استطلاع: لماذا تتبرج أخواتنا وبناتنا؟؟

[بدووون إسم]

:ggdw:
أخواتي الفاضلات/السلام عليكم ورحمة الله وبركاته
لدينا موضوع هام وقد فتحنا فيه باب الحوار المفيد للجميع آملين ممن تريد المشاركة أن تكون مشاركتهاعقلانية وضمن حدود معينة ودون تجريح أو إهانة لأحد مهما كان
محاولين الأجابة على ما يلي
لماذا تتبرج أخواتنا وبناتنا؟؟
هل الحجاب عيب؟؟
لو لم يجبرك والدك أو والدتك على الحجاب هل ترتدينه؟؟
هل لباس المحجبات الحالي يرضي الله ورسوله؟؟
كيف تنظر المتبرجة للمحجبة وبالعكس؟
كيف ينظر الشاب الذي يريد الخطبة الى كلتيهما؟؟
هل فعلا قد حققت المتبرجة ذاتها؟؟
ما رأيكم بالفنانات التائبات؟؟
ما أثر التبرج على المجتمع والجيران والزملاء بالدراسة والعمل؟؟؟

وجزاكم الله كل خير

 

[عاشقة الكاكاو]

رد: أستطلالالالالالالالالالالالالالالاع

هلا حبيبتي

موضووع حلو يستااهل النقاااااش

لماذا تتبرج أخواتنا وبناتنا؟؟

حبيبتي التقليد الاعمى سبب هاللي قاعد يصير حولنا

اول كان في لبس ومكياج وكل شي بس الحين الممثلات والفنانات صار كل من يقلدهم تقليد اعمى

هل الحجاب عيب؟؟

طبعا لا مو عييييب الحجاب فرررض علينا رضينا ولا ما رضيناا

لو لم يجبرك والدك أو والدتك على الحجاب هل ترتدينه؟؟

الحمدالله محد فرض علي الحجاب لبسته عن قنااعه تااامه

هل لباس المحجبات الحالي يرضي الله ورسوله؟؟

والله حبيبتي اصابع ايدج مو سوى انا معاج ان اللبس الاسلامي الكل وخر عنه بس اغلب المتحجبات لبسهم ما يرضي احد

حتى الناس تنظر لهم نظرره مو حلوة لان لابسه حجاب بو تفخه هاللي بدعوا فيه والبنطلون الضيج وقميص قصير

او تنوره ضيجه ووو ...... وانتي عارفه الباااجي الله يستر على بناتنا ياااارب

كيف تنظر المتبرجة للمحجبة وبالعكس؟

والله انا انظر للكل سواء متبرجه او متحجبه نفس النظرة واقول الله يهديهم

والله صار المتبرجه تلبس لبس استر من المتحجبه

كيف ينظر الشاب الذي يريد الخطبة الى كلتيهما؟؟

هالاياام الشباب نظرتهم تغيرت مو مثل اول وكل وااحد وذوقه في واحد يرضى فيها مثل ما هي ويغيرها بعد الزواج

هل فعلا قد حققت المتبرجة ذاتها؟؟

تحقيق الذات ماله علاقه بالحجاب الانسان ممكن يحقق ذاته والدليل شوفي الغرب اهم اللي ناجحين بحياتهم

بس هذا مو معناته ان احنا فاشلين بالعكس الانسان لما يكون له طموح ينجح راح يوصل لهدفه

ما رأيكم بالفنانات التائبات؟؟

والله قااصين على عمرهم يمثلوون ويسوون كل شي واخر شي لما يكبرون ويشبعون يقولون توووبه

والاحلى بعضهم لما يقولون نبي نمثل دور يتم ذكرى للجمهور علشان لما نعتزل يذكرونه

وييييييين التووووبه ؟

ما أثر التبرج على المجتمع والجيران والزملاء بالدراسة والعمل؟؟؟

اذا الاغلبيه صاروا جذي للاسف نظرة الناااس تغيرررت وااايد بس المحترم يفرض نفسه مهما كاااان

 

[ام فوااز]

