استبيان مخصص لمعلمات الرياض أطفال

[معلمة روضه]

السلام عليكم ورحمة الله وبركاته

اشلونكم ابلات الروضه

اتمنى انكم بخير

حبايبي بدش بالموضوع


اتمنى من معلمات الرياض اطفال بالكويت فقط يشاركون في هذا الاستبيان وجزاكم الله كل خير

موضوع الاستبيان هو كالتالي

أولا احنا نعرف ان الجهات اللي تشرف على عملنا هي :
المشرفه الفنية
مديرة الروضة
والموجهه الفنيه

يعني ثلاث جهات للإشراف

شنو رايكم في اشرافهم عليكم من الناحية المهنيه يعني المشرف المفروض ان دوره يكون فني لمساعدة المعلم للإرتقاء بالعملية التعليمية

فالمديرة المفروض تذلل المصاعب على المعلمه ويكون تعاملها راقي مع المعلمه وتخليها تشارك بالدورات التدريبيه اللي تشوف انها راح تفيدها وتذلل له الصعوبات وتجهز لها الفصل والمواد اللي تحتاج لها للتدريس م

نفس الشي بالنسبه حق المشرفه الفنيه يفترض انها تقدم دروس نموذجيه لج واهيا اللي تقدمها لج مو أو انها تكلف المعلمه القديره انها تعمل درس من تخطيط المشرفه الفنيه علشان تخلي المعلمات يطلعون على افكار جديده وايضا تسهل عمل المعلمة من حيث معرفة النوافص والعقبات اللي تواجهها المعلمه وتذلل عالصعوبات وتحاول تخلي الوظائف المساعده في خدمة المعلمة يعني مثل امينة المكتبة تجهز اغراض الخبرة علشان لما ترويحن للمكتبه ما تتفاجئين ان ماكو شي للعرض لاقصه ولا فيديو وايضا مشرفة التقنيات تجهز غرفة العروض لج وتساعدج فيها

اما الموجهه الفنيه فالمفروض انها تحاول تشجع الافكار الجديده عند المعلمات وتنقل لكم كل جديد وتحاول تسهل لكم الامور وتحاول تطوير العلم وما تكون شغلتها التفتيش على الزلات والاخطاء والغبار عالادراج....فهموتني حبايبي؟؟

اتمنى من كل وحده تشارك تذكر مدة خدمتها

ورايها الشخصي

وافكارها للتطوير

وبعد ماعليكم امر منطقتها التعليمية

وجزاكم الله كل خير

 

[معلمة روضه]

هيلا هوب

 

[لباس التقوىk]

مشكوره
تم
التصويت

سؤال اشفايده الاستبيان؟ بغير شيء؟

 

[معلمة روضه]

هلا احبكم

مشكوره عالمشاركه ما قصرتي

بالنسبه لفايدة الاستبيان فهو لغرض شخصي عندي (بحث قاعده اشتغل عليه)

ماراح يغير شي بالنسبه لكم

لكنه راح يوضح لي الصورة العام عن رضا معلمة الرياض عن الاشراف

 

[لباس التقوىk]

شكلج مشرفة صح (كشفتج)
راي بصراحة واتمنى ماتزعليين
اغلب المشرفات موقويات نسالهم عن درسنا شنو ممكن احط منبه تهرب ومتعرف وتوهق
المشرفات اكثر شيء يراكضون للناظرة وماياثرون بالتقييم الناظره شتقول والموجهه وراها
اغلب المشرفات فيهم عقد تملك وابراز سلطه وع
اتمنى مااكون ضايقتج

 

[مشمشه_كويتيه]

بالنسبه لي دور المديرة مهم بس علي الاقل تدخل مرتين بالسنه مو اكثر بس اللي ظعيف مستواها تدخل اكثر علشان تعطيها فرصه اما دور المشرفه حلو بالبدايه تسوي دروس نموذجيه للمعلمات اعجبتني الفكره _03BA:وايد بدال ماتصحح اخطاء المعلمه شفوي ليش مايكون عملي افضل واحسن وبالنسبه للموجهه مالها اي داعي بالدخول المفروض ينحصر عملها بطرح المستجدات علي المشرفات والمشرفات ينقلونة لنا عملي واحب ازيد علي اللي قلتيه اتمني يوفرون معلمة للحركيه والمرسم عندي حتي الياهل:gathering: يغير نفس الابله مجابلته من الصبح والاستفاده تكون اكبر:tek:

