استضافة الدكتور بدر حسين كرم ..تخصص طب وجراحة الاسنان

[د/ بدر حسين كرم]

اختي بنت الوفا
السلام عليكم
كم عمر ولدج ؟
هل شافه دكتور اسنان من قبل؟
هناك اسباب لرائحة الفم ولكن اولها و السبب الرئيسي لها هو وجود البكتيريا، و عندما أسوا رائحة الفم فمعناها ان البكتيريا الضارة في الفم في ازدياد، و هذا يا اختي مو بس ضار لصحة الفم و الأسنان و لكنه يؤثر بشكل مباشر بلصحة العامة و النمو عند الطفل.

 

[الحلامبتليها]

السلام عليكم
يعطيك العافيه دكتور بدر

انا عندي الفك السفلي اكبر من الفك العلوي قالت لي دكتوره انها راح تسوي عملية كسر فك
بس بالاول بتحط لي تقويم برايك شنو الافضل
هل العمليه مؤلمه

وشكرا جزيلا

 

[د/ بدر حسين كرم]

الاخت الحلا مبتليها، السلام عليكم
عمليات تصحيح الفكين هي عمليات حساسة و فيها شي من التعقيد، في هذي العمليات يكون في جانب جراحي لتصحيح العلاقة بين الفكين ، و يكون هناك جانب التقويم لتصحيح العلاقة بين الأسنان .
النتيجة النهائية راح تاخذ وقت(مو اقل من سنة و نص)،
طبعا العملية بحد ذاتها غير مؤلمة لانها بتكون تحت التخدير، بي أكيد راح اتحسين بالم لفترة على الاقل ٣ سابيع بعد العملية بس يمكن السيطرة عليه بلمسكنات.
بس يا اختي اولا و أخيرا هذي عملية تجميلية و انتي الي تحددين مدى الحاجة لها.

 

[سهم الدعوة]

السلام عليكم ورحمه اللهوبركاته
جزاك الله خير يادكتور ونفع بك وبعلمك
مشكلتي يادكتور اني ذهبت لدكتورة الاسنان وسوت حشوة لضرسي وسوت لي طبقة حمايه بالليزر
على قولتها ان السوس خلاص حيوصل للعصب المهم بعد شهر من الحشوة
صار ضرسي يوجعني ولا اقدر اكل عليه بس بعدها كشفت عند دكتورة ثانيه
واعطتني مضاد وعلاج قالت امكن خراج واذا ماراح الالم راح نسوي قطع عصب
المهم قررت بعدها قطع عصب وسويت الجلسه الاولى بعدها الثانيه
اللي كانت موجعه لي ومؤلمه لانها قطعت العصب وما بقى لي الا جلسه واحده
بس مارحت وطاحت الحشوة المؤقته وبعدها بشهور طاحت الاشياء اللي كانت جوه اللي كأنها مطاط
لاني كنت انظف اسناني بعود الاسنان
فرحت لدكتورة بعد 8 شهور من الجلسه الثانيه
وقالت احط لك حشوة مؤقته واذا حصل الم راح اخلعه لك طبعا بعد مانظفت سني
بس مو ذاك التنظيف لانها تقول الحشوة المطاطيه ما ادري وش اسمها اللي حشيت بها العصب
طاحت نصها وبقي نصها ..
كان الالم اول يومين تقريبا ومقدرت اكل عليه
بعدها صار الوضع عااادي واكل وكل شيء بس كان فيه شيء بسيط مو الم شيء زي النغزة
واختفت من بعدها ..بعدها بشهر سويت الحشوة الثابته
لكن المشكله صار عندي الم ولحظات اقدر اكل ولحظات لا والحين لي 5 ايام من يوم حطيتها والالم ما اختفى
سؤالي يادكتور
هل ضرسي يستوجب الخلع بعد كل هذا ؟؟
وماسبب الالم مع انه مقطوع العصب ؟؟
وكيف اعرف ان السن انحشى صح وانه ما دخله الاكل طبعا بعد سقوط الحشوة
لان خلال هالاشهر كنت اطعم طعم المحلول حق الحشوة لكن الحين لا فاخاف السن يتعفن ؟؟

وجزاك الله خير يادكتوري الفاضل وجزاك الله خير ..
آتمنى ان يكون كلامي مفهوم لاني كتبته بالعاميه السعوديه

 

[أميرة 22]

السلام عليكم

دكتور انا عندي مشكلة بسيطه شوية
أسناني فيها فراغات وصغيرة الأسنان العلوية

اذا بضبط ابتسامتي شنو تنصحني .. ؟
تلبيس أو حشوات تجميلية .. ؟

 

[الدانه المزيونه]

-



السلام عليكم ، مساء الخير
دكتور الله يعافيك بغيت استفسر عن تبييض الاسنان ..
انا جربت منتج كرست لتبييض الاسنان ومانفعني
وجربت القوالب لتبييض الاسنان ومافادني بشي ماحسيت الاسنان ابيّضت
فا شالحل ؟ ودي اسوي تبييض بالليزر بس خايفه تتحسس اسناني !
ابي حل سليم وحلو لاهنت ..

