اسئله لكل المغتربات

[جسر الزمن]

السلام عليكم حبيت اليوم اقدم اسئله لكل مغتربه وللي حابه تجاوب حياها

​

:ggdw: :ggdw ::ggdw:



من متي وانتي مغتربه؟


شلون الغربه معاج؟


ليش اغتربتي؟



هل تغير روتينج اليومي قبل ؟


منو اكثر اشخاص اشتقتيلهم بالغربه؟



هل راح ترجعين او ماكوا امل؟

 

[yassoo]

من متي وانتي مغتربه؟
صارلي 10 ايام تقريبا

شلون الغربه معاج؟

عذااااب
ليش اغتربتي؟

مع ريلي يكمل ماستر

هل تغير روتينج اليومي قبل ؟
اكيد تغير مع فرق الوقت ونومتي اعتفست


منو اكثر اشخاص اشتقتيلهم بالغربه؟

امي

هل راح ترجعين او ماكوا امل؟
لا انشالله راح ارجع



مشكوره ياقلبي على الموضوع

 

[احساس العالم 20]

سبب غربتي اكمال الدكتوراة في فرنسا
وكل شي غير بس الحلو في الغربة ان كل وقتج للدراسة والبحث وخاصة ان زوجي مو معاي
بس بنتي وولدي تغيرت دراستهم الى النظام الفرنسي كليا
اكثر شخص اشتقت له امي حبيبتي
اتمنى من كل قلبي ان ربي يوفق اولادي وارجع ومعاي شهادة الدكتوراة
لانه اكثر من وقف معاي ووراي ويفتخر فيني هو زوجي

 

[مغتربة 2006]

من متي وانتي مغتربه؟

صارلي 3 سنين
سنين في كندا
وسنه في امريكا


شلون الغربه معاج؟

اول الايام كانت صعبه
بعدين تعودت عليها احس نظام اكثر
واحسن من الكويت
منظمه حياتي الحمدلله



ليش اغتربتي؟

مرافقه زوجي يكمل دراسته



هل تغير روتينج اليومي قبل ؟

ايي اكيد بالكويت كله سهر وبلعه
هني قمت اطبخ واقوم من الصبح
يعني احس حياتي تعدلت



منو اكثر اشخاص اشتقتيلهم بالغربه؟

طبعا امي حبيبتي



هل راح ترجعين او ماكوا امل؟
لا ان شاء الله راجعه

 

[اكابر]

من متي وانتي مغتربه؟
شهرين

شلون الغربه معاج؟
حده عذاب


ليش اغتربتي؟
علاج مع ولدي


هل تغير روتينج اليومي قبل ؟
ايي وايد اول راحه مابين الدوام بالمعهد
والبيت وبيت اهلي وطلعاتي خفيفه
ما اطلع وايد بس الحين غسيل ملابس
وكواي وتبديل الولد
وطلعه شبه يوميه

منو اكثر اشخاص اشتقتيلهم بالغربه؟
الكل العموم كلهم اشتقت لهم بس اكثر اكثر اكثر شي
امي وزوجي وبنتي وابوي


هل راح ترجعين او ماكوا امل؟
دايما احس انه مالي امل ارجع
بس الله كريم

 

[Om_il3ubed]

من متي وانتي مغتربه؟

من 4 سنوااات

شلون الغربه معاج؟
والله مشى الحال الحمدلله .. والحين حامل ومشغوله بالبيبي لوول

ليش اغتربتي؟
ابوي كان يتمنى انه يدرس برى ويدتي ماخلته .. فصار عنده طموح ان كل عياله يدرسون برى.. لان يقول ان محد يعرف احساسه الا الي ينحرم مثله... فسافرت مثل ما اخواني سافروا عشان نكمل تعليمنا ونحقق حلم ابونا فديته وفديت طوايف اهله انا

هل تغير روتينج اليومي قبل ؟

اي وايد... استراليا فرق التوقيت عن الكويت 6 ساعات ونص او 7 ونص اذا كان توقيت صيفي.. بس عاد شوي نتعب اول ايام ونرد بسرعه نتاقلم على حياة المشي والحياه البسيطه واللبس الي يفشل لوووول :dddds:


منو اكثر اشخاص اشتقتيلهم بالغربه؟

امهاتي امي وخالتي ام زوجي فديتهم

هل راح ترجعين او ماكوا امل؟

ggdw::ggdw::ggdw:: باقي على التخرج ان شاءالله شهر و 3 اسابيع و 6 ايام :ggdw:

عساج عالقوه حبيبتي

 

[* بنت المطر *]

ج 1 : صارلي 6 شهور في استراليا ولاية كوينزلاند.

