استحقار لشيء اسمه هندي ليش ؟ ؟ ؟ ؟

[صدع القلب]

هذاك أول الاحتقار حق الجناسي الاسيوية

الحين أصحاب الجنسيات اهم اللي يفرضون احترامهم علينا
يعني مثلا في فرق بين الهندي العامل والهندي الدكتور " وأنا ما اقلل من شأن العامل الشغل مو عيب بس هذي الحقيقة " الشخص المتعلم يعرف حقوقه وواجباته ويفرض احترامه على الجميع
والقياس يمشي على جميع الجنسيات " العلم والمنصب يفرق" بغض النظر عن الجنسية

وأنا عن نفسي احترم الجميع ... احترمني احترمك

 

[أطيب بنت]

لأننا فينا عنصرية وللأسف هذا سبب تخلفنا

الله يألف بين قلوب المسلمين :eh_s(2):

اعلامهم شوهم
تذكرين افلام قبل ؟
خراطه
ينط من جبل
ويمكس سيارة بايده
ويكفخ سبعتش واحد
وهو مافيه شي

ويطامرون ويناقزون جنهم مينن

ولدت لنا ان الهنود عباطه وغباء وسذاجه

هذا بالنسبة لما نقول ليش شايفني هندي قدامك


ولما نركب مع تاكسي بالعكس
لان الهندي اولا امين ومايمل من الفراره
ومايسال عكس لما نركب مع جاليه ثانيه
نلاقيهم ملسونين


ومن ناحية الدكتور
لانه مايفهم عربي
ماتقدرين توصلين له شنو تبين !!!!

بس شطار ويعجبوني بس لازم وسيط بينا ههههههه

ههههههههههههههه هذا ايام الثمانيات والتسعينات الافلام جذي

افلامهم الاخيرة اتطورت كثير

عمرة ماكان الافلام تمثل الشعوب

غرور​

الله المستعان

هذا الحجي اول و الحين كل انسان له حقوق مهما كانت جنسيته
مره المخفر اتصلو فيني و قالو تعالي بسرعة و لمن رحت لهم و لا راعي تاكسي بس ما كان هندي بس من جنسية آسيوية ثانية متهوني اني داعمه سيارته و منحاشه و طبعا متبلي علي و انا تبهدلت من مخفر لمخفر و هو قاعد يضحك
خلوني انا الكويتية اتبهدل بالمخافر و الوافد قاعد و لمن طلعت الصجيةو اني مظلومة قالولي رفعي قضية عليه

شوفي الحين الخدم يسوون بلاوي و بالاخير ماكو عقاب رادع لهم

الله يكفينا شر الخدم

حبيبتي انا تكلمت بشكل عام

لاني صديقتي تحكيني عن موقف صار معاها في السوق شاب طلب من راعي البقالة عصير فتح العصير

وصب شوي من العصير على وجة العامل :eh_s(2) ونزل هو يضحك عليه :rgewrg:

تعودنا الله يتوب علينا

الله المستعان

شاكرة مروركم الكريم :eh_s(17):

 

[أطيب بنت]

ياحليلج هذاك اوووووول

روحي لأي صالون او خياط وشوفي شلون الهنديات يلوسنون وتكلمج بنفسيه وأرف

حتى الفلبينيات صايرين معزبات

والله الوافدين محتقرينا بديرتنا يعاملونا بنفسيه ولسانهم شطوله

هني بلندن وايد هنود شوفي شلون يعاملون الخليجيين بأرف واحتقار ونظرات باييخه

وحتى بماليزيا الهنود اللي هناك مايواطنون الخليجيين وشوفي النظرات والمعامله اللي تسد النفس

بس والله سنعناهم اي مطعم الجرسون هندي نتحاشاه واذا نفس علينا عطيناه جم كلمه

اذكر اختي قالت حق الهنديه why you angry!!

no body need to see this face!

مسحت فيها الارض

واقل شي نسوي لهم ارفض انها تخدمني واطلب جرسونه ثانيه

جذي يحترمونا غصبن عليهم!!