 

[أبوي تاج راسي]

انا صوت بنعم لان والله السنه هذي كانت احسن من السنين اللي قبلها بالنسبة لي من ناحية التوجية والادارة ومشرفاتي الفنيات.
وشكرا

 

[ضحـاوي]

ان شاء الله ابلات الروضه ما يقصرون

وبالتوفيق

 

[عهود الحب]

انا صوت بـ لا
لأن المشرفة الفنية تركض ورى مصلحتها وترقيتها
بالسابق مروا علي مشرفات مافي منهم
بس مستوى الاشراف حاليا ً كل ماله للأسوء

شكرا أختي خوش استبيان بس لو مخليه فيه بنود بتوصلين لفكرتج بشكل أفضل

 

[انفاسي]

السلام عليكم اشلون عرفتى اني مدرسة روضة بالنسبه للاستبيان انا اشوف ان هالدورات اليتنعرض ماتنفع لو يعطون المشرفات تاهيليه عن كيفية التعامل مع المعلمه وكسبهامو بس اصدار الاوامر لا وااذا ناقشت مجرد نقاش اتتصير غير متعاونه مسوفه كل صفه شينه تنحط فيها والناظره تدري وتاخذ منها موقف كل هذا محد سألها ليش رفضت حتى لو كانت شغيله وقديمه انا اقول ان الفضاوه الي فيها المشرفات هي السبب لو يشتغلون نفس مشرفات المراحل الثانيه وينسحك وجهم بالكرف ويشيلون حصص جان حسو بالي تحسفيه المعلمه وانا اقول لازم يكون نصاب لدخلة المشرفه يعني مثلا اربع مرات في الكورس مو على كيفها اتنوم ناس وتكرف ناس واتنحشهم من غير حسيب لو بتكلم مارح اخلص حدي مقهوره

 

[روحـ روحه]

انا صوت الى حد ما لان من رايي يكفي المشرفه فقط تعمل لنا دخوول موكل من هب ودب يعني المشرفه اهي اللي تحتك فينا اكثر من التوجيه والمديره فاهي بتكون عندها الفكره عن اداء المعلمه اكثر من التوجيه والمديره فاتوقع كفايه دخوول المشرفه ودخوول معقوول موجنها مباحث

 

[ArEEj]

دور المشرفه اذا كان يتعلق بتوجيه المعلمه والرفع من المستوى التعليمى
ما فيه عليها كلام

المشكله اذا كانت مشغوله طول السنه بالاعداد للندوات والمعارض وتشغل المعلمات معاها
طول السنه يصير الجهد مضاعف ويتشتت تفكير المعلمه
بين الاعداد لصفها وحلقاتها
ولا بين الندوات والمعارض اللى ما منها اي فايده

 

[ام مسااعد]

انا من رايي انه المشرفة فعلا تسوي لنا درس من خلال الاخطاء الشائعه من المعلمات طبعا بعد تدخل علينا وتسجل عيوبنا

اما الناظرة والموجهه احس ماله داعي دخولهم علينا بالسنة كللللللللللش!!

وانا صوت لا...

والله معلمة الروضة احسن وظيفة اذا اكتملت من النواحي التالية::

1/ تجهيز الفصول من اثاث ومستلزمات الشرح
2/ توفير ميزانية متجددة حسب الخبرات او توفير المتطلبات

3/ توفير معلمة تربية حركية متخصصة لهالمادة عشان ماتكون هناك صعوبات وتعب وجهد اكبر على المعلمة لأنه يكفيها صراحة مناوبة صباحية ومناوبة فرصة ومطعم ةحلقة واركان ولاصفي متعدد النشاطات يعني بصريح العبارة استهلكت !!

احنا مانقول شيلوا عنا كل شي وريحونا بس خففوا علينا من هالاصفي ومن تكتكت الفلوس!!

يعني بالله متوظفين عشان نصرف ع التربية !!

