لوووول المواقف عجيبه
بصراحة توني من يومين تميت 4 سنين الله يتمم علينا يارب
والله لمن الحين استحي منه مادري ليش مع انه يحاول يشجعني بس مادري شفيني الله يشفيني
من المواقف اللي لمن الحين يذكرني فيها
لمن رحنا شهر العسل كان حماي ومرته معانا وقاعدين بنفس الفندق
كنا نطلع من الصبح لي بالليل
ما اكل ولا شيء بس كنت اشرب ماي واكل علج وجنطتي متروسة كاكاو كل فترة اكل حبه فارد الفندق خلااااص احس اني باكله من كثر اليوع
عاد بس يدخل تكرمون الحمام ادق على مطعم الفندق واطلب
ولمن اييبون الاكل يقول منو طالب اقوله مادري انت ماطلبت يقول لا قلتله يمكن لان يدرون ان احنا معاريس فاييبون لنا
ثاني يوم ريلي دق على حماي لان احنا مانتواجه بالطلعات واساله انتوا اييبون لكم اكل وفواكة قاله حماي لا ليش
عاد قام يتشيحط ريلي احنا اييبون لنا ومادري شنو حدهم مدلعينا احتر حماي منه
ولمن يينا بنطلع وراح سوا جيك اوت قالوله عن الطلب قالهم انتوا اللي تييبونه
عاد يقولي نصاابين مرة ثانية مانقعد بهالفندق
وطول الدرب واهوا يتحلطم لمن ركبنا الطيارة جان اقوله بقولك شيء قالي قولي بس اذا شيء يغث لاتقولين لان جد محتر من الفندق
فقلتله ان انا اللي كنت اطلب الطيارة كانت بتطيح من نقزته وقام يضحك ضحك خل الكل يضحك عليه مسكين ولمن الحين يذكرني بالفندق