:eh_s(17):


-

 

[جوويس]

يعطيك العافيه دكتور :eh_s(17):

بسألك .. كثير اسمع من الناس ان بعض تركيبات الاسنان
تسبب رائحه كريهه ..
ودي اركب لي بس خايفه من الرائحه !
​

 

[د/ بدر حسين كرم]

الاخت العزيزة سهم الدعوة، السلام عليكم
جوباً على سؤالج، ان هناك طرق عديدة لاصلاح الأسنان و خلع السن يجب ان يكون الحل الاخير بعد فشل المحولات. ولكن اعطاء استشارة من غير اشعآت او معاينة للحالة لايمكن لان الأخصائي يحتاج لمعرفة مدئ المقدرة على اصلاحه.
ولكن نصيحتي ان تكون تستمرين مع دكتورة واحد الي ترتاحين لها و تحسين انها تبذل جهد لعلاج الحالة. لان بهذه الطريقة تكون أهي الي تعرف تاريخ الحالة والطريقة الأنسب لعلاجها او تقوم هي بتحويلج للدكتور المختص.
اما بنسبة للالم هناك اسباب كثيرة، بس ممكن تحسين. بالم بعد قطع العصب و يكون الم عند العظة مو الم على الحار و البارد
وشكرا

 

[د/ بدر حسين كرم]

أميرة 22
أكيد التركيبات نتيجتها افضل من التحية التجميلية

 

[د/ بدر حسين كرم]

من الناحية الجمالية الveneers افضل

 

[د/ بدر حسين كرم]

الاخت الدانه المزيونه
هناك انواع كثيرة من اجهزة التبييض ، وكلها تبيض ولكن مقدار التبيض و حساسية الأسنان يختلف
اذا كنتي تحاتين الحساسية فتبيض سافاير(saphire) الحساسية شبه معدومةممقارنة بل zoom and britesmile

 

[بـخور الدواسـر]

يعطيك العافيه دكتور
دكتور انا مره شفت على احد القنوات دكتور اسنان ياخذ ماده مثل المرهم ابيض ويحطه على الاسنان
وقال هذا يعطيها لمعه لمدة 6 شهور صراحه روووووعه منظر اسنانها قبل وبعد فرق السما عن الارض وبدقايق صارت اسنانها تلممممممممممممممممممممممممممممممممع
بسأل هالشي شنو يسمونه ؟ وهل احصله عندك ولا لا ؟
وموفق ان شاء الله
تحياتي :eh_s(17):

 

[د/ بدر حسين كرم]

الاخت جوويس
اذا الدكتور عمل ااتركيبات بشكل سليم، والمريض حافظ على نظافة الفم. ما راح تكون هناك رائحة.

 

[أحلى البشر]

السلام عليكم

دكتور بغيت اسأل عن برد الاسنان وتركيب فوقها مثل اسنان سيراميك عشان تكون الاسنان صفه وحده
شرايك في هالشي هل له اضرار على المدى البعيد وشكرا

 

[د/ بدر حسين كرم]

الاخت بخور الدواسر
الgloss هي ماده تلمع الأسنان بعد التركيبات و الحشوات التجميلية.
هي موجودة عندي. بس ما اتوقع تظل ل ٦شهور. و مقدار اللماع يعتمد على لون السن الاصلي

 

[د/ بدر حسين كرم]

الاخت احلا البشره
قشرة السراميك هي اجراء تجميلي. الشخص نفسه يقدر الحاجة له مو الدكتور
وطبعا مافي احسن من الضرس الطبيعي

www.dentallounge.ws

 

[بنت الوفا]

دكتور عمر ولدي 8 ونص

موارضي يروح من يسمع عيادة اسناان اصرراخ

حتي حبووب بجسمه معقول من اللثه؟؟

ودكتور اسنااني تنترس جير مع اني افرش اسناني وصايره اسناني حساسه

اسناني الاماميه التحتيه ترقل تتحرك مره مايله مدري ليش يعني تتحرك

 

[solbi]

قوه دكتور
بغيت اسال ان اسناني التسوس فيها يجي من ع الجنب او من تحت يعني الضرس يكون نضيف لما اشوفه لكن بعد فتره احس بالم ولما اصور اشعه اكتشف ان فيه تسوس عميق من تحت او من ع الجنب ليش

وهم بسرعه تتسوس

ومن الناحيه الجماليه حمدلله حلوه لكن من عند الثنايا اليمين متقدم كلها عن اليسار

يمين وبالوسط الثنايا يسار

فشنو ااجراء العلاجي لهم

وبالنسبه للتركيب يتركب اكثر من ضرس في نفس الوقت عادي

والف شكررررررررررر

 

[د/ بدر حسين كرم]

الاخت slopy, السلام عليكم و يعطيج الصحة و العافية
الأسنان فيها تضاريس من فوقها و من الجنب. و هناك بعض الأطعمة التي تلتصق بلتضاريس اللي على السطح و بعضها بلتضاريس الي عل جنب، و تزيد هذي التسوسات مع الزيادة/النقصان في اللعاب، و كذللك في بعض انواع الأطعمة .
اما بلنسبة الأسنان الأمامية و تغير اصطفافها فيتم اما بلتقويم او التركيبات التجميلية الي غالبا من تركب في جلسة واحدة ويمكن عمل اكثر من سن في الجلسة.

 

[د/ بدر حسين كرم]

الاخت الكريمة بنت الوفا.
خوف الاطفال من طبيب الأسنان او اي شي اخر له سبب، و تختلف الأسباب من طفل لي آخر.
التجارب السيئة مع دكتور الأسنان خصوصا اول زيارة، السماع عن التجارب السيئة من الأهل، أخذ الطفل فقط عند وجود الم ..... والكثير من الأسباب.
و في عمر ولدج تكون السيطرة عليه اسهل من الاطفال اقل من ٦ سنوات.
فانا أنصحك انج تاخذينه لدكتور للفحص .
اما بلنسبة الجير و تكونه هذا امر طبيعي ولذلك نجد اطباء الأسنان دائماً ينصحون بل زيارة كل ٦ شهور للتنظيف و لإعطاء النصيحة و مراقبة تطور الحالة.
ولذلك ننصح كل مريض دائماً بلاستمرار مع طبيبه الخاص الي يرتاحله و ما يغير دكتوره وايد اذا حس من بذل الجهد لعلاجه