استفساراتكم عن الحضانات تجدونها هنا - الجزء الأول

[أوكسجين]

رد: توني يايه من حضانة حامل المسك

جم اسعار حضانة كاسكيد؟
عندهم جم جدول لفوا مخي

 

[أم حيدر]

رد: حضانة معرفي ولا انجلش بلاي قروب؟

مشكورة اوكسجين عالرد

 

[الفنانه79]

رد: حضانة معرفي ولا انجلش بلاي قروب؟

انا اعيالي كانوا بالانجلش بلي قروب اتهبل اتهبل اتهبل

هذي النسبه للحضانه بس الروضه قالولي انها موووقويه فماكملت عندهم وسجلتهم بالكويت الانجليزيه

بس تعلموا اعيالي اسم الله عليهم اشياااااااااااااء وااااااااايد منهم

 

[تروبيكانا]

رد: أفضل حضانه للأطفال / حياكم

مساء الورد
بالنسبه للاخت miss 3asal
انا بالنسبه لي مواصفات الحضانه اللي ممكن ادخل عيالي فيها
اهم شي عندي النظافه يعني تكرمن الحمامات تكون تلمعوالعاملات اللي يهتمون بنظافة الاطفال هم اشكالهم تكون مريحه وبشوشين ونظاف وتكون في كاميرات مراقبه عليهم طبعا مكان اكلهم يكون مهيء عدل عشان الطفل تنفتح شهيته ويقدر ياكل
ثانيا بالنسبه للمبنى يكون مافيه درج عشان يتفادون حوادث طيحت الاطفال ويكون شرح وفيه حديقة خارجيه
ثالثا يفضل يكون تعليمهم بالالعاب اكثر من ما يكون تلقين كثر ما يقدرون يستخدمون الالعاب
دوامهم يكون من 6 ونص لحد الساعه 2 ونص عشان الامهات العاملات
والاكل يكون ممنوع فيه الحلويات والشيبس الاشياء اللي ما منها فايده وطبعا زي موحد عشان يتعلم الطفل النظام
ويفضل يكون للحضانه اكثر من فرع باكثر من منطقة
بالتوفيق ان شاء الله

 

[ام فيونه]

رد: أفضل حضانه للأطفال / حياكم

بنات الله يرضى عليكم من يعرف حضانه مستواها قوي وتعلم الياهل انجليزي وقريبه من اشبيليا او المنطقه الرابعه والله يجزاها خير اللي تقولي:ggdw:

 

[^^DADDIES GIRL^^]

رد: اللى حابة تتكلم عن الحضانة و النادى الصيفى !

انا عيالي بكيدز تايم العصر نادي بس العصر مافي رحلات ملو من الدراسه

 

[ليلى رمضان]

رد: اللى حابة تتكلم عن الحضانة و النادى الصيفى !

بالنسبه لبنتي ودي أوديها نادي صيفي بس كله انجليزي ومالقيت غير كاسكيد
بس الله يسامحهم غالي :0bee2e8d89:
النادي الصيفي مدته 4 أسابيع 150 دينار علمو انها حضانه انجليزيه بحته وكلها أجانب
بس عاد أشدعوه ؟؟
بتقولون شالله حادج ؟؟معاكم حق بس لانه أبي بنتي تنطلق ويه أطفال أجانب ومنها تكتسب اللغه منهم
الله يا أنا قاعده أحلم بهاليوم ما تصدقون
بنــــــــــــــــــــــــــــات اذا في منكم يعرف حضانه ما يتكلمون عيالها الا انجليزي ساعدونه حبايب

 

[ليلى رمضان]

رد: توني يايه من حضانة حامل المسك

انا مثلج حست ودخت ويه نظامهم البريطاني المعقد
المهم بقولج عاللي فهمته
اول شي يستقبلون الطفل من عمرسنه الى 4 سنوات
عندهم نظام صباحي (8 ص- 12.30م )
وعندهم نظام بعد الظهر( 12.30 - 5 م )
وعندهم دوام كامل ( 8 ص _ 5 م ) وطبعا هذا يناسب الأجانب اللي يشتغلون بالشركات
الجدول بالموقع يبينلج انه فيه 3 تيرمات ( فصول ) وكل له سعره
مثال :
القصل الأول يبدأ من أول سبتمير الى نوفمبر ، وطبعا انتي تختارين اذا تبين طفلج يدوام عندهم يومين بالاسبوع خلال التيرم ___>> السعر260
واذا تبينه يداوم ثلاثه ايام في الاسبوع ____>>> السعر 325
وهكذا,,,, ومثل ما قلتلج تختارين الوقت اللي يناسبج وكلن له سعره
غير جذيه تدفعين تأمين 100 دينار قابل للارجاع في نهايه الفصل

 

[Miss 3asal]

رد: اللى حابة تتكلم عن الحضانة و النادى الصيفى !

