استفسارتكم حول المكافأه الاجتماعيه >تم دمج المواضيع المتشابهه<

[قدساويه مصرقعه]

منو اللي نزل له التطبيقي ولا الجامعه ؟؟

 

[بصْمةُ ضِيَاءْ]

مبرووووووووووك اعانة الجااامعه نزلت واخيرااا

 

[C.S.S]

اييييييي ... بنك التموييييييل


الله يباااااارك فيييييييج خيتووووو

 

[بصْمةُ ضِيَاءْ]

تفسفسونها وتطيرونها بالعاافيه

 

[دكتورة سارة]

منو اللي نزلت لهم ؟
التطبيقي و لا الجامعه
بليز حددوا ؟

 

[C.S.S]

الجامعه نزلت

انا التمويل حبيبتي

 

[قلبي حبيبي]

بنات انا كنت موقفه قيدي الكورس اللي طاف ومانزلت اعانه .. والكورس الجاي ان شاءالله بداوم ..
شلون اقدم على الاعانه من جديد . ولا اذا داومت تمشي لي ع طول ...

 

[SeLf^CoNfiDeNce]

بنات الي تفوق يعني تييب 3 نقاط تكون فائقه يعطونها مكافئه و شلون الطريقه اول مره اسمع
حتى لو كانت مستجده ؟؟
اتكلم عن جامعه الكويت

محد رد علي

 

[F.A]

بالعافيه عليكم بناااااااااااااااااااات
الجامعات الخاصه في أحد نزله شي

 

[NoNa20]

بنات التطبيقي ... التمويل انزلت لهم؟؟


لان انا تمويييييل ما نزل شي !!!@@

 

[نـ(المطيري)ـازكـ]

يـــاااربـــي لـــــيشششش هالــتـــفـــرقـــــــــة

ليش ماينزلونها كلهم بيوم وااااااحد ..

لازم يخلونا نحتر

يالله يبة عليكم بالعاااااااافية

 

[Lola Al Lola]

للي يسألون عن الاعانه
باذن الله تعالى راحى تنزل الاسبوع الياي
من 22 الى 25 الشهر
موفقين خير يارب

 

[Lola Al Lola]

شروط الحصول على المكافأة :

1. أن يكون الطالب / الطالبة كويتي الجنسية أو من في حكمه ممن صدر له قرار بمعاملته معاملة كويتي وأبناء الكويتيات .
2. ان يكون الطالب / الطالبة منتظما في الدراسة .
3. ان لا يكون الطالب / الطالبة موظفا أو يتلقى إعانة أو مكافأة شهرية من أي جهة حكومية .
4. أن يكون ولي الأمر على علم مسبق بتلقي المكافأة الاجتماعية .
5. أن لا يزيد متوسط دخل الفرد في الأسرة عن الحد الذي يقرر سنويا بما يتناسب مع الميزانية المخصصة للمكافأة الاجتماعية .

حالات وقف صرف المكافأة الاجتماعية :
- حدوث تغيير على دراسة الطالب .
- وقف القيد .
- الانسحاب الكلي من المقررات .
- الفصل لأي سبب .
- سحب الأوراق .
- صدور قرار تأديبي بحق الطالب / الطالبة .
- التخرج .
- أن لا تزيد مرات الصرف عن مدة الدراسة الاعتيادية .

 

[Lola Al Lola]

يـــاااربـــي لـــــيشششش هالــتـــفـــرقـــــــــة

ليش ماينزلونها كلهم بيوم وااااااحد ..

لازم يخلونا نحتر

يالله يبة عليكم بالعاااااااافية

حبوبه لا تفرقه ولا شي

والاعانة تعتمد حسب البنوك
يعني ممكن الاعانه تطلع من التطبيقي
بس المندوب اللي يوصها ممكن يكون اهو اللي يتأخر بالتوصيل
واول بنك ينزل الاعانه اهو بيت التمويل
لانه كل الاعانات توصل عنده اول
وعقب يوزعها على باجي البنوك
يعني الاعانات مو احنا اللي نوزعها على البنوك
و اي تأخير يصير علينا راح احنا نتحاسب عليه
يعني مو من صالحنا انه نأخر اعانات الطلبه
والاعانات مو طالعه من جيبنا عشان نتأخر فيها
وهذا شغلنا يعني تخيلوا معاي
1 تنزل الكشوف
2 ونجيك عليها
3 تروح الماليه
4 يجيكون على الاسامي والكشوف
5 يطرشونها نائب المدير
6 يعتمدها
8 يطرشونها مره ثانيه الماليه
9 يوصلونها لبنك التمويل
10يطرشها للبنوك
عاد انتوا حسبوا هالموال شكثر راح ياخذ من وقت

وربي يوفقكم يارب
:bye22:

 

[عسل هانم]

بنات الي تفوق يعني تييب 3 نقاط تكون فائقه يعطونها مكافئه و شلون الطريقه اول مره اسمع
حتى لو كانت مستجده ؟؟
اتكلم عن جامعه الكويت

محد رد علي

مرحبا حبوبا بخصوص سؤالج عن مكافاة التفوق ان شاء الله هذا يفيدج ..

