استفساراتكم عن الحضانات تجدونها هنا - الجزء الأول

[jolie_q8]

رد: الحضانه اللي بالشاميه شسمهاا ؟؟ وشتعرفون عنها ؟؟

اي وحده قصدج؟

في يديده ثنائيه اسمها درر توها فاتحه على ما اعتقد << ماشفتها بس اشوف مبناها من بره واعلاناتها

وفي وحده صارلها يمكن 3 سنوات اسمها سمارت كدز .. <<منهج امريكي ومن داخل تونس ووايد صاحبته صارفه عليها

بس مادخلت عيالي فيها

 

[خاشووقه]

رد: الحضانه اللي بالشاميه شسمهاا ؟؟ وشتعرفون عنها ؟؟

فيه حضانه اسمها درر
اشحلات اسمها
بس ما اعرف الرقم سوري
بس دقي عالبداله وانشالله يفيدونج

 

[toosh]

رد: أفضل حضانه للأطفال / حياكم


الله يعطيكم العافية ...

ابي حضانة بمنطقة الاندلس زينة واسعارها بجم و كل التفاصيل بليييز

 

[bambena]

رد: أفضل حضانه للأطفال / حياكم

انا ولدي الحين بحضانه المثنى

 

[Miss 3asal]

رد: أفضل حضانه للأطفال / حياكم

محد رد علي بخصوص مواصفات الحضانة اللى مفروض اندخل اعيالنا فيها اشلون لازم اتكون و مستلزماتها....اسعارها...مناهجها....الخ ودي اسوي استبيان و شكرا لكم

 

[Miss 3asal]

تعالو ا قولوا لي بنظركم شنوا اساسيات الحضانة؟

مثل ما قلت قبل ما هى الحضانة المثالية في نظرك؟من حيث المناهج و المستلزمات و الاسعار ووووالخخ؟

 

[Miss 3asal]

رد: أفضل حضانه للأطفال / حياكم

اللى حابة اتشارك بالموضوع انا موجودة الصبح و العصر و الساعة 8 الى 9 ليلا و شكرا

 

[F@ntG Q@t]

رد: أفضل حضانه للأطفال / حياكم

ابي حضانه حق ياهل عمره 6 اشهر ؟؟


زينه وحريصين وين ؟؟

 

[Miss 3asal]

رد: أفضل حضانه للأطفال / حياكم

اي منطقة تبينها؟

 

[ليلى رمضان]

رد: أفضل حضانه للأطفال / حياكم

السلام عليكم ورحمه الله
اخواتي هذي كاول مشاركه لي في هذا المنتدى
كلي رجاء ابي منكم من يفيدني عن حضانه تكون ادارتها وطاقمها ومدرساتها كلهم اجانب وحتى العيال اجانب علشان بنتي تكتسب االمحادثه الانجليزيه منهم
ما أبي حضانه عربيه
ارجوكم ساعدوني حسب ما أعرف اكو حضانه اسمها cascade اللي بالعدان ارجوكم افيدوني عنها للي عندها معلومات لانه موقعهم بالانجليزي وما ادري بالضبط اشلون تعاملهم ومتى تسجيلهم وشلون رسومهم زينه مو زينه ؟؟
وفيه حضانه اسمها مونتيسوري بسلوى وسمعت منكم حضانه كامبرج بالزهراء
طالبه شوركم شنو الافضل حق بنتي عمرها سنتين

 

[Miss 3asal]

رد: أفضل حضانه للأطفال / حياكم

السلام عليكم اهلاو سهلا اخت ليلى....انا مدخلة بنتى منتسورى بسلوى

 

[ليلى رمضان]

رد: أفضل حضانه للأطفال / حياكم

خواتنه رحمه الله والديكم ما ردت الا وحده عطونا ويه اشدعوه ؟

 

[ليلى رمضان]

حضانه cascade <--- للي تعرف عنها أرجوها تدخل

صباح الخير عزيزاتي
لو سمحتو للي مدخله عيالها حضانه CASCADE بالعدان

بلييز لا تبخل علينه بمعلوماتها وتقييمها حق الحضانه ترا محتاجه أحد يساعدني لاني بدخل بنتي وولدي فيها
وحتى للي تعرف احد مودي عياله هالحضانه أي معلومه بسيطه راح تفيدون اختكم
وانا ناطره ردودكم يا هل ديرتي

 

[nice-girl]

رد: حضانه cascade <--- للي تعرف عنها أرجوها تدخل

انا مادخلت ولدي بس كنت بدخلة بس بعيد عن بيتنا
اهية وايد وايد زينه وعجبتني واييييد المدرسه مالتهم
المدرسة انجليزية بس نفسه حلوه انا رحتلها وخذيت فكره بالمكان وايد نظيف وحلو ومرتب
والحديقة تهبل وعندهم مكان برة بالحديقة مثل كووخ يقولون قصص فيه بس عن الدراسة اسفه حبيتي ماعندي خبر
اي اذكر قالتلي وعلى قولتها اي سوير انه وحده تقول ماتتكلم انجليزي كلش حتى الها مايعرفون الحين اذا كلموها عربي ترد بالانجليزي عليهم

 

[ليلى رمضان]

رد: حضانه cascade <--- للي تعرف عنها أرجوها تدخل

تسلمين اختي على ردج وانا ترا اليوم قابلتها قصدج Mrs Jakline رحت شفت المكان وعطتني فكره عن برامجهم، نفسيا ارتحت بس مادري اشلون تجارب عيال الخوات عندهم
ابي وحده مجربه الحضانه ( طبعا مو اهي عيالها ) وتكفين فهميني اشلون رسومهم مافهمت عليها وايد ؟؟

 

[nice-girl]

رد: حضانه cascade <--- للي تعرف عنها أرجوها تدخل

اييييييييييييييي رسومهم تخربط
شوفي لا تعتمدين علي عاى اللي فهمتة بقووول
اعتقد اذا تبين ولدج يرووح يومين بالاسبوع سعر
3 ايام بالاسبوع سعر...وهكذا

واذا تاخارتي علية ياخذون زياده
وجنه في باص هم سعرة باليوم دينارين

 

[ليلى رمضان]

رد: حضانه cascade <--- للي تعرف عنها أرجوها تدخل

ارجع وأقول للي تعرف عن هالحضانه رجاءا تدخل ولي شاف العضوه alheya يخبرها عن سؤالي اعتقد هي مجربه تودي عيالها فيها
بكويتيات بسكم تطنيش

 

[ليلى رمضان]

رد: حضانه cascade <--- للي تعرف عنها أرجوها تدخل

ارجع وأقول للي تعرف عن هالحضانه رجاءا تدخل ولي شاف العضوه alheya يخبرها عن سؤالي اعتقد هي مجربه تودي عيالها فيها
لانها غاليه ومتردده اذا تستاهل هالحضانه و لا لأ
.

 

[Miss 3asal]

رد: أفضل حضانه للأطفال / حياكم

السلام عليكم....

 

[ليلى رمضان]

رد: أفضل حضانه للأطفال / حياكم

عليكم السلام
هلا فيج عزيزتي
ها اشرايج بحضانه مونتيسوري ؟؟ أهم شي عندي أشلون الممارسه الانجليزيه معاهم ؟