استفساراتكم عن الحضانات تجدونها هنا - الجزء الأول

[xxx]

السلاام عليكم ورحمة الله وبركاته

شلونكم كويتيات ؟؟

شخباركم؟


بنات طلبتكم الي تعرف أحسن حضانه تقولي عنها

ودي أدخل بنتي وابي حضانه زينه وثقه ؟؟

 

[جوريه]

رد : أفضل حضانه للأطفال / حياكم

والله انا دخلت ولدي البريطانه صج غاليه لكن متطمنه على ولدي فيها يهالهم شووويه وكل مدرسه مجابله ياهل

في بالروضه وحده زينه وبسلوى حضانات وايد بس سالي عنهم

 

[xxx]

رد : أفضل حضانه للأطفال / حياكم

مشكورة جوريه على الرد

بنت خالتي دخلت بنتها فرع جنوب السره وايد تمدحها

جم رسومهم ؟

 

[srabeel]

رد : أفضل حضانه للأطفال / حياكم

بصراحه أنا مدخله عيالى روض الصالحين وكنت أشوف النوير إلى أهم بالحضانه يهبلووووووون وأشوف الأبلات وايد زينين معاهم حتى الخدامه تلاقينها تراكض ورهم

 

[^SwEeTa^]

رد : أفضل حضانه للأطفال / حياكم

سرابيل .. رياض الصالحين وين ؟؟

بنات منو مجربة حضانية (لتل مي) بالجابريه ؟؟ و اشلونها ؟؟ لأنها تحت شقتي و ودي ادخل بنتي حضانه جريبه..

مشكوره بنت الكويت على الموضوع ..

 

[srabeel]

رد : أفضل حضانه للأطفال / حياكم

والله بحولى وإسمها روض الصالحين وإهيا ماخذه المركز الأول بحفظ القرآن بالنسبه للمدارس الخاصه

 

[xxx]

رد : أفضل حضانه للأطفال / حياكم

روض الصالحين مدرسة ثنائية اللغه زين والله فيها حضانه

احسن شي الحضانه تكون مع مدرسه عندي احسن من الي بروحها

سويتا لتل مي جنها يديده ؟

 

[^SwEeTa^]

رد : أفضل حضانه للأطفال / حياكم

لا بنت الكويت مو يديده

من زمان تحت شقتي

انا شايفتها من اكثر من اربع سنين .. يمكن فاتحه قبل بعد !!

 

[xxx]

رد : أفضل حضانه للأطفال / حياكم

هلا سويتا

والله عبالي يديده ...

شوفيلج يوم وروحي تطمشي وشوفي معاملتهم لليهال

 

[^SwEeTa^]

رد : أفضل حضانه للأطفال / حياكم

اي انا قلت بروح ان شاء الله

بس الحجي وين الاقي فجه ؟؟

محاضراتي شكه وحده من الصبح لي العصر

 

[xxx]

رد : أفضل حضانه للأطفال / حياكم

الله يعينج

 

[طير الحب]

رد : أفضل حضانه للأطفال / حياكم

انا عيالى فى حضانه الروضه النموذجيه والله زينه ..... حتى اذا رحتى التسجيل متاخر ما تلقين مكان ....... بنتى الكبيره كانت فى الشاميه هم زينه

بس الروضه يديده هذه ثالث كورس من فتحت.....

رسومهم 180 من شهر 9 الى 12 كورس كامل لسكان المنطقه

220 لغير سكان المنطقه

حتى عندهم يونيفورم حلو .... زكل اسبوع يودونهم رحله وكل صف فيه ابلتين وخدامه

 

[xxx]

رد : أفضل حضانه للأطفال / حياكم

والله زين بطه

وين مكانها ؟؟؟؟؟؟؟؟؟؟؟؟؟

 

[طير الحب]

رد : أفضل حضانه للأطفال / حياكم

الله يسلمك مكانها يم المخفر ....... الدشه اللى قبل المخفر تشوفين علامتها واضحه كلش

 

[xxx]

رد : أفضل حضانه للأطفال / حياكم

ايه يعني بالشاميه

 

[طير الحب]

رد : أفضل حضانه للأطفال / حياكم

اشفيك تدخلين المعلومات على بعضها فى الروضه......... : )

 

[xxx]

رد : أفضل حضانه للأطفال / حياكم

هههههههههههه عبالي اسمها الروضه النموذجيه

ههههههههههههههههههههههههههههههههههههه

حسافه الروضه وايد بعيده علي

 

[srabeel]

رد : أفضل حضانه للأطفال / حياكم

ها بنوته دقيتى على روض الصالحين أعتقد بتعجبج إذا شفتى المدرسه والمبنى يديد بعد

 

[xxx]

رد : أفضل حضانه للأطفال / حياكم

هلا سرابيل

انا يبيلي اسوي جوله على المدارس

والله يكتب الي فيهالخير والصالح

 

[**فلونه**]

رد : أفضل حضانه للأطفال / حياكم

بنات انا ابي حضانه تكون اوكي وماتكون صلخ عشان بدخل توئم فبدفع دبل وابيها بسلوى