استفتاء لافضل مناطق بالكويت الكل يشارك00000

[غيوووض*]

بنات الله يعافيكم نبى نعمل استفتاءلاحسن منطقه بالكويت والكل يبدى اسبابه لاختياره هذه المنطقه من خدمات من جمال ونظافة المنطقه الى آخره 000نبى تفاعل كويتيات 000

 

[Amory]

أختارالشويخ السكنية>>>>>>>> الهدوء الشديد يحسسج انج ابدوله اوربيه.

الضاحيه>>>>>>>>النظام والموقع بقلب الكويت ... والمنطقتين قريبتين من البحر....وشوارعهم واسعه وقطعهم واضحه.

الروضه>>>>>>>>>تعجبني جمعيتها ونظامها.

 

[اعييز]

النزهه : كافي إني فيها لا جد منطقه هاديه .. وبس تصير الساعه 8 تشوفينها صخه وفيه جم قطعه الليتات تتسكر يعني خلاص على ال9 الناس نايمه صج منطقة شياب وعيايز ، وحتى من ناحية خدمات زينه ، وماشالله فيها كل المراحل الدراسية بالنسبة للبنيات .. اما الصبيان فعندهم الروضه والابتدائي .. وعقب لي اكبرو راحو الضاحيه



عندج مناطق شرحه تبارك الرحمن : العديليه والخالديه .. ياحلووو شوارعهم ماشالله عسى الله يهنيهم وحتى البيوت شرحه



الفيحا مااعرف اشتري الا من جمعيتهم .. وعروضهم وايد حلوه .. وو تقريبا كل احتياجاتنا فيها ، أم محمد والشايع وتحت عندج الفلبينيه مالت الكلف غير مثل ماقلت خدمات الجمعيه + تعرف تستغل المواسم يعني الحين شوفي موسم البر وحاطين لهم ركن بس حق اغراض البر حتى بره الجمعية بصفة الرملاوي والصيدليه وجذي



بس جني قرقت ؟

 

[غيوووض*]

شكرا خواتى على المرور ونبى تفاغل الكويتيات 0000

 

[Amory]

عندج مناطق شرحه تبارك الرحمن : العديليه والخالديه .. ياحلووو شوارعهم ماشالله عسى الله يهنيهم وحتى البيوت شرحه

ايوالله كلامج عدل 100% شوارعهم وااسعه حييل ومساحة البيوت 1000متر

 

[bnt q8 in usa]

الشويخ: السكنيه صج تهبل هاديه وايد

الجابريه:فيها اجمل ذكرياتي مادري استانس منهاا

اليرموك:هاديه ونظيفه وتهبل

العديليه والروضه وضاحية عبدالله السالم اكيف علي جمعياتهم.............وماشالله عندهم خوش ارتداد

النزهه:احبها راقيه..............بس ساعات عند دوار ثنوية العصماء يصير تقحص..........اشك مرات انها النزهه

 

[لباس التقوىk]

قرطبه بيوتها تجنن

 

[حورية الكويت]

الخالدية و بس

شوارع واسعة و نظافة و الحين الكلينك الجديد قاعدين يبنونه و الجمعية كذلك

بيوت ذات مساحة كبيرة 1000 متر مربع مع ارتداد ما لقيت مثله بمناطق ثانية

فيها كلية الهندسة ( كليتي سابقا ) و كلية العلوم

فيها الجمعية الثقافية النسائية

اللي صممت هالمنطقة مهندسة و صممت منطقة العديلية

 

[زيـنـه]

ما تقدرين اتحددين .. لان يعتمد في بعض المناطق فيها قسايم و بعضها بيوت حكومه و بعض المناطق جديده و بعضها قديم .. و التركيبه السكانيه تختلف من منطقه للثانيه .. و الخدمات كذلك تفرق .. و في بعض المناطق سكني بس و البعض الاخر سكني و استثماري و تجاري و هذا ياثر على المنطقه نفسها .
يعني عن نفسي ما اقدر احدد .. بس اللي اشوفه اغلب المناطق ذربه و مرتبه .

