استفساراتكم عن الحضانات تجدونها هنا - الجزء الأول

[دلع حوا]

مشكوره fife4ever على الرد بس مادري فيهم مواصلات

 

[fife4ever]

احياء التراث عندهم مواصلات بس الريان ما ادري اذا جابوا هالسنه او لا

وعلى العموم احياء التراث احتمال كبير يغيرون مبناهم
والاحتمال الاكبر يحولونها ثنائية اللغه بس ما ادري متى بضبط
بس ما زالوا يدرسون الوضع الجديد

 

[أم حمدون 82]

السلام عليكم انا بسألكم عن حضانه مرتقى اللي بالروضة بإدارة الدكتور طارق السويدان .. محد امجربها منكم ؟

 

[tabaskom]

لا و الله
بس انا امجربه الانجليش جرووب اللي بسلوى فضيله دخلت بنتي فيها و كان عمرها سنتين
بس صراحه رسومها اتهد الحيل ,,, و يعتنون باكلها و لبسها و كل شي عليهم
بس فظيعه

 

[ام طلال]

واللي يعافيكم ابي حضانه بالقصور او القرين وابيها على مستوى يعني اخلي ولدي وانا مرتاحه

 

[زيزو]

بغيت اسأل اتعرفون حضانه افنان في بيان اللي اتعرف ياليت اتفيدني

 

[OMSOUD]

انا كنت مدخله بنتي لتل مي والحضانه ممتازه وبنتي كانت تموت عليها
عندهم افكار وايد حلوه و غريبه

 

[روان الكويت]

:eh_s(7):

بسم الله الرحمن الرحيم


السلام عليكم
ايلي تعرف حضانه تابعه للجنة احياء التراث
وتكون قريبه من العارضيه

وشكرا

 

[سارة_kw]

وأنا بعد اقول حضانة البلازا وااااااااااايد زينة
تعاملهم حلو ومنهجهم متعوب عليه واسعارهم زينة
2631515 حولي - عند المجمع اللي فيه بيضون وستاربكس

والله حضانة بلازا حلوة بنتي كانت فيها مستانسه عليها راح ارد اشركها على شهر 10 أن شاء الله

 

[alo0ya]

enshala lma atzawaj oo ayeeb yhaal o a5th ebrayikom bl 7thana :eh_s(15):

 

[zoba]

بنات الحين فتحوا حضانة افنان برميثيه قطعه 5 .. بس حبيت اقولكم المعلومه

 

[PiNkIsH]

:eh_s(8):السلام .. شخباركم بنات .. انا مدخله بنتي بيبي جاردن و اليوم ثاني يوم بس بنتي حيل مستانسه و انا دشيت عندهم على غفله لقيت تعاملهم مع اليهال وايد زين و بالهم طويل :eh_s(15):.... صج شكل الحضانه مو بالمستوى المطلوب بس ماشي حالها .. و انا اهم شي عندي ان المدرسات تعاملهم زين شبي بالديكور باخذه معاي البيت :eh_s(3):

 

[znzn]

مشكوره انا دخلت ولى حضانه افنان برميثيه وايد حلوه فيها وايد اشياء حك الطفل

 

[أم أحمد كول]

شلون حضانة أفنان .. من ناحية الاهتمام بالطفل ودى أدخل ولدى على الكورس الثانى

 

[رشيقه]

بيبي جاردن انا ما عجبني فيها ديكورها الصفوف مغمه والاضاءه ضعيف
حسيتها مو نظيفه

دامج شفتي تعاملهم حلو شي طيب المهم اتكونين مطمئنه

 

[Maltesers]

اشلونكم بنات ..

اليوم رحت مريت فلكس انجلس اكادديمي ببننيد القار .. ومريت الحضانه اللي بجمع حولي ببلازا فوق

اللي بالبلازا حلوه دراستهم كمنهج تعليمي وديني وتربوي .. بس الناحية الترفيهيه مهمله نوعا ما وكل كلمة والثانية يقولون لي دراسه وتعليم .. وهذي حضانه يعني المفروض ما يهملون الناحيىة الترفيهية للطفل وبشكل عام المكان حلو بس مكدس الصفوف على بعضها ومكانهم صغير .. والالعاب عادية بس الابلات يهبلوووووووووووووووووووووووووووون روعه اخلاق واسلوب وتعامل مع اليهال شي مو طبيعي عجبوني من هالناحية حيل وقالوا ياخذون 60 بالشهر اذا الياهل يروح وانتوا بكرامه الحمام واذا مايروح 70 بالشهر وعندهم رحلات خارجية ( ( مطافي -- جمعية تعاونية -- مصنع البسكوت او ألبان -- مطعم بيتزا يدخلونهم داخل بالمطبخ ويعلمونهم كيف تصنع غذائك ))


