استخدمت فيتامينات هير فيت للشعر زينه بس تحتوي على خميره وتفخت بطني حيل وانا ضعيفه ويع

[q8ia7]

صباح الخير شلونكم بنات :eh_s(7):

انا استخدمت حبوب هير فيت هذي فيتامينات وايد زينه للشعر تنبته وعليها مدح قوي
بس يقولون يبيلج تخلصين اكثر من علبه عشان تشوفين البيبي هير يطلع ..

المهم انا من قبل لا اخذها سامعه ان فيها خميره وتتفخ البطن + تفتح الشهيه

ومع الأسف :eh_s(16): صارلي هالشي

الشهيه عااادي اقدر اتحكم فيها وما اكل

بس من اخذ الحبه (انا اخذها قبل النوم) بطني ينتفخ امبي وحتى لو اشفطه ما ينشفط لووول

والله ضاق خلقي ولي ثاني يوم بطني متفووووخ

انا ما ودي اقطع هالفيتامينات وكنت قايله بخلص هالعلبه وانشالله باخذ غيرها

بس عاد ما اضحي بجسمي عشان شعري يصير حلو :eh_s(2):


فشنو الطريقة عشان الخميره ما تأثر على جسمي .. ابي اكمل كورس الحبوب وباخذ كورس ثاني بس خايفه على جسمي :eh_s(2):


يليت اللي تعرف طريقة .. دوا اخذه اعشاب اي شي عشان توخر مفعول الخميره تقوللي

انا جربت شربت نعناع بس ماسوالى شي كلشش

ومشكووووووووورييييييييين :eh_s(7):

 

[أم حووور81]

انا بطني منتفخ بدون شي

 

[q8ia7]

^^

وي حبيبتي ليش
اكيد من اكل معين

فيه ناس مايقدرون على نوع معين من الفواكه
ولا تاكلين بقوليات او مكسرات
او من الحليييب


شي هيك ..

 

[JANAA]

انا حبيبتي استخدمها وما انتفخ بطني

حاولي انك تعرفي سبب الانتفاخ من يمكن من اكل معين

 

[q8ia7]

^^^

لا والله اختي بس ابلع الحبه بعد ساعه او اقل ينتفخ بطني

وماكان ينتفخ قبلها

وصح كلامج فيه وايد ناس مابينت عليهم الآثار الجانبيه مشالله وفيه ناس زي حلاتي انتفخ بطنهم لأن فيها نسبة خميره كبيره بالمحتويات


يعطيج العافيه حبيبتي عالرد

 

[q8ia7]

uppppppppppppppp

 

[om MaRyooM]

مع ان هالحبوب زينة بس تفختني بعد

وللاسف اغغغلب حبوب الشعر فيهم خميرة .. ماعدا جم نوع لازم تسالين صيدلاني شاطر

 

[q8ia7]

^^

ام مريوم مشكوووره عالرد وصاجه والله .. انا ما ودي اخذ غير هالماركه لأن وايد زينه ودي بطريقه توخر الانتفاخ بس بنفس الوقت ااكمل على هالحبوب اللي فيها خميره وتتفخ << لووول مصّره !


عشان جذي انا منزله هالموضوع يمكن فيه بنت تعرف طريقه تشيل اثر الخميره او شي اقدر اخذه مع هالحبوب عشان ما يسبب لي هالانتفاخ

 

[q8ia7]

uppppppp


plz

 

[zaina alotibi]

آنا خذيتهم ما سوولي هالشي يمكن جسم عن جسم

 

[q8ia7]

^^^^


اي صح اكييييد

 

[q8ia7]

up

up

up

 

[q8ia7]

الظاهر والله اعلم لازم اقطعهم

واي بطني صاير جنه هبان متفوخ لوووول

ويابس حتى ماقدر اشفطه ..

ضاق خلقي كان ودي استمر علييييهم لأن حدهم عجيبين

 

[صمت المرافئ]

الله يعين مو مشكلتج لحالج ...
وصج كل حبوب الفيتامينات اللي تنوصف للشعر والبشرة تتفخ البطن
وتفتح الشهية وتكبر الخلفية والصدر
آنا مثلج جربت كذا نوع والحين تركتهم
من اللي شفته
انت الحين كملي الحبوب اللي عندج
ولا تشترين غيرهم
وأحسن شي استعملي لوشن للشعر
سورسير أو كامينو موتو
وسوي تحليل دم إذا نسبة الحديد نازلة عندج
خلي الدكتور يوصفلج حبوب حديد
وافتكي من الفيتامينات اللي تتفخ
​

 

[ريسان]

