استحلوا اغراضي كيف اتصرف

[ms-daal3]

رد : استحلوا اغراضي كيف اتصرف

الله يعينج صراااحه
بس لو انا مكانج ما اخلي ولا عود بجناحي
وروح وانا مرتاحه ومطمنه
والله يوفقج ياقلبي

 

[sawaranza]

الله يعينج طنشيهم عشان توخرين عن المشاكل

 

[الشهد كله]

حبيبتي الله يعينج على هالأشكال ........

بس إذا عندج أغراض ثمينة مثل مكياج وعطورات وغيرها حطيها في جنطة وقفلي عليها ، أما بالنسبة للكفر

صفطيه وحطيه في علبته أو كيسه وقطيه فوق الخزانة عشان محد ينام فيه غيركم ، ولزقيه حيل عشان محد

يفتحه ، دام ريلج عاجبه الموضوع معناته العمر كله ماراح يتكلم لو يلبسون ملابسج .......​

 

[لوازم العائلة]

رد : استحلوا اغراضي كيف اتصرف

الله يعينج
حلوه البيت بيت ابوي
الله يكون بعونج

 

[noorq8]

وااااااااااااااااااو الله يعييييينج لو آنا جان شبيت فيهم حريييييييييييجه حلوه داشين داري وخصوصياتي وملابس لاوفراااشي ماأقول الا الله يعينج حبيبتي روحي لعمج ابو زوجك اشتكي له الرياييل يفهمون ولو أنا منج أنشب ببلعوم زوجي ماأبي هالأثاث اشتر لي غيره وخل هالجناح لأخوك لي زار أهلك.انقهرررت .

 

[So0oKaRa]

المشكله انه ريلج راضي
مهما يكون كل انسان عنده خصوصيه مايحب احد يتعرض لها
وعندج كذا حل
1- تغيرين مفتاح الجناح وماتعطين سبير لاحد
2- تطلبين من ام زوجج وابوه انه هالجناح يكون لج قولي فيه اغراضي الخاصه وماحب احد يشوفها
3-تطلبين من زوجج يكلمهم قوليله ترضى اخوك ومرته يشوفون خصوصياتنا؟
4-لو كل الحلول ما نفعت شيلي اغراضج الخاصه وحطيهم بجناط وخشيهم بمكان

 

[دنيا رديه]

مع الاسف زوجج لو ريال جان تكلم وين عايشين يدخلون غرفتي الخاصه وينامون فيها من غير ستاااذاان

 

[جروح خالده]

رد : استحلوا اغراضي كيف اتصرف

الله يعينيج بس شي يقهرر

 

[الهـوى الغايـب]

وييييييييييييييييييع

هييييلق حسبي الله عليهم

الله يعينك عليهم ويصبرك ..

 

[روحي تحبه غصب]

حبيبتي انتي سكتي الحين واطلبي من ريلج يوفر سكن خاص فيج

ووضحي له اسبابج وانه مايصير اخوه ومرته ينامون على فرشكم

وانه مافي خصوصيه في جناحج واهله مو معتبرينه سكن لج يعني مجبور يوفرلج سكن خاص لج

الحين انتوا مو موجودين عند حمولتج عشان دوام ريلج في الكويت واكيد هالشي مؤقت

بس قبل ترجعون الرياض للاستقرار خليه يحل المشكله

بس اذا استقريتوا بالرياض اقنعيه

 

[الحل السهل]

رد : استحلوا اغراضي كيف اتصرف

مرحبا اختى مالج الاتطلعين بيت بروحج دام الجناح مولج يمكن يبونكم تطلعون دام هذى تصرفتهم اللة يصبرج وويسهلج امورج

 

[ورد]

سوي مثلي ،، اذا خزاينك عليهم مفتاح او عندك مخزن وعندك مفتاحه
شيلي كل كل كل حاجة تخطر على بالك حتى الشراشف الي على السرير يعني خلي بس اثاث فاضي لا تحف ولا غيره وقفلي عليهم ،، واذا سالك زوجك قولي عن الغبار وانت عارف جو الرياض شلون غبار على طول ما ابيهم يتوسخون ويصير تنظيفهم صعب ..

وابي اقول لك تغيير كيلون الجناح بس المشكلة زوجك في صف اهله يعني لو غيرتيه بدون ما يدري وجاو يوم يفتحونه وما فتح معاهم بيتصرفون ويفتحونه باي طريقة او يخبرون زوجك وتتسببين لك بمشكله

لو تحطيهم كيف ما تحطيهم

 

[BiiShOoO]

الله يعينج

 

[Tom ♥ Jerry]

.

آمبييييه وين الذوق و الأتيكيت !
استغفر الله ! شنو هاذا وين قآعدين أحنأ
عآد مو غرفه النوم !

لأزم المتزوجه يكون لها خصوصيه و الأهل يحترمون هالشي
مآلج الا الدعاء و التحسب و الصبر

شتسوين بعآد دآم زوجج وآقف معآهم ضدج بهالشي ..
آنزين مآ عندج مفتاح لغرفتج على الاقل بس الغرفه قفليها مو حآله هآذي !


.

 

[المغترهـ]

رد : استحلوا اغراضي كيف اتصرف

وش العالم هذي الى ماعندها ذووووق حتى بالاسلوب
اهما بشر ولا شنو؟؟؟؟؟
اقول لارديتى الكويت افهميه وعلميه ان ذا تصرف بحد ذاته خطا

الله يوفقك ويعطيك ع قد نيتك

 

[هموووم]

السلام عليكم
اشكركم خواتي على الردود
وطبعا مااقدر استئذن ابو زوجي لاني مو جريئة الا هالدرجة
ولا اقدر اقفل ولا اغير الكيلون
بس اليوم تخاصمت مع زوجي بسبب هالسالفه
وقلت خلاص كل اغراضي بضفها وبحطها ببيت اهلي وكل زيارة لنا بالرياض نستاجر شقة مفروشة واذا هالجدار يرد فهو يرد معطيني على قد عقلي
ومااقول غير صبرا جميل والله المستعان

 

[وعد2006]

الله يصبرج عليهم

 

[DooLy88]

امبي سياستهم غريبة وتبط الجبد
معناها كلش محد له خصوصية

 

[Loutes]

رد : استحلوا اغراضي كيف اتصرف

انا اقول خذيها معاك للكويت
او وديها بيت اهلك

وافتكي

 

[cherry67]

قفلي على اغراضج ودارج وحطي أوراقج المهمة عند امج مثل جنسيتج وشهاداتج لان انا وخواتي نسوي هالطريقة ماكو امان هالزمن
ولا تعطينهم وبه وكلمي ريلج واذا ما نفع زعلي عليه