استفساراتكم عن الحضانات تجدونها هنا - الجزء الأول

[xxx]

رد: أفضل حضانه للأطفال / حياكم

انا مدخله بنتي الصغيرة حضانة معرفي ثنائية اللغه

وعندهم دوام عصر

 

[Lady^bird]

رد: أفضل حضانه للأطفال / حياكم

بلييييييز ابي مساعده منكم اللي تعرف حضانة بيبي غاردن
لبسهم موحد ولا ألبس ولدي اي شي ؟؟؟؟

 

[Lady^bird]

رد: أفضل حضانه للأطفال / حياكم

اللي تعرف حضانة بيبي غاردن هالسنه مو قبل

رسومهم صار 80 .. بس بعرف لبسهم موحد ؟؟ والاكل عليهم ولا انا أحط حق ولدي ؟؟

يالله ناطرتكم بلييييييييييييييييييييز

 

[Q8_QT]

رد: حضانة اكاديمية ريبون للتعليم المبكر

والله اللي اعرفه انها زينة وكنت بدخل ولدي فيها وتراجعت بآخر لحظة ودخلته وحدة ثانية
اول ماتسجلين تدفعين 185 شامل فتح الملف+الزي بعدين شهريا تدفعين 130
والتعليم يعلمون اليهال عربي وانجليزي وقرآن وعندهم مكتبة وصالة سينما وحمام سباحة وملعب رمل
بس ماني متاكده اذا فيها روضة او اذابيفتحون ولا لأ​

 

[ام الحوراء]

رد: أفضل حضانه للأطفال / حياكم

سلام بنات
باختصار شديد انا بنتي مدخلتها حضانة سوبر كدز والله خوش حضانه بس بعيده على بيتي عاد بنقلها حضانة الي بالفيحاء شرايكم فيها ؟؟؟؟
بليييز ردوا علي ضروري

 

[تروبيكانا]

رد: أفضل حضانه للأطفال / حياكم

Lady^bird
ولدي فيها لبسيه عادي ما عندهمموحد والاكل منعندجوجبة الريوق والثانية سناك بس ممنوع الكاكاو والحلاو
ولدج جم عمره يمكن يكون مع ولدي
وان شاء الله ترتاحين معاهم

 

[تروبيكانا]

رد: أفضل حضانه للأطفال / حياكم

على فكره اختي باجر يوم رياضي عندهم اذا عندج شورت اسود وقميص ابيض لبسيه هذا لبس الرياضه عندهم

 

[كرسبي كريم]

رد: حضانة اكاديمية ريبون للتعليم المبكر

من نفس الحالي رحت سالت اكاديميه ريبون وانهم ما ياخذون الي بعد السنتين علشان ااسون الطفل حق الروضه يعني مافي روضه عندهم
بس شنو افضل حضانه بالزهراء؟؟؟؟؟؟؟؟؟؟؟؟؟؟؟؟؟؟؟؟ لاني بسجل بنتي بحضانه ليلي الي بالزهزاء وماني عارفه منو افضلهم

 

[Lady^bird]

رد: أفضل حضانه للأطفال / حياكم

مشكووووره حبيبتي انا الاسبوع الياي يمكن ادخله
عمره سنتين مايدري اي صف بيحطونه

 

[بطة رشيقة]

رد: أفضل حضانه للأطفال / حياكم

السلام عليكم .... بنات شلونكم ... الله يخليكم عندى مشكله واتمنى من كل قلبى انى احصل الحل عندكم ...


