استطلاع: مع أو ضد والسبب؟؟؟

[الصابرة المحتسبة]

السلام عليكم
دعوة لأولياء الأمور بعمل استطلاع عن ايهما تفضلين المدارس الحكومية أم الخاصة مع توضيح السبب أرجو التفاعل من الجميع لما فيه مصلحة الجميع:

 

[rawona]

انا اول وحده اصوت

صوت حق المدارس الخاصه والسبب عن تجارب شخصيه جربت الاثنين ولقيت المدارس الخاصه افضل للاسباب التاليه:

1. المدرسه الخاصه تمشي على نظام معين وثابت ومتطور ومنهج عصري متجدد بس مايخل بالنظام العام

2. بالنسبه للمدارس الخاصه المدرس او المدرسه للمرحله الابتدائية ورياض الاطفال يتخرجون وشهادتهم شامله وعندهم معرفه وخبره بالتعامل مع الاطفال باسلوب حضاري ومتقدم وايجابي
فنلاقي المدرس او المدرسه تدرس جميع المواد في مرحلة الكي جي والابتدائي بالخاص ماعدا العربي والدين واحيانا الرياضه باسلوب حلو

3. التعامل مع الطفل في المدارس الخاصه افضل لان الطفل له كيان وراي عندهم فيسمعون راي الطفل ويتحاورون معاه ويخلونه يعبر عن نفسه وذاته بالكلمات سواء كان فرحان او معصب ويعرفون يمتصون غضب الطفل

4. يركزون على الطفل في مرحلة رياض الاطفال على معرفة الالوان واسماء الاشياء والحيوانات والتعرف على اعضاء الجسم صحيح هالشي موجود بالحكومه بس الفرق برياض الاطفال بالخاص انهم في اولى روضه يعلمون الطفل اشكال الحروف والارقام ويعلمونه العد ويقوون عضلات الايد بالتلوين والرسم والمشي على الخطوط واللعب بالطين وقص الاوراق وفي ثانيه تبدا مرحله الكتابه والتعرف على الكلمات قراءه وكتبه مما يأهله لدخول الابتدائي قوي نوعا ما



بالنسبه للحكومه:

1. تخبط واضح بالخطط والمنهاج ومافي اسلوب او خط واضح للتعليم كل ما مسك وزير غير على كيفه حطوا المقررات وبعدين غيروا فيها بعدين قلصوها بعدين شالوها والحين غيروا نظام المراحل وحطو ملف انجازي وخربطو السيستم كله

2. ترتيب المراحل بالحكومه الحين ماشي مع العالم بس الفرق نقص خبره المدرسين بالنظام الجديد اقترح اعطائهم الكثير من الدورات العلميه والتثقيفيه اللي تعلمهم شلون يتعاملون مع عيالنا

3. نصيحه للمدرسات الجداد او اللي يبوون يصيرون مدرساااااااااااااااات رجاااااءً حاراً لا تصيرون مدرسات اذا انتوا مو حابين التدريس .. بليز اذا على المعاش اشتغلوا اي شغله ثانيه في بنك او اي شي ثاني واذا على العطله عادي 35 يوم بالسنه مو شويه!! بس بليز لا تستاثمون بعيالنا

4. ونصيحه ثانيه عطوا عيالنا ويه لا تدقرونهم فهموا ان اليهال يختلفون عن بعض بعضهم خجول وبعضهم جرئ عرفوا شلون تتعاملون مع كل طفل حسب شخصيته وامكانياته و طولو بالكم الصراخ والدقره مو حل واهم شي اخلصوا بعملكم علشان الله يوفقكم ويوفق عيالكم


وبس هذا كل اللي في بالي الحين اذا ذكرت شي ثاني باقولكم






نقزه!!!

