اسالكم بالله اللي تعرف تساعدني :(

[Andeera]

السلام عليكم ورحمة الله
تكفون انا ابغى اسوي برنامج مذهله مال الشعر
وحده كنت اعرفها سوته وشعرها ماشاء الله وللاسف ما عندي لها اي وسيلة اتصال
وحابه ابدا بالبرنامج هذا
تكفون كل شيءعرفته الا زيت الزيتون كم مقداره
لانها كاتبه نص كوب مسمار و 4 فصوص ثوم او راس كامل
تكفون جاوبوني

 

[ام عبد العزيز م]

ان شاءالله لي تعرف تجاوبج اب اب

 

[anwaarsandrilla]

و الله مادري

 

[زهرا_*]

اب اب اب اب

 

[مصممهــ]

الطلبات..مثل ما جمعتها لنا مذهله عسى الله يجزاها كل خير..

ثوم كويتي..(ومو لازم كويتى المهم انه لما ينعصر يطلع منه ماى)

مسمار..

زيت زيتون..

جرجير..

نعناع..

مايونيز..

بيض..

عسل..

روب..

خل ابيض..

لبن..

حنه..

سدر..

زيت خروع..

زيت سمسم..

زيت صبار..

زيت جوز الهند..

حمام زيت كابلي من نسايم لتجهيزات الصالونات بالسالميه..

حبوب فيفسكال للشعر روعه..

كاب للشعر..

جهاز بخار..

تقدرون تجهزون الاغراض اللى من العطار وغيره..علشان تصير روحتكم وحده...والباقي اللى من الجمعيه كل اسبوع تجيبين لوازمج..

يالله نبتدى كل وحده تدور جوابها في الملاحظات اللى انقلها لكم من النوت بوك مالي..

الزيت اجهزه قبل الاستخدام بكم يوم علشان ينقع عدل..

صبغة الامونيا تنغسل بس بماي ولما احطها يكون شعري جاف..

كريم كابلي من النسايم ب 4 دنانير ويكون من داخل ابيض..

المسمار للزيت تقريبا نص قلاص..

علبة الزيت كامله والثوم 4 فصوص او راس كامل..(كيفج )..

جهاز البخار من جريدة الوسيط ب15 او 20 ..حاجه كدا..

اذا خشن الشعر فهو من نوع الزيت..اغيره..

علشان الريحه ماتطلع ممكن احط شوى ريحان على الشعر مبلول 10 دقايق واغسله..

مقادير الحنه..5 ملاعق حنه..5 ملاعق سدر..3 ملاعق مايونيز..بيضه..ملعقه وحده عسل..قوطى روب..فص ثوم يبشر ثم يدق بالهاون ويخلط مع 3 ملاعق زيت زيتون ويترك ناقع يومين ثم يضاف للحنه..وما اضيف للخلطه ماى..

تونيك سوسير موجود بالصيدليات سعره 9,800 فلس...واستخدامه يومي مافيه راحه..

لما احط التونيك ما اغسله ..ثانى يوم احط الزيت عليه واكمل البرنامج عادي..

فيتامين الشعر بكل الصيدليات وسعرهم 20 دينار..

عقب الكورس 3 شهور..يصير الزيت مرتين بالاسبوع..والحنه مره كل اسبوعين..

بعد ما اغسل الحنه وبعد ما اغسل خلطة الجرجير احط حمام زيت..

بطل باراشوت احط القياس اللى ابي..واللى تبي تستخدم الحل البنفسجى عادى..

هذى الملاحظات اللى لقيتها عندى..وانا جمعتها من اجابات مذهله على البنات اللى كانو معاها بالبرنامج وكانو يسألونها..وان شاء الله تستفيدون...ومابي منكم غير دعوه حلوه لي وللاخت مذهله...

http://www.q8yat.com/t253685.html

هذا رابط الموضوع حبيبتي اتمنى اكون افدج

وعسى ربي يطولج شعرج ويخليه احسن مايكون ​

 

[مدّهره !]

مااقصرت مصممه .’,

 

[فديت خبآلي]

ما قصرت مصممه

 

[أدعج غنج]

يزاها الله خير مصممه كفت ووفت