استبيان مخصص لمعلمات الرياض أطفال

[Om-FahooDy]

بصراحه انا صووت لااا
صارلي سنه و نص
و ما شفت منهم شي يفرح او شي يشجع
بالعكس كرهوني بالتدريس و بالروضة
كله متذمرين و كله مو عاجبهم
و لما نقولهم نبي دورات ما نلقى شي
و غير هذا الدروس النموذجيه للاسف يطلعون لها اللي يبونه
مع ان المعلمات الجدد اولى
و خصوصا اذا كان تخصصي علوم اجتماعيه علم نفس
يعني مو تربيه و لا رياض اطفال !

انا بمنطقة حولي التعليميه
و بالتوفيق انشالله بالبحث

 

[abla^nono]

السلام عليكم استبياند كدرني وذكرني بالروضة والدخول وبصراااااااااحة انغثيت

انا اقول دخول المشرفة اللي جنها تدور الزلة عشان تترس الدفتر جدام الموجهة اهيا ويا الناظرة ماله أي داااعي وبصراحة على ناس وناس

والله يا بنات شوف عيني شفت تقييم وحدة من المعلمات الناظرة داخلة عليها وعلى كل شي حاطتلها امتياز ليش انها تحبها و هذي بالذات ما تدري وين الله قاطها وشفت تقييم وحدة ثامية ماشالله عليها انا حاضرتلها درس نموذجي اهي مميزة بس ظلمتها بالتقييم

ماعلينا منها الله يسامحها بذمتها
اللي انا ابي اقوله دور المشرفة مهم لأن أهي اكثر وحدة تحتك بالمعلمة بس مانبيها 24 ساعة فوق راسنا نبي حرية نبي نتنفس يعني كافي طول اليوم ما نرتاح من المناوبات والجدول الغلط هالمرة تحاسبونا على اتفه شي

انا كل ما دشت المشرفة تقلي ليش ماسويتي جذي ويا ريتج تسوين جذي انزين انتي قيمي درسي على اللي شفتيه مو على اللي تتمنين تشوفينه انا ادري بمسوى اطفالي واعرف شلون اجذبهم اكثر منج يمكن اللي تبينه ما ينفع معاهم ؟

اهم شي اني حققت الاهداف والاطفال تعلموا واستفادوا خلاص ماله داعي السلبيات اللي تكتبينها

والموجه نفس الشي على حسب المزاج شنو مستانسة درسج حلو معصبة لو شتسوين ما يعجبها

احنا مظلوميييييييين من بد كل المراحل الثانية والله

 

[معلمة روضه]

شكلج مشرفة صح (كشفتج)
راي بصراحة واتمنى ماتزعليين
اغلب المشرفات موقويات نسالهم عن درسنا شنو ممكن احط منبه تهرب ومتعرف وتوهق
المشرفات اكثر شيء يراكضون للناظرة وماياثرون بالتقييم الناظره شتقول والموجهه وراها
اغلب المشرفات فيهم عقد تملك وابراز سلطه وع
اتمنى مااكون ضايقتج

بعد عمري احبكم

لا والله حبيبتي مو مشرفة انا وين والاشراف وين يا حظي
انا بعدني هالسنه ان شاء الله يصير لي 8 سنين
انتم عبارة عن عينة استطلاعية لرسالتي للماجستير بعد عمري ادعي لي ان الله يسهلها لي

معاج حق باللي قليته عن المشرفات واشكثر صارت لي وساعات تقول لج الشي ولما تطبقينه تقول لج لأ انا ما قلت لج!!!

 

[معلمة روضه]

بالنسبه لي دور المديرة مهم بس علي الاقل تدخل مرتين بالسنه مو اكثر بس اللي ظعيف مستواها تدخل اكثر علشان تعطيها فرصه اما دور المشرفه حلو بالبدايه تسوي دروس نموذجيه للمعلمات اعجبتني الفكره _03BA:وايد بدال ماتصحح اخطاء المعلمه شفوي ليش مايكون عملي افضل واحسن وبالنسبه للموجهه مالها اي داعي بالدخول المفروض ينحصر عملها بطرح المستجدات علي المشرفات والمشرفات ينقلونة لنا عملي واحب ازيد علي اللي قلتيه اتمني يوفرون معلمة للحركيه والمرسم عندي حتي الياهل:gathering: يغير نفس الابله مجابلته من الصبح والاستفاده تكون اكبر:tek:

حبيبتي مشمشه انتم جم مره تدخل عليكم المديرة؟؟

انا اللي اعرفه مرة بالكورس!