في استطلاع سووه بالجامعه حق مدرسه معينه بالحكومه للابتدائي لقوا ان 65% من الابلات في هالمدرسه مدخلين عيالهم مدارس خاصه ... اممممممممممممم ليش؟؟؟​

 

[الصابرة المحتسبة]

تسلمين على التصويت
وانا معاج بخصوص نقطة الحكومه: المعلمات لازم يكون لهم دور فعال في معرفة اشلون التعامل مع الطلبة
وحلوه النقزة.... وليش يتوقف عليها أسباب يا اما: 1- مظاهر
2- للإختيار الصح

 

[rawona]

تسلمين على التصويت
وانا معاج بخصوص نقطة الحكومه: المعلمات لازم يكون لهم دور فعال في معرفة اشلون التعامل مع الطلبة
وحلوه النقزة.... وليش يتوقف عليها أسباب يا اما: 1- مظاهر
2- للإختيار الصح

لا وانتي الصاجه ازيدج من الشعر بيت مثل مايقولون

لانهم عارفين ان مافي وحده منهم تعطي بضمير وادرس من قلب فمافي ثقه بالزميلاتهم المدرسات لانهم عارفين وشايفين اللي قاعد يصير


وبالنسبه للمظاهر موجوده وموجوده بالحكومه على الاخص لان المدرسه همها الاول رضى الاداره "الناظره ، الوكيله، المشرف، الموجهه، الخ" فتسعى انها ترضيهم وتسوي شغل مو بالمنهج ولا مطلوب بس علشان تقولهم شوفوني

وبصراحه welcome in Kuwait اللي يشتغل واللي ما يشتغل سوا سوا واللي تخلص وجاده حقها مهضوم واللي تتمصلح وتضبط امورها اهي يمشي حالها

وانا بنفسي سامعه مدرسه تقول "لو شنو ما اخلي عيالي يدرسونهم هالمدرسات لانهم مايدرسون وخواره" سوري للمدرسات انا ما اقول الكل بس في غالبيه كبيره مالازم نتجاهلها قاعده تنزل بمستوى التعليم بالحضيض وماالومهم في بعض الشغلات منها النظام اليديد وعدم فهمه لان هذي مسؤولية التربيه انها تهيئ المدرسين للنظام اليديد بس احمل المدرسات مسؤولية عدم الاهتمام بعيالنا لانها لازم تكون مسؤوليتهم الكليه

مو شوف عيني ادخل مستأذنه باخذ بنتي مبجر الاقي الابلات مخلين اليهال يسولفون ويلعبون واهم قاعدين على جنب سوالف وتقولين تحركوا لما شافوني ااااااااااااااااابد عادي التفتت وشافتني انادي بنتي اخذها وردت تكمل سالفتها!!! بصراحه عجبه!!! مافي حتى سؤال وين الورقه من الاداره والا انتي منو؟ والا شتصيرين لها!! امبيه لا مو صج !!


خليها مستوره بس انا مااشوف تفاعل من البنات؟؟ وينكم نبي ارائكم علشان الكل يستفيد :tek:​

 

[أ.س.م.ا.ء]

عن نفسي افضل المدارس الخاصة ( طبعا اقصد المدارس الخاصة السنعة مو بوطقه :dddds: )
لانهم يتعاملون مع الطفل بطريقة راقية وحضارية تبني شخصيته ما تهدمها .... يهتمون بالطفل ويسمعونه فيحس انه له راي ... دايما طلاب المدارس الخاصة تلقين عندهم ثقة بنفسهم وجرأة بطرح افكارهم بعكس طلاب مدارس الحكومة ( طبعا مو الكل اكيد في استثناءات لكن آنا اتكلم بشكل عام ) غير جذي جو المدارس الخاصة يحبب الطالب بالمدرسة والدراسة لانهم يلعبون معاهم ويودونهم رحلات تونسهم وتفيدهم بنفس الوقت ويسوون لهم نشاطات بالمدرسة فتلقين الطلاب يحبون يروحون المدرسة ... دايما تلقينهم يبتكرون افكار واشياء يديدة يقدرون يجذبون فيها الطلاب
طبعا بالنسبة للمناهج ما في نسبة مقارنة بين الخاص والحكومة
مثلا مرحلة الروضة تعتبر مرحلة لعب بالحكومة ومو مرحلة مهمة لكن بالخاص يعتبرونها مرحلة اساسية يدرسون الطالب فيها ويهيئونه للابتدائي
ويكفي ان الطالب يتخرج وعنده لغتين متمكن منهم ( العربي والانجليزي ) وفي بعض المدارس الخاصة يدرسون فرنسي بالمتوسط فالطالب لما يتخرج يصير عنده ثلاث لغات وهالميزة بروحها كافيه انها تضمن له مستقبل وظيفي افضل بإذن الله
الله يوفق الكل ان شاء الله ........... وشكر لصاحبة الموضوع :33_1185028183:

 

[الصابرة المحتسبة]

rawona:ما نقول الا الحمدلله على كل حال وحسافة على أيام قبل كان التدريس بمعنى الكلمة والأهم الأول مصلحة(الطالب) واشلون توصيل المعلومة صح

 

[الصابرة المحتسبة]

أختي غنايم: لا شكر على واجب

 

[كويتية صغيرة]

اعتقد المقارنة فيها ظلم و تعميم
يعنى مدارس الحكومة مو كلها موزينة ..... حرام هالكلام
في مدارس ادارتها وايد زينة و ابلاتها يهبلون و عندهم قوانين صارمة

المدارس الخاصة انتى دافعة فيها فلوس ..... اكيد راح يهتمون بالطفل أكثر لأنها بفلوس .....يعنى كل شي بمقابل



السؤال كأنك تسألين شخص:
ايهما افضل اروح طبيب الأسنان الحكومى اللي بالمستوصف
و الا اروح طبيب خاص بفلوس يهتم فينى ......... اكيد الكل راح يقول طبيب خاص لان يهتم فيني


يعنى هذا الاستطلاع معروف جوابه مسبقا
و كل شخص راح يجاوب حسب الجو العام ..... حسب منطقته ...... حسب مدرسته ........ حسب ادارة المدرسة .......


اعتقد افضل من يجاوب هو من جرب النظامين مثل الأخت ام عبود .... و اذا في اخوات اخرين يفيدونا جزاهم الله خيرا
و ان كنت لازلت اقول الله يعز ديرتنا اللي حطت لنا المدارس ببلاش و كل شي ببلاش و احنا نركض ورا اللي فيه فلوس

و أؤكد هذا الاستطلاع معروفة نتيجته و معممة

 

[الصابرة المحتسبة]

Hojd ;, أخت كويتية: الإستطلاع بوجه عام ويعبر عن رأي العامة مع توضيح السبب وليس الإكتفاء بالتصويت فقط
وانتي تفضلتي في نهاية كلامج( واذا في خوات أخرين يفيدونا) يعني المصلحة الأخيرة هي منفعة أولياء الأمور
وتسلمين على المشاركة

 

[sara2000]

الصراااحه آنا كارهه المكانين

صج الحكومه الحين المناهج مو شي .. وكل يوم من نظام لي نظام .. أعرف أبلة تقول نسبة الرسوب كبيره بس يقولون لنا نجحووووهم عشان يقولون النظام ناجح .. والطلبه ؟!!!! .. و اذا عالعطل ترى قاعدين يقللونهم ويبون يسوونهم نفس الوزارات 45 يوم بس.. فمادري اللي ما تبي تدرس ماكو شي مميز بالمدرسه صار.. ولا انها تظلم اليهال .. أعرف ياهل من عايلتنا تخيلوا يا بنات بأولى ابتدائي قال حق الأبله حسران قالتله ماكو توك راد من فرصه .. ياهل شعرفه ؟ يا عمري سواها على نفسه جدام اليهال وتفشل قام يبجي .. حرام عليهم والله

والمدارس الخاصه انا شفت خريجينها معانا بالجامعه يلهوتييييييييي ..
لا اسلوب بالحجي .. كلامهم بالكويتي رجيج .. معلوماتهم بالدين ماكوو ! أذكر واحد مادري شياب الطاري بالمحاضره وسألوه منو مريم بنت عمران ؟ ما عرف أمبيه !
واااايد انصدمت منهم معلوماتهم ولا شي !
والطامه الكبرى الشباب يرافجون بنات والبنات يرافجون شباب والوضع عااااااااااااااادي فرندز !
لا أروح بعيد اعيال عمتي بالأمريكيه .. لي كلمونا لازم بدليات ! والشباب ما احسهم رجوليين هم سوالف فرندز ..
والياهل اذا بيعاقبونه يحطونه على كرسي بروحه وباجي اليهال يتطنزون ويضحكون عليه!
وحده تقول ولدي كل يومين حاطينه بغرفه بروحه مسمينها غرفة العقاب تأزم كره المدرسه ! حرااااام
شي يحر والله .. ما أبي بنتي ولا ولدي جذي

واااااااااااي شنسوي

 

[rawona]

يابنات شفيكم مختلفين الشغله مو رايي انا صح والا رايكم صح اهي تبادل اراء وترى كل بيجاوب على اساس تجربته الشخصيه ..