ولدى عمره سنتين و4 شهور .... وماعندى احد اخليه الصبح يعنى اهو دايما عند امى بس انا استحيتت منها وحبيت انى اخفف عنها ... قمت وسجلته حضانه بجنوب السره لانها قريبه على الحضانه مافيها مشاكل ووايد حلوه والياهال مشالله متعاونين ويشاركون ويلعبون .... هالحجى صارله اسبوعين اول 3 ايام راح واستناس ولعب وبجى بس شى بسيط لايذكر وانا وايد استانست .... بس اللى صار انه صخن 3 ايام وغيبته وعقب ال3 ايام وديته صار واحد ثانى وانا متعجبه منه كلش مو الاولى بس يصيح من اوديه من الساعه 7 لى 1 واهو يصيح مقطع قلبى تقول الابله انه لعب شوى وشوى يبجى يقول يبى ماما .... وتقولى خليه راح يتعود بس احس انه وايد وايد معور قلبى ... ما تسوى عليه هالحضانه اللى يروح يصيح ةيرد يصيح .. اليوم لوتشوفونه الصبح شلعوه منى شلالالالالالالالالالالالالالالالالاع يكسر الخاطر .... مانى عارفه واحس انى مو عارفه اضبط نومته اسم الله عليه اهو اول ما اخذه عقب البجى ينام بالسياره يمكن جريب الساعه جذى وبالليل على ال8 احاول انومه ينام اسم الله عليه 8:30 او 9 واقعده تقريبا 6:40 وكنت متوقعه ان هالوقت كافى بس ما ادرى اهو ما يشبع نوم ويقوم بالليل جم مره امس قعد نص الللي وبجى وحالته حاله .... والمشكله ان عندى غرفه وحده فاذا نام انا اوقف كل شى ولا اتحرك ولا اتكلم ولا افتح الليت عشان اخاف يقوم .... عرفتوا يعنى بهذله ولويه ماتسوى طوووول اليوم لويه وتعب .... فانا قاعده افكر انى اخليه يقعد الحين عند امى بعد شسوى الله يكون بعونها واهيا ما تقصر الغاليه الله يخليها ... وادخله السنه اليايه جريب الروضه عشان يتعلم تقريبا قبلها ب6 شهور جذى شرايكم بنات فيدوونى الله يخليكم احس انه لى الحين يبى يكون حر ويلعب على كيفه وينام ويقعد على كيفه .... فهمتوا على ؟؟؟؟؟؟ وهالشى راح يكون اريح لى انا ينام تقريبا معاى على 12 او قبلى بشوى والصبح اقطه عند امى ... واخذه اذا طلعت من الدوام ... يعنى ارد مثل اول .... انا الصراحه دخلته عشان افتك من المشاكل واللويه وعوار الراس لان فى مشاكل ثانيه ما ابى اتكلم عنها والله يسامح اللى كان السبب بس الصراحه راحه ولدى اهم من كل الناس واللى مو عاجبه يشرب من ماى البحر ...... احس هذى القناعه اللى وصلت لها الحين شرايكم نصحووووونى وساعدووونى .... ظروفى متعبتنى احس قلبى يعورنى عليه وعلى نفسيتى اللى صايره زفت السبه هاللويه ... شرايكم ؟؟؟؟؟؟ ابى شوركم ؟؟؟

 

[دلالي2005]

رد: حضانة اكاديمية ريبون للتعليم المبكر

السلام عليكم حبيتبي وين حضانه اكاديمية ديبون للتعليم المبكر انا ادور حضانه زينه حق بنتي واول مره اشارك معاكم مادري اذا صح توصل رسالتي والا لا

 

[دلالي2005]

رد: حضانة اكاديمية ريبون للتعليم المبكر

السلام عليكم حبيبتي وين حضانة ديبون انا ادور حضانه حق بنتي واول مرخ اشارك معاكم

 

[دلالي2005]

رد: حضانة اكاديمية ريبون للتعليم المبكر

قولي احسن حضانه قريبه يم النزهه وزينه

 

[Q8_QT]

رد: حضانة اكاديمية ريبون للتعليم المبكر

الزهراء فيهاوايد حضانات موني فيس اللي مدخلة ولدي فيها وفي عالم الطفل يمدحونها وليلي كير بس ماادري عن مستواها اتوقع زينة وفي وحدة توها فاتحة اسمها حضانة الدكتور الصغير هذا اللي اعرفه
والاخت اللى تسأل عن حضانات النزهة عذريني ماعندي فكرة عن المنطقة لاني ساكنة بجنوب السرة​