بالنسبه لكلامج عن الموجهات....معاج حق وهذا هو المفروض من اللي قاعده اطلع عليه وبالاخص تجارب امريكا الموجهه مالها دور وزيارتها تكون بدعوه من المديرة للإطلاع على الشغلات اليديدة اللي فيها تطوير للعملية التعليمية

يعني إذا معلمة مبتكره منهج او خبرة مفيدة تزورها الموجهه لتقييم المنهج جذي...علشان يساعدون المعلمه عالابتكار مو انهم يشتغلون مراقبه

بالنسبه لمعلمة الحركية ان اللي سمعته انه اللي فوق الموجهه الاولي هيفاء الغانم رافضين لأن مسمى المعلمة في رياض الاطفال (مواد عامة) بالتالي تقدر تقدم هالفتره!! طالعي العياره انزين إذا جذي اشمعنا الموسيقى ؟؟

تدرين انا قدمت مقترح بأن المكتبة تقدمها أمينة المكتبه,,,لأنها اكثر وحده تدري عن الاغراض بالمكتبه وتقدر تفيد الاطفال بأنها تحط لهم مسجلات وهيدفون أو فيديو او حتى تقص لهم قصه,,,,عالاقل العمل يكون منظم ويعطي فرصه للمعلمه انها تتنفس
والله بالرياض الخاصه انا رحت لهم زيارة بناء على طلب دكتوري عندهم 6معلمات للفصل وهم كالتالي (ابلتين للصف وابلة موسيقى وابلة فنية وابلة حركية وابلة انجليزي)
نفس الشي من ضمن مقترحي تعديل عمل مشرفة التقنيات والزامها بفترة تقديم العروض الضوئية وتجهيز اغراض القصه للمعلمات
ومجهزات الاغذية يلتزمون بتجهيز المطبخ(اللي قالو انه خلاص مافي يا ابلات مطبخ وطلع حبر على ورق)ويقومون هالمجهزات بإعداد جدول غذائي للوجبات الخفيفة بهالفترة وتكون فيها فكرة هادفة او قصه للفائدة الغذائية للوجبة الخفيفه,,,يعني اذا تفاح وبسكوت ياكولنها بالمطبخ بدال ما نقعد نطبخ لهم ونسوي لهم اكل اغلبه يبربسون فيه اليهال ولا ياكلونه.

 

[معلمة روضه]

انا صوت بنعم لان والله السنه هذي كانت احسن من السنين اللي قبلها بالنسبة لي من ناحية التوجية والادارة ومشرفاتي الفنيات.
وشكرا

الحمدلله وعسى الله دوم يارب

لكن انا سؤالي بشكل عام هل انتي راضيه عن أدائهم؟
وهل تحسين في فايدة منهم ولا بس شغلهم مراقبتج؟

 

[معلمة روضه]

انا صوت بـ لا
لأن المشرفة الفنية تركض ورى مصلحتها وترقيتها
بالسابق مروا علي مشرفات مافي منهم
بس مستوى الاشراف حاليا ً كل ماله للأسوء

شكرا أختي خوش استبيان بس لو مخليه فيه بنود بتوصلين لفكرتج بشكل أفضل

الشكر لج يا عهود عالمشاركه ما تقصرين

وحسافه ما عرفت اشلون اخليه على بنود

طيب حبيبتي انتي جم سنه صار لج وبأي منطقه تعليمية؟

يقولون اللي صار لهم فترة قصيرة بالتدريس يكون التذمر عندهم اكبر من اللي القديمات وهذا الكلام مو من عندي بس اللي اطلعت عليه من دراسات تقول جذي!!

