استحلوا اغراضي كيف اتصرف

[هموووم]

السلام عليكم
خواتي انا زوجي موظف بالسفارة السعودية بالكويت
المهم حنا بالرياض ساكنين بجناح ببيت اهله
وهالعيد جينا للرياض زيارة
ويا بنات انصدمت مرة حصلتهم داخلين جناحي ومستحلين اغراضي
وولدهم متزوج وساكن بجدة وجاء للرياض زيارة واستقروا بجناحي
وناموا على فراشي (الكفر ) واستخدموا من اغراضي واطفالهم كاسرين من التحف والكريستالات
وقلت لزوجي استحلوا اغراضي قال هذي سياسة اهلي مافي حقي وماحقي البيت للكل
وقلت لخالتي يا خالة ليش دخلوا جناحي واستحلوا اغراضي
نطت حماتي بوجهي وقالت البيت بيت ابوي مو انتي الي تحاسبينا من دخل ومن طلع يعني يرجع اخواني تعبان من السفر ويروح يستاجر ويحترم بيت ابوه عشانك
قلت في اجنحة فاضية قالت مب انتي الي تختارين له اي جناح وتبينه ينام على الارض لعيونك البيت بيت ابوي والغرفة من مال اخوي
ويا بنات نهاية الاسبوع بنرد للكويت كيف اتصرف
ومعليش لو اسلوبي مو واضح لاني كاتبته على عجل

 

[سارووونه22]

مالج غير تتحسبين عليهم

 

[ناتشوو]

مااظن بيدج شي
دام زوجج راضي باللي صار
وخلاص دامج بس زيارة وبتردين تصبري
شيي اغراضج وحطيهم بجناط
علشان لحد يفتش بأغراضج الخاصة
الا اذا بتخلينها زعلة طويلة وبتستعينين بأهلج وانا ماانصح بهالشي

 

[جنون زوجي]

لابجد شيء يقهر حلوه البيت بيت ابوي
المفروض زوجك الي يكلم امه ومفتاح يصير معه
خير مافيه احترام
مالعيك هذا الحموله والله انهم يقهرووون بس فهمي زوجك انه الجناح خاص لكم
ومااحد يتدخل فيه
الله يكون بعونك

 

[al3ta]

رد : استحلوا اغراضي كيف اتصرف

طنشششي عشان تمشششي حياتك

 

[*peace*]

وعليكم السلام ورحمة الله وبركاته

ويع اي شي

ليش ماتقفلون شقتج لي سافرتوا وافتكي

شوفي حبوبه كله على حسب زوجج اهوا اللي يتكلم اذا قالج عادي ومارضى يقفل الشقه

امرج لله

لمي اغراضج التحف واغراضج اللي على التسريحه وحطيهم بكبت وقفلي عليهم

وشيلي الكفر والشراشف بالكبت وقفلي عليهم

 

[هموووم]

مشكورات خواتي على الردود بس في اشياء ماااقدر المها مثل غرفة النوم غالية والتلفزيون

 

[كـّلي ذوٍؤٍوٍق~]

رد : استحلوا اغراضي كيف اتصرف

الله يعينج

 

[أنا Top أنا]

رد : استحلوا اغراضي كيف اتصرف

لمي اغراضج بس الخاصه فيج

والتحف والاشياء الخفيفه اللي تنشال وقفلي عليهم

لكن تلفزيون اثاث اكيد ما تقدرين

بس حاولي غرفه نومي تقفلينها او تغيرين القفل مالها قولي حق زوجج اغراضي مابي احد يستعملها ..

 

[محبوبه25]

رد : استحلوا اغراضي كيف اتصرف

ليش ماتقفلين شقتج

 

[! بــدويه وآآيــد !]

،
انا مع نآتشوو


والله يصبرج !