انا وحده جربت النظامين فرق السما عن القاع وترى مو المدارس اللي تربي؟؟!! لا كله على الطالب وعلى الاهل وانا احمل الاهل 80% من سلوك الطالب وشخصيته والتزامه بالدين والاخلاق للاسف وايد ناس علبالهم المدرسه اهي اللي تربي ويدخلون عيالهم خاص وينسونهم وهذا اكبر غلط ..


الاتزان بكل شي حلو يعني الواحد اذا دخل عياله مدارس خاصه لازم يتابعهم باستمرار ويزرع فيهم الدين والاخلاق اللي يحث دينا عليها وراح ايي الطفل يسال امه وابوه فلان والا فلانه سووا جذي بالعكس مافيها شي اذا يا وقال لان اهني ايي دور الاهل واهني يتعلمون عيالنا الصح من الغلط وزرع حب الله في قلوبهم وعلموهم يراقبون تصرفاتهم وافعالهم لان في رقيب اكبر يراقبهم وان اذا الام والاب مادروا عن شغله يسويها الطفل في واحد فوق يشوف ويعرف ومن اهني نزرع فيهم حب الله سبحانه وتعالى والخوف من معصيته

وكله على التربيه وترى اذا سألتي اللي عيالهم بمدارس خاصه الكل بيمدح مدرسة عياله ويوصلها للتوب اهي مسألة نسبه وتناسب ووجهة نظر ومو بالضروره يكون الخاص توب واحسن شي بس بالوضع الحالي انا اشوفه افضل وعلى قولتج مدام بفلوسج في اهتمام اكثر


وحطوا في بالكم ترى محد يحب الشقى لعمره ولا اهي هينه على الواحد والا الوحده انها تقصر شوي على عمرها والا ادش هالجمعيات اللي تقص الظهر علشان ادخل بنتها او ولدها مدرسه زينه ولا ترى عاجبهم هالاولوفات اللي يقطونها كل سنه على مدارس عيالهم وصدقيني مافي احد يخلي الشي اللي ابلااااااااااش ويركض ورا اللي بفلوس الا اذا اهو انحد على هالشي ولقى ان مصلحة عياله بالمرتبه الاولى

والا بالعكس الديره ماقصرت والحكومه مخليه التعليم مجاني وغيرنا حاسدنا على هالشي بس انا شيفيدني هالشي اذا كانوا عيالي مو مستفيدين وبصراحه الزمن يخرع باجر صار ماصار محد يقبل عيالنا ومستواهم مو اللي نطمح له والكل يبي الافضل لعياله وصدقيني انا لو شايفه 1% ان قعدت عيالي بالحكومه افضل لهم جان مافكرت لحظه اني انقلهم من حكومه لي خاص

والله يسهل الامور للجميع ​

 

[خشف المطران]

أعرف وحده مدخله إعيالها خاص... مع إن حالتها الماديه مو شيء... بس قاطتهم بخاص أقولها ليش ..؟


تقول عشان لا أدرسهم .. أرتاح أهم يعلمونهم ويفهمونهم وكل شيء ..؟؟

يعني تبي ترجع من الدوام تحط راسها وتنام.. و المغرب .. لبست عباتها وهجت السوق و إلا جمعات حريم ..

عيالها فعلا إنجليزيهم قوي .. .. بس لأسف مخاطبه فقط .. كتابه .. نو ..