انا اعتبر قديمة وصراحه لحد الحين باطين جبدي

 

[معلمة روضه]

السلام عليكم اشلون عرفتى اني مدرسة روضة بالنسبه للاستبيان انا اشوف ان هالدورات اليتنعرض ماتنفع لو يعطون المشرفات تاهيليه عن كيفية التعامل مع المعلمه وكسبهامو بس اصدار الاوامر لا وااذا ناقشت مجرد نقاش اتتصير غير متعاونه مسوفه كل صفه شينه تنحط فيها والناظره تدري وتاخذ منها موقف كل هذا محد سألها ليش رفضت حتى لو كانت شغيله وقديمه انا اقول ان الفضاوه الي فيها المشرفات هي السبب لو يشتغلون نفس مشرفات المراحل الثانيه وينسحك وجهم بالكرف ويشيلون حصص جان حسو بالي تحسفيه المعلمه وانا اقول لازم يكون نصاب لدخلة المشرفه يعني مثلا اربع مرات في الكورس مو على كيفها اتنوم ناس وتكرف ناس واتنحشهم من غير حسيب لو بتكلم مارح اخلص حدي مقهوره

وعليكم السلام ورحمة الله وبركاته

هلا انفاسي ما عاش اللي يقهرج بعد عمري

الله يسلمج عرفت من موضوع عدد معلمات رياض الاطفال بالمنتدى:dddds:

فضيحه

معاج حق بالنسبه للدورات
ترى المشرفه الفنيه لما تترشح للعمل كمشرفه تكون مثل (خذوه فغلوه) وإذا عطوها دوره الله لا يوريج مالها شغل بصميم عملها اصلن حتى الية الترقي غلط في غلط
وبالنسبه للتعاون...انا ناظرتي بصريح العبارة قالت لي لما ما دفعت حق مدرج التخرج (اللي تأجير) ترى هذا يحسب لج في بند التعاون يا ابله؟؟؟؟ شكووووووووووو دفعت فلوسي صارت تعاون؟؟؟:eh_s(14):

بس الصج معاج حق المشرفة والموجهه وحتى المديرة لازم يكون عندهم اسلوب وذرابه بالاصح اسلوب في الاتصال الناجح مع المعلمات علشان المعلمات بالمقابل يشيلونهم بعيونهم

 

[معلمة روضه]

ان شاء الله ابلات الروضه ما يقصرون

وبالتوفيق

بعد عمري ضحاوي

ما قصرتي والله

جزاك الله عني كل خير

 

[أتوش حياتي]

هلا حبيبتي .
شكرا للأهتمام ، للتواصل الراقي بينا كمعلمات .
أولا : صوتي كان : الي حد ما لأن بصرااحه موجهتي و مشرفاتنا بالروضة عسل بصراحه معلومات اداريه و أمور تطوير ذات للمعلمة فنية ممتازة ، و الحث علي تحمل الأمور و الضغوط بالعمل بيض الله وجيهم . أحس المفروض تكوون الدرجات الأكبر بيد المشرفات الفنيات مو الموجهة و المديرة اللي تدخل بس مرتين و تقيم شغل و أفكار مالت أسابيع خبرات متنوعه مع الأطفال . و الموجهة يأتي دورها التقييم العام علي العمل و النظر بتوجيهات المشرفه هل تم تلافيها من قبل المعلمة أو لأ . و الناظره يكون لها دور بسيط في وضع الدجاات فهي مو محتكه فينا مثل المشرفة .
ثانيا : ناظرتي الله يهداها تدخل للسوالف و النقد اللي ماله أساس مثل احسن لو سويتي جذي تبي اللي بالها القديم تبي الصناديق و السوالف القديمه و الا اللي تسوينه سلبيه .
ثالثا : أنا بمنطقة العاصمة و خبرتي أربع سنوات ( مستمتعه ) اعمل لأرضي ربي اولا و ثانيا لأرضاء ذاتي و للنهوض بمستوي عيالنا اكثر . ملييت كثر ما اسمع شنو تعلمونهم بالروضة غير الأغاني .
اسفه للأطاله و لكن تبقي وجهة نظر شخصيه .

 

[أمونه الأموره 2007]

تم التصويت وكان ودي اكتب رايي بالموضوع بس حدي مستعجله

 

[^ليلاس^]

انا مشرفتي كرهتني بالتدريس خلتني افكر جديا اني اطلع من التدريس

لا علمتني ولا شي ولاهيه بالدروس النموذجيه والخرابيط وفي ابلات تعيين يديد نفس يعلمتهم وكل شي وانا طاف

اشوه اني انتقلت وافتكيت

 

[@@@ام حمووودي@@@]

بالنسبه لرأي الشخصي أحس المشرفة ضروريه ومهمه بالروضة وهي حلقة وصل بينا وبين الموجهه لان الموجهه متى نشوفها ؟؟ بين وبين ؟؟؟والمشرفات اقصد الشاطرات الفاهمات اهما اللي ييمشون الروضه ويسوووون تخطيط نموذجي للدروس النموذجيه للمدرسات ويساعدون الابلات اذا احتاجو اي شي ...