تبغين الصدق من خلال تعاملي مع الهنود أغلب الي مرو على في قمة الاحترام

ان كان طبيب او سائق واقولها بالفم المليان أرحم من بعض الجنسيات العربية

يمكن لانه تعاملي كان مع هنود مسلمين

اما هنود ماليزيا ولندن كثير منهم هندوس كفرة يعني وش ترجين منهم:eh_s(10):

لان العرب فيهم مرض النرجسية وحب الذات والتكبر

النرجسية في العرب والعجم
بس نحن مسلمين المفروض
نكون نقتدى بسيد البشر
لايدخل الجنة من كان في قلبة ذرة من الكبر

لو كل واحد فينه يعامل الناس مثل ما يحب انهم يعاملونه جان احنه بخير .. لو نتخيل ان احنه في غربة و ايوونه ناس متعجرفين يبهدلونه يمكن نحس .. خاصة اللي يشتغلون اشغال شااقة و بمبالغ زهيده .. ما نفكر لين ترك اهله؟؟ عشان هالبيزتين؟؟

تصدقين رفجيتي تحكيني عن سواق أهلها

تقولي لما اخواني يعاملوة بسكل سئ

يقول لهم انتو تعاموني جذي وانا لاشفت في بلدي اي خليجي اعاملة مثل معاملتكم


و مسألة (تعالي شوفيهم الحين شلون صايرين) ترى حالهم حال البشر فيهم الزين و الشين!! و انه اللي فهمته من موضوعج الاستخفاف بهم و عدم احترامهم و ليتج موضحته اكثر و بطريقة مباشرة في موضوعج



تسلمين عزيزتي على الطرح و تقلبي مروري :eh_s(17):

وضحت في ردودي

مشكورة حبيتي على مرورك الكريم

غرور وتكبر يمكن وسبب ثاني إن اهلهم مربينهم على احتقار الجنسيات الثانية ^-^

من ناحيتي اسولف مع أي جنسية واحترمهم واقدرهم أيا كانوا اعرفه أو ما أعرفهم


أحب لاخيك ما تحبه لنفسك


والواحد فينا ما يضمن دوام النعم

اللي يحتقرون هالجنسيات يمكن بيوم من الأيام ينذلون عندهم ويترجونهم


والله المستعان

دوام الحال من المحال
جدي يحكي يقول كانت اندونسيا والهند
دول غنية وكانو العرب زمان يروحو يشتغلون عندهم
والحين هم يشتغلون عندنا
صدقتي الي يحتقر هالجنسيات
يمكن يجي زمن ويروح يشتغل عندهم

الحمد لله ماعندي هالشي
مع ان هالشي صاار عادي حتى عن الصغار يقلوون ادبهم ويسبووق السوااويق وما الى ذالك <<متعوب عليها :/

اما مواقف الصغار
مرت على كثيرر
التربية ياختي لها دور كبير

شنقول حبيبتي

خليها على الله


في ناس اصلا ما تعتبر الهنود اوادم بالأساس


غير هالشي حالات وااايد والله واذكرهم من ايام الثانويه
كان معانا بنات محجبات و منقبات بعد ولما


يمر مصلح هندي بساحة المدرسه يمرون جدامه عااااادي وهم بدون حجاب


ولما كانت الأبله تزفهم يقولون ابله (( هذا هندي مؤ ريال )))!!!!!!!!


هذا غير الأهل اللي يخلون عيالهم يطقون الخدامه ويمصخرون السائق

ادري طولت عليكم


بس تصرفات عيالنا تعكس فكر الاسرة والبيت




الله يهديهم






مشكورة حبيبتي على الموضوع










ام يوسف

ذكرتيني بصديقتي
كانت تقول الهندي محرم :eh_s(1):
الله يهدى ماخلق

انا ما استحقر اي انسان حتإ الخدم و الي يشتغلون بالشوارع , ماعندي هذا فقير ما احترمه , هذا لونه اسود ما احترمه , هذا مايتكلم عربي بتطنز عليه , هذا معوق بعيب عليه , الانسان لو كان متخلف احترمه ,,
بدام فيه روح احترمه و ما أأذيه ,

الي يحترمني احترمه , الي ما يحترمني اسوي نفسي مااشوفه ولا اسمعه و اذا تمادا العن خيره ..