 

[ام الحوراء]

رد: أفضل حضانه للأطفال / حياكم

lady^bird
ولدي فيها لبسيه عادي ما عندهمموحد والاكل منعندجوجبة الريوق والثانية سناك بس ممنوع الكاكاو والحلاو
ولدج جم عمره يمكن يكون مع ولدي
وان شاء الله ترتاحين معاهم

انا بنتي عمرها قريب السنتين عند مس سماح بس بغير ابي الفيحا

 

[كرسبي كريم]

رد: حضانة اكاديمية ريبون للتعليم المبكر

لووووووووووووووووووووووووووووول بالزهره في حضانه كمبرج دخلت ولدي فيها من سنتين كلها انجليزي
وليلي انشاء الله بنتي فيهااا لانها زينه بس حضانه الدكتورالصغير رحت وما اعجبتني نهائيااااا مادري ليش ما ارتحت لها
انا بالنسبه للنزهه ما اعرف حضانات غير الي بالشاميه واليرموك وكيفان العديليه
وانشاء الله البنات افيدونج بمنطقه النزهه

 

[إنسانه وأكثر]

رد: حضانة اكاديمية ريبون للتعليم المبكر

السلام عليكم

شلونكم حبيباتي

حضانات الزهرا انا لفيت عليهم لف لاني من سكان هالمنطقه موني فيس وايد مريحه ارتحت لما دخلت لها والاداره حلوه
عندكم ليلى مستواها زين بس زغنطوطه
الدكتور الصغير كلللش مارتحت لها بس سبحان الله فيها يهال يعني الناس اذواق
ديبون حلوه ويقولج بعد فتره راح يفتحون سايت تشوفون عيالكم على النت نقل مباااشر وتطمنون عليهم هالشغله ونستني وشجعتني اني ادخله هناك
في وحده اسمها عالم الطفل هذي هم مارتحت لها ماعجبتني بس فيها يهال وايد.

واتمنى اكون فدتكم برايي

تحياتي

 

[Q8_QT]

رد: أفضل حضانه للأطفال / حياكم

السلام عليكم .... بنات شلونكم ... الله يخليكم عندى مشكله واتمنى من كل قلبى انى احصل الحل عندكم ...


