اسبوعي الرابع مع الدكتور بدر النصرالله

[eemee]

لا اول مره انا كنت اخفف من عندي وباجر اول مره بس المشكله اني بسافر بعد اسبوعين ابي يعطيني نظام حق اسفر عشان ما يزيد وزني يارب اوصل وتوصلون معاي حق نتايج حلوه انتي حياتي ودنيتي اول موعد معاه جم نزلتي وصعب ولا لاء

 

[el3aNoOoNa]

حبيبتي لا تحاتيين
اول شيء ترا الدكتور صغير واحليوو
اول اسبوع راح يعطيج رجيم ماذكر شنو اسمه هاذا الرجيم يعطيه ككككل الي ايوونه اوول اسبوع عشان يشووف طبيعه الجسم واشلون ينزل واذا تقدرين اتحملين ولا لا ععشان اذا نوعج تخربطين يحط لج رجيم في اكل اماا اذا نازله فا يعطيج رجيم مافي اكل
اول اسبوع راح يقولج لا تسوين رياضه
بس عقب نتيجه ثاني اسبوع راح يقولج امشي كل يوم 45
انا قبل امس كان موعدي الثاني معاه
نزلت معاه بأول اسبوع 3 ومو عاجبه لوووول يقول الي عندي ينزلون 4 و5 بأول اسبوع
كان واااااااااااايد قاسي وكنت ادووخ بس لانه بنت خالتي ورفيجتي يسون نفس الرجيم وانا اساسا داشه اهني بالمنتدى مع البنات بمووضوع الرشاقه فا قاعدين يشجعوني
وموعدي الثالث معاه يوم السبت الياي انشالله

 

[eemee]

انتي جم وزنج يوم رحتيله

 

[el3aNoOoNa]

75
والحين 72 * مشالله * لوول


وانتي ؟
وجم تبين ؟
انا لازم اصير 59

 

[eemee]

انا تقريبا نفسج 71 او ابي اصير 57 بس انا مابي يعطيني هذا ديتوكس موحابه اكله

 

[el3aNoOoNa]

لازم تاخذينه اسبوووع وعقبه يعطيج رجيم ثاني

بس مادري قوليله يمكن مايعطيج اياه

 

[eemee]

لا مو قادره عليه حاولت حده صعب

 

[el3aNoOoNa]

ااي قلت لج قااااسي

مادري عيل قوليله
قوليله ان لقيتي النظام بالمنتدى وحاولتي تسوينه بس ماقدرتي
عشان يسويلج نظام يحط لج فيه اكككل

 

[eemee]

مشكلتي مع ديتكس العشا كلش مو شي ما احب شوربه ومشويات وسلطه على الغدا ويحيل الله احب روب فاكهه توسته مع جبنه جذي

 

[el3aNoOoNa]

اي هاذا الاسبوع الثاني
انا هالاسبوع عطاني توست وجبن وكاكاو وعيش

اشوي اشوي يدخل لج هالاشياء بس لازم صبر

الاسبوع الي ورا راح يدخل القهوى ويعطيج يوم غدا فري او عشا فري
وهالسوالف عرفتي

 

[eemee]

اي يالله الله يوفقنا انا باجر لي ييت منه بدخل بليل واقولج شصار معاي عشان نتشجع

 

[el3aNoOoNa]

انشالله حبيبتي
الله يوووفقج يارب

 

[شيخه***البنات]

ماشاءالله خوش نتيجه ..

الف مبرووك حبيبتي انا متابعه كل مواضيعج ملوت رجيم الدكتور بدر ..

الله يوفقج يارب وتوصلين للوزن المطلووب بصحه و عافيه ..

 

[eemee]

بنات انا توني يايه من دكتور بدر النصرالله والله خوش دكتور بس عطاني ديتوكس بلان قلت له اعرفه بس ما اقدر عليه قالي ميخالف بس اسبوع عشان نعرف جسمج شكثر ينزل عليه وبس ببدي فيه من باجر والله كريم ادعو لي

 

[eemee]

ذي كانسيرين او حياتي ودنيتي وينكم؟ امممم عندي استفسارات

 

[el3aNoOoNa]

هلا حبيبتي

شفتي قلت لج لازم تاخذينه عشان يعرف جسمج اشكثر ينزل وجذي


قولي استفساراتج

 

[eemee]

هلا حبيتي اقولج انا قريت كل رجيماته اللي معطيها حق اللي راحوله وكلهم قايلهم لا تسووون رياضه انا ليش قالي سوي رياضه؟ او شي ثاني انا ما حب اكل المشوي حاف نسيت اقوله عادي احط شوي كاتشب؟ او انتي شنو كنتي تاكلين مشويات وشكثر الكميه صج ماعرف وبس ادري عوورت راسج

 

[el3aNoOoNa]

انا قالي لا تسوين رياضه اول اسبوع
بس هالاسبوع امبلى قالي امشي واايد
بس حده مالي خلق وحدي ربع ساعه واايد علي
مشويات يوم شيش طاووق يوم دياي مشوي يوم كباب
شيش طاووق كاتب لج 5 بس
الكباب خو مايوون وايد يمكن 4
وجذي فا عادي اكليهم كلهم
والكاتشب ماتوقع ان عادي ترا !!
باجر دقي سأليهم

 

[eemee]

اي تصدقين اتوقع ما يصير كاتشاب يالله استحمل كلها اسبوع انشالله انزين والروكا ساللاد شنو الدرسينج اللي تحطينه

 

[eemee]

انا اول مارحت له الصراحه استغربت كل اللي موجودين ضعاف ما ادري شيبون تحبطت عدل