:: استفساراتي عن المانيا وبالتحديد :: اخن :: ارجو المساعدة لو بالقليل ؟

[ام عفاف الكويت]

قوة حبايب قلبي


مبارك عليكم الشهر مقدما

وحابه استفسر استفسارات << متعوب عليها :dddds:


اللى راح المانيا خصوصا اخن

ياريت يعطيني معلومات

شلون الجو من 8 الى 10 ؟

وشلون الشعب ؟

والديره شلونها غاليه رخيصه متوسطه ؟


واللى راح عن طريق الدفاع اي دوله شلون طريقتهم والمصروفات الماليه لجم شخص ؟

ودعواتكم لابني بالشفاء العاجل

 

[ام عفاف الكويت]

الظاهر الكل لندن محد المانيا

 

[Samurai]

السلام اختي ..
انا رحت اخن سنتين ورا بعض .. بس قبل 4 سنين ..
السكن انصحج بمنتجع لندال في هولندا ويبعد 10 دقايق عن اخن .. وكان اغلبه خليجيين .. واهو عباره عن شاليهات زوري موقعهم بس لازم يكون عندج سياره ويصلح للاطفال اذا ولدج كبير شوي بترتاحين فيه .. فيه بحيره وبط والعاب اطفال وكل شاليه عنده حديقه .. بس عيبه اطول مده تحجزين فيها اسبوعين واذ تبين تجددين يمكن ما راح تلاقين واذا لقيتي يودونج لشاليه ثاني او راسليهم وقولي انج بتحجزين مده اطول .. احنا قعدنا اسبوعين وبعدين رحنا لمجمع سكني في اخن يم السنتر كان حلو وعنده حديقه كبيره بس للاسف مو ذاكره اسمه بس انشالله اعرفه ..
وهذا موقع المنتجع الهولندي .. بس عيبه ان قنواتهم التلفزيونيه بعد الساعه 12 الليل تتحول اباحيه .. انتي عاد اشتري ستالايت العربي مادري وين يبوعونه بس كنت اشوفه عند بعض العوائل

http://www.landal.com/gb-en/holiday-park/the-netherlands/limburg/hoog-vaals

بس اهم شي ديري بالج من شقق ام فرااااااااس في اخن .. نصابه وحراميه وصاحبة مشاكل

الجو ب 8 و تسعه زين يميل قليلا الى البروده .. عموما حتى بشهر 7 كانت تمر ايام بارده حيل .. اخر 9 اول 10 بارد اتوقع ..
الشعععععععب .. لج عليه اشوي ما كنت ارتاحلهم .. بس مو الكل عليهم شوي نظره دونيه لنا ..
والسوق عادي بس الحلو فيه مجمع كوف هوف و C&A وموجود زارا ومانجو و H&M ..
على العموم انتو في الايام الفاضيه روحو مناطق قريبه من اخن ..
ما سترخت في هولندا يمكن نص ساعه
دسلدورف المانيا .. سوقها حلو تبعد ساعه
بروكسل ..بلجيكا ساعه ونص
بروج بلجيكا .. ساعتين .. يمدحونها
وفي منطقه في بلجيكا اسمها سبا .. وصج سباااا حلوه وراقيه تبعد 45 دقيقه .. يعني وانتو رايحين بروكسل مرو عليها
وفي الويك اند مثلا روحي باريس تبعد 4 ساعات حجزي ليله وروحي ديزني وردي .. اليوم الثاني

 

[Samurai]

والله يشافي ولدج يارب ..ويشافي بنتي انشالله ..