الي يستحقرون الناس الي اقل منهم هذيله متخلفين

كلامك درر

شاكرة مرورك غلاتي :eh_s(22):

 

[أطيب بنت]

و الله انا اللي احتقرهم هم الناس اللي يعاملون اي احد بفوقيه سواء هندي او غيره
ما اقدر اتاقلم معاهم اصلا
و اللي متاثرين بالافلام اجل لاحد يزعل اذا الاجانب شافونا ارهابيين ...

كلامك في الصميم

معظم الأفلام الاجنبية تظهر العرب والمسلمين

ناس في قمة الهماجة وارهابين وقذرين كله تشوية فينا

ومع ذلك الامريكي والاروبي مقدس عند الحكومات والشعوب العربية :krkrkr:

ونحترمهم حتي لو كان موظف بسيط مع انة كافر

وشوفي التعامل لباكستاني او هندي او افريقي وهو مسلم وشوفي من بعضنا كيف نحتقرهم

لا تلومونا بنات
الهنود والبنغال والباكستيين وهالجنسيات هذي حقيرة وما تستحي
حسبي الله على كل من دخلهم الديرة
بالشوارع يسوقون وجنهم البهايم وما يردون على أحد جنه الشارع شارع أبوهم وبالمستشفيات ماخذين ومستحلين كككككللللل شييييي!!! ولهم واسطات بعد أكبر منا ويعاملونا احنا عيال البلد بنفسية؟؟؟؟ نعممممم ؟؟؟ البيت بيت أبونا والقوم حاربونا

شوفي الجرايم، الاغتصاب والسرقة ما تيي الا منهم... حتى الكهرب يبوقونها بالمخيمات....................... شلون جذي؟؟؟؟
ولما اروح السوق يقولون ماما شيل اغراض واذا قلت لا يخزني من فوق لي تحت ويظل يلحقني جنه ناوي على شر ومرة صار معاي جذي قلت له لاا ما يبي شيل اغراض وظل يلحقني ويخزني ووقفت وهو ووقف ولما قرب ريلي طبعا الهندي ما شاف ريلي انا هني تجرأت اكثر وقلت اذلف يا وصخ وتم بمكانه ولما يا ريلي زره من حلجه وزفه وهذا ما تشوفين الا غبرته يركض منحاش

وفوق هذا مرة شفت واحد من هالجناسي يتحسس على مؤخرة بنية عمرها 8 كانت بروحها بمحل والمشكلة المحل مليان ناس ويت امها والبنت اشوف ويها منصفق....

لا وفوق هذا البدون الكواولة والسوريين اللي شغالين سرق ونهب ومغازل بالاسواق وسب فينا وحسد!!!!!!!!!!!!!!!!!!!!!!

مو معنى هذا ان الكويتي منزه عن الاغلاط؟؟ لا بالعكس بس هالسوالف مازادت الا عقب الوافدين

عفية شوفوا الزحمة بالشوارع،،، اغلبهم سواويق ينحاشون عن معزبينهم ويشترون سيارة ويوصلون علا كيفهم!!!! وبالشهر مادري جم يطلع وكل من هب ودب منهم فتح له سيارة واحنا عيال الديرة ماكلين تبن بكل شي منهم.