جربى منتسورى اللى فى الجابرية كنى سمعت عندهم صيفى!

 

[ma7aya]

رد: توني يايه من حضانة حامل المسك

هلا والله بنات حياكم .. بقولكم عن باجي الحضانات اللي مريتهم وبيكون هذا رأيي الشخصي فيهم لأن أكيد كل وحدة لها نظرة ووجهة نظرها الخاصة .. وانا من قبل ذكرت بعض الحضانات تحت هالرابط
http://www.q8yat.net/showthread.php?t=162078

ليلى رمضان بالنسبة حق حضانة كاسكيد انا مريتهم وصج مس جاكلين شحليلها وعجبتني طريقتهم بالحضانه أحس كلش مايقيدون اليهال ومخلينهن على راحتهم، حسيت جني موبالكويت جنها المدارس اللي نشوفها بالافلام :dddds: بس الحضانه انجليزية بحته وانا ودي تكون ثنائيةاللغة وهم عشان القرآن والعادات اللي يكتسبها الياهل،ولا الحضانه صج تهبل.. وقالت عندهم بالصيف 4أسابيع ب150دينار بصراحة وايد

*كيدزتايم اللي بمشرف لما مريتهم كانوا بيطلعون عندهم رحلة بس والله السكرتيرة حبوبة(عكس صاحبتنا:cxxxp راوتني الحضانه كلها وعجبني عندهم غرفة الجمعية والبروي والنادي العلمي حلو مع حوض السمك معطي جو حلو لليهال،وأبلاتهم في منهم عنونين يونسون مع اليهال وقالتلي سكرتيرتهم ان ابلة الانجليزي هندية عندها خبرة16سنه..الحضانة ككل زينة بس عيبهم المبنى حيييل قديييم مع ان الحضانه توها فاتحة بس البيت قديييم وتقسيم الفصول نص داخل وغرفة الانجليزي والنادي العلمي والعاب الكور والرمل صايرين برة بحوش تنزلينله بدرج صغير(عرفتوا نظام بيوت مشرف القديمة)
وبعدين الحديقة دارمدارها الزرع بس ماكانت مسورة بس السكرتيرةقالتلي عشان البلدية بس بننطر عليهم شوي وبنكبرالزرع ونسورها..الحضانه حلوة بس هذي ملاحظاتي عليها

*حضانة ستيبس اللي بمشرف الحضانه صغيرة ومجكنمة هي حضانة عادية زينة واللي يميزها الكاميرات بكل مكان وتصير جدام ممشى مشرف/وعندهم فرعهم اللي بمبارك الكبير صار لي سنة أفتر عشان أوصل ولما طحت بالمكان شفت الحضاته مدعوسة بفريج متقلقصه والفرجان اللي يمها ضيقة وبنيان وطابوق وحوسة فبصراحة مادشيتها ولا أقدر أحكم عليها

*حضانة عيال الديرة بمبارك الكبير لما رحتلها كانت فاضية لأن عندهم رحلة بس دشيت وشفتها بصراحة عجبتني وارتحت للمكان .. وكل الحضانات اللي مريتهم عندهم نادي صيفي بس أغلبهم ماحددوا متى بالضبط يبدون يعني على شهر6 أوله أو نصه
وبس سلامتكم هذيل اللي أعرفهم وسمعت عنهم ليلحين، اذا تعرفون أماكن ثانية قولولنا عنهم عشان نمرهم قبل لايخلص التسجيل ومابقى شي ويبلشون نادي صيفي

 

[ورد وردي]

رد: توني يايه من حضانة حامل المسك

انا اليوم رحت حامل المسك وسبحان الله مارتحت لهم المدرسات في سوريات ومصريات واردنية وكويتيات يهااااااااااال وايد ونهاية الدوام نايمين بدار الشاشة فيها بباي اوكي بس استغربت شفت بنتين نايمين بمكان ثاني بصف والي ماعجبني ان اليهال بالارض مسدحيين كل واحد قاط عمرة بصوب