وفلكس حده يهبل .. من ناحية الديكورات والمكان شرح والابلات هم ايننون وشغلهم مرتب

وعندهم كلاسات عربي (( ياخذون فيه وايد اشياء منها قرآن كريم بشكل مبسط يعني يحفظونهم جم سورة من القرآن .. اناشيد .. الأحرف الابجدية .. الأرقام .. الأشكال الهندسية .. الألوان .. قصص .. الحيوانات .. المواصلات )) جنه منهج روضة

وكلاس الانكليزي (( الاحرف .. الارقام .. الاشكال .. الحيوانات .. الالوان .. اناشيد .. ومع المنهج يتضمن التربية وو حل المشاكل التربوية لدى الطفل سواء الخوف .. العنف .. وغيرها ))

صالة الجيم .. صالة رياضية فيها تسلق .. اجهزة رياضية مبسطة شكلها يونس حق اليهال ضحكوني حدهم كيوت ههههههه وهالصاله كبيره حيل وارضيتها اسفنج يعني سيفتي فيرست

حمام السباحه .. عندهم حصص سباحه و حيل نظيف المكان وشرح وكبير

وطبعا اهمه يحطون الجدول للطفل .. يقسمون الحصص والكلاسات و البريك واهمه يعطونهم سناك ويطلبون اكل اضافي من البيت اييبه الطفل معاه

وساعات يكون عندهم يوم مفتوح .. يختار الطفل اهوه شنو يبي ويسوي بهاليوم وعندهم اوراق رولات كبيره يفرشونهم بالصاله الكبيره ويخلون اليهال يلونون يعني هيصه بالالوان اللي ما يسوونه بالبيت يسووونه عندهم

ودخلت ولدي عندهم بفلكس .. وحده استانس اول يوم ومارضى يرد البيت والمسات والابلات يهبلون قعدوا معانه وحده وحده تقولنا عن المنهج اللي بتعطيه

ومن ناحية الحمام .. قالوا يقطعون اليهال اهمه عن البامبرز .. وعندهم رحلات خارجية للمركز العلمي وغيره



وياخذون 950 سنة كاملة يعني 9 اشهر وتصير على دفعات طبعا بس اول شي تدفعون لهم 100 والباجي كل جم شهر مره لهم نظام محدد



ان شالله اكون فدتكم بشي ..

 

[Dancing^Queen]

رشيقه
متا رايحه بيبي غاردن!!
انا توني رايحه
ديكوراتهم متغيره حيل علي
صارت كلها الواااااااااااااااااااااااااااااااااان وغيرو الكراسي وكل حاقه ياختي
ام مريت اجيك بدخل بنتي الصوغيرا الله يعينا علي عوابتها تمشي وماده الاصبع واللي تجكه راح
جووود تتادب اخلاقها
وحق الكبار حطو مدرسه انجليزي
وبعد تقول مس مها في تغييرات يايه للاحسن انشاءالله
حدي تشجعت
بس انشاءالله يرضا ريلي ادخل المفعوصه

 

[لوكريسيا]

كوين ----> ان شاء الله بعد رمضان بدخل ولدي بيبي جاردن ، كنت بسجله يوم كان عمره سنتين و وديته بيبي جاردن و واااايد حبها مع انها صغيرة و مجكنمة و على قولة رشيقة الصفوف مقموتة .. بي الولد حبها و ما رضى يطلع منها الا بالغصب.. و سبحان الله ما دخلته هناك و وديته حضانة ثانية .. تصدقين من اول يوم لمدة شهرين نفس البجي و نفس العسارة و يمكن زووود .. لدرجة ان حتى بالبيت لاااازق فيني ..

الحين كبر شوي اسم الله عليه و شاف اخوه كل ما شرا شي قلناله حق السكول .. ف حده يبي السكول .. بس ما يسوى برمضان ان شاء الله بعد

 

[رشيقه]

دانسنج كوين

توني رايحتلها قبل ما تبدي الدومات باسبوع

الاثاث حلو و الكراسي
بس ما حبيت الصفوص و الزل تدرين يلم الوصخ

اهي ورتني صف عمر سنتين صج كبير بس البرده طايحه و الزوليه عنابيه تقمت
والاضاءه ضعييفه

وبصالة الاستقبال مطفين الليتات ليش؟؟
يمكن متبعين سياسة الترشيد لوول

بس الصراحه هاذي كلها شكليات اهم شي معاملتهم

بس انا هذا الشي الي نفرني منها

 

[ღ•»الًـجٌـوِرٌيّ«•ღ]

بناات ابي ارقام الحضانات كلها عفيه اللي تعرفهم تحطهم هني بالموضوع

ابي الارقام مع الاسامي ضروري