وغير هذا اغلب الخمور المحلية منهم وكل غش منهم وهم اشطر ناس في الخراب والحرام


يعني بديرتنا وخربوا كل شي علينا... لا امن ولا امان ومصايب وتبونا نحبهم وما نستحقرهم؟؟؟؟؟؟؟
الله يزيلهم وياخذهم كلهم

أنا مااتكلم عن هالفئة :eh_s(4): هالفئة الله ياخذها ان كان اسيوين ولاعرب ولا كان وش اصلهم

اتكلم بشكل عام :eh_s(1):

وقفت عالهندي

ماقصرنا حتى اشقائنا بالدول العربيه نستحقرهم

الغطرسة تؤدي الى هلاك صاحبها

وكما تدين تدان ، ولايام بيننا وبينهم


كل الشكر​

مشكرة اختي

صج كل احتار اذا اييوني ناس جذي
يعني تخيلي وحده تمشين وياها بالشارع وطلع شعرها
تقولين لها شعرج طلع اكو هندي مناك لا يشوفج
تقولج يه الا هندي !!!!!!
يعني الهندي مو ريال مو انسان !!

مادري شسالفه الناس مع هالتفكير
:|

كانه مو رجال
الله المستعان

هذاك أول الاحتقار حق الجناسي الاسيوية

الحين أصحاب الجنسيات اهم اللي يفرضون احترامهم علينا
يعني مثلا في فرق بين الهندي العامل والهندي الدكتور " وأنا ما اقلل من شأن العامل الشغل مو عيب بس هذي الحقيقة " الشخص المتعلم يعرف حقوقه وواجباته ويفرض احترامه على الجميع
والقياس يمشي على جميع الجنسيات " العلم والمنصب يفرق" بغض النظر عن الجنسية

وأنا عن نفسي احترم الجميع ... احترمني احترمك

شاكرة مرورك اختي

 

[حبي بيرين]

شايفني هندي النا س تقولهم لانهم يشطحون واجد اما الاستحقار ماادري يمكن لانه هم الهنود الحين يتمادون في كلامهم ويسبون الديره اللي يشتغل فيها بالعكس الحين ماتلقي هندي ساكت ع حقه

 

[الهام 2009]

عامل الناس مثل ما تحب ان تعامل .... تحب انه الناس يحترموك احترمهم بالاول وبعدين اذا لقيتهم نفسية او مغرورين تجنبهم ولكن اننا نخلي انفسنا احسن من كل البشر هذا الله ما يرضاها .. فيه حديث صحيح يقول لا يدخل الجنة من كان في قلبه مثقال ذرة من كبر وشرح الحديث :-
فقد بين حقيقة الكبر النبي صلى الله عليه وسلم في الحديث الذي رواه مسلم وأحمد وغيرهما من حديث عبد الله بن مسعود عن النبي صلى الله عليه وسلم قال: لا يدخل الجنة من كان في قلبه مثقال ذرة من كبر، قال رجل: إن الرجل يحب أن يكون ثوبه حسناً ونعله حسناً، قال النبي صلى الله عليه وسلم: إن الله جميل يحب الجمال، الكبر بطر الحق وغمط الناس.
ومعنى بطر الحق: دفعه وإنكاره ترفعاً وتجبراً.
ومعنى غمط الناس: احتقارهم.
وفي هذا الحديث بيان أن محبة الإنسان أن يكون ثوبه حسناً ومركبه حسناً ونحو ذلك ليس من الكبر ولا من العجب المنهي عنه، قال الإمام الغزالي في الإحياء 3/371: العجب هو استعظام النعمة والركون إليها مع نسيان إضافتها إلى المنعم. انتهى.

 

[Bloom]

لان العرب فيهم مرض النرجسية وحب الذات والتكبر

معاها ومو بس الهندي احنا يالخليجين انحس روحنا احسن ناس فالدنيا واحنا الي مافوقنا فوق واحنا الاصل والفصل وانه العالم يدور حوالينا ! ما ادري متى بنصحى

 

[jode abott]

انا احترم الهنود بس في وافدين في ديرتنا سواء هندي او غيرها يحتقرونا بعد كأننا مؤ عاجبينهم
بس مو كلهم

 

[اسرار70]