ولدى عمره سنتين و4 شهور .... وماعندى احد اخليه الصبح يعنى اهو دايما عند امى بس انا استحيتت منها وحبيت انى اخفف عنها ... قمت وسجلته حضانه بجنوب السره لانها قريبه على الحضانه مافيها مشاكل ووايد حلوه والياهال مشالله متعاونين ويشاركون ويلعبون .... هالحجى صارله اسبوعين اول 3 ايام راح واستناس ولعب وبجى بس شى بسيط لايذكر وانا وايد استانست .... بس اللى صار انه صخن 3 ايام وغيبته وعقب ال3 ايام وديته صار واحد ثانى وانا متعجبه منه كلش مو الاولى بس يصيح من اوديه من الساعه 7 لى 1 واهو يصيح مقطع قلبى تقول الابله انه لعب شوى وشوى يبجى يقول يبى ماما .... وتقولى خليه راح يتعود بس احس انه وايد وايد معور قلبى ... ما تسوى عليه هالحضانه اللى يروح يصيح ةيرد يصيح .. اليوم لوتشوفونه الصبح شلعوه منى شلالالالالالالالالالالالالالالالالاع يكسر الخاطر .... مانى عارفه واحس انى مو عارفه اضبط نومته اسم الله عليه اهو اول ما اخذه عقب البجى ينام بالسياره يمكن جريب الساعه جذى وبالليل على ال8 احاول انومه ينام اسم الله عليه 8:30 او 9 واقعده تقريبا 6:40 وكنت متوقعه ان هالوقت كافى بس ما ادرى اهو ما يشبع نوم ويقوم بالليل جم مره امس قعد نص الللي وبجى وحالته حاله .... والمشكله ان عندى غرفه وحده فاذا نام انا اوقف كل شى ولا اتحرك ولا اتكلم ولا افتح الليت عشان اخاف يقوم .... عرفتوا يعنى بهذله ولويه ماتسوى طوووول اليوم لويه وتعب .... فانا قاعده افكر انى اخليه يقعد الحين عند امى بعد شسوى الله يكون بعونها واهيا ما تقصر الغاليه الله يخليها ... وادخله السنه اليايه جريب الروضه عشان يتعلم تقريبا قبلها ب6 شهور جذى شرايكم بنات فيدوونى الله يخليكم احس انه لى الحين يبى يكون حر ويلعب على كيفه وينام ويقعد على كيفه .... فهمتوا على ؟؟؟؟؟؟ وهالشى راح يكون اريح لى انا ينام تقريبا معاى على 12 او قبلى بشوى والصبح اقطه عند امى ... واخذه اذا طلعت من الدوام ... يعنى ارد مثل اول .... انا الصراحه دخلته عشان افتك من المشاكل واللويه وعوار الراس لان فى مشاكل ثانيه ما ابى اتكلم عنها والله يسامح اللى كان السبب بس الصراحه راحه ولدى اهم من كل الناس واللى مو عاجبه يشرب من ماى البحر ...... احس هذى القناعه اللى وصلت لها الحين شرايكم نصحووووونى وساعدووونى .... ظروفى متعبتنى احس قلبى يعورنى عليه وعلى نفسيتى اللى صايره زفت السبه هاللويه ... شرايكم ؟؟؟؟؟؟ ابى شوركم ؟؟؟

والله اختي هم آنا نفسج مدخلة ولدي حضانة بعد بجنوب السرة لأن برايي احسله من قعدة البيت هناك يختلط مع أطفال ويلعب وبنفس الوقت يتعلم اشياء تفيده لان هالوقت الصراحة يخوف الياهل من صغره لازم يكون عنده خلفية
ومن تجربتي مع ولدي في البداية كان مثل ولدج يبجي ومايبي يروح بس ماكنت اطاوعه لان ادري ان المسألة دلع مواي شي ثاني فكنت احاول احببه بالحضانة وشريتلة اغراض من بوامية وكل يوم اعطيه لعبة وافهمه انها مكافأة لان راح الحضانة ومرات اقوله اذا طلعت من السكول راعي اللآيس كريم ينطرك علشان تشتري منه لانك ولدشاطر ومشي الوضع فنصيحتي لج اذا حضانته زينة ويعالمونه زين ومصايرله مشاكل هناك لاتطلعينه وحاولي تحببينه بالمكان وفي النهاية كل وحدة تسوي اللي في مصلحة عيالها​

 

[om_3esa]

ممكن مساعده

السلام عليكم ورحمه الله وبركاته




بنات ابي منو تعرف رقم حضانه عيال الديره واشرايكم فيها لاني بدخل بنتي عمرها سنتين ونص وتنصحوني فيها ولا بحضانه ثانيه للعلم انا في مبارك الكبير وابي حضانه عندنا ولكم جزيل الشكر والتقدير

 

[om^e3yaly]

رد: أفضل نادي أو حضانة أو معهد (فترة العصر)؟

اي والله انا بعد ابي حق بنتي تقريبا 3 سنين لاعت جبدي وانا ادور لها ما لقيت ابي شي كل يوم اوديها لقيت ثانين مرتين او 3 مرات بالاسبوع
لقيت بالروضه مبرة المتميزين الي يم عالمي الممتع يوميا بس ما عجبني الوضع اهناك لويه وحوسه ومافي نظام وطلعتها ياليت الي تعرف مكان تفيدناااااا ضروري