حبوبات والله كثر ما تكلمت على الـIPL أحس شبهت نفسي جني مستفيده
بس من تجربتي الخاصه
ومن تجربة رفيجاتي وخواتي
كلنا جربنا الأثنين ليزر وIPL
بصراحه فرق
أول شي العوار ماكو كلش
ولا في حروق
ولا احمرار
ولا اسمرار بشره
وبالنسبه للنتيجة فوالله الفرق حيييل كبير
لأن مثلا البيكيني آنا سويته ٣ مرات ليزر وما فرق معاي غير ١٥٪ يمكن
بس بالIPL النتيحه من أول جلسه أكثر من خمسين بالإميه
والفرق بين الأثنين علميا ومن الويب سايتات اللي دخلتها
إن الليزر يطلق حزمة صغيرة من الأشعة وبمساحة صغيرة (١سم مربع) واختراقها للجلد أقل
بينما الIPLمساحته أكبر ويطلق حزمة أكبر (لأن راسه أكبر) ويوصل لبصيلات الشعر بشكل أكبر
بالنسبة للside effect ما حصلت موقع يذم الIPL ولا الليزر
المواقع اللي حصلتها يشرحون الفرق مثل ما شرحته فوق
وبكل الأحوال إحنا بالحالتين قاعدين نعرض بشرتنا للأشعة
الفرق إن مع الIPL بتكون الفترة أقل لأن الجلسة سريعة (لأن المساحة أكبر) وعدد الجلسات أقل
وطبعا بدون حروق ولا اسمرار
والدليل إن وزارة الصحة بالكويت وبكل الدول تصرح استخدام الIPL بالصالونات والمراكز بس الليزر بس بالعيادات
بالنسبه لتأثيره على الشعر الخفيف فآنا شخصيا أشوف إنه يموت الشعره ببطء لأن الشعرة الخفيفه صعب تنشاف وبصيلتها ناعمه
على عكس الليزر اللي يخشن الشعره الخفيفة ويطولها
وعلى ما قالتلي الدكتوره الصينية بالمركز اللي أروحله إن الIPL تأثيره ممتاز على الأعمار الصغيره مثل بالتعش ويبدي يصعب وأصعب شي بالثلاثينات وبداية الأربعينات
يعني الوحده أفضل تشيل وإهي صغيرة وفطفوطه
هذي تجربتي ورايي نقلتهم بأمانه
وبالمناسبه آنا وحده ما أسوي شي على خبال .. أقعد أسأل وأدور وأحوس