 

[معلمة روضه]

انا صوت الى حد ما لان من رايي يكفي المشرفه فقط تعمل لنا دخوول موكل من هب ودب يعني المشرفه اهي اللي تحتك فينا اكثر من التوجيه والمديره فاهي بتكون عندها الفكره عن اداء المعلمه اكثر من التوجيه والمديره فاتوقع كفايه دخوول المشرفه ودخوول معقوول موجنها مباحث

بعد عمري المباحث الفيدراليه...اسمج يخرع ذكرتيني بالبعبع اللي نتكلم عنه عرفيته :dddds:

معاج حق بس لوفرضنا ان علاقتج بالمشرفه مو زينه ونوعيتها اللي تشيل بقلبها وحقود برايج اشلون راح يكون تقييمج؟؟

ساعات المشرفه إذا كنت يديدة تستغل المعلمات بشغلها يعني مثل لوحة الخبرة احنا ندري ان هذي من صميم شغل المشرفه فلو كانت عندها سلطه اكبر على المعلمة فاراح تخلي المعلمه اهي اللي تعمل شغل المشرفه واللي ما تسوي يا ويلها يا سواد ليلها!_03BA:

رايج لازال يهمني حبيبتي باللي قلته وحبيت اعرف اي منطقة تعليمية وسنوات خبرتج بعد عمري إذا مافي مانع وجزاك الله خير.

 

[معلمة روضه]

دور المشرفه اذا كان يتعلق بتوجيه المعلمه والرفع من المستوى التعليمى
ما فيه عليها كلام

المشكله اذا كانت مشغوله طول السنه بالاعداد للندوات والمعارض وتشغل المعلمات معاها
طول السنه يصير الجهد مضاعف ويتشتت تفكير المعلمه
بين الاعداد لصفها وحلقاتها
ولا بين الندوات والمعارض اللى ما منها اي فايده

هلا اريج

اي المشرفة اساسا هذا دورها (الرفع من المستوى التعليمي ومتابعة اداء المعلمات لتوجيههم بأفضل الطرق)

لكن المشكله ان البعض ما عندهم فكره بالموضوع وتقلد اللي عاصرتهم من قبل (اعراض دراكولا) والبعض تتعامل بمبدأ القوه لن اساسا شخصيتها ضعفيه وما تقدر تسيطر بالتالي تتبع هالدور المنفر

والتوجيه ما يقصر بعد يقط شغله على هالفقيره لأن التوجيه مزحومين بعدد كبير من المعلمات وغير الشغل اللي فوق راسهم والفرفره بالشوارع والندوات فتضطر انها تشرك معاها المشرفة الفنيه وتلاقين ان المشرفه تستانس لأن تعتبر هالشي فرصه لها للظهور وابراز نفسها كشكل من غير محتوى!!!
عاد شتسوي المشرفه المحتسه بشغل الروضه؟؟؟ تقط شغلها على المعلمه الفقيره المحتاسه بصفها ونلاقي كل واحد قاط شغله عالثاني والمعلمه تسوي شغل السكرتاريه وشغل الناظره لن محد يعرف الكمبيوتر إلا المعلمه اللي ماخذه icdl يا حافظ ماكو بهالبلد إلا هالولد؟؟؟ اشدعوه السكرتاريه ما يعرفون؟؟طالعي الدلع اللي عالاخر شغلهم وما يعرفون يطبعون؟؟؟؟؟؟؟؟؟واااااي يبطون الجبد المصيبه حتى سكرتاريه التوجيه ما يعرفون يطبعون!!!

اخ بس لو كل واحد يقوم بشغله

 

[معلمة روضه]

انا من رايي انه المشرفة فعلا تسوي لنا درس من خلال الاخطاء الشائعه من المعلمات طبعا بعد تدخل علينا وتسجل عيوبنا

اما الناظرة والموجهه احس ماله داعي دخولهم علينا بالسنة كللللللللللش!!

وانا صوت لا...

