استرجاع ضرائب الشراء من موقع أمازون ..

[^fajoOra]

قانون الضرائب في أمريكا يفرضها للمقيمين فيها ..

يعني اذا دفعتي ضريبه لأي غرض وطلعتيه بره أمريكا , يرجعولج فلوسج بالمطار بشرط يكون الغرض معاج + وصل الشراء .

الموضوع نفسه ينطبق على التسوق أون لاين !

على هالأساس سويت بحث ولقيت أكثر من طريقه و أكثر من شرح .. جربت طريقه منهم وظبطت معاي الحمدلله .

فحبيت انقلكم تجربتي (حصريا) ..

:eh_s(17): :eh_s(17): :eh_s(17): :eh_s(17): :eh_s(17): :eh_s(17): :eh_s(17): :eh_s(17): :eh_s(17):

أول شي طرشتلهم البيانات بالايميل على :

[email protected]


عنوان الايميل كتبت :

Tax exempt

الايميل كان بهالشكل :

ATTN: Amazon tax exempt​

Shipment Number: 908321xxxx outside USA by aramex shipping to kuwait ​

Item Title: Melissa Women's 30248 Ultragirl + J. Maskrey Flat,Clear/Crystal,5 M US​

Amazon Order Number:102-1905488-200xxxx​

Amazon E-Mail Account: [email protected]​

Ship from Amazon to Aramex address via UPS track number:1ZXX6868130554xxxx​

Aramex tracking number:908321xxxx​

Bill of landing​

​

وصلني الرد بسرعه و قالولي ان بياناتي تسيفت عندهم وبيطرشولي ايميل خلال 2-3 أيام .. عقب نص ساعه تقريبا وصلني منهم ايميل ثاني انهم رجعولي فلوسي وان العمليه تمت بنجاح :eh_s(9):​

هذي الطريقه الي جربتها باختصار والي حابه تشوف الشرح بالصور اتابعني >> بس في شوية ملاحظات يمعتها من المواقع لازم تعرفينها ..​

- الايميل اطرشينه عادي و تتبع شحنة ارامكس تصورينها من موقعهم بانج تضغطين prt sc وتظبطين الصوره ببرنامج الرسام وتحفظينها بالجهاز وترفقينها لهم بالمرفقات مع بياناتج .​

السؤال واذا طلبوها بصيغة pdf ?
سوي كوبي حق الايميل ودخلي برنامج ال word الي بجهازج لصقي الايميل بيست بعدين سوي كوبي حق صورة تتبع الشحنه من الملف الي حفظتيها فيه ولصقيها بالوورد وخزني الملف بصيغة pdf وطرشيه لهم ايميل بالمرفقات .​

السؤال الثاني اذا برنامج ال word عندي مايخزن بصيغة ال pdf ؟
سيفيه عادي بالوورد ودشي هالموقع
http://convertonlinefree.com/ حوليه للصيغه المطلوبه .​

- موقع امازون الامريكي فقط الي يرجع الضرايب .​

السؤال هل امازون بريطانيا يرجعون الضرايب ؟
لأ ​

- ماترجع الفلوس الا اذا كان البائع هو متجر امازون نفسه .​

السؤال اذا شريت من بائع بامازون هل يرجعون فلوسي ؟
لأ ​

- الفلوس ترجع على نفس الفيزا الي دفعتي منها . ​

السؤال واذا الفيزا مو باسمي او كنت حاطه ال billing address على عنوان ارامكس ؟
عادي ​

- تقدرين ترجعين كل الضرايب الي خذوها منج اذا عندج البيانات كامله لكن غالبا موقع ارامكس يشيلون بيانات الشحنات الي مر عليها 6 شهور بهالحاله تراجعين مكتب ارامكس نفسه .​

السؤال واذا كنت اتعامل مع شركه غير ارامكس ؟
عادي

يتبع >

​

 

[^fajoOra]

شرح الطريقه بالتفصيل ..

ATTN: Amazon tax exempt​

هذا العنوان كتبيه مثل ما اهو.

Shipment Number: 908321xxxx outside USA by aramex shipping to kuwait ​

رقم الشحنه بارامكس وتلاقينها مكتوبه بموقعهم .

Item Title: Melissa Women's 30248 Ultragirl + J. Maskrey Flat,Clear/Crystal,5 M US​

اسم السلعه وبياناتها لها اكثر من طريقة بحث ..
1
- ممكن اطلعينهم من امازون نفسه .





اذا كانت السلعه قديمه تبحثين عنها .



تلاقينها مكتوبه يم الصوره .

Amazon Order Number:102-1905488-200xxxx​

بنفس الصفحه .



2- او ممكن اطلعينهم من الايميل الي يطرشونه لج امازون بعد ماتطلبين .

