استفساراتكم عن الحضانات تجدونها هنا - الجزء الأول

[xxx]

مشاركة: حضانة خطوه بخطوه

سبائك

الحضانة توها فاتحه صارلها سنة وشوي بقطعة 7


زينة

بالشهر 70

 

[أم ضارى]

مشاركة: حضانة خطوه بخطوه

السلام عليكم بنات واسفه كانتلى ظروف مادخلت اليومين اللى طافوا

شوفى زينه رسومهم 70 دينار بالشهر وماعندهم كورسات لا طول السنه الحضانه مفتوحه يعنى اهمه بنظام الاشهر كل شهر عندهم شغلات يديده يعلمون الطلبه ومفاهيم يديده

 

[نونه]

مشاركة: أفضل حضانه للأطفال / حياكم

فيه حضانات وايد زينه بالكويت وبينهم تنافس منهم سمارت كيدز بالشاميه و حضانة الراشد بالعديليه و متسوري بالجابريه و انجلش بلاي جروب في سلوى والبريطانيه في جنوب السره

 

[xxx]

مشاركة: أفضل حضانه للأطفال / حياكم

ماشاءالله عليج نونه

كتبتي عن أحسن الحضانات بالكويت

بس نسيتي حضانة أفنان في بيان ماسكها الدكتور ابراهيم الخليفي وايد وايد يمدحونها

 

[نونه]

مشاركة: أفضل حضانه للأطفال / حياكم

اي صح كلامج بنت الكويت حضانة افنان نسيتها و هم بيبي كير في قرطبه

 

[q8tia cool]

مشاركة: أفضل حضانه للأطفال / حياكم

مرحبااااااااااااا بنوتات انه اليوم شفت و ثبتت وين صايرة حضانه النوابغ اللي بجنوب السرة (اول مرة اشوفها )

اهي قبال كنتاكي و هارديز السلام .... بنات شرايكم بهالحضانه ؟ و شنو افضل حضانه بجنوب السرة

ما شاء الله كل شوي طالعتلنا حضانه يديييدة ف اللي تعرف عن حضانات جنوب السرة تقولنااااااااا بليز

 

[مسك 3]

مشاركة: رد : أفضل حضانه للأطفال / حياكم

اشلونكم يابنات
موضوعكم شدنى بس حبيت اعرف فى احد جرب حضانة المثنى؟؟؟؟؟

مرحبا أم رغوده حضانه المثني خبري فيها عام 2002 و2003
كانت روعة وتعلم البيبي الانضباط وكانوا ياخذون من عمر سنتين ونص بس يونيفورمهم لوعة

 

[أحلى الجياكر]

مشاركة: حضانة خطوه بخطوه

السلا م عليكم
أنا عيالى كانوا بحضانة المثنى ..والله كانت وايد ممتازة و تصلح لى لأنها يم دوامى
نظيفة - مرتبة -ملمومة -و راعيتها كويتية ...كانت الحضانة تابعة حق كويت إنجلش سكول (بيت السداح) و بعدين شرتها هذى الكويتية و هى أكاديمية و دارسة علم نفس و متخصصة فى رياض الأطفال ..و وايد سوت فعاليات يوم مسكت الحضانة...و عيالى محد علمهم يقطعون الحفاظة إلا الحضانة ..و الإنجليزى و القرآن و الهدايا ...شى شى والله العظيم ..و إنشاء الله ولدى من يكمل سنتين بدخله هناك ... و هذا رقمهم 2406134 و جنه كانو ياخذون 100 إذا مانى غلطانه و خصم إذا فيه اخوان و فيى توصيل بعد ..
و سلامتكم..

 

[فرووحة]

أدخلة الحضانة ولا أخليييييي ؟؟؟؟؟؟

بنات اشلونكم ،حبيت آخذ رايكم بالحضانة
ولدي عمره سنتين و3 شهور ودي أدخله الحضانة لسبب ان خالتي وايد تحن علي وتقول ان الصبح يكون بروحه وضايق خلقة خلي يروح الحضانة علشان يستانس مع الياهال مع العلم ان دوامي من الساعة 8 ليمة 2,30 وانا اقعدة الساعة 9,30 علشان انومه الظهر معاي
بس ما ادري خايفة لمن يدش الحضانة تخترب نومتة الظهر ويستعسر وما اقدر اخلي الظهر عند الخدامة لانها بعد تتغدى واخليها تنام شوي
فما ادلري ساعدونييي اذا تقدرووون

 

[yasmina]

مشاركة: أدخلة الحضانة ولا أخليييييي ؟؟؟؟؟؟

لازم تودينا حضانه وراح يرد على الساعة 12 ونص أحسلة وايد من البيت ، ومو سبب نومتج الظهر انج تحرمين ولدج من التعليم والوناسة ، ينطرج لين نردين ينام معاج ساعة وبعدين يقعد وعلة الساعة 9 بليل حاولي تنومينه .. بالعكس الحضانه تنضم نومت الياهل .. وإذا لازممم تنامين الظهر قولي حق الخدامة تروح ترتاح ليمن انتي تقعدين .

