اول سؤال
لو كنتي متضايقه وزعلانه وماده بوزك يوم ويومين وثلاثه . وزوجك مطنشك وبدخل ويطلع ولا يقولك وشفيك ؟ طبعا مو مره صارت معك لا كذا مره تتضايقين ونفس الشي ترضين لحالك وزوجك كل مره نفس الحاله ؟ ايش تسوين ؟ وتصرفه طبيعي والا لا ؟
اكيد تصرفه مو طبيعي ... لكن شنو بسوي بغير الطريقة ماني مادة البوز بمد اللسان
ثاني سؤال
لو تمرضين وطول الليل مانمتي ويوم صار الصبح زوجك طلع ولاقالك شي ؟ ونفس الشي هالموقف تكرر مره ومرتين وثلاث ؟ ايش بتتصرفين او ايش رده فعلك ؟
بقوله ترى تعاملك معاي مو مرضيني وتراك مالك حق تطنشني وانا مريضه عيل متى بتوقف معاي
ثالث سؤال
لو زوجك ماتشوفينه الا وقت الليل ولايكلمك والا كلمتين السلام وايش اخبارك وبعدها سكوت وبعدها الفراش وبعدها يصك امها نومه ؟ وطبعا هذا الروتين اليومي ؟ ايش تسوين ؟
احاول اغير الروتين ومو من اول محاوله اياس راح احاول مره ومرتين وسبعين مره
والمحاوله الواحد وسبعين لتغير الروتين هي شروع في القتل والعياذ بالله الله لا يجيبها
رابع سؤال
لو تقولين لزوجك طلعني (( على طاري هالكلمه تصدقون صرت لما اقولها احس اني اطلب حاجه سيئه وطلب قليل ادب واني مسويه جريمه وانها مو من حقي ))
نرجع للسؤال لو تقولين لزوجك طلعني ويقولك ماعندي وقت او ماعندي فلوس والمعاش توه نازل وهوماعنده شغل اللي الديوانيه وطول السنه هذا عذره ؟ ايش بتسوين ؟
بزعل واتضايق بس شسوي الطللعه اذا ما جت منه هو ما طلع حلوه
وبدور لي ناس ثانيه اطلع معاهم " اهلي بيت حمولتي "
والحق ورا الجذاب لحد باب الدار
قال ماعندي فلوس بقوله انطر متى ما صار عندك نطلع
واذا قال ما عندي وقت بقول حدد لي يوم فاضي ونطلع
وبحن عليه وماني ساكته
حتى لو ماطلعني عالاقل اغثه بالحنه
خامس سؤال
لو تمرضين وتجلسين عند اهلك اسابيع ومايتصل عليك وعذره اني مطمن عليك ومنتي جالسه بالشارع << يعني لازم اجلش بالشارع علشان تسال عني مالت بس مالت ؟ هالموقف يتكرر اكثر من مره ايش تتصرفين ؟
بعاتبه
واذا كان رده جذيه وتكرر الموقف ولا تغير
باعامله بالمثل
سادس سؤال
لو كلمتيه مره ومرتين وثلاث وبكيتي عنده علشان يتغير وانك تحبينه ومستعده تتحملين لكن يتغيير بشي بسيط , وبعد فتره مايتغير ولما تذكرينه بالكلام يقولك متى كلمتيني ومتى قلتلك بتغير ؟ ايش تسوين ؟
بنتحر
سابع سؤال
لو كنتي تبكين قدامه من الضيقه اللي فيك ويسوي حاله مايشوفك ولايدري عنك ويطنشك وينام ؟ ايش تسوين ؟
بخنقه بالمخده
ثامن سؤال
لو يشوفك تشيلين قشك بتروحين لبيت اهلك ولا يراضيك ولا يقولك اجلسي ؟ ايش بتسوين ؟
اقول فرقا
اسم السيدة
مو العزابيات اللي تحطمت احلامهم
انا اللي كرهت العيشه والاحلام كلها
حرام عليج
شهالزوج هذا
