استفسارات الليزر لازاله الشعر الزائد ( تم دمج المواضيع )

[boys are toys]

رد: تجربه كل عضوه في الليزر فقط ( المشاركه في التجربه و ليس الاستفسار )

بنات وين صاير ياكو ابولو ؟وجم ارقامهم؟

ياكو ابولو بالسالمية قريب من المطافي
ورقمهم 25648040 داخلي 113

 

[pink cupcake]

بنات انا سويت ليزر بمكان يصير اغيره واكمل بمكان ثاني ؟؟؟

 

[donat]

وين صاير معروف ؟؟

معروف يم المواساة تعرفين الدوار مال السالمية اللي فيه صور الشيوخ خلي البحر بظهرج ولفي الدوار ثلاث ارباع يعني روحي يسار و امشي سيدة لما تلقين كنفانجي لفي عليه يمين و سيدة شوي تلقين صيدلية معروف و نفس العمارة فيها المستوصف

 

[Lulu_Perla]

بنات .. اذا ابي اسوي ليزر لمنطقة البكيني ما يأثر؟؟ خصوصا اني بعدي مو متزوجة ؟؟
و الشعر ممكن انه يطلع و ما يطلع عقب الليزر بهالمنطقة و الخلفية ؟؟

يوكو ابولو تعرفون اسعارهم ؟؟ يعني الريل بجم ؟؟ و البكيني بروحه بجم ؟؟

يعطيكم العافية حبيباتي و مشكورين وايد استفدت من تجاربكم

شــــــــــدعــــــــوة بنااااااااااااااااات !!!!!!
:krkrkr:

ليش محد عطاني ويه ؟؟؟؟؟؟
افا بس افا .. ما كان هذا العشم ..
:0bee2e8d89:

بليز انا محتارة و ناطرة جوابكم ..
؟؟؟؟؟؟؟

 

[اااه يا دنيا]

رد: حق الي حابه تسوي ليزر جلدية ..

انا رحت امس حق هدا الكلينك و الله خوش شي و طلعت من عندهم مستانسة , و الله بعد ما مدحتو فيه قلت اروح وجرب حق الابطين و اي مكان متخبي ليسون في شي, بس و الله سويتلي حلو و ما حسيت بشي و المهم من هدا ان دكتورة الي بتسويلك بنفسها, و بخصوص الاسعار سولي فتح ملف مجانا و خصم 25%, و لي خلاني امدح هالكلينك انو ما فيه عفسه و لا ناس وايد و شيك , و ترى حتى موظفات برج التحرير وايد يمدحونه بياخدون الموعد ب التلفون انا لقيت 2 منهم

 

[كويتية وقلبي سعودي]

بناااات بليز ابي استفسر

في بنات يقولون ان المنطقه الحساسه مو زين تسوين فيها وان في ناس سووها وماصاروا يحملوون

بلييييز اللي سوت هالمنطقه وبعدها حملت تقولنا لأن الينات صراحه كلامهم يخوف واحس في ناس بس جذيه يتكلمون !!

 

[~سما~]

حجزت عند هناء العدساني و ربي يكتب اللي في الخير

في أحد يذم هالدكتوره؟؟
بليييييييييييييز عشان إذا فيها شي أكنسل

مشكورين على تجاربكم

 

[boys are toys]

شــــــــــدعــــــــوة بنااااااااااااااااات !!!!!!
:krkrkr:

ليش محد عطاني ويه ؟؟؟؟؟؟
افا بس افا .. ما كان هذا العشم ..
:0bee2e8d89:

بليز انا محتارة و ناطرة جوابكم ..
؟؟؟؟؟؟؟

بنات .. اذا ابي اسوي ليزر لمنطقة البكيني ما يأثر؟؟ خصوصا اني بعدي مو متزوجة ؟؟

و الشعر ممكن انه يطلع و ما يطلع عقب الليزر بهالمنطقة و الخلفية ؟؟

يوكو ابولو تعرفون اسعارهم ؟؟ يعني الريل بجم ؟؟ و البكيني بروحه بجم ؟؟

يعطيكم العافية حبيباتي و مشكورين وايد استفدت من تجاربكم

حبيبتي سوري على التاخير
انا بنت ومومتزوجة وسويت البكيني وريلي واباطي وايدي عند ياكو ابولو وافتكيت
وانشالله ماراح ياثر لان الحين الكل قام يسوي ليزر حتى اعرف دكتورة وتسوي ليزر حق جسمها اهيا وخواتها وانشالله مايكون في ضرر منة
انا شعري كان وايد وايد واسود ويطلع بسرعة لاني كنت استخدم موس ومكينة لاكن الحمدلله بعد الجلسه الاولى من الليزر خف وطول وانشالله اليوم الجلسه الثانية حقي .
اسعار ياكو ابولو :
الريل كامله :70 دينار .
البكيني : 28 دينار .
المنطقة الخلفية للبكيني : 30 دينار .
الايد كامله : 45 دينار .
الاباط : 23 دينار .
وسمعت مرة ان عندهم عرض ان يسون لج الجسم كامل حتى البطن والظهر ب300 دينار بس مو متاكدة.
ونسيت اقولج ان من 3 جلسه تنزل الاسعار .
دقي عليهم وتاكدي هذا رقمهم 25648040
انشالله اكون فدتج واي سؤال انا حاظرة حبيبتي :eh_s(8):