نيوستييب حاطين 3 فرش كرافي للياهل الي بينام وانا فكرت قلت اذا ولدي بحط له نشرة خاصة اخاف في يهال مو نظاف او شي .......بس حامل المسك بالارض


والاكل من عندهم هم هالشي ماعجبني لان انا اظمن نظافة اكلي افضل

والياهل انتي عارفتة في اشياء تنسبب له حساسية وغيرة فشنو بجنطتة يعطونة مو اكل منهم ........الا اذا اهم خذوا منج الممنوعات

بس اذا صادف ان اكلهم ماعجبة ........؟؟مادري شلون

باختصار حتى موقعهم ماعجبني

للحين بيبي اكادمي اكثر وحدة عجبتني وهم نييوستييب بستخير وبشوف

 

[مكنتوشه]

رد: اللى حابة تتكلم عن الحضانة و النادى الصيفى !

مرحبا بنات

الله يعينكم الصراحه انا دخت السبع دوخات على ما قررت اي حضانه ادخل بنتي حشى جامعه لووووول



انا بالنسبه لي اعجبتني حضانه سوبر كيدر باليرموك ترفيهيه و كلها اشغال يدويه و هذي هوايه بنتي و بعد اعجبتني حضانه درر بالشاميه يديده و الحضانه الابريطانيه اللي بالسلام حدها قويه تعليميه بدرجه عاليه و اسلوب التدريس حلوو و مشوق و الابلاتيهبلون و قررت ادخلها حضانها الروضه انموذجيه شرحه و ونيسه و مسؤلاتها كويتيات و قريبه و لنا خصم لاننا من سكان المنطقه وثانيا لان اتوقع بما ان هالسنه اول سنه لها ماراح تداوم كل يوم و توها صغير جدامها سنتين بالحضانه تتعلم فيهم,,, و عندهم نادي صيفي شهر 7 اب 60 دينار حده ترفيهي


واتمنى اني اكون فدتكم

لو سمحتي ممكن تعطيني رقم حضانة الدرر بالشاميه

وشكرا

:tek:

 

[فدعه ودلوعه]

رد: اللى حابة تتكلم عن الحضانة و النادى الصيفى !

لو سمحتوا ابي بالمنطقه العاشرة نادي حق ولدي 4 ونص وابي شغل عدل ويدرسون ورحلات بليز

 

[امجاد الاولين]

بنات بليز ابي اسم حضانات مبارك الكبير

السلام عليكم
حبيباتي ابي اسامي حضاناة بالمنطقه العاشره او مبارك الكبير
بليييز تسون فيني معروف والله

 

[ورود الريف]

رد: حضانة الفحيحيل

شدعوه بنات ولا تجبيرة خاطر ردو علي يا بنات المنطقة العاشرة

أبي معلوماتكم

 

[وافية*]

رد: حضانة الفحيحيل

هلا حبيبتي بالنسبة للحضانات في شكثر حضانات بالمنطقة العاشرة وحلوين عندج عالم الطفل وفي بعد تبع جمعية الاصلاح وجمعية احياء التراث على مااظن بس انتي دقي ساليهم...
وبالنسبة حق الباكستانية صراحة انا ماحبيتها كنت بدخل ولدي فيها روضة بس كلش ماعجبتني جامدين حيل مع الاطفال ولا فيها ترفية لهم ولا شي كلة دراسة ورحت دخلتة مدرسة المستقبل
انشاللة اكون فدتج

 

[ورود الريف]

رد: حضانة الفحيحيل

أشكرج حيل أخت وافية

انا بدخله بس حضانة لأني في بالي الروضة بالمستقبل
بس ياليت تقوليلي وين مكانها عالم الطفل ورقمهم اذا ممكن
وشلون ولدج بالمستقبل
واشكرج حبيبتي

 

[بيوووGirlتي]

رد: أفضل حضانه للأطفال / حياكم

بنات الله يرضى عليكم من يعرف حضانه مستواها قوي وتعلم الياهل انجليزي وقريبه من اشبيليا او المنطقه الرابعه والله يجزاها خير اللي تقولي:ggdw:

اي والله وانا بعد ادور لبنتى حضانه قريبه ؟؟؟؟؟؟ يكون مستواها قوي

 

[خاشووقه]

رد: أفضل حضانه للأطفال / حياكم

انا سمعت الحضانة الامريكية

 

[ام فيونه]

رد: أفضل حضانه للأطفال / حياكم


خاشوقه حبيبتي هاذي وين بالمنطقه الرابعه؟؟؟؟؟؟

انا سمعت الحضانة الامريكية