الهنود اهما الي ما يخلون واحد يحترمهم ما يبين بعينهم
تمادو كل واحد السانه شطوله تعطيه كلمه يرد عليج بعشره
ترسو الديره البوق والحوادث السيارات منهم
احنا الكويتين قمنا نخاف منهم حتى الوافدين
الكويت صارت لهم صرنا احنا الغرباء
ولدي نكسرت ريله وديته الرازي
الدكتور مصري معصب يكلمني بنفس خايسه
قلت شفيك معصب قال ليش كله تيون بالخفاره تعالو الصبح
مستشفي ابوه
سكت بس علشان يعالج ولدى

 

[اسرار70]

وتري الهنود ما يواطنون الخليجين
والله بامريكا ولندن الهندى يطلعج من فوق لي تحت

 

[قبسات]

التخلف والعنصريه هما السبب
بالعكس الهنود طيبين وذا شفتهم ارتااااح لهم وامينين واهم اكثرناس يتعبون في الشغل يعني يشتغلون شغل ابن البلد مايقجر يشتغله
والله لهنود وجودهم ببلادنا مهم ولانستغني عنهم
بس هذامجتمعنا ,,,,,,

 

[وحده من الحريم]

وانتي وراك تدافعين عن الهندي فيك عرق

خلينا في حالنا والهنود لهم لسان يتكلمون فيه
ماعني من تالي صرت اشوف الهنود طال لسانهم

 

[أطيب بنت]

وانتي وراك تدافعين عن الهندي فيك عرق

خلينا في حالنا والهنود لهم لسان يتكلمون فيه
ماعني من تالي صرت اشوف الهنود طال لسانهم

لا والله حبيبتي انا قبيلية % ومن اشهر القبائل والحمائل:eh_s(22):

بس مااحب استنقاص البشر حسب جنسياتهم خصوصا المسلمين

ماتلوع كبدي الا اذا شفت احترام للامريكي الكافر واحتقار الهندي او الافريقي المسلم

شفت مثل هالنماذج في مجتمعنا:eh_s(14):

 

[بنت العقربيه]

احترم كل الناس واعاملهم بلطف خصوصا العمالة الهندية طيبين ويحبون يساعدون مو كلهم طبعا

فيهم الزين والشين حالنا حالهم والله للاسف ان بعض الناس يشوفونهم اقل مننا ويحتقرونهم مع

الاسلام حرم من تحقير اخواننا المسلمين

 

[ام يارا القمره]

شوفي ياغاليه الناس الي تشوف بالعالي وخاصه مع جنسيات اقل منهم ترى فيه نقص ويشوف نفسه عليهم
الهنود اكثر من خمسه الالف سنه وهم من اذكى البشر بس الفقر وقله يد الحيله ننظرهم بهذا النظره لو شفنا امريكي كحيان ومنتف طالع من ديرته زبال وجاي عندنا نعامله كأنه من اصحاب السمو تدرون ليش لان الديره تعز شعبها كل الدول تعزه حتى لو زبال
لاتنسون ان ادم عليه السلام هبط في الهند بعد عصيانه لربه
وياليت نجي نصف الطبيعه الا عندهم صدق جنه الله على الارض
والنفسيات هم يحطون حرتهم عليهم مايدرون لو راح الهنود وطلعو من الديره تصير مزبله ووساخه شوفوا العماله الي ينظفون شوارعنا الي بعضهم يلقي الزباله على منتصف طريق
هم الي بنوا بيوتنا طبعا مانتسى العماله اسيا باكستان وغيرهم خلو بيوتنا من احلى تصاميم وافخمها
هم صلحوا ديكورات واثاث المنزل
والخياطين اذا بتفصل عند من الماتي ولا امريكي عن هندي وبكستاني
لا يكثر لولا الله ثم هم مابنت لابيوت ولامؤسسات ولا صيانه ونظافه الي تشوفونها
بس صدق نفس الدنيئه عمره مايحمد ربه
اعذريني ياصاحبه الموضوع مااحب استحقر بشر لان صانعهم ربهم مثل ماصنعنا وخلقنا

 