وترى سهله تاخذين لغه حدها مو شطاره .. .. ما تشوفون كل الهنود بالكويت يتكلمون عربي .. دشو مدارس ؟؟؟

مع التعود شهرين قعد يسمعنا نتحشى عربي تحشى مثلنا بس يعرف يكتب عربي لا ؟؟

المهم .. كتابه إنجليزي زيرز .. .. أخلاق زيرز( خو الأم تبي الراحه وينها وين التربيه )


كله يتفل ..؟؟ ههههههههههههه كل شيءزيرو بزيرو .. قلة أدب مع أمه حتى . و أهو ب 8 سنين ؟؟

والحمدالله .. فيه .. بحكومه بس الأم على طول تفتيش دفاتر .. و تدريس أول بأول ..

ومتابعه على طول .. و تسأل المدرسات عنها ..ومتابععتهم على طول .. الحمدالله .. أوائل الطلبه ..

وأخلاقهم و تربيتهم و أسلوبهم و نضافتهم و ترتيبهم لا يعلى عليه ..

كله من الأم .. و البيت ..

المدرسه شكو ..؟


مشاكل المدرسه تنحل بالبيت . بس مشاكل البيت .. مستحيل تنحل بالمدرسه . لأانها الأقوى




الحكومه ما خرج بنات و شباب دخلو كلية الطب بالكويت ؟؟ من شنو ..؟؟

ولا تقولين قبل .. للحين قاعده تخرج .. نسب عاليه و صعبه من هالجيل من المعلمات .

وكل مكان فيه الزين وفيه الشين ..

نسيتو إطراقات الفسطينيات قبل ..؟؟

نسيتو العصايه اللي تخلي إيدج خطوط حمر إسبوع جدام ..؟؟؟ شطلعت ؟؟ ماطلعت شيء ...

كل اللي بجيلي فاشلات .. تجاري وكلية معلمات عقب تحويل بالغالب تجاري .. .. ؟؟ لو وحده بس أعرفها بدفعتي صارت دكتوره ما في ..؟؟ وربي ...

والنسب كلها بحضيض .. ما عدا المصريين و الفلسطن و هالجناسي .. أهم الي كانو ياخذون النسب

لأن أهلنا مو مهتمين بالتعليم .. .. والفلسطيني مثله مثلنا نفس التعليم .. بس أمه هناك . تربيه عدل وتحببه بالتعليم ..

كله منج يا الأميمه .. بس للأسف الغالب يمشي على مثال رفيجتي اللي فوق ..



..

 

[الصابرة المحتسبة]

الصراااحه آنا كارهه المكانين

صج الحكومه الحين المناهج مو شي .. وكل يوم من نظام لي نظام .. أعرف أبلة تقول نسبة الرسوب كبيره بس يقولون لنا نجحووووهم عشان يقولون النظام ناجح .. والطلبه ؟!!!! .. و اذا عالعطل ترى قاعدين يقللونهم ويبون يسوونهم نفس الوزارات 45 يوم بس.. فمادري اللي ما تبي تدرس ماكو شي مميز بالمدرسه صار.. ولا انها تظلم اليهال .. أعرف ياهل من عايلتنا تخيلوا يا بنات بأولى ابتدائي قال حق الأبله حسران قالتله ماكو توك راد من فرصه .. ياهل شعرفه ؟ يا عمري سواها على نفسه جدام اليهال وتفشل قام يبجي .. حرام عليهم والله

والمدارس الخاصه انا شفت خريجينها معانا بالجامعه يلهوتييييييييي ..
لا اسلوب بالحجي .. كلامهم بالكويتي رجيج .. معلوماتهم بالدين ماكوو ! أذكر واحد مادري شياب الطاري بالمحاضره وسألوه منو مريم بنت عمران ؟ ما عرف أمبيه !
واااايد انصدمت منهم معلوماتهم ولا شي !
والطامه الكبرى الشباب يرافجون بنات والبنات يرافجون شباب والوضع عااااااااااااااادي فرندز !
لا أروح بعيد اعيال عمتي بالأمريكيه .. لي كلمونا لازم بدليات ! والشباب ما احسهم رجوليين هم سوالف فرندز ..
والياهل اذا بيعاقبونه يحطونه على كرسي بروحه وباجي اليهال يتطنزون ويضحكون عليه!
وحده تقول ولدي كل يومين حاطينه بغرفه بروحه مسمينها غرفة العقاب تأزم كره المدرسه ! حرااااام
شي يحر والله .. ما أبي بنتي ولا ولدي جذي