والله معلمة الروضة احسن وظيفة اذا اكتملت من النواحي التالية::

1/ تجهيز الفصول من اثاث ومستلزمات الشرح
2/ توفير ميزانية متجددة حسب الخبرات او توفير المتطلبات

3/ توفير معلمة تربية حركية متخصصة لهالمادة عشان ماتكون هناك صعوبات وتعب وجهد اكبر على المعلمة لأنه يكفيها صراحة مناوبة صباحية ومناوبة فرصة ومطعم ةحلقة واركان ولاصفي متعدد النشاطات يعني بصريح العبارة استهلكت !!

احنا مانقول شيلوا عنا كل شي وريحونا بس خففوا علينا من هالاصفي ومن تكتكت الفلوس!!

يعني بالله متوظفين عشان نصرف ع التربية !!

حياج الله ام مساعد

بعد عمري صاجه والله انا احب مهنتي وامووت عليها وهذا السبب اللي يخليني اصرف عليها بس عاد ساعات الوحده تنغث ليش محد ياخذ براينا ليش التوجيه كل السنع عنده واحنا كاننا ما نعرف شي؟؟؟
احنا اصلن نظام المناطق التعليمية عندنا لامركزي يعني كل توجيه عام يشتغل على حسب المتوفر عنده !!! بالله عليج الكويت اشكبرها علشان يصير عندنا هالشي؟؟؟ هالشي حجه علينا مو لنا
مع ان والله هيفاء الغانم عسسسسسسسسسسسسسسسسل لو تدرون شتسوي بالموجهات والمشرفات علشان عيون الابلات بس هم البعض من هالموجهات الاوائل بالمناطق لهم تجارب سيئه بالمعلمات بالتالي تحكم عليهم انهم كلهم نفس الشي!!


وبالنسبه ان المشرفه تعلم الدرس فحبيبتي اساسا هالشغله من اساسيات شغلة المشرفة الفنيه يعني هالاسلوب يتعبر اسلوب اشرافي مثل لما تقولين اسلوب تدريس هالشغله نسميها اسلوب اشراف بس احنا للاسف اغلب المشرفات يتبعون اسلوب الزيارات الصفيه كأسلوب اشرافي ومحد ينتقدهم!!! واحنا اذا قدمنا نفس الاسلوب بالتدريس ينتقدونا ويحطون عذاريب الدنيا

تخيلي ام مساعد الاساليب الاشرافيه متنوعه فوق 8 اساليب منها النشرات التربوية والندوات والزيارات الصفيه والدروس النموذجيه والقراءات الموجهه والتعليم المصغر والمداولات الاشرافيه والمؤتمرات وغيره الكثير وللأسف احنا ينحصر اكثر شي مع المشرفه الفنيه بالزيارات الصفيه للمراقبة!!

 

[معلمة روضه]

انا صوت نعم

ولي رجعه

موضوعج يبيله تفكييييييييييييير

بنتظارج حبيبتي

وبنتظار بقية المعلومات عن سنوات الخبرة والمنطقة التعليمية

 

[قهوه وشاهي]

انا صوت بـ لا
لأن المشرفة الفنية تركض ورى مصلحتها وترقيتها
بالسابق مروا علي مشرفات مافي منهم
بس مستوى الاشراف حاليا ً كل ماله للأسوء

شكرا أختي خوش استبيان بس لو مخليه فيه بنود بتوصلين لفكرتج بشكل أفضل

أأيد بشده كلام أختي عهود يسلم تمك على قولت اخوانا السورين

واضيف

مجتمعنا النسوي البغييييييييض يجعل من الحكمه

والعدل أنا ان الجهات اللي تشرف على عملنا

رجال لأن كلامج المنمق الحلو يامعلمه عن المشرفه والمديره

والموجهه موواقعي ولاصحيح هم شاطرين بأشعال

الفتن بين المدرسات وفرق تسد والدليل أكثر مشاكل

بالكره الأرضيه بالرياض وكل ناظره تحمل هدف واحد

موالأرتقاء بالحركه التعليميه وتشجيع المعلمه لا لا

هدفها حطي حيلهم بينهم ينشغلون بعمرهم لاينشغلون فينج

ويسدرون راسج وهدفهم الثاني احباااااااط المعلمه وتكسير مجاديفها

لاحطوووو على وحده الله لايواريكم استغفر الله مافي تعامل انساني كلش

والموجهه تدخل للاستماع للحش وماخذه صوره كامله عن المعلمه من حضره

السوسه المشرفه فلا تهتم لأداء المعلمه ولا أمكاناتها بس تسمعينهون

ود ود ود بأذن بعض مويم درسج وبالنهايه يغسلون شراعها اذا المشرفه

موداخله مزاجها _03BA:

ويوصلونها السماااااااااااااااااااااا اذا المشرفه والناظره داخلهم مزاجهم

اتمنى يلغووووووووون دورهم التراجيدي ويفكونا منهم ويحطون

موجهه رجل وبس

هذي حالتنا باختصااار :0bee2e8d89:

 

[معلمة روضه]

::

أنا صار لي 7 سنين معلمة روضه
وتصويتي كان الي حد ما
لان المشكله بربعنا تغلب عليهم المصالح مثل ما قالت الاخت اذا انتي رفيجتها تريحج وما تدخل وناس تستلمهم دخول
وفيه بعضهم كنت اعرفهم ميح بالمره حتي ما تييب تطبيقات للفنيه ويوم صارت مشرفه علينا ذبحتنا تييج تتختل يعني تبي تجكنا لووووووووووووووووول مو كلن يري الناس بعين طبعه
أما بالنسبه لرأيي الشخصي اتمني يشيلون دخلة المشرفات والموجهات علي المعلمات لووووووووول عشان تطلع لهم قرون
ياريت والله وكل وحده تصير جسيبة نفسها
والله يكون بعونج وموفقه حبوبه

هلا قمر

الظاهر انتي دفعتي:dddds:

ياريت والله التقي في بنات الجامعة ببحر النت الوسيع :ada:

قمر حبيبتي مو دايم ترى المصالح تطغى لكن ساعات ان حبتك عيني ماضامك الدهر
سبحان الله ارزاق
وساعات توافيق لا إله إلا الله تخيلي انا اعرف ان المشرفه بتدخل على رفيجتي أو لأ سبحان الله كاني اشم ريحتها ...حشى كلب بوليسي مو ابلة روضه

ساعات رفيجتي اللي معاي بالصف تتخرع مني والله العظيم يا قمر ان اللي معاي ما تزهب شي حق حلقتها لن بايعتها وانا من احس ان المشرفه بتدخل عليها تلاقيني اجهز لها شغلها من حبي لها وتطالعني تقول لي فلانه ماله داعي ترى ماراح استعملهم!!!
وبالفعل تدخل المشرفه وتلاقيها بأحسن وضع الحمدلله والشكر اهم شي يابنات عشان الشغل يمشي ان نكون ايد وحده ونتعاون ترى والله من تتكاسل وحده وتستخسر انها تشتغل مع المجموعه يفشل الشغل كله

وانا الحمدلله على الرغم من الحش والاحزاب في روضتي إلا انهم حزت الحزه تلاقينهم متعاونين وكل وحده تطلع الزين عندها ويشتغلون مع بعض

نرجع لموضوع التطبيقات الفنيه....تصدقين ان كلش ما ابلعها سالفة التطبيقات الفنيه!!

انا مو ابلة رسم ولا ابلة اشغال فنية
ولا حتى تقنيات تربوية
انا شغلتي ادرس واحقق اهداف تبوني احققها وفرو لي كل المستلزمات المبنه على الدراسات واللي تقول ان هالشي يحقق الهدف اياام اول كان عندي كراس الطفل ليش ما يحطونه لنا؟؟؟ولا السالفه توفير فلوس؟؟
طيب مادام توفرون ليشما تحطون لنا سجل المهارات اللي اخرته للزباله ومن حساب المعلمه جهداً ووقتاً ومادياً لأن بروضتي احنا نسويه على حسابنا

إذا توفير أوكي عندي مقترح وهو ان المرحلة تكون الزامية وتفرض رسوم ماليه على اولياء الامور علشان يحترمونا الروضه وتكون قيمة هالرسوم بحدود 30 دينار لتوفير مستلزمات الفصل وتتسلم لجهات خاصه...يعني التاظره مالها شغل بهالفلوس:lkmnkl:

وهو فرض رسوم رمزيه على اولياء الامور

 

[انفاسي]

السلام عليكم اختي معلمة الروضه لاتضحكين علي انا عليميه بالنت توني طايحه فيه علموني بناتي وتوهقوا وحضرتج ضربتي على وتر حساس

 

[روعه الاحساس]

تم التصويت