ج2: يوم احس اني حبيت البلد وعادي بصبر واليوم الثاني افكر باهلي وودي ارجعلهم واكره ساعتها استراليا واهلها

ج : اغتربت مع زوجي يدرس دكتوراه

ج4: تغير روتيني حيل وتعلمت ع النت وصرت اطلع واصرف وايد

ج5: امــــــــــــــــــــــــــــــــي الله يطول بعمرها

ج6: راجعه انشالله قريب


مشــــــــــــــــــــــــــكوره اسئلتج تنفيسيه هههههههههههههه

​

 

[SPIDER-WOMEN]

من متي وانتي مغتربه؟
سنه وشهرين في بريطانيا نيوكاسل

شلون الغربه معاج؟
يوم ليك ويوم عليك


ليش اغتربتي؟

مرافقه زوجي للدراسة

هل تغير روتينج اليومي قبل ؟
اوووووووو واااايد طباخ ونفاخ وتدريس العيال اللع يعين ان شاءالله

منو اكثر اشخاص اشتقتيلهم بالغربه؟
امي وابوي وخالتي ام زوجي واختي واخواني وحريم اخواني وبنات خالاتي امممممممممممممممممممممممممم والكل ...>> اي قولي الكل من اول لوووول

هل راح ترجعين او ماكوا امل؟
لا ان شاء الله راااااااااااااااااجعين الله لا يقوله اني ما ارجع

 

[شقى الصمت]

ج1 شهر تقريبا

ج2 هدت حيلي

ج3 مرافقة زوجي للعلاج

ج4 اكيد تغير بالمانيا ينامون الساعه6او7فصرنا نفسهم

ج5 امي واخواني وخواتي واعيالهم ولديرتي طبعا ياحلو ريحت ارضها

ج6 ان شاءالله راح نرجع بس شكلنا مطولييييييييييييين والله يعيني ويصبر قلبي

 

[اسيره الهوي]

من متي وانتي مغتربه؟
3 سنين - الكويت

شلون الغربه معاج؟
عذاب


ليش اغتربتي؟
اشتغل انا وزوجي بالكويت


هل تغير روتينج اليومي قبل ؟
اكيد اتحملت مسئوليه اكتر

منو اكثر اشخاص اشتقتيلهم بالغربه؟
امي وخالاتي

هل راح ترجعين او ماكوا امل؟
انشاالله اكيد بارجع

 

[كويتي كيووت]

رد : اسئله لكل المغتربات

من متي وانتي مغتربه؟
4 سنواات

شلون الغربه معاج؟
بالبدااية حلوة بس بعد ما عرف أنا ماالي احد هنااك
واني بقضي رمضاان كل سنه برووحي
واهلي كلهم مع بعض يضيق خلقي شووي

ليش اغتربتي؟
للعمل


هل تغير روتينج اليومي قبل ؟
داائما لو ما اغيرة يمكن أمووت

منو اكثر اشخاص اشتقتيلهم بالغربه؟
أمي


هل راح ترجعين او ماكوا امل؟
95% مااكو أمل

 

[بنت^_^الشيخ]

رد : اسئله لكل المغتربات

من متي وانتي مغتربه؟

-من شهرين والرده بعد شهرين تقريبا


شلون الغربه معاج؟
-مو شي

ليش اغتربتي؟
- علاج حق ابوي الله يشفيه ان شاء الله


هل تغير روتينج اليومي قبل ؟
- حيل تغير


منو اكثر اشخاص اشتقتيلهم بالغربه؟
-اخوي ومرته وعياله وبنت خالتي


هل راح ترجعين او ماكوا امل؟
- بإذن الله الرده بعد شهرين تقريبا .. الله يسهل

 

[ام كوشه منكووشه]

رد : اسئله لكل المغتربات

من متي وانتي مغتربه؟
5 سنوات

شلون الغربه معاج؟
اولها صعب بس بعدين تاقلمت لكن لا يصادف اليوم اللى فيه يمعت اهلى واخواني
وشهر رمضان و اول يوم العيد صج نفسيتي تتحطم واقعد ابجى طول اليوم لاني اقعد اتذكر شلون كنت
اقضي هاليوم مع اهلي

ليش اغتربتي؟
ريلي لمن تقدملي كان يدرس برا عنده بعثه ماستر+دكتوراه


هل تغير روتينج اليومي قبل ؟
شي اكيد صرت اعتمد على نفسي 100%
تعلمت الطباخ وصرت ست بيت

منو اكثر اشخاص اشتقتيلهم بالغربه؟

امي، ابوي، اخواني وخصوصا اختى انا حيل حيل متعلقه فيها

هل راح ترجعين او ماكوا امل؟

اكيييد انشالله برجع
يالله يارب انك تقرب هاليوم

 

[صعب غلاها]

انشااءالله بعد شهر او شهرين اجاوبج

 

[fajorh]

من متي وانتي مغتربه؟
.من 10 سنين تقريبا

شلون الغربه معاج؟

انا احس اني مرتااحه يمكن لاني ممن صغري انا هني

ليش اغتربتي؟

ضررووف

هل تغير روتينج اليومي قبل ؟

اىى اكييد كل شي يتغير هني دراسه والاتزام وماكو طلعاات وايييد

منو اكثر اشخاص اشتقتيلهم بالغربه؟

عمامي وخوالي

هل راح ترجعين او ماكوا امل؟
هههههه انشاءالله بعد 10 سنين بعد

يعطيج الف عافييه

 