واااااااااااي شنسوي

مشكورة أختي على المشاركة: والإختلاف في الرأي لايفسد للود قضية

 

[الصابرة المحتسبة]

أعرف وحده مدخله إعيالها خاص... مع إن حالتها الماديه مو شيء... بس قاطتهم بخاص أقولها ليش ..؟


تقول عشان لا أدرسهم .. أرتاح أهم يعلمونهم ويفهمونهم وكل شيء ..؟؟

يعني تبي ترجع من الدوام تحط راسها وتنام.. و المغرب .. لبست عباتها وهجت السوق و إلا جمعات حريم ..

عيالها فعلا إنجليزيهم قوي .. .. بس لأسف مخاطبه فقط .. كتابه .. نو ..

وترى سهله تاخذين لغه حدها مو شطاره .. .. ما تشوفون كل الهنود بالكويت يتكلمون عربي .. دشو مدارس ؟؟؟

مع التعود شهرين قعد يسمعنا نتحشى عربي تحشى مثلنا بس يعرف يكتب عربي لا ؟؟

المهم .. كتابه إنجليزي زيرز .. .. أخلاق زيرز( خو الأم تبي الراحه وينها وين التربيه )


كله يتفل ..؟؟ ههههههههههههه كل شيءزيرو بزيرو .. قلة أدب مع أمه حتى . و أهو ب 8 سنين ؟؟

والحمدالله .. فيه .. بحكومه بس الأم على طول تفتيش دفاتر .. و تدريس أول بأول ..

ومتابعه على طول .. و تسأل المدرسات عنها ..ومتابععتهم على طول .. الحمدالله .. أوائل الطلبه ..

وأخلاقهم و تربيتهم و أسلوبهم و نضافتهم و ترتيبهم لا يعلى عليه ..

كله من الأم .. و البيت ..

المدرسه شكو ..؟


مشاكل المدرسه تنحل بالبيت . بس مشاكل البيت .. مستحيل تنحل بالمدرسه . لأانها الأقوى




الحكومه ما خرج بنات و شباب دخلو كلية الطب بالكويت ؟؟ من شنو ..؟؟

ولا تقولين قبل .. للحين قاعده تخرج .. نسب عاليه و صعبه من هالجيل من المعلمات .

وكل مكان فيه الزين وفيه الشين ..

نسيتو إطراقات الفسطينيات قبل ..؟؟

نسيتو العصايه اللي تخلي إيدج خطوط حمر إسبوع جدام ..؟؟؟ شطلعت ؟؟ ماطلعت شيء ...

كل اللي بجيلي فاشلات .. تجاري وكلية معلمات عقب تحويل بالغالب تجاري .. .. ؟؟ لو وحده بس أعرفها بدفعتي صارت دكتوره ما في ..؟؟ وربي ...

والنسب كلها بحضيض .. ما عدا المصريين و الفلسطن و هالجناسي .. أهم الي كانو ياخذون النسب

لأن أهلنا مو مهتمين بالتعليم .. .. والفلسطيني مثله مثلنا نفس التعليم .. بس أمه هناك . تربيه عدل وتحببه بالتعليم ..

كله منج يا الأميمه .. بس للأسف الغالب يمشي على مثال رفيجتي اللي فوق ..



..

أتمنى مراعاة الإملاء بالكتابه
وقبل كان الطالب يحترم المعلم ومايرفع عينه ولا صوته وكانت الواجبات نسخ والتكرار يعلم الشطار,,, وطلع منهم الدكتور والمهندس والوزير والتاريخ يشهد ذالك
والخاص له سلبياته وله ايجابياته ,,,,,, والبيت هو المعلم الأول للطالب
وياليت نحترم آراء الآخرين
ومشكورة على المشاركة

 

[الصابرة المحتسبة]

يابنات شفيكم مختلفين الشغله مو رايي انا صح والا رايكم صح اهي تبادل اراء وترى كل بيجاوب على اساس تجربته الشخصيه ..


