اسافر مع ولا بدون ولدي بالعيد؟

[awashamen7asha]

سلام عليكم
ولدي الله يحفظه بالعيد بكون عمره سنتين و خمس اشهر. و الصراحة هالسنه مو مشتهية اعيد بالكويت. فلوس العيادي و كشختي انا وولدي بقطها على سفرة ابرك.
ميزانيتي 1000-1500 دك بالكثيرتذاكر و سكن و مصرف . وين اروح غير دبي؟
و بما ان السفرة ماراح تزيد عن 10 ايام ممكن أقل يعني ممكن امي تستقبل ولدي
بس انا ودي اخذه ولا مره سافرت معاه. بخاطري سنغفورة اوديه يونيفيرسال. كان ودي يوروديزني باريس بس مادري استغليت باريس
واخاف اخذه و اتوهق فيه لا سينما لا سياحة سنعة اذا بنروح ملاهي مانلعب و هم ماراح يذكر شي

طبعا زوجي مايحب ولدي يطلع معانا شلون بقنعه اسفر ولدي معاي ؟ علما ان ولدي عسر و حفاضه و يشرب مميه ( للحين)
:bbbiu::bbbiu::bbbiu:

 

[موله الكويت]

سنيتن ونص اسمله عليه يفهم وراح يستانس خصوصا اذا رحتي ديره ونيسه وتصلح للياهال انا ناطره ولدي يكبر علشان باخذه معاي
ارشحلج غير دبي ماليزيا لة اسبوع حلوه بدبي رفيجتي توها راده تقول فجو فيها واااااااايد اماكن يديده وحلوه للياهال
وماليزيا روحي بس كوالالمبور لان سفرتكم قصيره وموخساره فيها تقدرين تودينيه الاكواريوم والالعاب وافاموسا وزو نياقرا وحتى بالتفريك وهالسوالف راح يستانس غير محلات الملابس الي تشوق والالعاب الرخيصه
موفقه يارب​

 

[سفرجل]

لا تاخذينه اولا انتي رايحه تستانسين مو رايحه تسهرين ولا تراكضين معاه على تغيير الحفااضات وبعدين مو دايما راح تلقين حمام وانتي بالكرامه يمج واذا مل بيحن عليج دام ريلج قالج بس انتي خلاص لا تضيقين خلقه يبي يستانس بعيد عن الحنه خاصه داخل الطياره ومسافه بعيدده راح تكرهين السفره انا جربت مع اعيالي بعد اكبار بو 4-6 كل اشوي تكرمين حمام ويبون يتمشون بالطياره وغير يبون ينامون وقت انتي تبين تطلعين مايتحملون الطلعه ورا بعض وغير انا تعبت ماابي امشي كرهووني بالسفره معةانها كانت اول واخر مره. هههه وبدبي عيل لو بديره ابعد اقص تذكرتي وارد الكويت هههههههههه فاغيري روتينج علشان لمن ترجعين له بتكونين بمزاج اوكي ونومته ماتخترب ولااتحاتينه دام عند امج وبالسلامه ان شاءالله طولت عليج :eh_s(22):*

 

[الشيخه فطامي]

حبيبتي انا ضد اني اخلي اليهال بالديره او انا اسافر اي سفره اروح صراحه قاعده اخذ ولدي معاي بس توني راده من ماليزيا صراحه اسم الله عليهم ما يقعدون او كل ما يكبرون يبون يمشون بروحهم هديني لا تشيليني او مو كل مكان في تبديل الى المجمعات فيها بس الاماكن السياحيه ما فيها او العربانه يا الله دزينها او كل ساعه يحوس او ركضي وراه صراحه قلت جان زين مو يايبته بس بيني او بينج اهو الوحيد اللي استانس من الحيوانات اللي هناك الشواذي او السمج الي يوكلهم يعني اذا ولدج مو عسر او يقعد بالعربانه وديه اذا انتي رايحه وناسه انتي وزوجج لأ

 

[نورعيني أنا]

شوفي انا عندي اتحمل غثاهم بس اهم شي يكو نون جدام عيني لاني مره جربتها رحت بدونهم ماستانست قلبي عورني من كثر المحاتاه كل يوم ابجي(هههههه) وانتي رايحه وناسه يعني موملتزمه مع احد متى ماطلعتي ومتى مارديتي يعني عادي وحرام خليه يستانس ويكون معاج انا عيالي بسم الله عليهم 4 اخر الشهر بروح ماليزيا وللحين امي قاعده تحاول فيني اخليهم عندها بس موقادره لاني بقعد20يوم وصعبه ماشوف عيالي

 

[dob106]

اخذيه معاج وخلى المحروس يتحمل المسؤليه معاج هو ولدج بس ؟؟؟؟؟ انا خذيت عيالى توؤم وعمرهم سنه واهم شئ انام واشوفهم

 

[awashamen7asha]

خلاص هونت عن السفره, الصراحة الحمدلله رحت اوربا وانا عروس و شرق اسيا 12يوم و اهو بيبي 9 اشهر. استانست و مافقدته كثر امريكا شهر و كل يوم اكتئاب و يفز قلبي على اليهال كان عمره سنه و شهرين!! و بعدين رحت دبي و العمره بو 3 ايام ماقدر انام و بس احن على ريلي ولهت على حمود و هذي اخر سفره بدونه و اهو يقول ردينا على افلام امريكا!
الصراحة ماني مستعده اخليه. بس هم ماني ماخذته الا لمن يكبر. انشالله تستوي لنا سفره احلى

 

[๓ίşś зśŏłả..!]

الافضل انج ما تاخذينه
اذا على كلامج ولدج عسر الله يخليه لج
والي فهمته من كلامج ماراح تروحين !!
يلا ان شاء الله يعوضج بأحلى سفره نطري لما حمود يكبر وسافري وياه

 

[ميشووو]

ان شا الله تتعوض لج علي خيرررر