استفساراتكم عن تطعيمات الأطفال....ارجو التثبيت

[عاشقة الصمت]

عندي استفسار بالنسبة لتطعيم الروتا يؤخذ مرتين مرة في الشهر الثاني ومرة في الرابع انا ما طعمت ولدي هالتطعيمتين في اي خطورة عليه وشنو فوايد هالتطعيمه مع العلم الدكتورة قالت لي هذي اختياري اذا الام تبي تعطيها للولد او لا وهل تعتبر تطعيمه ضرورية للطفل ؟؟

مشكورة

 

[كيت كات]

والله يا حبيبتي مو فاهمة شنو تطعيم الروتا هذا؟؟
ومافي شي اختياري بالتطعيمات كل التطعيمات لازم الطفل ياخذها

 

[red_rose8278]

ألف ألف ألف ألف ألف ألف ألف ألف ألف شكر حبيبتي كيت كات على هذا الموضوع الاكثر من رائع

وعندي سؤال ما عليج أمر وعااجل لاني باجر بروح اطعم بنتي

عندها تطعيم السنه ونص ( هل التطعيم ابره او دوا ) ؟ وهل تسخن ؟

 

[red_rose8278]

رد: تطعيم سنه ونص

انا وديت بنتي امس لتطعيم السنه ونص وسخنت وعطيتها تحميله

 

[miamy]

رد: تطعيم سنه ونص

اوف ما احب هذا التطعيم ملييق ووايد يعور الياهل

 

[ام فويزان]

ام بدوري بخذيت اسأل آنه طعمت ولدي تطعيم ثلاث سنين و نص ووايد تعب صخونه قوية و ريوله اتعوره بس السستر الي طعمته ما حطتله موعد حق تطعيم ثاني شنو هذا آخر تطعيم ؟

 

[ســــراب]

مساء الخير حبايبي ..

حبيت اسالكم انا بنتى عمرها شهرين ونص وفيها عنقز ياحياتى .. وعندها تطعيم تاريخ 23-12-2008
عن الدرن بس اخاف مايطعمونها ..عشان العنقز

 

[asOola_21]

ضرووووووري ابي مساعدتكم ...

هاااي امهااات كويتياات .. انا ولدت يوم 3-10 ويوم الولاده طعموا بنتي وعلى اساس عندها تطعيم ثاني بس ضاعت الورقه اللي اذكره شهر 12 ,, ممكن تقولون لي عقب شكثر يتطعم البيبي واذا تأخر جم يوم التطعيم يأثر او لأ ؟؟؟؟

 

[احساس طفلهـ]

رد: ضرووووووري ابي مساعدتكم ...

حبيبتى البيبى المفروض يطعم 3-12 بعد شهرين بالضبط

والله ما ادرى اذ ياثر اولا

بس مرات اتاخر عن تطعيم بنات كم يوم

 

[om_7amny 85]

رد: تطعيم سنه ونص

هذا العن تطعيم يبهذل الياهل و لازم يصخنون عليه بو سنه ونص و يشل اريولهم ما يعبرون يمشون

 

[*دانة الخليج*]

رد: تطعيم سنه ونص

ادووووووووول قبل التطعيم بشرط انه مايكون فيه حراره

 

[خذاني الشوق]

رد: ضرووووووري ابي مساعدتكم ...

تطعيمه شهرين لاصار عمرها شهرين رووحي وطعميها عادي لوتاخرتى بس ماطولين حييل

 

[احلا من الحور]

يعطيج العافيه كتكات

وعساج على القوه

بغيت اسال ولدي عمره 2 ونص متى تطعيمه الجاي لانه مافي تطيعم 2ونص على ماظن
موووووجذي؟؟

وبنت اختي عمرها سنه و4شهور متى تطعيمها الجاي؟؟


زمشكوووره قلب

 

[*&* المميزهـ *&*]

رد: ضرووووووري ابي مساعدتكم ...

رووووووحي طعميها لا يطوووف عليها مو زين تخبصين بمواعيدها

وبعدين بشهاده التطعيم مكتوب لج المواعيد

سيفيييييهم بتلفونج عشان ما تنسين

 

[ام عفاف الكويت]

رد: ضرووووووري ابي مساعدتكم ...

شهرين بالضبط

 

[كيت كات]

هلا والله
بعد تطعيم ال2 ونص 3 ونص
واللي فيها عنقز روحي الطبيب مع ان ما اظن بيطعمونها بس روحب علشان
يضبطلج الموعد اللي وراه

 

[asOola_21]

هااي كتكات .. اشكرج على موضوعج واايد حلو وساعدنا احنا الامهاات
حبيبتي بس بغيت أسأل انا اليوم طعمت بنتي تطعيم الشهرين وهاديه الحمدلله بس بجت بالطبيب شوي بس الحين لما احط لها الكمادات تخاف جنها مخترعه وتبجي وبس اشيلهم عنها تسكت ؟؟ ف ماودي احط لها كمادات دام تبجي عادي ؟؟

 

[كيت كات]

اهلين العفو ياقلبي
بالنسبة للكمادات لو تلتزمين عليها افضل علشان بعدين ماتنتفخ وتاذيها

 

[pe-engineer]

السلام عليكم

آنا عقب شهر عندي تطعيم ولدي عمره 6 شهور انشالله, جم ابره بيعطونه؟ ووين؟
لما طعمته الشهر الرابع..الله لا يواريكم شلي صار فيه...بجي مو طبيعي..والله متواصل لمدة 3 ساعات تقريبا...غير السخونه..والريول اللي وارمه...

رفيجتي انصحتني اني أدلك ريوله عقب التطعيم على طول...اشرايج؟

مشكوره

 

[@الجود@]

حبيبتي مشكوووووره ع اللي صج بيريح امهات وايد

بنتي صارلها شهر الحين وعندها تطعيمه شهر واحد بس مادري جم التاريخ بالضبظ ؟هل اروح للمستشفى واهمممم بقولون لي او اسال منو بالضبط ؟ او اروح باي يوم عادي بشهر يناير .؟؟