انا وحده جربت النظامين فرق السما عن القاع وترى مو المدارس اللي تربي؟؟!! لا كله على الطالب وعلى الاهل وانا احمل الاهل 80% من سلوك الطالب وشخصيته والتزامه بالدين والاخلاق للاسف وايد ناس علبالهم المدرسه اهي اللي تربي ويدخلون عيالهم خاص وينسونهم وهذا اكبر غلط ..


الاتزان بكل شي حلو يعني الواحد اذا دخل عياله مدارس خاصه لازم يتابعهم باستمرار ويزرع فيهم الدين والاخلاق اللي يحث دينا عليها وراح ايي الطفل يسال امه وابوه فلان والا فلانه سووا جذي بالعكس مافيها شي اذا يا وقال لان اهني ايي دور الاهل واهني يتعلمون عيالنا الصح من الغلط وزرع حب الله في قلوبهم وعلموهم يراقبون تصرفاتهم وافعالهم لان في رقيب اكبر يراقبهم وان اذا الام والاب مادروا عن شغله يسويها الطفل في واحد فوق يشوف ويعرف ومن اهني نزرع فيهم حب الله سبحانه وتعالى والخوف من معصيته

وكله على التربيه وترى اذا سألتي اللي عيالهم بمدارس خاصه الكل بيمدح مدرسة عياله ويوصلها للتوب اهي مسألة نسبه وتناسب ووجهة نظر ومو بالضروره يكون الخاص توب واحسن شي بس بالوضع الحالي انا اشوفه افضل وعلى قولتج مدام بفلوسج في اهتمام اكثر


وحطوا في بالكم ترى محد يحب الشقى لعمره ولا اهي هينه على الواحد والا الوحده انها تقصر شوي على عمرها والا ادش هالجمعيات اللي تقص الظهر علشان ادخل بنتها او ولدها مدرسه زينه ولا ترى عاجبهم هالاولوفات اللي يقطونها كل سنه على مدارس عيالهم وصدقيني مافي احد يخلي الشي اللي ابلااااااااااش ويركض ورا اللي بفلوس الا اذا اهو انحد على هالشي ولقى ان مصلحة عياله بالمرتبه الاولى

والا بالعكس الديره ماقصرت والحكومه مخليه التعليم مجاني وغيرنا حاسدنا على هالشي بس انا شيفيدني هالشي اذا كانوا عيالي مو مستفيدين وبصراحه الزمن يخرع باجر صار ماصار محد يقبل عيالنا ومستواهم مو اللي نطمح له والكل يبي الافضل لعياله وصدقيني انا لو شايفه 1% ان قعدت عيالي بالحكومه افضل لهم جان مافكرت لحظه اني انقلهم من حكومه لي خاص

والله يسهل الامور للجميع ​

يسعدني الرقي في الرد والتفكير
وكلامج 100\100 البيت له دور فعال وكبير في مراقبة الأبناء ولا يقتصر الخطأ على المدارس الخاصة عن العامة هناك سلبيات وهناك ايجابيات في كلا الحالتين
الحياة تجارب وتعلم

 

[الصابرة المحتسبة]

الرجاء من الخوات التعاون البناء في الطرح وعدم الإستهزاء أو الشد الغير مرغوب فيه وطرح هذا الإستطلاع لإبداء الرأي والإستفادة من التجارب والخبرات بما يعود علينا بمنفعة أبنائنا

 

[حلم الطفولة]

مشكوره الصابره المحتسبه وعساه في ميزان أعمالج .. آمين .

خواتي المسأله مو سالفة شحاطه ولا سالفة فكّه من التدريس أبدا .. بالعكس احنا بعد بالخاص ونموت من تدرّس عيالنا والتصطير والطلباات وووو...
لمّا كانو عيالي صغار وكنت أشوف معانات أختي بعيالها من ( تصرفات وأخلاق بعض المدرسات بالحكومه ) .. وآنا أقول : بعض " ..
بالإضافه لهالشي .. كانت تشكي من التخبط الإداري ,, اليوم جذيه باجر جذاك .......
آنا ما أذم 100% بالحكومه لا والله فيها خير صدقوني ,, بس اللي تقدر,, ماتعاف تحط عيالها بخاص لعدة أسباب أولها الكتب اللي تشوّق وتفتّح مخ اليهّال ..ويدرسونها من الروضه ..هذا يكفي !!
يعني حرام بالحكومه الله يهديهم عالأقل لو يحفظونهم جزء عم بس !! نقول زين !!.. بس الروضه بالحكومه يروح يغنّي ويلون خبرات جنّه عمره ماشاف ديايه ولا عرف فرشة الأسنان