 

[miamy]

انا صوت نعم

ولي رجعه

موضوعج يبيله تفكييييييييييييير

 

[QUMAR]

أنا صار لي 7 سنين معلمة روضه
وتصويتي كان الي حد ما
لان المشكله بربعنا تغلب عليهم المصالح مثل ما قالت الاخت اذا انتي رفيجتها تريحج وما تدخل وناس تستلمهم دخول
وفيه بعضهم كنت اعرفهم ميح بالمره حتي ما تييب تطبيقات للفنيه ويوم صارت مشرفه علينا ذبحتنا تييج تتختل يعني تبي تجكنا لووووووووووووووووول مو كلن يري الناس بعين طبعه
أما بالنسبه لرأيي الشخصي اتمني يشيلون دخلة المشرفات والموجهات علي المعلمات لووووووووول عشان تطلع لهم قرون
ياريت والله وكل وحده تصير جسيبة نفسها
والله يكون بعونج وموفقه حبوبه

 

[خرابيط]

لالالالالالالالالالالالالالا وألف لا لو علي مااااااااااااااااااااااافي اشراف الناظره كافي لأن المشرفه والله تلعب بالأعصاب حتى لو كنت مزهبه درس ما في منه لاااااااااااازم اتفنتق والله بعض المرات تقول شي غلط واتكابر ما ترضى انصلحلها المعلومه يعني لالالالالالالالالالالالالا وألف لا مع احترامي للحلوين اللي قالو نعع

 

[((الجوري))]

لاااااااااااااااااا طبعاا..

اناا صج للحين مادرست بس توني مخلصه عملي . بس صج لاعت جبدي من الروضه وخاصة المشرفه اللي حاطه دوبها بدوبي وكل يوم داشه علي وما يعجبهااا شي مع ان الناظره وايد حبوبه ... بس ما اقول الا الحمدالله اني افتكتيت من هالروضه ..

 

[عالي مستواها]

والله تبين الصراحة المسألة نسبية .. على حسب كل وحده والإدرة الروضة اللي هي فيها

بس بشكل عام محد راضي لانه للاسف الوظائف الإشرافيه عندنا " للتصيد " مو للإرتقاء بآداء المعلم

حتى لما ت الموجهة خبه وحالتنا حالة وهي تدري بقرارة نفسها عشانها هي بس مو كل يوم يكون مستوى الدرس جذي .. ودورهم من ناحية " مساعدة " المعلمة معدوم جدًا .. شتساعدنا فيه بالله بالعكس إذا سألتيها عن خطة سير درس أو منبه تبيج انتي تبدعين وتطلعين افكار مادري شفايدتها هي .. بس تقيم وتنتقد


ومشكورة على الانفايت حبيبة قلبي :tek: خليتينا نفضفض شوي .. طلعوا اللي بقلبكم بنات ههههههههههههههههههههه

 

[rr202rr]

بصراحه انا اشوف دخول المشرفه على المعلمات ماله داعي يعني مره وحده بالشهر يكفي علشان تساعدها بالناحيه الفنيه بس مو للنقد
وترى بكثرة دخولها تسوي ضغط على الابله
يعني شسالفه احنا المرحله الوحيده اللي يدشون علينا 3 فوقنا بهالكثر غير الوكيله في روضتنا تدش علينا بعد

 

[nawarie]

السلام عليكم
انا ابله موسيقى بالروضة و حبيت اشاركم الراي انقلكم من اللي شفته لاني عايشه معاكم و حاسه فيكم
احس ان دور المشرفة ماله داعي لانها جنها قاعده اتصيد و شغلها على ناس وناس يعني اتدش على ناس وايد و ناس ماتدري عنهم الا اذا يات الموجهه .
انا من راي ان ينحط لها جدول يعني تدرس بس نصابها شويه يعني فتره باليوم منها تنقل افكارها . و جدول دخول على المدرسات يتوزع مع الجدول الاساسي من اول السنه يعني هذا الصف له دخول هالفترة في هاليوم على عشان الكل يحسب احسابه و يصير عدل بالسالفه اشوي
وبعدين كل وحده و ضميرها تشتغل اتحلل معاشها و لا بتنام ابصفها
ادري طولت بس ماحبيت ارد طلبج وفي بعض ويمكن اغلب مدرسات الروضة يسون الف مشرفة و موجهه مديرة من كل النواحي يعطيكم الف عافيه