ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
المقادير
كيس اسبجاتي
سلقيه بماء مغلي وملعقه ملح وشويه زيت وبعدها صفيه من الماي وهو بالمصفا حطي عليها ملعقه زبده وفلفل اسود
سوي حمسه اللحم( حمسي بصل لما يحمر البصل حطي عليها كيس اللحم المفروم وحسيه زين لما يتغير لونه ظيفي عليهم الفلفل الاسود والملح وشويه زعتر وكمون وكزبره ناشفه + انا حطيت مع الحمسه بيديانه صغيره قصصتها قطع صغيره وقليتها قبل + مشروم+3 حبات طماط مقصص+ قفشتين معجون طماط وحمسيهم كلهم وحطي فوقه قلاصين ماي وخليهم يطبخون خمس دقايق تقريبا لما تحسين الصلصه شوي ثقلت بس لاتخلينها تنشف خلي معاها صلصه بمقدار كوب)
وحطي الاسبجاتي بصينيه بايركس وحطي عليها حمستج
الصلصه البيضا
عباره عن كوبين حليب+ قفشه طحين ذوبي الطحين بالحليب لما يذوب عدل حطيه عالنار اغليه وحطي عليهم قفشه كبيره زبده
لما تثقل الصلصه على طول سكري النار وحطي فوقها قفشتين جبنه قشقوان واذا ماعندج حطي مازرولا مع شويه ملح وجوزه الطيب رشه وفلفل اسود
نطريها تبرد شويه كسري عليها بيضه+ قفشتين قيمر وحركيهم عدل وصبي الصلصه فوق الاسبجاتي
ودخليها الفرن عشر دقايق بس تتشرب شويه الصلصه وقدميها بالعافيه
رشيتها بجبنه بارميزان
وقدمت معاها سلطه الجرجير بالشمندر والرمان