شروط و معايير تكريم أوائل الطلبة المتفوقين وفقا لقرار وزير التربية و وزير التعليم العالي الرئيس الأعلى للجامعه رقم ( 24 ) بتاريخ 22\6\1428 هـ الموافق 7\7\2007 بالائحه التنفيذية للقانون رقم (10) لسنة 1995 م المعدل بالقانون رقم (34) لسنة 2004 م و القانون رقم (9) لسنة 2007 م بشأن مكافآت الطلبة بجامعه الكويت و الهيئة العامة للتعليم التطبيقي و التدريب ..


1- أن يكون الطالب كويتي الجنسية او من صدر في شأنهم قرار بمعاملتهم معاملة الكويتيين و أبناء الكويتيات ..

2- ألا يقل المعدل العام للطالب عن 3.5 نقطة كحد أدنى من سلم الاربع نقاط ، و تتم المفاضلة بين الطلبة الحاصلين على معدلات أعلى ، و في حالة عدم توفر شرط المعدل العام في أي من الاقسام العلمية يتم تكريم بديل من بين الحاصلين على أعلى معدل في الكلية أو القسم بما لا يقل عن 3 نقاط ..

3- ألا تقل عدد الوحدات المجتازة عن 45 وحدة دراسية ..

4- أن يكون مجموع الوحدات الدراسية المسجلة في التخصص في الفصلين الدراسيين للعام الذي يتم التكريم عنه 30 وحدة دراسية و في ذات التخصص ..

5- أن يكون الطالب مقيدا بالجامعه و لن يتخرج في نهاية العام الذي يتم التكريم عنه ..

6- ان تكون المفاضله بين الطلبة في حالة التساوي بالمعدل العام على أساس الرقم المكافئ ..

7- عند التساوي في الرقم المكافئ ، تتم المفاضلة بين الطلبة وفقا لما يأتي :

- اجتياز الطالب فصول دراسية اكثر ..
- الطالب الأكثر إيجابية في الأنشطة الطلابية الجامعية ..
- الطالب الذي يتمتع بسمعه طيبة في الكلية ..
- الطالب الاصغر سنا ..

8- تمنح مكافأة التفوق لطالبين من كل قسم او برنامج او تخصص فيما عدا كليات الطب و الصيدله و طب الاسنان و العلوم الطبية المساعده و الحقوق فيتم اختيار العشرة الأوائل من كل كلية ..

9- تصرف مكافأة التفوق لمدة 12 شهرا في كل عام دراسي تبدأ من شهر سبتمبر من كل عام و تنتهي في اواخر اغسطس من العام التالي ..

10 - تشجيعا من الإدارة الجامعية لأوائل الطلبة المتفوقين من غير الكويتيين علميا و حثهم على مواصلة التفوق ، يتم تكريم طالب واحد فقط من من كل قسم او برنامج او تخصص بالكلية ( بمنحة شهادة تقدير و درع التفوق ) وفقا للشروط المذكورة أعلاه على ان لا يقل معدله العام عن 3.5 نقطة و أن لا يوجد طالب كويتي او من صدر قرار بمعاملته معاملة الكويتيين و أبناء الكويتيات أعلى منه في المعدل العام لم يتم تكريمه لاحتلاله المرتبة الثالثه ..

 

[جـوهـره عـازمـيـه]

نزلت الاعانه مالت البنك الخليج ؟؟

 

[الحلاا كله]

ليش مانزلت لي الاعانه وانا بالجامعه وبنك التمويل
يعني ماراح تنزل الا ألأحد ..!

ما أقول الا مالت على حظي..​

 

[واشوقاه]

بناااااات انا بالتطبيقي .. نزلت لي الاعانه امس ..

بنك التمووويل ..

 

[yummy]

مبروك الفال حق الوطني

 

[Lola Al Lola]

بنات ياليت تفصلون اعانه التطبيقي عن اعانة الجامعه
لا تنسووووووووووون انه التطبيقي له ضوابط ومواعيد مختلفه عن الجامعه
بليييييييييييز لا تتلخبط المسائل معاكم
وناس تقول نزلت وناس تقول لا