[ام يارا القمره]

لا والله حبيبتي انا قبيلية % ومن اشهر القبائل والحمائل:eh_s(22):

بس مااحب استنقاص البشر حسب جنسياتهم خصوصا المسلمين

ماتلوع كبدي الا اذا شفت احترام للامريكي الكافر واحتقار الهندي او الافريقي المسلم

شفت مثل هالنماذج في مجتمعنا:eh_s(14):

قصدك امريكي زبال عند ديرتهم عندنا من اصحاب السمو ونسفح له المجال حتى لو زحمه الشوارع
بعد لايجي احد يتهمني عرق هندي ههههههههه لان عقليات بعضهم متخلف
لان بنات الحمايل وان شاء انتم منهم مايضرون خلق الرحمن

 

[!amorra!]

ليش مانحترم الامريكي الكافر؟؟؟؟

اذا كان اهو محترم واسلوبه مؤدب

شوفي اساا اول مايحاجونج يبتدون باكسكيوزمي يعني لو سمحتي

وينهونها بثانكيوو

ناس مؤدبين فعلا عندهم اخلاق الاسلام بس مو مسلمين

واقصد بالذات الامريكان والبريطانيين

والله قمة الادب محترمين

تخيلوا مرا طلعت من كافيه بلندن وكنت لابسة عبايه جان يوقف البريطاني عشان اطلع انا بعدين اهوا يدخل والله وقف وقفه كلها احترااام


انا البس بنطلون وساعات اذا كنت مستعيله البس عبايه

بس شوفوا تعامله يختلف لما البس عبايه يكونون قمة الاحترام ويووخرون عن طريجي

ماتبونا نحترمهم بعد؟؟؟

اما الجنسيات الوصخه ماكو مثل الروسيين قطيييعه خايسين <طلعت برا الموضوع!!

المقصد مو كل كافر احنا نحترمه

المحترم اهوا يفرض نفسه

والله ساعات نستحي منهم لانهم بقمة الاحترااام

والامركي كتابي مو مثل بعض الهنود بوذ وهندوس

ايي الكويت ويمكن حارقله جم مسلم هنااااك

ترا بوذت الهند نفس بوذا بورما

ذبح وتقتل بالمسلمين الله يلعنهم

 

[جذابه بنت ذيابه]

نظره دونيه نتمنى زوالها فكلنا من آدم وآدم من تراب
الانسان لايختار جنسه ولا اصله ولا لونه ومع هذا يتخذ التفريق في المعامله
مقياس يقيس عليه البشر ,,
قال رَسُولَ اللَّهِ صَلَّى اللَّهُ عَلَيْهِ وَسَلَّمَ (( يَا أَيُّهَا النَّاسُ إِنَّ اللَّهَ قَدْ أَذْهَبَ عَنْكُمْ عُبِّيَّةَ الْجَاهِلِيَّةِ وَتَعَاظُمَهَا بِآبَائِهَا، فَالنَّاسُ رَجُلَانِ: بَرٌّ تَقِيٌّ كَرِيمٌ عَلَى اللَّهِ، وَفَاجِرٌ شَقِيٌّ هَيِّنٌ عَلَى اللَّهِ، وَالنَّاسُ بَنُو آدَمَ وَخَلَقَ اللَّهُ آدَمَ مِنْ تُرَابٍ.))

وقفه قيمه
كوني بخير

 

[سحابة امل]

صصح

بس تقدرين تقولين عااادة قديمة وقاعدين يتورثونها جيل ورا جيل

وعادة موووو حلوووة كلش

 

[كويت الاناقه]

السبب لاول ضعف التربيه في الغراز الدينه



يعني نربي عيالنه عيب حلال حرام بس لمن يصير شي قدامهم نسب ونلعن وخاصه هذا الشي واقعي



لانه الدين عندنا بس حلال وحرام مافي عطف ولين مسامحه رحمه تركنا كل شي في دينا وصار بس نعرف حلال وحرام وماندري شنو حلال وشنو حرام