اسبوعي العاشر مع الدكتور بدر النصرالله

[The.Cancerian]

قوة بنات
شلونكم؟؟

نتيجة رجيم الاسبوع التاسع كيلو ونص
وهذا رجيم الاسبوع العاشر

الافطار كل يوم:
حبة فاكهة + علبة روب خالي

الضحى: 3 تمر
الضحى: 12 ورقة خس
العصر: تبولة

السبت:
الغداء: علبة روب خالي الدسم + سلطة خضراء (خيار ، طماط ، خس ، جزر ، فلفل اخضر او احمر)
العشاء: 2 بيض مسلوق (بدون اي شي معاه مثل سلطة او غيره)

الاحد:
الغداء: ربع دجاج مشوي
العشاء: علبة روب خالي الدسم (بدون اي شي معاه مثل سلطة او غيره)

الاثنين:
الغداء: مشوي خالي (بدون اي شي معاه مثل سلطة او غيره)
العشاء: خضار مسلوقة

الثلاثاء:
الغداء: 2 بيض مسلوق
العشاء: علبة روب خالي الدسم + بيضة مسلوقة

الاربعاء:
الغداء: 10 حبات ربيان مشوي
العشاء: علبة روب خالي الدسم + صحن خضار مسلوق

الخميس:
الغداء: ربع دجاج مشوي + 1 برتقال
العشاء: 2 حبة فاكهة

الجمعة:
الغداء: Free
العشاء: 2 حبة فاكهة

​

 

[حبيبي أحمد]

ماشاءالله الله يوفقج حبيبتي
بس اشكثر باقيلج وتوصلين الوزن إلي تبينه؟؟؟
بسألج الأسبوع الثاني أو اي أسبوع إذا الصبح ريوقي توست بس شريحه وحدة أو شريحتين ؟
لأني خلصت أسبوع الديتوكس ونزلت 3كيلو الحمدلله وألحين أنا بالأسبوع الثاني ماشيه على رجيماتج

 

[eemee]

موفقه انشالله وعفيه عليج انا موعدي يوم السبت انشالله وبسالج جم صار وزنج بعرف متى يوقف الوزن عن النزول وشكرا

 

[The.Cancerian]

ماشاءالله الله يوفقج حبيبتي
بس اشكثر باقيلج وتوصلين الوزن إلي تبينه؟؟؟
بسألج الأسبوع الثاني أو اي أسبوع إذا الصبح ريوقي توست بس شريحه وحدة أو شريحتين ؟
لأني خلصت أسبوع الديتوكس ونزلت 3كيلو الحمدلله وألحين أنا بالأسبوع الثاني ماشيه على رجيماتج

هلا والله اختي
انا وزني المثالي 55 وانا ابي اوصل 55 ، وزني الحالي 60
بالنسبة للتوست تاكلين بس شريحة وحدة مو شريحتين

موفقه انشالله وعفيه عليج انا موعدي يوم السبت انشالله وبسالج جم صار وزنج بعرف متى يوقف الوزن عن النزول وشكرا

تسلمين حبوبة
صراحة مادري متى يوقف الوزن بس انا حاليا 60 وابي اصير

بشرينا شيصير معاج السبت

:eh_s(8):
55​

 

[Super Natural]

موفقه ان شاء الله .. ما شاء الله عليه خوش دكتور و رجيماته معقوله

 

[eemee]

ثا كانسيرين اكيد يقولكم شبيصير معاي وانشالله اكون ضاعفه

 

[Super Natural]

eemee جم باقيلج علىالوزن المثالي ؟؟
لأن أبي رجيم تثبيت الوزن

 

[eemee]

باقيلي 9 كيلوات تو الناس

 

[Super Natural]

هاانت هاانت
ان شاء الله تنزلينهم بصحه و عافيه

 

[xxx]

مبروك النزول

ومشكورة على النظام

 

[mn.mn]

مشكورة والله يتمم عليج ان شاء الله

شكثر اجمالي النزول بال 9 اسابيع اللي طافوا ؟

 

[The.Cancerian]

بنات
هالاسبوع ما بين فيه وزني لان علي الدورة​

 

[The.Cancerian]

مشكورة والله يتمم عليج ان شاء الله

شكثر اجمالي النزول بال 9 اسابيع اللي طافوا ؟

اجمالي النزول بالعشر اسابيع اللي طافوا 13 كيلو​

 

[عسووولة]

ودى اروح بس مترددة

 

[The.Cancerian]

ودى اروح بس مترددة

ليش ؟
وايد ممتاز الدكتور​

 

[عسووولة]

اخاف ما التزم

 

[حنـــــان]

الضحى مكتوب مرتين يعني تقصدين اكل شييين ؟؟؟