مشاركة: اسبانيا ؟؟؟؟
اسبانيا من بين اغلبيه الدول الاوربيه الي زرتها الوحيده اللي تحسين ان تعاملهم عربي ...و فيهم صفات واجد نفسنا حنا ...يعني بخلاف الدول الاخرى تلقين فيهم كرم و يساعدون السياح الاجانب ..و غير و غير ...
طبعا المناظر هناك رائئئئئئعه جدااا لدرجه انج رح تنسين التسوق ...بس من الاحسن انج تتفقين هني مع اي قروب سياحي و اتروحين وياهم لان هناك رح تواجهج مشكله اللغه لان في اسبانيا الاغلبيه ما عندهم لغه ثانيه كالانجليزي او الفرنسي ..يعني بس اسباني ...
المناطق اللي رحت لها ..طبعا برشلونه بس انها حيل زحمه
و تقدرين اتروحين فيها مناطق اثريه وااجد كبلاطا و قلعه قديمه بعد فوق الجبال نسيت اسمها ...
طبعا السوق و المطاعم في ساحه كطلونيا و شارع كولومبو ..و في مطاعم عربيه بعد ...اصحابها مغاربه او جزائريين ...
طبعا جرانادا بعد رهيبه و تمثل التراث العربي في اسبانيا و تقدرين اتشوفين قصر الحمرا و شارع البيزينيا
بالنسبه للفنادق اسعارهم مناسبه جدااا اما عن التنقلات فمن الافضل تاخذون تذكره شامله للمترو او للباص ..تكفيج حوالي اسبوع ...اما التكاسي هناك غاليه و ما تستاهل
طبعا المسافه بين اسبانيا و المغرب حيل قريبه ...و ممكن بعد تاخذين يومين في المغرب لان المسافه ما تتجاوز الساعه تقريبا ..و لا نزلتي في طنجه رح تشوفين ان اسواقها حيييييييييل اررخص ..و طبعا نفس المنتجات اللي في اسبانيا فيها بس انهم يجيبونهم تهريب ...
و من طنجه حنا انطلقنا لتطوان فيها هم بعد سووق حلوو بس اتحسينها مدينه عايشه بالخمسينيات للحين ..
من تطوان دشينا مدينه اسبانيه بالمغرب اسمها سبته و هم محتلينها للحين ..لا دشيتيها كانج في اسبانيا مرره ثانيه بس انها ارخص من اسبانيا واااجد لانهم يبون يغرون الاسبان انهم يسكنون فيها ...
و على العموم اسبانيا ترى ما ينمل منها و حللوة ..
و اذا تذكرت اي شي ثاني اعلمج
