استخدمتي الخلطة العجيبه لشعر من العطار << اذكري تجربتج للاستفادة

[عذبة السجآيآ]

السلام عليكم ورحمة الله وبركاته

شلونكم يالغوالي عساكم بخير

حبايبي بدخل بالموضوع على طول من غير مقدمات

ابسالكم عن الخلطة العجيبه اللي من العطار ؟

منو فيكم استخدمتها ؟

او سمعت احد استخدمها ونفعت معاه لشعر

وجم كانت مدة الاستخدام ؟


لان اسمع ناس يمدحونها حييل

وانا شعري خفيف وصاير يتساقط بشكل موطبيعي

ولاتقولولي الثوم ومادري شنو لانه مانفع معاي كلش


وناطره تجاربكم على احمر من الجمر يالغوالي

 

[عذبة السجآيآ]

اب
اب

وينكم بنات شدعوه محد سمع عنها ؟

 

[لكـ الغـلا]

إي والله بنات نبي تجاربكم ..

وياليت إلي تستخدمها تقولنا من وين تاخذها وشلون نعرف الأصليه من التقليد .؟

 

[*باجر أحلى*]

انا استخدمتها والصراحة حيييل روووعة وبتحسين بعد اكثر من استعمال وبعدين لقري الزيوت المستخدمة فيها تهبل وتوفر عليج فلوس وهي سعرها دينارين ونص بس ديري بالج مرات العطار يجيبها قدييمة وماراح تستفيدين منها فتاكدي قبل لاتشترين

 

[miss angel]

ماادري حبيبتي اب لعيونج

 

[EnG.SaMoRa]

انا استخدمها حلوة وتطري الشعر ووايد زينه
اوفرلي من ان اشتري كل زيت بروحه واخلطه
انا ارتحت عليها بس ببدايه استخدامي لها طيحت شعري بس الحين عادي

 

[*{خــآطره}*]

انا شريته بس ما استخدمته الا كم مره بس الزيوت الي فيه كلها مفيده ومعروفه لاكن الي مايخليني استخدمه بشكل متواصل انه ثقيييل بس ذكرتيني فيه بروح احطه

 

[miss_math]

حبيبتي الزيت هذا فيه دهن الحية واتوقع حرام استعماله والله اعلم ..

 

[قمر ضاوي33]

بنات من اي عطار دينارين ونص انا اخذها من عطار العديلية بخمسة ونص

والله انا قايلة انه حرامي اسعاره نااااااااااااااار

 

[عذبة السجآيآ]

تسلمون حبايبي ماقصرتوا

زين جم المدة عشان تبين مفعلوها عالشعر ؟

واحسن عطار مضمونه تشترون منه ؟

انا قالولي عطار الطايف بالفروانيه بس مدري اي صوب
وعطار الاندلس اللي اللي يم مكتبة سنافر

 

[●•∫ استثنآئيهـ]

انا استخدمتها بس للامانة ما كنت ملتزمة فيها
وما حسيت بتغير حيل
بس رفيجتي استخدمتها ووايد اتقول مشت على شعرها
ويبين المفعول بحدود شهرين
وموفقة

 

[روند]

اب اب

 

[مملوحة_الوصايف]

انا استخدمتها فتره وحسيت شعري تعدل بس للاسف هديتها كالعاده او بنت خالتي شعرهاا حلووو ماشالله واهي الي قالتلي عنها

 

[فنر الكويت]

انزين بنات من اي عطار تاخذونها ؟

 

[سعودية تموت بأهل الكويت]

طيب شنو الزيوت الي فيها ؟

 

[ReRez]

انا استخدمتها و حدها واااااااااااااااااااااااااااااااااو

ماشاءالله شعري قبل كان بالسباحه يطيح طييييييييح حني قطو

الحين والله يطيح جم اشعره بالحمام يعني مو خصل مثل قبل ماشاءالله

وانا ما اشتري من العطار لأن حسيته مو مثل مال الجمعيه

انا اخذه من جمعية بيان و من خيطان و اتوقع كل الجمعيات تكون اصليه

بس ماحبيتها من العطارات

و الطريقة تحطينه على شعرج و تلبسين كاب نايلون لمدة ساعتين الى ثلاث ساعات بعدين سبحي

و الافضل تسبحين بشامبو ايفا بالصبار لأن يهبل و هم يمسك الشعر عدل و موجود بالجمعيات لونه اخضر

و هذي صورهم انا استخدم الخلطه مرتين بالاسبوع

الخلطه العجيبه

شامبو ايفا بالصبار

اتمنى اني اكون فدتج

 

[اللعبه]

سعرها دينار ونص من الحواج,,,,,,,,,,,,,,,, شنو خمسه ونص

 

[حرم الحوت]

ويه ذكرتوني فيها شريتها ونسيتها

 

[عذبة السجآيآ]

الله يعطيكم العافيه ماقصرتوا

وفعلا دخلتوها براسي حييييل وان شاءالله ابشتريه واردلكم الخبر أول بأول


بس بخصوص شامبو ايفا من وين اخذه وبجم ؟

 

[لكـ الغـلا]

إي والله بنات نبي تجاربكم ..

وياليت إلي تستخدمها تقولنا من وين تاخذها وشلون نعرف الأصليه من التقليد .؟

بنات ووووينكم ما قلتونا شلون نعرف الأصليه ..

لأن مره كنت باخذها جان يقولي العطار عندي نوعين وحده مصنع الرياض والثانيه مصنع مادري شنو نسيته خخخخخ

عفيه فيدوناااااا .!