رد: أستطلالالالالالالالالالالالالالالاع

الله يهديهم ويتحجبون
عاد اهم شي الحجاب واللبس المحترم مايبون عبايه ماعليه بس عاد اللبس اهم شي يكون محترم وغير شفاف
طالعين لنا بطلعه قمصان شفافة يلبسونها من غير بدي تحتها وييييييع شكلهم كلش مو حلو الايد مبينه ولابسه حجاب ليش بعد لابسته
الله يهديهم:bbbiu:

 

[كوارين]

رد: أستطلالالالالالالالالالالالالالالاع

أولا انا مع الحجاب والستر
وانة يكون الحجاب ساتر والملابس لا تكشف العورة مو شرط العباة

 

[بـريـق الـمـاس]

رد: أستطلالالالالالالالالالالالالالالاع

موضوع حلو تسلمين حبوبه ..

لماذا تتبرج أخواتنا وبناتنا؟؟
مثل ما قلت اختي عاشقة الكاكاو .. التــقــلــيد هو السبب الرئيسي اللي يصير للبنات هالايام سواء باللبس او المكياج ..

هل الحجاب عيب؟؟
لا بالعكس الحجاب ستر وانا عندي والله البنت المتحجبه احلى من المو متحجبه .. <<< البنت المتحجبه اللي تلبس لبس محتشم مو اللي لابسه لبس ما تفرقين بينها وبين المو متحجبه الا الحجاب ..!!

لو لم يجبرك والدك أو والدتك على الحجاب هل ترتدينه؟؟
نــعـــم

هل لباس المحجبات الحالي يرضي الله ورسوله؟؟
لا ..

كيف تنظر المتبرجة للمحجبة وبالعكس؟
والله ما ادري بس انا عن نفسي اذا البنت حاطه شي بسيط مثل كحل وبس <<< اللي يكون داخل العين مو ايلاينر وهالسوالف ..
ما فيها شي اما اذا كانت حاطه مكياج اللي يشوفها يقول رايحه عرس الله يهديها ان شاءالله ..

كيف ينظر الشاب الذي يريد الخطبة الى كلتيهما؟؟
طبعا بيدور البنت المحتشمه وحتى لو كانت مو متحجبه بس تكون محتشمه بلبسها لان الكل يبي الاخلاق والتربيه الصالحه ..

هل فعلا قد حققت المتبرجة ذاتها؟؟
لا بالعكس هي تحاول تحقق ذاتها بالمكياج بس ما تدري انه هذا اكبر غلط لان الانسان يحقق ذاته بشخصيته واخلاقه مو بشكله ..

ما رأيكم بالفنانات التائبات؟؟
والله الحمدلله الله يهديهم ويهدي الفنانات كلهم .. لانهم مو ماخذين من هالفن غير الذنوب مراح يفيدهم بشي ..

ما أثر التبرج على المجتمع والجيران والزملاء بالدراسة والعمل؟؟؟
والله انا بتكلم عن مجتمعي يعني انا اذا تمكيجت وسويت مثل البنات محد راح يتقبل ولا راح يرضون اطلع بالشكل هذا للدوام الا اذا كانت عزيمه او عرس ..​

 

[بدووون إسم]

رد: أستطلالالالالالالالالالالالالالالاع

ردووووووووووووود رائعة لكن وين الباقين

 

[شوشو الشقيه]

محاولين الأجابة على ما يلي
لماذا تتبرج أخواتنا وبناتنا؟؟ بصراحه حق نفسهااااااا عشان تشوف نفسها مرتبه وحلوه
وانيقه
هل الحجاب عيب؟؟بالعكس فخر
لو لم يجبرك والدك أو والدتك على الحجاب هل ترتدينه؟؟ والله بصراحه انا لبست الحجاب من نفسي بدون ضغط اي احد
هل لباس المحجبات الحالي يرضي الله ورسوله؟؟اي اكيد
كيف تنظر المتبرجة للمحجبة وبالعكس؟انا بصراحه انظر عادي عندي ما دام اخلاقها عاليه ومحترمه حالها شنو فيها لو وضعت مكياج
بصراحه ما ياثر بصراحه
لان الي يعيب البنت اخلاقها وليس مكياجهاااااااااا
واايد بنات لا يضعون في وجههم مكياج ولكن شوفي تصرفاتهم بصراحه تخجل العين والنفس
في بنات يضعون مكياج ولكن محترمات انفسهم واخلاقهم عاليه
كيف ينظر الشاب الذي يريد الخطبة الى كلتيهما؟؟والله كل شاب عقليته في شبابا ما يحبون البنت متبرجه
في رجال عادي عندهم لانهم اصلا يثقون في نساءهم ويثقون في انفسهم

