ازعجتني بصراحه ...!!!

[يؤ !!]

السلام عليكم بنات

كيف حالكم ان شاء الله بخير

مالكم بالطويله بدش بالموضوع على طول

كنت بزواج بنت خالتي قاعده اتقهوى واضحك مع خواتي وصديقاتي

جاتني بنت عشرينيه بعمري تقريبا تقول لي شخبارك ان شاء الله طيبه ومن دا االكلام

بصراحه امي وامها يتعارفون بس معرفه سطحيه مو ذاك الزود

المهم طلبتني رقم جوالي وعطيتها وتشرفت فيها بعد قالت لي هااا مو اتصل فيك واقول لك انا فلانه

تقولين لي مين فلانه؟ لاتسوين نفسك ماتعرفيني ؟!!

قلت لا لا شدعوه :eh_s(22):

المهم بعد العرس بيوم كله بس ترسل باليوم الواحد ترسل فوق 100 رساله وعلى هالحال شهور متواصله

وبكل وقت صبح ليل عصر ماتقول تنام ولا تاكل شغلها الشاغل انا حسستني اني الوحيده اللي بجوالها

تعبت تعبت منها كلمت شركه الاتصالات يشوفون لي حل حق الرسايل المزعجه بدون جدوى مافيه حل

اخر شي ارسلت لها خلاص ببيع جوالي لاترسلين على هالرقم

ردت علي برساله وقالت الظاهر ازعجتك خلاص مابرسل لك من اليوم ورايح

استحيت وارتحت منها والله خجلانه لالقيتها مره ثانيه احس متفشله بنفس الوقت مرتاحه منها ومن

رسايلها اللي صرعتني :eh_s(16):

 

[أماني عمري]

ما شاء الله 100 رسالة باليوم، جم فاتورتها بالشهر هالبنت؟ باين من اسلوبها مطيورة و لا تستحين منها و ولا شي، هي ما عرفت أدب التعامل مع الغير اللي لما خذت رقمج قالت مو تسوين نفسج ما تعرفيني، تصرفات حمقاء <------ حلوة حمقاء هذي هههه


تصرفي كأن ما صار شي و طنشي و قولي الحمدلله انج ارتحتي منها و من ازعاجها

 

[وافرر]

زين ماسويتى

 

[اميره بعيونه88]

يووو ربي يعينج عليها
زين تسوين في ناس جذي زود فراغه

 

[يؤ !!]

ما شاء الله 100 رسالة باليوم، جم فاتورتها بالشهر هالبنت؟ باين من اسلوبها مطيورة و لا تستحين منها و ولا شي، هي ما عرفت أدب التعامل مع الغير اللي لما خذت رقمج قالت مو تسوين نفسج ما تعرفيني، تصرفات حمقاء <------ حلوة حمقاء هذي هههه


تصرفي كأن ما صار شي و طنشي و قولي الحمدلله انج ارتحتي منها و من ازعاجها

المشكله تدري انها ازعجتني ..

الحمدلله ..بس امي يوم درت قالت لي عيب كيف نجابلهم بعدين

طيحتي وجيهنا جدامهم :rgewrg:

 

[يؤ !!]

بنات انا مابيهم ياخذون عني فكره اني مغروره
بس الشي ان زاد عن حده يقلب ضده


..

..


وافر & امير بعيونه

مشكورين ياقمرات ربي يسعدكم

 

[تحت ظلك]

أنا نفسج ابتلشت بناس جذي مدري شسوي وحده زفيتها وسبتني سب مو صاحي, ووحده مدري شسوي فيها من قرايبي ان تكلمنا انفضحنا وان سكتنا انجرحنا.

 

[جـوود الحب]

انا كانت رفيجتي بس الحمدالله افتكيت تزوجت وانشغلت عني

 

[يؤ !!]

أنا نفسج ابتلشت بناس جذي مدري شسوي وحده زفيتها وسبتني سب مو صاحي, ووحده مدري شسوي فيها من قرايبي ان تكلمنا انفضحنا وان سكتنا انجرحنا.

اللي معي حسستني بالذنب من اخر رساله ارسلتها وكني الغلطانه
بس اللي قلتي عنها ماتستحي شين وقواة عين :rgewrg:

 

[يؤ !!]

انا كانت رفيجتي بس الحمدالله افتكيت تزوجت وانشغلت عني

الله يسعدها ويبعدها :icon30:

 

[BoxCouture]

عادي ليش تستحين بعد اهيا اعترفت

 

[om al ghaleen]

ما أحب هالنوعيه زين سويتي
ميخالف حلوه الصداقه بس بحدود

 

[منيرة بنت حمد]

فشله

جان دزيتي لها مسج انج بتغيرين رقمج ولا ادز لج رسايل

او جذبتي اي جذبه بيضا

 

[.. ღ همس ღ ..]

فشله

جان دزيتي لها مسج انج بتغيرين رقمج ولا ادز لج رسايل

او جذبتي اي جذبه بيضا

آي جذبه بيضــآ وآي خرآآبييطط وششكو تجذبين عششـآنهـآ وتآخذين ذنب

سمعيني حبووبة

انتي زين تسسووين فيههـآآ :eh_s(9):

لا آتحسسفين ولآآآشي

 

[دلع العتبان]

لاتستحين من اللي ما تستحي منج وربي يوفقج

 

[يؤ !!]

بنات انا مخطوبه وزواجي بعد كم شهر ورسايلها بالهبل حب وغزل يعني رسايل مشبوهه
وربي ادعي يارب يخلص رصيدها عشان ماترسل
انا قعدت افكر كثييييييييييير وش اسوي عشان ما احرجها ولا احرج نفسي معها


مشكورين بناااات ربي يسعدكم

 

[~ بنت الهدى ~]

مااااااحب هالنوعيه الله يعينج عليها ماتنعطى وجه و احرااااج تصارحينها

غيري رقمج ولا تعطينها ولا تعلمينها انج بتغيرينه
ولله حاله

 

[حلاتي ابتسامتي]

لوووووووووووول احسن ارتحتي منها

 

[سكوتي بذوقي]

ماتنلامين أمر عادي

شكلها فاضيه بس ترسل

وتحسب الناس ماعندهم شغل مثلها

 

[Unusual]

شكلها فاضية ،، زي صديقتي ،، ترررسل كثييير واتصالات في كل وقت ..

بس ماالومها هي الله يسعد قلبها فاضية .. واحيانا تاخذ ع خاطرها اذا ماعبرتها ...

ع الرغم اني مفهمتها لو مارديييت عليها يا حكون تعبانه ولا مشغولة بالدوام ..

وااااستحي اقولها اكثر من كذا لأنها عشرة عمر ... وطييييبة حيل .. مااقول غير الله يعينك ويشغلها عنك - بالخييير -