استشاره عن ابر التبييض ضرووري بليييز

[قلبي دق]

السلام عليكم

كيفكم ياسوكرات:eh_s(22):

بنات ودي استشيركم بابر التبييض

هدا اسمها

أبر التفتيح والنظارة جي اس اتش التيما صناعه يابانيه ​

المكونات : مادة الجلوتاثيون 1500جرام و ألفيتآأمين C​

رجاء ياحلوات الي عندها معلومه والا تعرف احد مجرب تقولي

تعبت من الكريمات والخلطات :eh_s(16)::eh_s(16):


بلييييييييييييييز سوكرات لاطنشوني







:33_1185028183:

 

[Dalo0o3a Cute]

حبيبتي في اللي يمدحونها وفي اللي يذمونها بس نصيحه لج لا تجربينها تخوووووف الصحه اغلى ما نملك

جربي خلطات طبيعيه من التاجره grass وشوفي بروفايل A.N.L منزله خلطة الكورتيزون الطبيعي

واهم شي الانتظام والاستمرار

 

[بنوته ستايل]

مادري ولله بس احس هالسوالف تخررررع ومو مضمونه..دربالج حبيبتي الا صحتج لاتلعبين فيها..



والكرتزون مووو زين لان يطلع شعر بالوجه والعروق الحمرا واذا قطعتيه يرد لونج اكثر من اول..

 

[قلبي دق]

تانكيو بنات

سالت الي تبيعها ادا تعرف وحده مجربه

ماردت رد صريح

 

[~~مس خوخه~~]

لا تغامرين بصحتك ما تسوي عليج ابره

بتنقلب ضدج وتضرج

 

[أم*سلمان]

آب

آب

لعيونج

 

[مس استي لودر]

اهم ماعليج صحتج لا تجربين كل شي

 

[kwait doll]

احس خرابيط

 

[sغديرs]

لا تسوينه حبيبتي والله مو زييين اجل ابره وتصيرين بيضه ومافي ضرر ؟؟
يعني بسم الله عليك يمكن يتحول سرطان وش الله حادك تسوينه واصلا مافي احلى من السمار يالببببببيه بس ^_^
نصيحه لاتسوينه انتي جذي تهبلييين لاتلعبين بعمرج ..

 

[غـلآتـه]

والله الابر مضره بشكل مو طبيعي

انا قاعده على برنامج يقولج ابر التبيض لمرضى الكلى واذا اخذتهم وحده مافيها مرض الكلى تبي تصير بيضه راح تضر المعده والمعده راح تتفتت من الابر

 

[((غلاي))]

ما انصحج بالابر وااايد اخذوا كورسات و لا شافو اي نتيجه
لاتقطين فلوسج عالفاضي

اهم شي حطي لج جدول عنايه و استمررررررررررررررررررري

لاتسوين خلطه جم يوم و توقفين و تقولين ماشفت نتيجه
ترى حتى الحبوب و الابر لازم فتره علشان النتيجه مو اقل من3 شهور
شوفي ملفي الشخصي و استفيدي

 

[G6waa]

انا بعد اقول ماله داعي

انا صراحه ماعرفها بس احس هالسوالف الا تضر بيوم من الايام

 

[أجمل إنسـآنـه ~]

يووووومه بسم الله شلون تغامرين بعمرج,,!.؟!!!!


موومضمون تخيلي بسم الله بطوج ابره جك بم انتي بيضا بسم الله الرحمن الرحيم والله تخرع هالسوالف,~!!

نصيحه لأتغامرين بحيااتج,!@

 

[أبله شقحه]

الابر موزينه انا سمعت من كذا دكتور ومذهله قالت انها بعد موزينه

 

[[ نور عيني ]]

-



يمدحوون ابر احماض الفواكه ،
مو مضره ولا شيء وتوحد لون البشره ، مو تبيض بياض ابرص لا ..
وتحصلينها عند د.نوره الصليلي ..
وكان في تجمع عرايس اللي طاقين أبر نضاره وشكثر يمدحونهـإ ..


ب التوفيييييييييييييق ..

 

[@ DLOO3TAH@]

أأب

 

[قلبي دق]

تسلموون حبيباتي

 

[اليقظة]

نفسج ماعرف

 

[ضــمــاد]

لا لا لا



ما أنصح لا بالابر ولابالحبوب




بنات .. تركوا عنكم سالفة التبييض ..


لاتلعبون بنفسك .. والله باجر تعضون اصابعكم ندم



حاولو توحدون لون بشرتكم .. تشتركون ببرامج العنايه بحيث تعطي منضر صحي ومشرق للبشره



و توحد اللون لو كان فيه تصبغات



لكن التبييض مو زين بكل أنواعه .. لانه راح يلعب بالميلايين اللي مسؤول عن اللون




وهالماده الله حطها بالجسم عشان تحمينا من أضرار الشمس من الحروق وسرطان الجلد



هالماده مثل الحمايه للجسم .. وسبحان الله ان تعرضنا للشمس تزيد هالماده عشان جذي مع الشمس يتغيير لونا ويغمج



لاتلعبون بنفسكم .. كل وحده تتقبل لونها .. وتحاول كثر ماتقدر .. توحد اللون لو فيه تصبغات



اما تبييض وهالخرابيط كلش كلش ماانصح فيها

 

[ياسمينا]

مامنها فايده
مفعولها موقت وبطيئ واذا خليتيها رديتي مثل قبل اعرف وحده طقت ابرتين وتالي صابتها حساسيه قطعت جلدها
خليج على الوصفات الطبيعيه والكريمات والمغربي وش حلاتج تصيرين