هل فعلا قد حققت المتبرجة بصراحه هو ما حققت ذاتها
ولكن النفس تريد التشوف المنظر المريح للنفس
ما فيها شيء لو رحتي بمكياج خفيف
انا اقصد المكياج الخفيف


ما رأيكم بالفنانات التائبات؟؟شيء طيب ويا ريت الكل يتجه للرب

ما أثر التبرج على المجتمع والجيران والزملاء بالدراسة والعمل؟؟؟
بصراحه يفتن بصراحه والفتنه حرام
اذا كان واايد مكياج اذا كان واايد مكياج انا اقصد مكياج الممثلات الصارخ

اما اذاذ كان خفيف بصراحه ما ياثر ابداااااااااا
وجزاكم الله كل خير[/quote]


تسلمين من اختج شوشو الشقيه
بصراحه كل شخص حر بتصرفاته لا احد مسئول عن الاخر

على فكره انا قبل كنت احط مكياج في وجهي ولكن الحين ما احط بصراحه
اغسل وجهي واظهر من البيت كاني توني قايمه من النوم
بس انا ليس ضد فكره وضع المكياج اذا كان خفيف

 

[makhroosha]

يعطييييج الف عافيه على هالموضوع المفيد ..
صح كلام زميلاتي انتشر في مجتمعنا عدات دخيله باسم الموضه والتقليد
وقمنا ما نقرق بين المتحجبة والمومتحجبه
صراحة والمتحجبات صار لبسهم مقزز عسى الله يهديهم
بالعكس اشوف الحجاب فخر للبنت والمفروض تحمد ربها الف مرة
اذا البنت تبي تكشخ ما يمنع تحط مكياج خفيف و لبس ذرب ناعم و انا اشوف وايد متحجبات لبسهم يهبل
عسى الله يهديهم و يهدينا ويهدي جميع المسلمين يا رب
ويعطيج الف عافيه

 

[المـــــها]

:68_asmilies-com:حبيبتي ممكن بس أستوضح عن قصدج بالمتحجبة ، هل تقصدين الحجاب الكامل من غطاء للرأس و الوجه و اليدين ؟؟ و هل تقصدين بالمتبرجة : التي لا تغطي وجهها أو تضع المكياج أو التي لا تغطي رأسها ؟؟؟ لأن المفردات تختلف حيل بالمعنى ...:eh_s(1):

بالكويت أشوف إن البنت لازم لازم تلبس الحجاب و اللبس المستور و يفضل يكون عباية و لا أقصد المخصرة ،، لأن البدل مهما كان توضح ملامح الجسم ، و بالنسبة للمكياج لا داعي لوضعه عند الخروج إلا إذا كان خفيف لا يلحظ ..

و مشكوووورة إختي على الموضوع الرائع ...:ggdw:

بليز لا تنسين توضحين قصدج بالمتحجبة و المتبرجة :bye22:​

 

[شيهانه20211]

الحمد لله على نعمه الحجاب و العبايه و النقاب و الله نصيحه لكل وحده مو منقبه جربي النقاب بس يوم واحد و شوفي شنو شعورج

 

[بدووون إسم]

المتحجبة من تلبس الغطا وتستر وجهها والمتبرجة من تظهر مفاتنها لغير محارمها

 

[المـــــها]

المتحجبة من تلبس الغطا وتستر وجهها والمتبرجة من تظهر مفاتنها لغير محارمها

مشكووووورة إختي العزيزة على التوضيح

و بصراحة موضوعج أكثر من رائع :ggdw:​

 

[المـــــها]

