استفسارات عن تايلاند ** عاجل **

[MyLittleBerry]

انا بروح انشاءالله اول شي بوكيت

بقعد فيها 9 ايام

محتاره ابي منتجح حلو ورخيص و4 نجوم على البحر لقيت وايد بالنت بس يقولون مثلا هالمكان في خرابيط وايد وازعاج

ابي مكان حلو ونظيف وينفع حق عوايل

احترت بين جم فندق

patong bay garden resort

mercure patong resort

coconut beach resort

amari

كلهم طبعا على الباتونج بيش

شنو تنصحوني؟؟

وشنو الاماكن الحلوه في بوكيت

اخر شي بروح بانكوك بقعد فيها اسبوع وحجزت بالهوليدي ان

ومشكورين

 

[بنت عبدالغني شربت]

لأسف بوكيت الوحيده ما رحت لها بس انا كنت بروح لها من قبل سنه حاجزه منتجع ب تري توبس اريسيا بس غالي الليله تطلع عليج 70 دينار بس صار سونامي بسيلان خفت :eh_s(6):


http://www.treetops-arasia.com/

بس amari انا اسمع البنات بالدوام يمدحونه

 

[بنت عبدالغني شربت]

انا هذا الي ينني الجاكوزي بالبلكونه

 

[بنت عبدالغني شربت]

اما بانكوك انا انصحج بماجستك قراند عجيب عجيب عجيب http://www.majesticgrande.com/


ليلة 22 دينار تقريبا

 

[MyLittleBerry]

واااايد حلو ماشاءالله

بس ريلي ذابحني مايحب اي فندق ملوع جبدي صارله 5 ايام وهو موعارف شنو يحجز

 

[MyLittleBerry]

اهو حاجز ابانكوك

بس بوكيت للحين محتار

واليوم قال خلاص بحجز الباتونج جاردين ريزورت


بس بوكيت مانبي منتجع غالي وايد لان بنقعد فيها مده طويله 9 ايام

 

[keeka]

شوفي هوليداي ان بوكت انا وايد عجبني بس قميضه لما رحنا ما حصلت فيه حجز
وايد حلو مكانه على الباتونغ على طول

http://www.holiday.phuket.com/

 

[زيـنـه]

هوليداي ان الباتونغ خوش فندق .. و اذا معاج عيال جيكي على الفاميلي سويت يصير فيها غرفه لليهال .
بس عيبه مو على البحر على طول .. تعبرين شارع للبحر .
بس مرتب و نظيف

 

[MyLittleBerry]

انا حاجزه حق بانكوك هوليدي ان

بس بوكيت بغير لاني بقعد وايد فانشاءالله بحجز سويت في الباتونج باي غاردن ريزورت

 

[إستبرق]

حبوبه انا فبوكيت حجز ريلي فندق رمادا هو نظامه مثل الشاليهات على شكل اكواخ بس من طابوق والبحر جدامه بس تعبرين شارع صغير وحلو البحر ان مافيه تفصخ وايد مو مثل الي جدام الهوليدي وبصراحه الفندق كان حلو ومرتب واحسن شي انه هادي بعد مو لويه

 

[Cute_Girle]

وحجزت بالهوليدي ان

:rerrerek::rerrerek:

زين تسوين ... هالفندق روووعه
على شارع السوق وراقي حده ..

بس تأكدي ان اهو (هوليدي ان بانكوك) اللي يم سيام سكوير


تروحين وتردين بالسلامه

 

[أمواج البحر]

ما ادري اذا كنتي رايحة بوكيت من قبل او لأ

لكن بوكيت عمووما حلللللللللللللوه كلها على بعضها حلوه

و 90% من الفنادق على البحر و اذا كانت مو يم البحر مباشره فكلها خطوتين و توصلين

لانها جزيره فالرحلات فيها من اروع ما يكون

ولااازم تروحون الفانتيسي وورلد .. صج صج راح تستانسون

وطبعا مجمعاتها واايد حلوة و الحلو فيها ان كلها مشي ... يعني لما نروح بوكيت ما كنا نركب التوك توك وايد

بس جوها يكون رطب اكثر من بانكوك لانها حزيره

والفندق ما ادري صراحة مو ذاكرته

بس دام انه على الباتونج بيتش فاكيد موقعه حلو

وتروحين و تردين بالسلامه

 

[MyLittleBerry]

انزين امواج البحر انتي وين سكنتي ؟؟

والفانتسي وورد وين صاير بالضبط

اذا عندج موقعه بالانترنت بعد

 

[أمواج البحر]

انا سكنت بفندق نوفوتيل

الفانتسي وورلد هذا مثل مدينة ملاهي

ويسوون فيها شو و صراحة من احلى الشووووز اللي شفتهم تحسين نفسج بعالم ثاني

و على فكره اي مكتب رحلات تحجزين منه ... وعادة يكون فيه مكتب بالفندق

وشوفي هالسايت فيه معلومات عن الفانتيسي

http://www.phuket-fantasea.com

وهذا بعد

http://www.phuket-travel.com/nightlife/frameme.php?page=fantasea.htm

اتمنى اكون فدتج واذا بغيتي معلومات اكثر سأليني حبيبتي

 

