استفساراتكم عن الحضانات تجدونها هنا - الجزء الأول

[كويتية كول]

رد: اللي تعرف حضانه زينه بالعاصمه

زين انت ولدج الي مدخلنه كم عمره وياخذون من عمر كم .

 

[ام الخييير]

رد: أفضل حضانه للأطفال / حياكم

اول شهر 9 اتوقع وفي بعضهم اخر الشهر

بنات منو سمع عن حظانة دلالالالالالالال بارميثية كنت مدخلة ولدي فيها قبل سنتين الابلالالالالات روعة بس الحين غيرو مكانها اب اعرف نفس الادارة ولا تغيرت

 

[أم روعة]

رد: اللي تعرف حضانه زينه بالعاصمه

أختي balabil ممكن عنوانهم ورقم تلفونهم ماعليج أمر

 

[أم روعة]

حضانة الراشد

السلام عليكم خواتي..

الله يعافيكم منو تعرف رقم حضانة الراشد ؟ واذا بلشو تسجيل ولا لا؟

 

[balabil]

رد: اللي تعرف حضانه زينه بالعاصمه

يبت لكم العنوان وهو قرطبه ق 1 ش 2 جاده 1 مبنى 18
ت: 5337902

 

[balabil]

رد: اللي تعرف حضانه زينه بالعاصمه

sorry تخربطت أقصد اليرموك بدل قرطبه

 

[cat women]

رد: أفضل حضانه للأطفال / حياكم

والله فيه حضانه اتينن اسمها عالم الطفل بنت اختي كان السانها ثقيل عمرها سنه ونص دخلتها ماشالله الحين ما تقول الالوان الابالانجليزي واتغني وكل شي اسلوبها حلوو حتى بالجانب الديني والله انا عمر بنتي سنه ونص ومتردده ادخلها ولا لا احس انها ماتفهم فيدوني حبايبي >> جنه صار موضوع بموضوع

 

[أم روعة]

رد: اللي تعرف حضانه زينه بالعاصمه

مشكورة اختي balabil يعطيج الف عافيه

 

[om tooty]

رد: أفضل حضانه للأطفال / حياكم

في حضانة يديدة بالفيحاء اسمها litle land التسجيل فيها بدا رقمهم 2555433 ممتازة وتقدرين تاخذين موعد و تشوفين نظامهم انا رحت مع بنتي و لما بغيت اطلع بنتي عمرها 1و نص قالتلي باي و ماتبي تروح معاى:eh_s(3): بس ماقدرت اسجله لانها غالية والميزانية ما تسمح بس وايد ممتازين المديرة اسمها بدور الجري و ولدها حاطته بالحضانة.

 

[balabil]

رد: اللي تعرف حضانه زينه بالعاصمه

حاضزين للطيبين

 

[حبيبة]

حضانة روعة يا أمهات

بنات هذي حضانة الينابيع
للداعية ام معاذ




الحضانة ماشاء الله روعة اسلوب راقي ومدرسات متفانيات في عملهم ماشاء الله عليهم
بذمة يدرسون الطفل


ولدي والله ماشاء الله تعلم أشياء كثيرة من اول شهر

يحفضون سور قرآنية قصيرة
ايضا في حصة عربي

وحصة رياضيات
ويبدأون يومهم بقول أذكار الصباح

وبدون موسيقى ولا عوار راس

عندهم حفلات يسوونها للأطفال بين وقت وآخر

ايضا رحلات


ويستقبلون من محافظة مبارك الكبير والمنطقة العاشرة


من عمر 6 شهور الى سن الروضه يعني اولى وثانية روضة يستقبلونهم بعد


ياخذون عالطفل 50 د.ك اذا مع التوصيل 60 د.ك

واهي موجودة في الفنطاس الزراعية ق4 اللي يعرف بيت الفلكي اللي على شكل بيت علاء الدين الحضانة ورى هالبيت

رقمهم 3902626


كل المعلومات اللي اعرفها قلتها لكم وارجو اني افدتكم

على فكرة التسجيل بادئ صارلة وقت


يعني يا بتلحأ او ما بتلحأ:eh_s(15):




:eh_s(8):

 

[شدن76]

رد: حضانة روعة يا أمهات

ودي ادخل بنتي عمرها عشر شهور

شلون يعتنون فيهم

اذا عندج فكرة قولي لي

 

[QUMAR]

رد: حضانة روعة يا أمهات

حلو لمن تلاقين ناس حريصه علي طفلج وأسعارهم معقوله
الله يجعله بميزان حسناتها
مشكوره علي الذكر يا قلبي

 

[حبيبة]

رد: حضانة روعة يا أمهات

شدن والله آنا اول دخلت ولدي الحضانة كنت خايفة مع ان عمرة كان اسم الله عليه سنتين فكنت كل بين يومين اسوي كبسة عالحضانة علشان اشوف شلون يتعاملون مع ولدي او الأطفال ككل بس لما دشيت ماشاء الله مع ان ولدي مطلع عيوني بالبيت طلعت تعرف شلون تتعامل معاهم
ولأني كابسة عليهم لازم ادش الصفوف الثانية جني مضيعة صف ولدي
ودشيت على الصف او بالأحرى غرفة الأطفال الصغار لقيت عندهم مدرسة والله ماشاء الله شحليلها وينومونهم ويعطونهم العاب تصلح لهم ورضعاتهم مثل الاوقات اللي تبينها او اللي متعود عليها ويغيرولها



قمر ماشاء الله اهني البنات متعاونين وعساه دووم انشالله عالخير وآنا استحيت عاد و مو مخلين موضوع الا تكلمو فيه فآنا حبيت اني اشارك البنات بمعلوماتي

 

[شدن76]

رد: حضانة روعة يا أمهات

يسلموا يالغالية على المعلومات

 

[حبيبة]

رد: حضانة روعة يا أمهات

حياج الله حبيبتي

 

[sondos]

رد: اللي عيالها بروضة انجليزي لاتبخل

ولدى كان فى english play groupحراميه بس حق الفلوس وتدريسهم اى شى علموه عربى اكثر من الانجليزى كلش ماعجبتنى مع انها مو رخيصه 900 دك حق الحضانه بس توبه .........بنتى قبله كانت فى المعالىبالرميثيه صج ثنائيه اللغه بس والله تهبل ماقصرو بالعربى والانجليزى

 

[Miss_Tiger79]

رد: حضانة روعة يا أمهات

انزين شنو يعطون الياهل بالضبط يعنى القران والرياضيات والاذكار وشنو بعد

 

[avimore]

رد: أفضل حضانه للأطفال / حياكم

والله الحضانات وايده .. في بمشرف مونتسوري الشرق والغرب وفي بيان حضانه أفنان روعه وفي بكيفان بعد خوش حضانه اللي على الشارع ملونه ... ناسيه اسمها .. بس المشكله مو بالحضانه المشكله بسعر الحضانه وايد غالين .

 

[avimore]

الله يعافيكم أبي حضانه بمشرف أو بيان أو جنوب السرة

بنات الله يعافيكم ابي حضانه زينه وحلوه وقويه بمنطقة مشرف أو بيان أو جنوب السرة .. ويكون سعرها 800 وأقل مابي أكثر ..

كنت بسجل بحضانه أفنان بس زادو سعرها صارت 1000 صج تستاهل بس وايد علي مو عليهم ..

واللي يعرف عن حضانه البريطانيه الدوليه اللي بجنوب السرا شي يقولي عنها واللي يعرف عن أي حضانه زينه وحلوه شي يقولي الله يعافيكم ؟ضرووري حدي متوهقه الحين .