لماذا تتبرج أخواتنا وبناتنا؟؟
الله أعلم ،، حسب النيات
هل الحجاب عيب؟؟
بالعكس ،، أكبر فخر للبنت و أهلها
لو لم يجبرك والدك أو والدتك على الحجاب هل ترتدينه؟؟
أنا متحجبة بإرادتي و لكن ما أغطي وجهي لأني ما أحط مكياج
هل لباس المحجبات الحالي يرضي الله ورسوله؟؟
للأسف لأ ،، طبعاً مو كلهم ..
كيف تنظر المتبرجة للمحجبة وبالعكس؟
الله أعلم ،، بس أنا تعجبني البنت المتغطية بالكامل .. و الباقي عادي حسب أخلاقهم ،، لأن للأسف بعض المتحجبات يسيئون لحجابهم ...
كيف ينظر الشاب الذي يريد الخطبة الى كلتيهما؟؟
أكيد أكيد للأخلاق
هل فعلا قد حققت المتبرجة ذاتها؟؟
أعتقد إن تحقيق الذات لا يعتمد على هذا الشي
ما رأيكم بالفنانات التائبات؟؟
بصراحة اللي اعتزلوا التمثيل يعجبوني ،، بس اللي لي الحين يمثلون و يختلطون بالرجال و المكياج و هالسوالف الله يهديهم ..
ما أثر التبرج على المجتمع والجيران والزملاء بالدراسة والعمل؟؟؟
أكيد راح يكون له أثر سلبي إذا كانت البنت مو ساترة لعوراتها و تختلط بالرجال ...


و مشكووورة مرة ثانية​

 

[WaRoODa]

لماذا تتبرج أخواتنا وبناتنا؟؟
و الله في ناس يحبون انهم يطلعون كاشخين و متزقرتين و طبعا هالشي بنظرهم ما يتم إلا بالمكياج و التبرج
هل الحجاب عيب؟؟
الحجاب بنظري ستر للبنية اذا كان الحجاب الاسلامي الشرعي طبعا و أصلا البنية أحس تفرض احترامها فيه
لو لم يجبرك والدك أو والدتك على الحجاب هل ترتدينه؟؟
انا أصلا اهلي ما جبروني عليه انا اللي قتلهم ابي اتحجب و عن قناعة تامة بعد
هل لباس المحجبات الحالي يرضي الله ورسوله؟؟
و الله في بنات شحلاتهم لابسين الحجاب الشرعيعلى أصوله اللي يضي الله و رسوله بس معظم البنات الباجين الله يهديهم الفول ميك اب و اللبس الضيج يعني منظرالبنية اللي مو متحجبة أحسن من منظرها اهيا و هالنوعية من الحجاب طبعا ما ترضي الله و رسوله
كيف تنظر المتبرجة للمحجبة وبالعكس؟
و الله مادري بس انا ارتاح للبنت الي مطبقة الحجاب الشرعي و احترمها وااايد
كيف ينظر الشاب الذي يريد الخطبة الى كلتيهما؟؟
مادري احس اشباب نظرتهم تغيرت اللحين يعني أول يدورون الملتزمة الحين ما يهمه مو متحجبة وللا متحجبة المهم تعجبه
هل فعلا قد حققت المتبرجة ذاتها؟؟
اعتقد ماله علاقة يعني اذا كانت متبرجة راح اتحقق ذاتها هذا احس كله يعتمد على شخصية البنت نفسها
ما رأيكم بالفنانات التائبات؟؟
الله يثبتهم انشالله و الله يهدي الباجي انشالله
ما أثر التبرج على المجتمع والجيران والزملاء بالدراسة والعمل؟؟؟
اممم اتوقع البنت لو ابتعدت عن التبرج جان كسبت احترام أكثر سواء من زملائها بالعمل و للا الجيران أو غيره

و مشكووورة حبيبتي عالأسئلة الحلوة هذي

 

[malak2]

المتحجبة من تلبس الغطا وتستر وجهها والمتبرجة من تظهر مفاتنها لغير محارمها

كلام رائع جزاك الله خير

 

[بدووون إسم]

شكرآ لمروركن العطر

 

[مساء الورد]