 

[طير الحب]

العاصمه كلها ( المناطق الاخليه) ررررررروعه

والاخص الروضه

 

[Amory]

ما تقدرين اتحددين .. لان يعتمد في بعض المناطق فيها قسايم و بعضها بيوت حكومه و بعض المناطق جديده و بعضها قديم

بالعكس اختي هذا مو مقياس لأن مستحيل اتكون منطقه كلها بيوت حكومه والمناطق اللي يكون فيها ابيوت حكومه اتكون قطعه فيها ابيوت حكومه وقطعه قسايم.
وثاني شي مو مقياس ان تكون المناطق يديده والا قديمه لأن شوفي الروضه قديمه وفيها قطعه 5 كلها ابيوت حكومه لكن مري عليها الحين اتقولين منطقه يديده لأن البيوت القديمه اهدموها وبنوا مكانها يديده وصارت المنطقه يديده وبيوتها كلها حلوه.

وسكان المنطقه طبعا يأثرون على المنطقة من ناحية النظافة والنظام والترتيب والهدوء ( مو تقحص وتشفط لي آخر الليل ) وحتى الجمعيه لها تأثير لأن الجمعيه دايما يكون لها نشاطات بالمنطقه مثل الزراعه و خدمات المدارس وغيره.

 

[فديت تراب الكويت]

تعجبنى منطقة الخالديـــــــــــــــــــــــه و الروضـــــــــــه ..... كل ما فيها حلوووو ...
بس الصراحه قرطبـــــــــــــــــــه غير ... أستانس لا دشيتها :eh_s(6):

 

[غيوووض*]

حبيباتى وين تفاعلكم اهالى الاحمدى والجهراء والفروانيه اشدعوه ما فى تعليق======ونسيت ومبارك الكبير والعاصمه وحولى ===

 

[محتارة]

الخالديه واللي مصممها مهندس من برا

 

[دلوعة الحلوين]

وينكم بنات صباح السالم وين ما دافعون عن منطقتكم خخخخخخخخخخخ داشه هوشة :eh_s(13): :eh_s(13): :eh_s(13): طبعا صباح السالم لانه تعتبر بوسط لكويت يعني تعتبر قريبة من كل المناطق وبنسبة للمساحة اعتقد انه مناسبه يعني لا كبيرة حيل ولاصغيرة ويكفي انه ما تضيع هذا رايي:eh_s(22):​

 

[شاهة]

من ناحيتي انا اموت علي كيفان منطقتي حبيبتي اولا جمعية كيفان اول جمعية في الكويت الحين افتحوا الجمعية اليديدة زوينة يبيلها وقت لي ماتكمل فيها كل الخدمات , المنطقة في العموم هادية ومافيها ازعاج واهلها طيبين وحبوبين
احب الفيحا جمعيتهم حلوة والمنطقة همن حلوة
الخالدية لان كليتي كانت فيها ( الهندسة ) وهمن حلوة واحب مكتبتهم العامه

 

[$$ صعبة الوصوف $$]

انا اشووووووف

عبدالله السالم

لان الكل يمدحهااااااااااااااااااااااا

وانا اولهم

 

[*ستايل*]

الخالديه
وقرطبه بيوتها تهبل ​

 

[كيوت_25]

السلام عليكم ورحمة الله وبركاته

طبعا احلى منطقه منطقتي


:eh_s(15): :eh_s(15): :eh_s(15):
الـيــــــــــرمــــــــــوك
:eh_s(9): :eh_s(9): :eh_s(9):


هاديه و راقيه و حلوه

و احب الخالديه كليتي وذكرياتي الحلوة فيها واحب جمعيتهم بعد

و احب جمعيه الروضه والعديليه والفيحا (( ألحين شكو الجمعيه ما ادري ؟!؟!!؟ :eh_s(3): ))​

 

[ii DareeN ii]

بنسبالي احسن منطقه العديليه شوارعها شرحه ووساع تركيبتها السكانيه حلوه من عمر ويا بعض ومثلها الخالديه هم شرحه
بو الحصاني حلوه وشرحه واحس اني مو بالديره اذا رحت لها في مناطق خصوصا صوب بو حليفه والفنطاس حلوه الي على البحر شويه تحسين بتغير صوبها و
وبالنهايه لكويت كلها حلوه