استفساراتكم عن الحضانات تجدونها هنا - الجزء الأول

[سفرجل]

رد: أفضل حضانه للأطفال / حياكم

انا شفت حضانه كيدز تايم وااااااااااايد حلوه وسجلتهم ومشكوووووورين
في مشرف

 

[Q8stylle]

رد: أفضل حضانه للأطفال / حياكم

مشكوره بنت الكويت على الموضوع

 

[مزاج]

رد: أفضل حضانه للأطفال / حياكم

بنات ابي حضانه قريبه من منطقتي انا ساكنه في عبدالله المبارك وياريت اللي عندها خبره عن حضانات المنطقه تقولي؟؟؟

 

[تروبيكانا]

رد: مواقع الحضانات وبالصور ...تعالو نستفيد

رقم حضانةبيبي غاردن5214082
الاشارة اللي بين السلام وحطين قبلها علي اليمين تلقين صعده على اليمين وفيه لوحهصفراء مكتوب اسم روضه والله موحاضرتني بس الصعده هالصوب بيت بروحه مسور بزرع

 

[كرميلا]

رد: مواقع الحضانات وبالصور ...تعالو نستفيد

يعطيج العافية

 

[^kloOot^]

رد: مواقع الحضانات وبالصور ...تعالو نستفيد

الله عافيكم بنات



تروبيكانا مشكوره على الرقم

 

[سفرجل]

رد: مواقع الحضانات وبالصور ...تعالو نستفيد

مافي موقع حضانه كيدز تايم في مشرف

 

[بطة رشيقة]

رد: أفضل حضانه للأطفال / حياكم

انا نويت انى ادخل ولديى حضانه توه مكمل سنتين بس الصراحه نار استغفر الله شنو هالاسعار ؟؟؟ معقوله اقط 100 شهريا على الحضانه حرام والله انا ابى بجبنوب السره عشان تكون جريبه على .... ما ادرى شسوى يعنى كانت ميزانيتى 50 بس مو بالاسعار هذى ياريت اللى تعرف مكان كويس ورخيص وبجنوب السره او بصباح السالم تقولى بلييييييييييييييييييييييييييييييييييييييييييييييييييييييييييييز

 

[لازوردي]

رد: أفضل حضانه للأطفال / حياكم

آنا دخلت ولدي كورسين .......... في حضانة ليتل لاند LITTLE LAND اللي بالفيحا .... خووووش حضانة والله ولدي حبها وايد وانشا الله الكورس الياي راح ادخله .. منظمين من كل ناحية وبيني وبين ال TEACHER اتصال يومي عن طريق دفتر تكتب فيه ملاحظاتها اليومية عنه وانا ارد عليها ... نظام الرحلات شهري راحو (المركز العلمي /كيدز تشامبيز/بروي (الافينوز)/طبيب الاسنان (عيادة البيان) /جيجلز العديلية/ حولي بارك/بيتزا اكسبرس/فدريكرز .. الخ ... وبكل رحلة يصورون عيالكم ويبيعون الصورة بسعر رمزي .. ينظمون يوم مفتوح للأمهات .. يوم مفتوح للأطفال(يسوون سلطة فواكة/يلبسون شخصيات كرتونية/يوم المهن/ .. الخ .. طبعا غير الأشغال الفنية والكمبيوتر والألعاب .. وجدام الحضانة فيه حديقة مسورة تابعة لها يسوون فيها يوم رياضي ومسابقات للأطفال .. عليها ضغط مو طبيعي بس والله مريحتنا وايد .. هذا الويب سايت للي تحب تشووفه ..... http://littlelandq8.com/

و انا بعد اظم صوتي حق اختي French'Coffe الحضانه اتينن و مريحه و الله حتى انا ودي اروح اقعد هناك من كثر ما اهي شرحه و نظيفه و تونس مع العلم اني توني مسجله ولدي حق شهر 9 لأنه انشالله راح يكمل سنتين بس لما رحت شفتها وايد اعجبتني و ارتحت منها لأني قبلها كنت شايفه كذا حضانه بس ماعجبوني وايد كثر ليتل لاند ...