 

[غزلاان]

الحين اللي صار صار

وهذي غلطه عشان تتعلمين منها

بعدين الله يهدي اهل زوجج ..شنو مافي الا جناحج ؟؟ يستضيفون فيه ولدهم؟؟؟

اللي أعرفه ان كل بيت فيه غرفة احتياطيه للضيوف (اللي مستواهم المادي زين)

مادري شاللي ضيّق عليهم وخلاهم يستعملون أغراضج

بس الناس اللي ماتستحي صعبه تتعاملين معاهم وتواجهينهم لأنه ردة الفعل لاااااااازم تكون (مو لصالحج)

مره ثانيه ياقلبي


(((((( غيري قفل الجناح بدون لايدرون .. ولاتعطونهم أسبير )))) وبنشوف من بيدخل جناحج وانتي مو هني

حسبي الله ونعم الوكيل بس .. يقهرون

وعسى الله يعطيهم على قد نيتهم ان شاء الله

 

[bnfsjiya]

يمكن اهوا نظامهم مايخصصون حق احد غرفه .,~

يعني معتبرين كل الغرف غرف ضيوف .,~ وبما انج عايشه برى السسعوديه فعشان جذي مو معتبرينها خاصه فييج لانج اغلب وقتج برى الديره .,~

عموما انتي حاولي لا تخلين فيها اغراضج الخاصه .,~ والاشياء الغاليه اخذيها معاج او وديها عند امج .,~

بعد شتسسوين هذا بيتهم واذا ريلج راضي هم ماتقدرين تسسوين شي .,~

 

[هموووم]

اشكر كل من رد
والبيت مليان اجنحة فاضية وهو ثلاث طوابق وملاحق ماشاءالله اللهم لك الحمد
بس انا جناحي عشانه هو الي مأثث لان حمواتي عارفين سيساتهم ومايخلون اغراضهم ولاشيء وانا ماكنت اعرف عن استحلالهم
واغير الكيلون زوجي رافضضض يقول البيت بيت ابوي وما لاحد جناح خاص فيه

 

[حلوه ولمآحه]

الله يكون في عونج انآ اقولج نفس البنات سكري ع اغراضج بالكبت وارتاحي
او غيري كلون الغرفه

 

[ديانا سبنسر]

سوي نفس ماقالو البنات

 

[i'am THE ONE]

طيب استئذني من ابوي زوجك اذا علي كلامهم ان هذا بيته

واذا طلعتي مكان قولي يارب استودعتك كذا و كذا

و اذا عندك اثاث زايد جربي تحطينه بالاجنحه الفاضيه علي اساس تغنيهم عن جناجك وحماتك الله يهديها لا تتكلمنين جدامهم و حاولي تكلمين ام زوحك مثلا اذا سنحت الفرصه و صرتوا بروحكم

 

[اكسبلانكا]

حبيبتي اذا انتوا مو مستقرين بالرياض ليش مخلين كل اغراضكم هناك ؟؟
يا تيبينهم معاج هني او تودينهم اغراضج الخاصه بيت اهلج وبجذي محد بيجيسهم

 

[مليت من الاسامي]

احسن لج شيلي اغراضج
واذا بتجين الرياض مره ٢ نامي اي مكان وجيبي معج اغراضج الي بتستخدمينهم بس
وخلي الجناح على قلبهم يتهنون في

 

[ريتااجي]

رد : استحلوا اغراضي كيف اتصرف

ويييييييييييييع

ربي يعينج أصلا شلون يسمح لنفسه ينام على كفر زوجة اخوه

وإذا على كلام اخته لج إن بيت أبوه قولي له أجل أبي شقة بروحي

وأحط فيها أغراضي الخاصة وأكون متأكدة إن ماحد يلمسها أو يستخدمها

أو إستئذني من أبو زوجج وقولي له عمي ماعليك أمر الجناح الخاص فيني

ماأبي أحد يقرب منه وكلمي ريلج قولي له إذا أهلك ماإحترموا خصوصياتي

واستخدموا أغراضي أنا جذي أبد ماراح أحس بأمان والغرفة طبعا إنتوا شارينها

لما تزوجتوا صح؟ يعني غرفتج الخاصة مو غرفة ضيوف أي أحد جا يرتاح فيها

وربي يهديهم