[أمواج البحر]

اي صح في بوكيت مكتب حق الرحلات و الحجوزات صاحبه اماراتي وااايد ساعدنا بحجز الرحلات و كافي انه خليجي

اسمه مكتب ساره للسياحة و السفر في شارع الباتونغ

 

[D!ma]

بنات بسافر تايلند الاسبوع الياي انا و زوجي منو بتروح بنفس الوقت ؟؟
حجزنا اول 7 ليالي في بوكت فندق رويال بارادايس هذا اللي لقيناه :krkrkr: و عقب 6 ليالي بانكوك في هولداي ان بانكوك
( صج انه بعيد عن السوق و عن ام بي كي و طوكيو سنتر ؟؟ و شنو احسن اهوا ولا نوفوتيل ؟ )


بنات سؤال
انا رحت من قبل بس ما سبحت لا بحر و لا حمام سباحه
اللي متحجبه شلون تتسبح و شتلبس ؟؟

و شنو احلى جدول نسويه
انا فبالي بالنسبه حق بوكت
يوم الفانتاسي
يوم بيبي آيلند
يوم بوكت زوو
يومين تمشي و سياكل هيهيهيهي انا ويه حجابي العام كنت اشاخط بالسيكل و لابسه فوقه خوذه هاهااه:ada:

و بس

بالنسبه حق بانكوك
يوم دريم وورلد
يوم فانتاسيا قالولي اسمها جذي مدينه ملاهي
يوم تسوق صوب فريده علي و يومين حق ام بي كي و ربعه

و بس
وين اروح بعد بطلع حرتي كلها هناك _03BA:

 

[أمواج البحر]

هلا حبيبتي ديما

بالنسبة حق بوكيت الرحلات اللي اخترتيها حلوة

ورحله جزيرة جمس بوند و قرية المسلمين

و كورال ايلند ترى صج وايد رحلاتهم

احنا لما رحنا كنا نروح الرحلات يوم و ترك عشان ما نتعب

تدرين تروحين الرحله من الصبح لييي 6 المغرب فتردين منهد حيلج

فاليوم اللي بعده نقضيها بالفندق و تمشي بالسوقه

والرحلات ترى على افا من يشيل ... رحلاتهم وااايد يعني صج ما تملون

والبحر عادي كنت البس بدي جم طويل اسود و بنطرون اسود ( عشان ما يشفون ) و فوقه البس البلايز الطوال الحفر و البس حجابي و اربطه و اطب اسبح خخخخخخخخخخخخخخخ :ada:

اما بانكوك دايما لما اروح لها اخليها حق التسسسسسسسوق وااااااااخ على التسوق

احنا نسكن في فندف ديما بافاليون خخخخخ على اسمج اهو شوي بعيد عن السوق بس صراحة حلو مكانه وصاد و هاااااااااادي و هذا احلى شي

حتى مافيه عرب وايد ... و راقي الفندق

واي سؤال انا حاضرة

 

[Maloka^koka]

حبيبتي هوليدي ان احسن موقع بالباتونق بيتش
اما انا عن نفسي اذا بروح راح اروح احجز بنفس المكان الي رحناله من قبل
منتجع البحر والشمس والرمل
www.seasunsandresort.com

لانه مكانه بنص السوق وبشارع المطاعم الاسلاميه مثل ما انتي عارفه ريحة اكلهم تلوع الجبد وابي مكان قريب مني
وبالضبط مكانه خلف شارع البحر يعني 3 دقايق مشي توصلين الشاطيء.
اذا تعرفين اكبر محل مساج عندهم اسمه كريستيان مساج هذا يكون لازق فيه طوفه بطوفه بس ديري بالج ريلج ينومج ويزرقله بالليل ترى مخطور
وليلته تقريبا 12 دينار للغرفه سعره وايد وايد وايد حلو بالنسبه للمكان والنظافه ونظام المنتجع وايد حلو.

 

[MyLittleBerry]

www.seasunsandresort.com


بس مادري دشيت الموقع شكله مايشوق

انا كاتبه لستة منتجعات بوكيت اللي خاطري اسكن فيها

club bamboo
mercure patong
phuket graceland
safari beach hotel

اسعارهم زينه وكلهم على الباتونق بيش

 

[أمواج البحر]

sea sun sand فندق 3 نجوم

يعني تقدرين تقولين حلييو بس اثاث الغرفة مو يديد و تحسين ان الفندق شوي قديم

مع انه موقعه وايد حلو و خاصه انه مجاااااااابل المطاعم العربية و قريب من المجمعات

بس انتي اذا بغيتي شي راقي ما انصحج فيه