استفسارات الليزر لازاله الشعر الزائد ( تم دمج المواضيع )

[نوااري الكويت]

عندي سؤال مهم انا حامل بالشهر الخامس اقدر اسوي ليزر ياليت اللي سوت ليزر وهي حامل اترد علي

 

[tooota_]

عادي مايضر الحامل حبيبتي توكلي على اللهالليز يؤثر في بصيلة الشعر نفسها
ماله علاقه بالجلد او البيبي

 

[أم غايب]

بنات وين صاير ياكو ابولو بالضبط؟
و المنار كلينك؟
الوصف أو الرقم بليز

 

[حور الجنة]

انا سويت من 3 سنوات عند ( اللمسة الحريرية )
بديت بالبكيني والآند آرم
فرق معاي وايد وما يعور ويحطون مخدر للبكيني
وبعدين بديت بالجسم كله
وافتكيت من الشيرة

واحلى شي الي يشتغلون كويتيات ونفسهم حلوة

الي عندها اي استفسار تراسلني عالخاص

 

[دلوعة مودي]

طيب اللي بالخبر او الدمام ياليت تفيدني

 

[miis_pink]

هلا حبايبي



بنات بسألكم الحين الليزر اذا بنسويه بمنطقه معينه وماحط فيها الدكتور بنج يعور؟؟



وممكن يعني الليزر يحرق البشره ولا؟



ولازم قبل مااشيل بالليزر اشيل بموس ولا؟

 

[دلوعة روحي]

هلا حبايبي



بنات بسألكم الحين الليزر اذا بنسويه بمنطقه معينه وماحط فيها الدكتور بنج يعور؟؟



وممكن يعني الليزر يحرق البشره ولا؟



ولازم قبل مااشيل بالليزر اشيل بموس ولا؟

هلا يا قلبي

انا حطولي جل مخدر على ريولي بس اما منطقة البكيني و ايديني ما حطتلي شي

ريولي هم مع المخدر كنت احس بلسعات خفيفة و قالتلي لو مو حاطتلج الجل اصلا كنتي راح تبجين

يعني المخدر يخفف الاحساس بس ما يمنعه





و الليزر ممكن يحرق البشرة على حسب ايد اللي تسويلج




و لازم قبل الليزر تشيلين الشعر بالموس يا نفس اليوم او يوم قبل

و سلامتج

 

[جــ(الحزن)ــود]

شوفي حبيبتي انا مسويه كل جسمي ؛) لاتستغربين قبل عرسي قلت يبيله ليزر كامل ماحب الشيره قطيعه اصراخي يسمعه اللي وين ماتقولين احف تقولين قاعده اولد المهم انا سويت عند دكتور سلطان العتيبي كامل الجسم 450 اول جلسه والثانيه350 وكل مره اقل السعر لين مايسير 50 بس علا حسب الجسم بعظهم يبيلهم فتره طويله ونصيحه سويها احسن وانظف بتوفيق

 

[قطوه وجذابه]

هآآآي بنات

.
.

بغيت أسأل شنو احسن عيادة تسوي ليزر للبكيني : الشعب التخصصي - الربيعه - ياكوابولو-المنار

وفي بعض البنات يقولونليزر بكيني كامل وبكيني نص ؟ شنو الفرق ؟

اتوقع الكامل ينظف اكثر مو ؟ اذا جذي شنو العيادات اللي تسوي البكيني كامل ؟

انا بصراحه ودي اسوي بس اخاف ماتطلع نتيجته حلوة ..

بعضهم يقولون يطلع لنا حبوب من الليزر وبعضهم يقولون ان باول جلسه يصير

شكل منطقة البكيني مو حلو والشعر واضح مثل النقط ؟ <- لاعت جبدي

 

[miis_pink]

بنوتات انا بسويها بمنطقه صغيره بويهي وقالي تااخذ ثمان جلسات


طيب بالجلسات الاربع الاول ممكن يخف الشعر ومايبين؟

 

[mtoto2000]

بالنبة للاخت اللي بتسأل عن الليزر وهي حامل لا تسوينلان بيأثر ع البيبي و لماتقومين بسلامة سوي حتى اسالي دكتور عندوضميراذالاقيتي لان بصراحة الكل يدور على الفليسات ياعمري

 

[عمة فهودي]

السلام عليكم

انا معاي ثنتين بالدوام وحده مسويه ليزر حق ايدها كلها والابط

وريولها ليما الفخوذ وخط البكيني

وكانت مسويه الليزر عند بنات كنادره عندهم الجهاز منه العادي ومنه الهوائي

وتقول سوت الليزر جلسات لمدره 4 سنوات يعني اتوقع كل ثلاث اشهر او اربع اشهر مره

ليما شوي شوي اختفى

ونصحتني اهيا فيه بس انا اخاف لان مو عياده اهوا صالون

واعرف وحده ثانيه بعد مسويه بعياده وتمدحه حيل وتقول المكان اللي اسوي فيه الليزر يصير ابيض ونظيم

