استفسارتكم حول المكافأه الاجتماعيه >تم دمج المواضيع المتشابهه<

[make up]

انزين بنات التطبيقي حته الي عدت 4 سنين ودشت بالكورس الي وراه يعطونها الاعانه ولا بس يوقفونها ؟؟؟؟

 

[خشف الشمال]

يعطونها وعن تجربه،ونفس هالسؤال سألته رفيجاتي.
الله يذكر أيام الجامعه بخير..
تخرجنا وصرنا عيايز تونسو بكل لحظه والله العظيم أحلى ايام الدراسه ودي الأيام ترد قري..
بالتوفيق بنات ..

 

[كويتيات]

خشف الجمال
كنتب بأي كليـه؟ وشلون دراستها؟

 

[نزف]

الإعاااااااااااااااااااااااااااااااااااااااااااااا ااااااااااااااااااااانه

قوه بنات


موضوعي بدون مقدمات عن الإعانه

لما قدمت أوراقي بعد ماعمموها قالت لي

الأخصائيه إنها تنزل لي شهر 8 بأثر رجعي

وقالت لي حرفيا تنزل لج 500 دينار بشهر 8

ومن شهر 9 تنزل لج مع باقي الطالبات

بس الغريب انها مانزلت لي للحين

واللي اعرفه ان أكثر من بنوته معاي بالمنتدى

قدموا بعد التعميم من متابعتي للمواضيع هني


بغيت اسألكم بنات مانزل لكم شي ؟؟ ​

 

[ღღغــ الدنــيــا ـــلاღღ]

رفيجتي مستجده كورس ثاني


انزلت لها الاعانه

جيكي انشالله انزلت لج

 

[نزف]

لاحبوبه مانزل لي شي

هذا اللي أنا مستغربه منه

 

[زلابيا]

اخوي بعد نزلوله

ان شاءالله تنزلج

 

[الاسطورية]

انا مثل حالتج بعد ماعممو قدمت
بس اهمه كتبو شهر6 بالجريده انهم اجلوه لشهر 9
عرفتي يعني شهر 9 تنزل

 

[نزف]

زلابيا


الله كريم



هلا والله بالاسطوريه الغاليه


اي حبوبه بس أنا قدمت شهر 6 اصلا

وبآخر امتحان هي نفسها قالت لي تنزل

بأثر رجعي شهر 8


ومن شهر 9 نمشي مع البنات عاااااادي


والغريب ياقلبي انتي ان في بنات اعرفهم مستجدات

نزلت لهم .. وأنا مستمره شلون ماتنزل لي ؟؟

 

[نزف]

اي صج شوفي كلام البنات

ولقيت بأكثر من موضوع إن في بنات

نازله لهم من تاريخ 29 - 7 - 2007


شمعنى يعني

 

[الاسطورية]

نازلتلهم باثر رجعي خل اروح اجيك على حسابي لوووووووووول

 

[BaiTotia]

أنا مجيكه من جم يوم ماكو شي!!

 

[خشف الشمال]

كنت بالشريعه ودراستها ولا أحلى أربع سنين ونص مرو جنهم دقايق..

الدكاتره أخلاقهم راقيه ومحترمين غير الكليه مبناها يديد كلها مكيفه حتى

الممرات يعني الشمس ما نشوفها إلا يوم نطلع عكس الأداب كلها مكشوفه

جنه مدرسه بهالجو الحر دشي موقع فناتق وشوفي تقيم دكاترةالشريعه..

الله يوفقج..

 

[نزف]

ها الاسطوريه بشري نزل لج شي ؟؟


أنا للحين مانزل

 

[نزف]

بيتوتيه حبوبه في شكثر بنات نازله لهم


بس حنا لا .. ليش مادري

 

[diorella]

انا اعرف وحده وتقول انزلت بس مو 500 اقل ؟؟

الي تنزلها تقول جم؟

 

[الاسطورية]

نزلي الحمدالله
عقبالكم ان شاءالله

 

[الاسطورية]

اي بنات منقهره انا نزلي 400 ليش 100 بلعوها علي وين مالت شهر 8 اهي اهي اهي

 

[blue diamond]

اي اذا على البوق ياما راح تشوفون
انا بعد انزلت لي 400 واعرف وحده انزلت لها 600 @@ انا حدي استغربت
بس الحمدلله على كل شي
العوض ولا القطيعه

 

[BaiTotia]

الحمد لله نزلت لي بس 400 نفسكم مو 500 ولا 600

أتوقع ال400 الصح مالت شهر 4 و 5 و 6و 7