Amazon E-Mail Account: [email protected]​

ايميلج الي مسجله فيه بامازون .

Ship from Amazon to Aramex address via UPS​

شركة الشحن الي اشحنت السلعه من امازون الى ارامكس امريكا .

track number:1ZXX6868130554xxxx​

رقم تتبع الشحنه من امازون الى ارامكس امريكا .​

​

Aramex tracking number:908321xxxx​

رقم تتبع الشحنه من ارامكس امريكا الى ارامكس الكويت و اهوا نفسه رقم الشحنه بارامكس .

Bill of landing​

صوري تتبع الشحنه من موقع ارامكس شيب اند شوب ( prt sc ) ولصقيها ببرنامج الرسام وقصي الزايد منها وخزنيها عندج بالجهاز .​

​

بعد ما تعبين هالبيانات سويلها كوبي و لصقيها بايميلج ورفقي معاها صورة تتبع الشحنه الي صورتيها من الشاشه وحطيها بالمرفقات .​

​

 

[^fajoOra]

احيانا يقولولج طرشيلنا الملف بصيغة ال pdf ..​

فتحي برنامج ال word بجهازج .​

​

سوي كوبي حق الايميل ولصقيه بال word . ​

​

سوي كوبي حق صورة تتبع الشحنه من الملف الي خزنتيها فيه و لصقيه بنفس الطريقه و خزني الملف بصيغة ال pdf .​

​

​

اذا كان برنامج ال word عندج مايدعم صيغة ال pdf .. دشي هذا الرابط وحولي الملف .​

http://convertonlinefree.com/​

​

​

​

​

​

بعد ماطرشين الايميل راح يوصلج ردهم ضغطي الرابط .​

​

بعد فتره بيطرشولج ايميل ثاني انهم رجعولج الفلوس .​

​

وعقب 3 ايام بالكثير تنزل الفلوس بالفيزا .. طبعا في بنوك قبل 3 ايام بعد .​

:eh_s(17): مبروك :eh_s(17): ​

ان شاء الله كل شي يكون واضح والي موفاهمه تسأل والي تظبط معاها تبشرنا .. ماعليكم امر .. ​

 

[law love]

اووووووه والله شي حلوووووو

قريته على السريع يبيله قعده

 

[نجمة كويتية]

انا ما افهم جذي للاسف انا لازم تكونين على راسي وتقوليلي سوي جذي حطي جذي بس صج صج شغلج وااضح الله يعطيج الف الف الف عاااااااااااااافية يااااااااااااارب على هالمجهود الوااااضح,,والله صج صج تعبتي بين رفع الصور والشرح تساهليين اجملل تقييييييم

 

[يا رب عونك]

يعطيج العافيه يا قلبي
ما قصرتي شرح واضح ما شا الله عليج

 

[حجيه هيونه]

ماشاء الله ماقصرتي شي خطير اول مره ادري فيه

بس عشان افهم اكثر تقدر تعطيني عينه من المواقع الى لو شرينا منها يردون لنا التاكس !!

 

[* EMY *]

بصرااااحه انتي عسل

 

[amani +]

يعطيج العافيه ياقلبي

وان شاء الله في ميزان حسناتج

 

[نياره]

يسلموو

 

[:: Diva ::]

فجور انا الامازون يعقدني ما اعرف اطلب منه !
شنو السعر الاسود و شنو السعر البني


و تسوى التاكسس كل هالايميلات ؟
ترا لاني ما جربت اسوي اسأل

و الف شكر حبيبتي

 

[ام عفاف الكويت]

فجور هالشي بس للماركات ؟
او على كل شي من امازون السيلر نفسه ؟

 

[Q8!a]

شكرا ع الموضوع المفيد

بس ما يسوا على كل شي تراسلينهم لان التاكس مرات يكون مو اكثر من 10 دولار

 

[^fajoOra]

اووووووه والله شي حلوووووو

قريته على السريع يبيله قعده​

هلا حبيبتي .. فكرته سهله وايد :rerrerek:

انا ما افهم جذي للاسف انا لازم تكونين على راسي وتقوليلي سوي جذي حطي جذي بس صج صج شغلج وااضح الله يعطيج الف الف الف عاااااااااااااافية يااااااااااااارب على هالمجهود الوااااضح,,والله صج صج تعبتي بين رفع الصور والشرح تساهليين اجملل تقييييييم

الله يعافيج حبيبتي مشكووووره ​

يعطيج العافيه يا قلبي

ما قصرتي شرح واضح ما شا الله عليج​

الله يعافيج حبيبتي مشكوره :eh_s(7):

ماشاء الله ماقصرتي شي خطير اول مره ادري فيه

بس عشان افهم اكثر تقدر تعطيني عينه من المواقع الى لو شرينا منها يردون لنا التاكس !!​

انا حاليا جربت مع امازون اذا جربت موقع ثاني و اظبطت معاي بحطلكم الطريقه ان شاء الله :rerrerek:

بصرااااحه انتي عسل

مشكووووره من ذووقج :eh_s(7):​

يعطيج العافيه ياقلبي

وان شاء الله في ميزان حسناتج​

الله يعافيج حبيبتي .. امين يارب :yaaaaaarb:

يسلموو

حياج الله :eh_s(7):​

فجور انا الامازون يعقدني ما اعرف اطلب منه !