و مشكوره اختي French'Coffe على المعلومات اللي قلتيها عن الحضانه لأنه في اشياء انا ما اعرفها و عرفتها منج و الصراحه خلتني احمد ربي اني سجلت ولدي فيها :ggdw: مشكوره يالغاليه :tek:​

 

[لازوردي]

رد: أفضل حضانه للأطفال / حياكم

انا نويت انى ادخل ولديى حضانه توه مكمل سنتين بس الصراحه نار استغفر الله شنو هالاسعار ؟؟؟ معقوله اقط 100 شهريا على الحضانه حرام والله انا ابى بجبنوب السره عشان تكون جريبه على .... ما ادرى شسوى يعنى كانت ميزانيتى 50 بس مو بالاسعار هذى ياريت اللى تعرف مكان كويس ورخيص وبجنوب السره او بصباح السالم تقولى بلييييييييييييييييييييييييييييييييييييييييييييييييييييييييييييز

شوفي حبيبتي في وحده بجنوب السره اسمها بيبي جاردن ياخذون بالشهر جنه 65 و فاتحين طول السنه ....​

 

[Dancing^Queen]

رد: أفضل حضانه للأطفال / حياكم

بطوط
دخليه ويا بناتي بيبي غاردن خلي بنتي الفتوه تصير فتوه عليه
لووووووووووووول
وسعرهم 65 شهري مع فتح الملف ومايسكرون بالصيف والحين بعد عندهم نادي صيفي

 

[Lady^bird]

رد: أفضل حضانه للأطفال / حياكم

منو سمعت عن مدرسة اجيال اللي بالرقعي .. فيها من الحضانه لي الثانويه اعتقد

اللي تعرف خل تفيدنااااااا ويعطيكم العافيه

 

[Lady^bird]

رد: أفضل حضانه للأطفال / حياكم

بطوط
دخليه ويا بناتي بيبي غاردن خلي بنتي الفتوه تصير فتوه عليه
لووووووووووووول
وسعرهم 65 شهري مع فتح الملف ومايسكرون بالصيف والحين بعد عندهم نادي صيفي

حبوبه .. بيبي غاردن هذي اي صوووب صايره بالضبط ؟؟؟ ...وزينه حضانهم ؟؟؟؟؟

 

[Lady^bird]

رد: مواقع الحضانات وبالصور ...تعالو نستفيد

انزين وشلون على حضانة بيبي غاردن بجنوب السره ؟؟؟؟؟؟

 

[^kloOot^]

رد: مواقع الحضانات وبالصور ...تعالو نستفيد

ماعندي غير هالمواقع والله

واى شيء احصله راح احطه

ويليت كل وحده حاطه عيالها بحضانه تاخذ منه السايت عشان نستفيد

 

[Dancing^Queen]

رد: أفضل حضانه للأطفال / حياكم

ليدي بيرد
الحضانه زينه
والابلات حبوبين ومتعاونين حدهم
والاداره متعاونه
ووسيعين بال علي الياهل
بالنسبه لي مرتاحه
ورسومها جدا مناسبه

مكانها بجنوب السره السلام اللي قبال حطين علي الشارع الرئيسي

 

[بسكوتة]

حضانة عبدالعزيز الراشد بالعديلية

هااااااي بنات بليز ابي اسال منو تعرف حضانة عبدالعزيز الراشد اللي بالعديلية

1- اهتمامهم بالياهل
2-طريقتهم
3-الدفع دفعات ولا شهري
4- ياخذون بامبرز


اي معلومه تنفعني بليز واذا عندكم رقم تلفونه
واسفه طولت عليكم وازعجتكم :tek:

 

[Baby^Bop]

رد: حضانة عبدالعزيز الراشد بالعديلية

انا بسجل ولدي بشهر 9 ان شاء الله واهما ياخذون دفعة وحده 445 دينار الكورس الاول والكورس الثاني 300 دينار
بس عشان التسجيل دفعت 20 ينار بعدين 3 أيام تجربة اذا كل شي اوكي انكمل الباجي

ومكانها حلو والحضانة وايد راقية كافي ان مبناها مبنى حضانه يشرح الصدر مو مثل الحضانات الي ببيوت تقمت

وان شاء الله تكون زينه من ناحية الاهتمام

ورقمهم 2548401

 

[haytotaa]

رد: حضانة عبدالعزيز الراشد بالعديلية

والله حتى انا ابي اعرف عنها معلومات

ياخذون عمر سنتين

وشلون على الحفاظات

؟؟؟

 

[غزلان بنت ابوها]

رد: مواقع الحضانات وبالصور ...تعالو نستفيد

ام جوري حضانه الينابيع مو في الصباحيه في العقيله
ياليت لو تعرفين حضانه في الصباحيه او فهد الاحمد
مشكوره على الموضوع المفيد