احسن من الحساسه والنفر اللي يطلع من الشيره والحكه عقب الموس

بس متردده انا

 

[Dloool_q8]

ابي اسوي ريولي ليزر تعبت من الشعر اللي تحت يلدي

منو نفس حالتي وفاد معاها؟؟؟

ووين وبجم؟؟ <<<< مابي شي غالي ترا المعاش يشتكي خخخخخخخخ

ومشكورين مقدما

 

[Coffee-Girl]

انا ابي اسوي جسمي كله وين احسن عياده اسوي فيهاااااااااااا

 

[سارحة بالغنم]

​

أنا سويت جسمي ثلاث جلسات عند ياكو أبولو.....جسمي أقصد بس رجولي كلها وإيديني لانهم فيهم شعر الباقي الحمدللة مايحتاج والفرق 80% مو طبيعي ومرتاحة .........


بعدين قررت أسوي وجهي ومن الخوف الوجة غير مابي أغامر شفت أغلبية رفيجاتي يسوونة في مستشفى رويال حياة وسويت الليزر لوجهي عندهم 45 دينار يهبل ما حسيت بشي بس شوية لسعات وحمار خفيف على ما رديت البيت خف....


وبكمل جسمي عند ياكو ووجهي عند رويال حياة .......والشغلة الي إجذبتني إنة الجهاز الي سوولياة في ياكو الي إهوا جنتل ياك اوشي جذي هو بالضبط جهاز رويال حياة بس احس رويال شغلهم راحة نفسية اكثر خاصة اذا بسوي ليزر للوجة


وسلامتكم:eh_s(6):

 

[ابله رشا]

انا جربت بكيني عند مال الله بالسالميه بس جلسه وحده و رخيص الجلسه ب30 بس جهازهم قدييييم حيل تقولي يبيلج 7 جلسات بس كنسلتهم لانه زححححمه و اذا راح دورج تنطرين شهر زياده
تالي جربت طلال العلي
روعه و جهازهم يديييييد و مو زحمه و هدوء
الاربع جلسات ب200

 

[اخت-اخوها]

ابي اسوي ريولي ليزر تعبت من الشعر اللي تحت يلدي

منو نفس حالتي وفاد معاها؟؟؟

ووين وبجم؟؟ <<<< مابي شي غالي ترا المعاش يشتكي خخخخخخخخ

ومشكورين مقدما

انا الشعر تحت الجلد وخشن حشا ريل ريال مو بنت كنت اسوي مقارنه بين ريلي وريل اخوي :0bee2e8d89:مأساه والله :krkrkr:
والحمدالله يمعت الشعر قعدت جم شهر ما شلته ورحت المستوصف الالماني شلته
ماشالله تبارك الرحمن فرق معاي حتن شعر تحت الجلد مافي ماشالله
سويت 4 جلسات
اكثر وحده دفعت فيها 52
لين الركب
_03BA:الحين ناويه على البكيني والابط بس ناويه جد اريح وفكه عوار اتحمله مره وريحني ولا كل اسبوعين :tomato2:

ونصيحه سوي ليزر على قولت وحده تقول اللي ما تسوي ليزر خسااااره حياتها
واي شي تبين حبيتي على الخاص حاضره :ggdw:

 

[ام عفاف الكويت]

انا مسويه اندر ارم وبكيني الحمدلله مرتاحه بياكوا ابولو
الاندر ارم ب 25 والبكيني كامل ب 28
بس مواعيدهم حيييييييييييل بعيده

 

[BaLLoNa]

بنااااات صدقوني انا جربت الليزر يمكن 6 او 7 مرات ماكوو فايدة يعني الشعر يخف بس مو لي اهناك يرد يطلع مرة ثانية .. ومن زمان دشيت اهني عشان ادور على مكان عدل اسوي فيه ليزر شفت وحدة يزاها الله خير كاتبة عن شي اسمه IpL ورحت وجربته والله عججججججييييييييب عكس الليزر . بنات هذا ترا متطور اكثر من الليزر والمكان اسمه بودي ارت سنتر مجابل مطافي السالمية

 

[عز النفس يغنيني]

بنات اللي بتتكلم عن عياده ياليت تحط ارقامها ووين صايره عشان نستفيد ونستفسر منهم ...

انزين بنات منو العيادات اللي عندها الليزر الضوئي ومضمونه وشغلها نظيف للمنطقه الحساسه ...واذا فيه استعمال ذاتي احسن واحسن

ومشكـورين ويعطيكم العافيه