 

[boys are toys]

بنات انا سويت ليزر بمكان يصير اغيره واكمل بمكان ثاني ؟؟؟

اي حبيبتي عادي ليش لا
سوي بمكان وغيري ماكو مشكله عادي:eh_s(8):

 

[Lulu_Perla]

saara

حبيبتي والله .. مشكوووووووووووووووووووووووورة و ما قصرتي ..
انا سمعت بعد عن يامو ابولو يسوون الجسم كامل ب 300 ..
بس اظن الجلسة الوحدة .. يعني كل مرة تدفعين 300 و تسوين لجسمج كله مو ؟؟

ان شالله خير .. انا ناوية .. و ابي افكر بالموضوع بشكل جدي ..
اشوف الوقت اللي يناسبني و احجز ..
ان شالله عالاسبوعين اليايين ..

يسلمووووووووووووووو مرة ثانية حبيبتي

 

[unreachable]

بنات جم مرة سويتو منطقة الشارب وبعدين اختفى؟

انا للحين سويت 4 مرات بس للحين عندي شارب بس صار الشعر أنعم من قبل

 

[طعم الشهد]

بنات ابولوو ادق عليهم خطهم شكله خربان لانه كله مشغول ... وهناء العدساني لازم اتسوي تجربه وثاني يوم تسوي اليزر يعني قصه طويله وانا ما ابي جذي

وابعد من الجمال لازم حجز قبلها مدى

مادري شقرر عليه رحت عياده قبل جهازهم حديث بس الصراحه شقلهم موبضمير مايشيلون عدل وغالي وقطعت

محد يعرف شي عن اوباجي اشرايكم فيه


وحابه نصيحتكم .... اسوي اليزر الضوئي وله العادي

 

[moony77]

مدري جنه الزهير الطبي في السالمية زين الجسم كله 230

 

[~سما~]

ادري شقرر عليه رحت عياده قبل جهازهم حديث بس الصراحه شقلهم موبضمير مايشيلون عدل وغالي وقطعت

قصدج العدساني؟؟

 

[طعم الشهد]

اسمه مس فرساي .... والحين بدي ارت .. يم المطافي بالسالميه

 

[تحطيم]

حبيت اعرض تجربتي ويا لليزر عشان تستفيدوون

انا نوع شعر ريولي بالأخص اسود وكثيف والله يا بنات من بديت اشيله بالليز انه خف وجتى نسيت شكل ريولي بالشعر اول اطوله لاني طفشت كاان يطلع بسسرعه ومسبب لي ازمه وعقده بحياتي ومسماته حدث ولا حرج تقولين فوهة بركـاان

المهم جا اليوم اللي لازم احط حد لهالمشكله فقررت ابدا الليزر وشلت شعر ريولي كلهاا والحين احس براحه حتى ان جلستي الثانيه تجي وشعري للحين ما طلع بس المساماات خف خف خف حييل الحمدلله والله التطور ريحناا الله يخليه لمـه اللي اكتششف هالششي << هههههههههههه

انا مسويته بالفروانيه عياده المستوصف الأوربي التخصصي

عند دكتور اسمه العلوان جنه جذي اسمه
واي سؤال انا حاضره والله يابنات راحه تفتكين من الشيره والحين بديت بوجهي وناويه بعد جم شهر لما تخلص جلسات ريولي ببدا اييني واماكن ثانيه *_^

 

[تحطيم]

للي تسأل عن البكيني انا اللي سوت لي جلسساتي كانت وحد حامل بشهرها الثامن
ورفيجتي بعد زواجها سوت ويوم حملت وقفت وتقول بعد الولاده بتكمل عاادي ما أثر عليهاا

*_^

 

[كويتية وقلبي سعودي]

تسلمووووووووووووون بنات على ردودكم اللي تطمن

بس مادري ليش في بركن العروس موضوع وكل البنات ردودهم كانت تخوف !!!!!!!!!!!!

 

[~سما~]

اسمه مس فرساي .... والحين بدي ارت .. يم المطافي بالسالميه

نزين شراايج أروح حق هناء العدساني ولا أكنسل موعدي؟

 

[دراما كوين]

بنات جم مرة سويتو منطقة الشارب وبعدين اختفى؟

انا للحين سويت 4 مرات بس للحين عندي شارب بس صار الشعر أنعم من قبل

حبيببتي بسالج انا سويت ثاني جلس للشوارب والشعر للحينه موجووود.,,, بس طلعتلي مشكله احس مكان الشارب مثل خط اخضررر:080402ask_prv: يعني ماكو شعر بس المكان نفسه اخضر ,,,انتي صار معاج جذي؟؟؟؟؟؟؟ظ