترة بسيطة قعدت مع نفسي واستوعبت شغله ان ماكو شي يرد مثل ما كان لكن ممكن اكون افضل مما كنت عليه في السابق
وبالفعل قررت ابدأ بشغلات بسيطه واهمها الصلاة بوقتها اهم اهم اهم نقطه وبعدها الاستغفار على الاقل 100 مرة باليوم والتسبيح ايضا على الاقل 100 مره باليوم وطبعا السنن بعد كل صلاة واذكار المساء والصباح

وبديت اقرأ في الدين والامور التي تقرب العبد من ربه والحمدلله احس في داخلي سلااااام نفسي وشعور طيب اتمناه لكل وحده فيكم

وبما اني في مرحله تغيير او خليني اسميها مرحله تطور ان شاء الله بين كل فتره والثانية ادخل موضوعج الحلو واضيف عليها شغلات تغيرت او شغلات حابه اغيرها والله الموفق


اي صج حابه اغير بستايلي باللبس والميك اب وابي اتعود على شغله وهي اني ابطل اتكلم في الاشياء اللي ابي احققها

"" اقضوا حوائجكم بالكتمان "" الله يهدينا لما يحبه ويرضاه اللهم آمين

 

[جنون الغيم]

وأنا بعد أبي أتغير ماكنت كذا قبل الزواج
والحين حامل بالسابع وصايرة كسولة مررررررررررررره
حبيبتي تخطيطك حلو وبسيط بس انا ساكنة مع اهل زوجي مو عارفه اهتم بزوجي مافية خصوصية إذا احد عندة فكرة يساعدني

 

[آسيااا]

الموضوع وطريقة الطرح قمـــة في الروعه
اتمنالج الاستمرار واتطور الانثوي*_^ ولخواتي المتابعات بعد
حيـــــل عجبني جدولج طبعا انا مااقدر اطبقه لاني لحين مو متزوجه

وبالنسبه اللاخت أ.العتيبي اسال الله يثبتها على عودتها للطريقتها السابقه من استغفار ورجوع الى الله

 

[ام مهرة 2009]

انا اسعى للتغير
لكن مو اي تغيير
اسعى لتغيير النفسي
امر في مشاكل وقرارات مصيرية في حياتي
وحاسه اني وين م التفت القى في باب مقفول بافقال حديد وصلب
مادري نفسي تخيل لي هذا الشي وتبالغ
وله هو واقعي الي اعيشه

مستقبلي قاعد يتسرب مثل ما يتسرب الماي من ايدج

لكن يبقى باب ربي مفتوح ارجو رحمته
يارب تلهمني وتبصرني لحق نفسي
وتنصرني على من ظلمني يارب يارب يارب
وترفعني على من حقرني

ياالله تعين اختي انثى وتثبتها
وتسعدها بزوجها وعيالها يارب

 

[أ.العتيبي]

آسيااا

الله يجزاج خير ياقلبي ما قصرتي

بالنسبة للأشياء اللي بديت اغيرها

قررت اني ما اربط نفسي في شيء معين يعني لا بلوك معين او ستايل معين يعني عادي الليم مزاجي البس شي رسمي لبست لا والله اليوم سبورتي او لا كاجوال اليوم بحط ميك اب لا ماني حاطه بالاخير هذي حياتي محد له شغل فيها ولو على الناس بتتكلم سويتي اللي تبين او لا

فنصيحتي لج سوي اللي يعجبج ايا كان شرط انه في ما يرضي الله

واستمتعي بحياتج العمر واحد والدقيقه اللي راحت ما ترد ولو بكنوز الدنيا كلها ما تقدرين ترجعينها

الحياه حلوة << قالتها وحده من طالباتي ووقفت عندها هالكلمة شلون تطلع من جاهل صغنونو واحنا الكبار تناسينا جمال الدنيا وحلاوتها ونسينا انفسنا مع المشاكل والمشاغل

عيشوووووا حياتكم بمتعه

 

[مشاعرحالمه]

بصراحه روووووعه موضوعج وحلو انج حددتي الفتره الي تتغيرين فيها ان شالله ماتنتهي الى انتي راضيه عن نفسج تمام الرضا

الله يوفقج

 

[برونزية رشيقة]

وأنا بعد معاج

متابعة الموضوع

في انتظار الجديد !