 

[ام عفاف الكويت]

حبيبتي ماقصرتي
بس شكله صعبه هالمنتجع
اخاف غالي ؟
بالنسبه للسنتر وين سكنتي لو تذكرين يعني شقه شنو فيها
ان وديت معاي ماجلتي مالت رمضان تهقين يمررونا المانيا او ممنوع

 

[ملاك-77]

الله يشافيه يااااارب ويخليه لج
واجر وعافيه
يااااارب ياكريم يارحمن يارحيم تشفي ولدها من كل مرض
ومرضى المسلمين عاجلا غير اجلا يارحيم

 

[فوشيه عجيبه]

والله يشافي ولدج يارب

 

[ام عفاف الكويت]

حباااااااااااااااااااااااااااااااااااااايبي والله
مشكووووووووووووووووووووورين

 

[Samurai]

اي عادي اخذي الماجله بس خليها في الشحن مو معاج داخل الطياره .. وانشالله تتيسر امورج .. والله حسافه مو ذاكره اسم الشقق .. كانت شقه صغيره شوي ودورين كل دور غرقة نوم وصاله صغيره ومطبخ صغير .. بس الحلو فيها يمها بارك تتمشين العصريه فيها .. اعطيج طريجها بقوقل .. وانتو حجزو فندق 3 ايام ودورو شقق واحطلج الطريج لانها سهله واعطيج اسم الشارع

 

[ROoONY]

رد : :: استفساراتي عن المانيا وبالتحديد :: اخن :: ارجو المساعدة لو بالقليل ؟

الله يشافي ولدج ان شاءالله
والله حبيبتي انا رحت المانيا بس مو المنطقه اللي تبينها
انا رحت ميونخ وكانتت حلوه

 

[ام عفاف الكويت]

فديتكم حبايب قلبي
باخذ الماجله بس قالوا قسموها على اككثر من جنطه
لانه ياخذونها ممنوع

 

[أساور]

الله يشافيه يااااارب ويخليه لج

 

[ام عفاف الكويت]

جزاج الله خيييييييير

 

[^noonaa^]

قاعده ادعي حق ولدج مع اذان الفجر

يااارب انه يشافيه ياااارب ويعافيه ويشافي كل مرض

وماعندي اي فكره بالموضوع

 

[ام عفاف الكويت]

جزاج الله خير حبيبتي
والحمدلله على كل حال

 

[غرور وايل]

الله يششافي لج وللدج ياارب

 

[ام عفاف الكويت]

حبيبتي مشكوره

 

[لـوجيـن]

السلام عليكم


حبيبتي انا من رواد اخن واكيد انكم راح تعالجون بمستشفى الجامعي ( يونفيرستي كلينيكوم ) الله يشافي لج وليدج ويخليه لج


بخصوص السكن مافيه على شقق الاستاذ جلال مصري رجال كبير شقق شوي لو اقول عليها حلوه وراقيه وامينه وعلى الشارع العام وقريب من السنتر 5 دقايق الا انتي فيه وقبالج مطعم السندباد وبقالة بو يوسف كل شي مافيها ماله داعي ماجله الا قهوتج وبهاراتج وفناجيلج لووووول
الماجله عندهم رخيصه واحسن من اكلنا بعد وكل شي متوفر لاتحاتين
وحتى الشقق ميزتها قريبه من محطة الباص تنزلين الا هي تحتج ماله داعي تكاسي

هذا اللي يحضرني واي استفسار انا حاضره

 

[ام عفاف الكويت]

انزين حبوبه انتي تروحين على الدفاع او الصحه ؟

 

[Hello_kitty]

الله يشافي ولدج ويعافيه وكل مريض يارب

انه رخت اخن منطقه صغيره وايد حلوه جوها حلو سوقها حلو اعجبتني ولفت نظري وايد كوويتين فها واغلبهم عشان العلاج
والميزه الحلوه اذا حبيبتي تغيرين جو وايد مناطق قريبه منها كولون دوسلدورف فيزبادن

واصحاب المحلات والمطاعم اللي هناك حدهم نفسيه وموطايقين العرب لأن العرب وايد هناك وبعضهم بتصرفاتهم خربوا على الكل

هذا اللي اعرفه اما بخصوص العلاج ما اعرف تروحين وتردين بالسلامه