انا اخذهم و الحين صارلي شهرين لا متنت و لا فتح شهيتي تدرين ليش؟

لان الي قاعدة تسوينه غلط ما ياخذونها قبل النوم الصبح تتريقين و بعدين تاخذينها و ما راح اتيوعين لي وقت الغدا

انا اول كنت لازم الساعة 12 ايوع من خذيت الحبه بالعكس ما قمت ايوع و يمكن سبب ثاني ان يكون شي نفسي انج حاطة في بالج ان يتفخ البطن فصج قام اصير جذي بس الصراحة عن تجربه خوش فيتامينات و استخدمي زيت جوز الهند حق شعرج وايد زين

اسفة عالطوالة انشا الله اكون فدتج

 

[q8ia7]

الله يعين مو مشكلتج لحالج ...

وصج كل حبوب الفيتامينات اللي تنوصف للشعر والبشرة تتفخ البطن
وتفتح الشهية وتكبر الخلفية والصدر
آنا مثلج جربت كذا نوع والحين تركتهم
من اللي شفته
انت الحين كملي الحبوب اللي عندج
ولا تشترين غيرهم
وأحسن شي استعملي لوشن للشعر
سورسير أو كامينو موتو
وسوي تحليل دم إذا نسبة الحديد نازلة عندج
خلي الدكتور يوصفلج حبوب حديد
وافتكي من الفيتامينات اللي تتفخ​

حديدي زين ووالله شكلي بحذفهم الفيتامينات انا طول عمري ما عندي بطن .. حتى اذا يتني فتره خربطت وجذي تطلع لي كرشه صغيره اللي تصير تحت السر .. ما عمره صار فيني جذي الحين بطني بكبره صاير يابس وكبير ..
وفيه بنات احسهم مو فاهميني انا مو منتفخه مو من الأكل لا من الخميره تتفخ البطن يصير جذي يابس ومتفوخ :eh_s(2):

انا الحين الحمدلله مهتمه بشعري دابر املا وبرشوت جوز الهند وانشالله بجابله سدر و اس
واشوف اللوشنات اللي قلتو عنها ..

بس صج بحذفهم .. انا ليلحين ما وصلت لنص العلبه وجذي بطني صار ياحسرة قلبي :eh_s(16):

مشكوره ياقلبي ماقصرتي على ردج

 

[q8ia7]

انا اخذهم و الحين صارلي شهرين لا متنت و لا فتح شهيتي تدرين ليش؟

لان الي قاعدة تسوينه غلط ما ياخذونها قبل النوم الصبح تتريقين و بعدين تاخذينها و ما راح اتيوعين لي وقت الغدا

انا اول كنت لازم الساعة 12 ايوع من خذيت الحبه بالعكس ما قمت ايوع و يمكن سبب ثاني ان يكون شي نفسي انج حاطة في بالج ان يتفخ البطن فصج قام اصير جذي بس الصراحة عن تجربه خوش فيتامينات و استخدمي زيت جوز الهند حق شعرج وايد زين

اسفة عالطوالة انشا الله اكون فدتج

حبيبتي مشكوره اصلا انا احب الطواله ماتشوفين كل ردودي طواله
اخي السالفة مو انه تفتح شهيتي وجذي انا الحمدلله عندي ارادة وكنترول لو مهما ايوع مشالله اذا حطيت فبالي ما آكل ماراح اكل ..
بس اللي فيني الحين من الخميره .. تافخه بطني ومسويته يابس عمره ماصار بطني جذي .. واحس بغازات بعد فبطني :eh_s(2): وما اقدر حتى اذا حاولت اشفطه لي داخل يبين متفوخ
مو سالفة يوع وكل عرفتي حبيبتي ؟؟
وصاجه خوش فيتامينات بس عيبها الخميره هذي انا ما اقدر اضحي بهالشي راح احذفهم اليوم مع ان خاطري فيهم :eh_s(2):

بتم عالزيوووت والسدر وجذييييي

مشكووووووووووره وماقصرتي عالافاده

 

[q8ia7]

اب

بليز

،،

 

[سارووه الاموره]

اختي انا ماقريت الردود بس لعنوان


مستعيله ..

انا كل ما اكل مكملات غذائيه تطلع لي كرش والله من اهدهم اتعب ع ما ارد اضعف

وجربت هير فيت ومن هديتها صار تساقط بشعري مو طبيعي

 

[q8ia7]

^^^^

من صجج خلاص توبه والله

بس مراح آخذهم

انا الحين ما احاتي شعري كثر بطني =(


مشكوره ياقلبي ماقصرتي والله