شنو السعر الاسود و شنو السعر البني

و تسوى التاكسس كل هالايميلات ؟
ترا لاني ما جربت اسوي اسأل​

و الف شكر حبيبتي​

هلا حبيبتي .. ليش معقدج بالعكس امازون وايد سهل والسعر اهو الي بالبني .. شوفي انا اوضحلج اكثر ..

مثلا هني السعر مو محدد لانج ماخترتي اللون ولا القياس​

​

ولمن حددنا اللون و القياس الي نبيه صار السعر واضح ويطلعلج بعد منو السيلر ( البائع ) وجم حبه بقى منه ​

​

طيب حطيتيه بالسله​

​

انشوف الحين الفاتوره شلون تفرق معانا في حال خليتي الشحن مثل ما اهما حاطينه ماغيرتيه ( الي اهوا الشحن العادي ) ​

​

​

صارت فاتورتج من 350 دولار صارت 386 دولار ..​

اما اذا اخترتي الشحن المجاني تصير الفاتوره 381 دولار ..​

​

واذا طرشتيلهم ايميل الضرايب ويرجعولج ضريبة المبيعات وتاخذين الشوز بسعره الاصلي بسسسس الي اهو 350 دولار :rerrerek: وتالي اي شي تشترينه منهم مايحسبون عليج ضريبه مبيعات ..​

حبيبتي مو وايد ايميلات .. بس اميل واحد تعبين فيه هالبيانات ..​

-ATTN:


-Shipment Number: outside USA by aramex shipping to KUWAIT


-Item Title:


-Amazon Order Number:


-Amazon E-Mail Account:


-Ship from Amazon to Aramex address via --- track number:


-Aramex tracking number:


-Bill of landing:​

انا عن نفسي مسيفه ايميلهم عندي و مسيفه هالثمان نقاط بالوورد اسوي copy , paste , send email ..​

فجور هالشي بس للماركات ؟

او على كل شي من امازون السيلر نفسه ؟​

هلا ام فوفه .. لا حبيبتي حق اي شي شريتيه يكون السيلر امازون يرجعولج كل الضرايب الي خذوها منج واي شي تشترينه تالي مايحسبون عليج ضريبه :eh_s(7):

شكرا ع الموضوع المفيد

بس ما يسوا على كل شي تراسلينهم لان التاكس مرات يكون مو اكثر من 10 دولار ​

حياج الله حبيبتي ..

ومرات تكون دولار ! العلم بالشيء خير من الجهل فيه والي تشتري مره غير عن الي تشتري كذا مره خاصه خواتنا التاجرات ..​

تراسليهم على الاوردرات القديمه بس اما الاوردرات اليديده خلاص انتي بلغتيهم ماراح يحسبون عليج ضرايب ابتداء من تاريخ ايميلج وطالع ..​

انا لحد الحين رجعت 200 دولار من الضرايب :rerrerek:​

​

 

[بتبوتااا]

شرح كافي ووافي ماشاءالله وللأسف ما افهم بالطلب من بره ووووودي اتعلم ,,

 

[^fajoOra]

شرح كافي ووافي ماشاءالله وللأسف ما افهم بالطلب من بره ووووودي اتعلم ,,

مشكوره حبيبتي بتبوتا :* .. تبين اعلمج ماعندي مانع اذا ودج تتعلمين :eh_s(15): زهبي فيزتج و عطيني خبر اذا كنتي جاهزه :ggdw:

 

[ام عفاف الكويت]

طلبت اوردر امس واخدوا 12 دولار انطر لما توصل شحنه

 

[الباحثات عن الجمال]

جزاك الله كل خير.

 

[^fajoOra]

طلبت اوردر امس واخدوا 12 دولار انطر لما توصل شحنه

اي ام فوفه علشان يصير عندج اثبات ان الاوردر طلع من امريكا .. وبعد علشان يحفظن بياناتج عندهم و تالي ماياخذون منج ضرايب مبيعات :eh_s(7):

جزاك الله كل خير.

مشكوره حبيبتي جزانا و اياكم كل خير :eh_s(17):

 

[um khaled]

خوووش موضوع
ان شاء الله اجرب