رد: تكفوووون لاتدمجون موضوعي ... حضانه في الاندلس ...
هلا حبيبتي
لازم ندمج الموضوع
كل استفسارات الحضانات لازم تكون بموضوع واحد
و لو تلفين بالموضوع راح تلاقين الشي اللي تبينه
دوري بعد بقسم الطلبة و اولياء الأمور
انا لفيت لفة صغيرة و يبت لج جم رابط
شوفيهم و ان شاء الله يفيدونج
ما نقلت الكلام علشان حق العضوة الل تعبت و يابت الرقم و كتبته ما يضيع حرام تعبها يروح
حبيبتي في حضانه خطوه بخطوه بالاندلس قطعه 6
كذا مره اقرأ اعلان لهم بالجريده
وحضانة بقطعه 12 مادري شسمهاا توب....
وفي حضانة جمعية الاصلاح بقطعه 12 مقابل روضة الثرياا
وان شاء الله تحصلين@@
حبيبتي حضانة توب كيدز روعة بنتي فيها من سنتين رقمهم24898767
غير اللي قالو عنهم
عندج حضانة اشوفها بالاندلس مقابل الدائري الخامس صوب الجمعية اليديدة اللي قاعدين يبنونها
اعتقد اهي تابعة لجمعية الاصلاح
غير طبعا خطوة بخطوة وماعندي رقمهم بس اعطيج حضانة الخطوة الجديدة اللي بمبارك الكبير تابعين حق بعض دقي واخذي رقم حضانتهم بالاندلس منهم وهذا اهو الرقم 25430182
هلا والله يعطيكم العافية
انا مدخلة ولدي الكبير قبل سنتين حظانة جمعيةالاصلاح الاجتماعي بالاندلس حيل حلوه والادارة محترمة كانت الحظانه بالشهر 50 دينار والسنه هذي دخلت ولدي الثاني صارت الرسوم ب65 دينار بالشهر بس الصراحة انا مرتاحتلهم حييل واذا رديت اخذ ولدي بالهدة الاقي لبسه نظيف ومرتب ومشطين شعرة قبل لا اخذة مثل ماجبتيه الصبح والولد يطلع من عندهم يضحك ومستانس وويدونهم رحلات ويحفظونهم نص جزء عم تقريبا" والارقام عربي وانجليزي ويعرف يكتب اسمه بالعربي ويعلمنهم على النظام والتعاون والترتيب
وعذرأ على الاطاله
وهذا رقمهم
24808591
24802779
و للأخت اللي تدور
حضانة العصر
مساء الخير يا احلى كويتيات
حبيباتي كثر السؤال عن حضانة تفتح العصر
وبصراحة انا حبيت افيدكم
حضانة كيدز تايم بمشرف قطعة 3 شارع 7 جادة 1 منزل 45
تلفونهم 67796113 - 2538724 - 25398289
اوقات الدوام من الساعة 4 للساعة 8
الاشتراك بالشهر 40 دينار
وصراحة والنعم فيهم وفي المدسات ، والمكان حلو نظيف وشرح
روحوا شوفوها وعطونا ارائكم
تحياتي
و هم عندج هالعضوة
nonaa59 جزاها الله خير مفتشة عالحضانات
عارضة مساعدتها انها تساعدكم بأرقام و عناوين الحضانات
تقدرين تراسلينها
مرحبا للجميع حبايبي
صراحة انا مشتركه بالمنتدى من زمان بس ولا مره كتبت شئ ولا علقت بس احب اقرا المواضيع اللي تعجبني
لكن !!!!
الموضوع هذا بالذات شدني واااااااااااااااااااايد يمكن تقولون ليش؟؟؟
انا اقولكم
انا مفتشه حق الحضانات هذه على مستوى الكويت بشكل عام
ويوم شفت الكلام اللي مكتوب عن الحضانه هذه اثار فضولي واستيائي بنفس الوقت لاني ماصارلي فتره مجدده الترخيص لهم للحضانه قصدي
لذا الرجاء منكم عزيزاتي الامهات اللي عندها اي شكوى على اي حضانه تفيدنا وانشاءالله نقدر نتخذ الاجراء الازم معها
اما بالنسبه للارقام والعنوانين ماكو وحده تفيدكم مثلي لانه احنا مثل ماقتلكم مسؤولين على كل الحضانات على مستوى الكويت
والللي تبي اي رقم حاضرين
وعلى فكره نصيحه للامهات
فيه حضانات مو مرخصه من الشئون تاكدوا اول انه الترخيص معلق بالحضانه عشان اذا عندكم بعدين اي شكوى نقدر نتخذ اجراء ضدهم واذا مو مرخصه هذا مو لصالحكم
ودمتم وعيالكم بخير
ان شاء الله اكون افدتج و لو بالقليل
حطيت لج الاسماء و الارقام بالاحمر و عدلت الارقام زدتهم 2
تحياتي