لماذا تتبرج أخواتنا وبناتنا؟؟
سؤال دائما أطرحه على نفسي ؟؟ شيبون بهاللبس خصوصا المتحجبات الله يهديهم
هل الحجاب عيب؟؟
طبعا لأ .. الحجاب منتهى الأنوثة واسألي الرجال ويقولون لج
لو لم يجبرك والدك أو والدتك على الحجاب هل ترتدينه؟؟
أنا ولله الحمد لبسته بروحي .. بس ابوي كان له دور في تشجيعي
هل لباس المحجبات الحالي يرضي الله ورسوله؟؟
البعض اي .. والأغلب لأ ..
صحيح موشرط المتحجبة تلبس عباة ونقاب بس في شروط أخرى مهمة مثل أنه فضفاض مايشف ولايصف جسم المرأة ولايكون ملفت للنظر
طبعا أغلب البنات الله يهديهم عكس الشروط كأنه عناد
واحيانا أقول ياترى اهي صج مقتنعة انها متحجبة ؟؟؟ شلون

كيف تنظر المتبرجة للمحجبة وبالعكس؟
اعتقد انه على حسب اللبس تطالع الوحدة الثانية
يعني اللي حيل ملتزمة تطالع المتبرجة انها عاصية
والمتبرجة تطالع الملتزمة انها معقدة وماعندها ذوق ..
طبعا مو الكل لكن انا سمعت الرايين من بعض البنات
كيف ينظر الشاب الذي يريد الخطبة الى كلتيهما؟؟
على حسب الشاب نفسه ..اذا اهو من ربع الجل وجنز بطيح الحقو علي اكيد يبي اللي نفسه عشان البرستيج ماله مايخرب
بس اعتقد والله اعلم ان الاغلب يحبون حريمهم لبس اقرب للملتزم
هل فعلا قد حققت المتبرجة ذاتها؟؟
لا ماعتقد
وفي رأي للاستاذة ناعمة " على اسس علمية " ان كل مازاد تبرج البنت قلت ثقتها بنفسها وزاد من برودها الجنسي
بدون زعل هذا رأيها مو رايي
ما رأيكم بالفنانات التائبات؟؟
الله يهدي الجميع
ما أثر التبرج على المجتمع والجيران والزملاء بالدراسة والعمل؟؟؟
اعتقد انا المرأة هي أساس المجتمع واذا هي بعدت عن دينها راح يخرب مجتمعنا

 

[بدووون إسم]

ثانكيوووووووو

 

[صلي على النبي]

اللهم صلي وسلم على نبينا محمد
استغفر الله العظيم واتوب اليه
لا اله الا الله محمد رسول الله
سبحان الله وبحمده سبحان الله العظيم
لا اله الا الله وحده لاشريك له له الملك وله الحمد وهو على كل شي قدير
سبحان الله والحمدالله ولا اله الا الله والله اكبر
لاحول ولاقوه الابالله





















سبحان الله وبحمده ... سبحان الله العظيم

 

[ابتسامتي سر سعادتي]

لماذا تتبرج أخواتنا وبناتنا؟؟

تقليد للممثلات والمغنيات وللدول الغربية وأعتقادهن بأنه هو التطور و الرقي

هل الحجاب عيب؟؟

بالطبع لا بل هو رمز وفخر للمرأة المسلمة

لو لم يجبرك والدك أو والدتك على الحجاب هل ترتدينه؟؟

نعم و بكل قناعه (الحمدلله أنا لبسته من نفسي )

هل لباس المحجبات الحالي يرضي الله ورسوله؟؟
للأسف الشديد لا بل هو يغضب الرحمن نسأل الله الهداية


كيف تنظر المتبرجة للمحجبة وبالعكس؟
الكل معتقد أنه هو الصح و الطرف الأخر هو الغلط مع اني بصراحة أنظر للمتحجبة باللبس الضيق و الملفع أبو قوطي

بالإستعطاف لأنها مسكينة تحس نفسها محتشمة و هي بعكس ذلك

كيف ينظر الشاب الذي يريد الخطبة الى كلتيهما؟؟

في شباب عادي عنده هاللبس و يرضى فيها و البعض لا يعجبة إلا اللبس المحتشم

هل فعلا قد حققت المتبرجة ذاتها؟؟

لا
ما رأيكم بالفنانات التائبات؟؟

الله يثبتهم و يهدي الجميع

ما أثر التبرج على المجتمع والجيران والزملاء بالدراسة والعمل؟؟؟

لقد قال رسول الله صلى الله وعليه وسلم
(أن فتنة بني إسرائيل النساء)

فطبعا هن فتنه و نسأل الله السلامة و الستر و الهداية​