 

[alhabibah]

مشاركة: أدخلة الحضانة ولا أخليييييي ؟؟؟؟؟؟

اتكلي على الله و دخليه الحضانه..ترى راح يستانس ويغير جو وتتعدل نومة اليل ..يمكن أول الأيام يستعسر شوي .. بس بعدين راح تتغير نفسيته وايد.. وأنا اكلمج عن تجربه..والله يوفقج

 

[al7reyaa]

مشاركة: أدخلة الحضانة ولا أخليييييي ؟؟؟؟؟؟

عن تجربه ولدي ترى حده مستانس بالحضانه توني ثاني شهر من دخلته مكييف حده يحيي العلم من الصبح ويستانس صج اول جم يوم يصرخ ويبجي ويرجع بالحضانه علشان ما يروح بس ترى عادي انا ولدي الحمد لله ماكمل اسبوع الا مكييف حده لانهم يودونه رحلات والصراحه ما اطوف ولا رحله خل يعتمد على نفسه الحين نفعنا اذا طلعنا ورحنا مكان يتليقفغ اهوه يطلب وجبته اعطيه دينار ويروح يقول ابي همبقر صغيرا وبطاطا صقيرا ( الاخ ايراني ) ترى ولدي كبر ولدج مواليد 20/8/2003


وايد تسنع انا ما قامو الخدم ينامون الظهر بس من ينامون اليهال بالليل يعني على الثمان اقول حق الخدم نامو معاهم خلاص ماكو شغل و هم حرام وراهم كرف الصبح

 

[فرووحة]

مشاركة: أدخلة الحضانة ولا أخليييييي ؟؟؟؟؟؟

مشكوووورين بنات ما قصرتووووو

 

[fulla]

مشاركة: أدخلة الحضانة ولا أخليييييي ؟؟؟؟؟؟

لاو الله دخليه وانتي امغمضه انا بنتي جذيه كنت اخاف عليها واقول اخاف يدزونها ولا احد يطقها وترددت بس هالكورس دخلتها ويليتني مدخلتها من زمان البنت تغيرت صارت للأحسن واتحب تلعب وصار فيها نشاط مشالله حتى اكلها اسمله عليها صار احسن وتعلمت اشياء وايد واتفاجأني بلي تعلمته نصيحه لا طوفين الحضانه ولدج راح يستانس اكثر من قعدت البيت

 

[أحلى الجياكر]

مشاركة: أدخلة الحضانة ولا أخليييييي ؟؟؟؟؟؟

توكلى على الله و دخليه ..و عمره ترى مناسب ..و سالفة النومة..ما راح تخترب ..أصلا بيى دايخ و يقط روحه ..أنا عيالى جذيه من هالعمر أدخلهم

 

[الفريدة]

مشاركة: أدخلة الحضانة ولا أخليييييي ؟؟؟؟؟؟

الحضانة برأيي أفضل للأسباب التالية:
1-فيها يتم تهيئة الطفل لمرحلة الروضة0
2-فيها الطفل يستفيد و يتعلم مهارات متنوعة0
3-أحسن له من مجابل الخدم0
4- تتعدل نومته0
وراح تكتشفين سر اليهال اللي مايبكون في الروضة أول اسبوع (انهم خريجي حضانة)

توكلي على الله ودخلي ولدج الحضانة

 

[أم ضارى]

مشاركة: حضانة خطوه بخطوه

أحلى الجياكر ... انا قبل لا القى حضانة خطوه بخطوه كنت بدخل بنتى بالمثنى بس صعبه على موبطريجى وبعيده عن دوامى بس الحمدلله لقيت هالحضانه

وباجر ان شاء الله عندهم رحله بيروحون حولى بارك

 

[جكورة]

مشاركة: أدخلة الحضانة ولا أخليييييي ؟؟؟؟؟؟

يعطيكم العافيه بنات على النصايح.....

حتى أنا مفكرة أدخل عيالي بالصيف أو على شهر خمس بس بغيت حضانه زينه ورخيصه وتودي رحلات بليز عن تجربه بنات والله يجزاكم خير ..........

 

[al7reyaa]

مشاركة: أدخلة الحضانة ولا أخليييييي ؟؟؟؟؟؟

جكورة

حضانة كيفان النموذجيه اتينننننننننننننننننن

 

[فرووحة]

مشاركة: أدخلة الحضانة ولا أخليييييي ؟؟؟؟؟؟

مشكورييين بنات على النصايح ،والصراحة توني رادة من الحضانة وانا الي استانست قبله ،الياهال يشوقون نفس عمر ولدي والالعاب والرقص والتلوين وانشالله السبت يداوم
مشكورييييين