[أرنوووبة]

رد : اسئله لكل المغتربات

من متي وانتي مغتربه؟
من 11 سنة

شلون الغربه معاج؟
عادي كأني بديرتي الحمدلله و احس بغربة لا رديت و اشتاق ارجع

ليش اغتربتي؟
في البداية دراسه و بعد التخرج انا و زوجي اشتغلنا و قعدنا


هل تغير روتينج اليومي قبل ؟
روتيني ابتدا اهني و صراحة حياتنا المستقرة اهني و اذا رجعنا نزور الاهل في العطلة نحس مضيعين لولز

منو اكثر اشخاص اشتقتيلهم بالغربه؟
طبعا اهلي بس اشوفهم كل يوم او يومين فيديو شات كاننا ويا بعض فعادي


هل راح ترجعين او ماكوا امل؟
مادري والله اللي ربنا كاتبه بيصير

تحياتي

 

[usgirl]

رد : اسئله لكل المغتربات

صار لي جريب الشهر مغتربه علاج لولدي
كله ابجي ليش ان ولدي حالته نادره ومو عارفين اشراه يصير حاسه بانا الدنيا سوده
اشتقت لاعيالي بالديره
ودي ارجع اليوم قبل باجر بس ولدي اهم

واللي زاد الطين بله ما اطبخ ومقزرينها مطاعم بس حاسه ان هالشي غلط ولما طبخت لاعت جبدي بغيت ارجع
حدي ما اساعد:0bee2e8d89::krkrkr:

بس في جوانب ايجابيه
1- الاعتماد على النفس: يعني بالديره عسى ما حسيت بشي سيده رحت لاهلي واخليهم يسووني يادهينه لا تنكتين الحين ماكوكل واحد ينفع نفسه بنفسه
2-اكتشفت اني للحين ما عرفت الدنيا وان اهلي الله يطول بعمرهم كانوا مداريني حتى عن نسمه الهوى
3-وكل يوم قاعده اتعلم شي


ادعوا لولدي الله يشفيه ويعطيه الصحه بعد كم يوم عمليته

 

[So0oNa]

من متي وانتي مغتربه؟
من سنة و8 شهور بامريكا

شلون الغربه معاج؟

والله اكيد الغربة مو سهله لكن اسهل من اللي توقعتة وربي لك الحمد
واخوي كان معاي سنة كاملة فكان مسوي حس بالبيت .. لكن راح ولاية ثانية وانشالله يرجع قريب :yaaaaaarb:
..وطبعا شوق الاهل والديرة شي مايزول :eh_s(7):

ليش اغتربتي؟

دراسة.. ادرس ماجستير حاليا


هل تغير روتينج اليومي قبل ؟

وااااايد .. مرات احس اخترب ههههههههه
لان دوام الماستر بجامعتي من 5 لما 9 بالليل فتلقيني يبتدي يومي للاسف مع صلاة الظهر وانام على صلاة الفير :bbbiu:
بس وايد احس حياتي هدوء صارت :050103nbh_prv:

منو اكثر اشخاص اشتقتيلهم بالغربه؟

امي وابوي واخواني ومرت اخوي حبيبتي وعيال اخوي وصديقاتي وكل الكويت والله :hearting:

هل راح ترجعين او ماكوا امل؟

طبعا قاعدة ارجع بالاجازات والرجعة الاخيرة باذن الله يبيلها مو اقل من 5 سنوات .. لما اخلص الدكتوراه



...................

usgirl
بنت^_^الشيخ
شقى الصمت
اكابر
الله يشافي مرضاكم ياااارب
وباجي البنات الله يوفقكم في دراستكم ويوفق ازواجكم :eh_s(7):

 

[الشوق المجنون]

من متي وانتي مغتربه؟
مــن قبـل شـهريـن :denya:

شلون الغربه معاج؟
ونـاسـه :ggdw: :klhfl:- مـلل :eh_s(4): - مشتاقـه للكـويت :q8:

ليش اغتربتي؟

عــلاج (اللـه يـشفي جــيع مـرضـى المسلمين .. امين :0bee2e8d89 :eh_s(6):

هل تغير روتينج اليومي قبل ؟
للأسـف اي :0bee2e8d89: مـاكـو خـدامـه و اخوي مستلميني _03BA:

منو اكثر اشخاص اشتقتيلهم بالغربه؟
بنـات خـالتـي:klhfl: و خالاتـي :tomato2: و الفراره :ada: و القز :dddds:و كـل شي بالكـويت :q8: و الحــر :eh_s(4):


هل راح ترجعين او ماكوا امل؟
لا ان شاء اللــه في أمـل راجــعه للكـويت راجــعه <<فديتها :q8:

و بــس مشكــورة طـرحج عجيييب ..!

 

[مشتطـه]

أب

عسى الله يشفي مرضاكم وترجعون بالسلامـه يارب
ويوفق اللي يدرسون