*استبيان بخصوص برامج التلفزيون* الكل يشارك

[بنت الاكابر]

السلام عليكم ورحمة الله وبركاته......




اخواتي كويتيات..... شلونكم ياحلوات .....مثل ماتعرفون القنوات الفضائية.... زادت بشكل كبير...لدرجة الواحد ماعاد يلحق من يمسك الريمونت كنترول يضيع بين هالقنوات......بعض الاحيان اشوف برنامج حلو...بس من كثرة القنوات...اضيع متى شفته وعلى اي قناة؟؟؟......لذلك طرت علي فكرة الموضوع....
ماهي البرامج التلفزيونيه المفضلة لديك..والتي تحرصين على متابعتها؟؟....وعلى أي قناة؟؟؟ ...والتوقيت؟؟؟.
.لاتبخلون علينا بالمشاركة....ولكم منا جزيل الشكر.......

 

[الـــدفـــشـــة]

امممم والله ماكو مااحب غير فنون وام بي سي كلها 1 و2 و4 وماكس

 

[نور 55]

صراحه كنت مدمنة تلفزبون اللحين ولا افتحه حتى برمضان الحمدلله يارب يثبتنى على طاعته

 

[hello.kitty_85]

امممممم وايد احب قنوات ام بي سي 2 و 4 و ماكس واكشن واوقات 3 لوووووووول احب اتابع مسلسلات csi و ncis و lost على اكشن واطالع عاصي والحب المستحيل على ام بي سي 4 واحب افلام ماكس وام بي سي 2 وافلام foxmovies
مشكورة على الموضوع الحلو

 

[قطوه ورديه]

خوووووش موضوع
اي والله صاجه من كثر القنوات انضيع
حبيبتي عندج القنوات الدينيه حلوه مثل
الرساله ومجد و قبل كانو يحطون قناة اسمها سمارت
سوالف تطوير ذات بس مادري اذا موجوده ولالا
وعندج قنوات الافلام الانجليزيه ام بي سي وربعها
ودبي ون للافلام وعندج كراميش وطيور الجنه
الياهل ينجذب لها بعمر الست او سبع شهور
يعني من 6 او 7 اشهور وفوق اليهال ينجذبون لهم
وعندج سبيس تون بعد واطالع وانا احب اطالع نيكي لوديا
بس بصراحه موحلوه حق اليهال لان احسهم يعلمونهم
اشياء سلبيه
وانشالله اذا تذكرت شي ارجعلج

 

[زبــــــــدة]

اطالع كل شي لووووووووول

بس اكثر شي...فنون...الوطن...الراي اتابع المسلسلات...وام بي سي 1-4-ماكس...

 

[غروري ضروري]

الصراحه هالفترة موو وايد ع التلفزيوون
بس من الساعه 9 وطالع اتابع
وماغير عن الـ mbc
الصراحه برامجها تهبل وحتى اخبارها شيقه..

 

[شموع الفرح]

الوطن بنات وبس علشان البنات الكويتيات ملوت الهدوم والحلو مع اني ما احب السخيفه حصه اللوغاني وام بي سي برنامج اوبرا وراشيل والدكاتره اللى على ام بي سي 4 وايد حلو وسما دبي وما خليت شي

 

[كريستال ليدي]

الوطن و الراي احلى فناتين عندي

و اذا ضايق خلقي روتانا سينما

 

[اموله111]

ام بي سي احب برامجها وافلامها
واتابع ام البنات لاني برمضان ماتابعت ولا مسلسل

 

[ورد ابيض]

فوكس موفي وفوكس سيريس وام بي سي 2 وماكس بصراحه 4 ماقمت اطالع مسلاسلاتهم كلها تركية تغثني

 

[كويتية اكيد]

انا ماادري شفيني ماصرت اواطن المسلسلات الرتيكة شفت عاصي جم حلقة ومليت مع انه حلو بس شفت الحلقة الاخيرة التريكي صج مافهمت شي بس عرفت شنو بصير وبرنامج فوضة ولا موضة هم صرت مااطلعه يعني صرت امل من التلفزيون بس برنامج بنات وبس احبه وبعد برنامج مع جويل << اللي كل موسم له اسم خخخخخخخخخ وفي قناة وانا افرفر شفت حاطة برنامج ياريت البنات اذا يعرفونها يقولون لي اهوه برنامج اجنبي كل مرة خلقة وكل حلقة اييبون اثنين يعني يكونون بالثانوية او بالجامعة المهم يدورون امهم او ابوهم صج البرنامج يبجي يعني الحمدالله لعى نعمة الاسلام يعني امهات يحذفون عيالهم ويمشون شهالقلب <<< غلطانة قلتي قصة حياتج بس صج اللي تعرف وين هالقناة تقولي عفية ويسلمووووووووووو

 

[كويتية اكيد]

اهم شي البدلية لووووووووووو المسلسلات الرتيكة يعني التركية خخخخخخ

 

[كويتية اكيد]

امبيه بنات سوري على البدليات خخخخخخخخخخخخخخخخخخ

 

[tolay]

اتابع المسلسل اللي متابعته

احب اطالع كاميرا خفيه

احب قناة الوطن ... ام بي سي ... الراي

 

[fnato0o]

مافي شي معين

بس الي اتابعهم

الساعة 8 ويبقى الحب الراي

9ونص دقات قلب ابوظبي

ومادري الساعه جم اطالع اهل الراية جذي العصاري على ام بي سي

و الساعة 2 فضة قلبها ابيض على البحرين

انشالله ما اقرق واايد :dddds:

 

[إطلالة الربيع]

السلام عليكم
انا اتابع قناة ناشيونال جيوغرافيك ابو ظبي
برامجها وايد حلوة
منها ماقبل الكارثة
من بين براثن الموت
و احلاهم تحقيقات الكوارث الجوية يتكلم هذا
البرنامج عن حوادث سقوط الطائرات
و في برامج واجد حلوة انصحكم لو تتابعون هالقناة

 

[ورد ابيض]

اي تذكرت بعد احب اي قناة تعرض عن الحيوانات وعالم البحار ومن هالسوالف

 

[وردة الهوى]

انا من 9 وفوق اطالع الام بي سي وبس

 

[Strawberry Shortcake]

والله التي في هالايام صااير ممل .. مليون قناه وماكو شي سنع انطالعه !!
أذبحوناا بهالمسلسلات التركيه كل ما احط قناه أطلعوو لوول ..
وانا اكثر شي احب اتابع فنون & الوطن وبث