صراحه آنا قلبي يتقطّع على عيال ديرتي والله فيني غيره ..
قمنا نفتح حضانات ونستجلب مناهج وحوسه عشان نعوّض القصور اللي في الحكومه ,,
للأسف المناهج غيرمتخصصه .. وغير مدروسه .

بينما الخاص : مناهج روعه .. تفتحين الكتاب تلقين هيئه من المدرسين والبروفوسورات والدكاتره التربويين مألفينه .. عشرين اسم .
لهم نظام تعليمي متميز ومعروف وسابقينا بمئاات السنين طبيعي بيتقدمون علينا تربويا ..
والطفل المتميز يزيدون تميّزه

بالإضافه لنقطه مهمة : إذا مرّت مشكله محدده فإن المدرسات بالحكومه تلقينهم يتخبطون بالتصرّف لإيجاد حل لها ..
بينما في الخاص ( الصجي انجليز وأمريكان !!) تلقين نفس المشكله كل المدرسات عندهم خطه واضحه شلون يتصرفون (أ) ..وإذا مانجحت الخطه (أ) ينتقلون للخطه (ب) وهكذا ..
تربويا الأجانب غير في التدريس ..

أرد وأقول كل نظام وله عيوبه ماكو شي كامل ,, وكل شخص وله رأيه ومتكيّف في المكان اللي يشوف انّه مناسب ..
وطالما مرتاحين : سواء خاص أو حكومه فنسأل الله التوفيق للجميع .. والله يعز الكويت بصلاح أخلاق أهلها آمين .....

 

[M.H.H]

أنا عن نفسي جربت النظامين لما كانوا بناتي صغار دخلتهم ابتدائي حكومه

والله إنهم لوعوااااااا جبدي كل يوم حنه من الصبح وآنا أمشط شعورهم بنغيب بنغيب وكل يوم صياح

بعدين نقلتهم الرؤيه لما تخرجوا والحمدلله ماعدت أسمع هذه العباره

واللي تقول إن اختلاط في الجامعه وفرييي صح

بس في مدارس متوفره بيئتها صحيه وتناسب مجتمعنا

وإن كانت عربي ضعيف ومايعرفون بالدين بعد أئيدج ان هناك مدارس ماتهتم بتاتا بالعربي والدين ؛؛؛؛؛

بس هذا كله بسبب أختيار الآباء السيئ وعدم حرصهم للاسف على القيم الدينيه عند أبنائهم​

 

[الصابرة المحتسبة]

حلم الطفولة: دوم مبدعة بالردود الراقيه والحضاريه شاكرتلج

 

[الصابرة المحتسبة]

أنا عن نفسي جربت النظامين لما كانوا بناتي صغار دخلتهم ابتدائي حكومه

والله إنهم لوعوااااااا جبدي كل يوم حنه من الصبح وآنا أمشط شعورهم بنغيب بنغيب وكل يوم صياح

بعدين نقلتهم الرؤيه لما تخرجوا والحمدلله ماعدت أسمع هذه العباره

واللي تقول إن اختلاط في الجامعه وفرييي صح

بس في مدارس متوفره بيئتها صحيه وتناسب مجتمعنا

وإن كانت عربي ضعيف ومايعرفون بالدين بعد أئيدج ان هناك مدارس ماتهتم بتاتا بالعربي والدين ؛؛؛؛؛

بس هذا كله بسبب أختيار الآباء السيئ وعدم حرصهم للاسف على القيم الدينيه عند أبنائهم​

هم نعيد ونقول البيت يربي ويزرع القيم والأخلاق
والحمدلله انج عرفتي تحلين مشكلتهم وتريحينهم
تسلمين على المشاركة