استفسار :: القولون التقرحي وأبرة الهيوميرا؟؟؟؟؟

[تعبت~]

السلام عليكم ورحمة الله وبركاته
كيفك عساكم بخير
حبيباتي كنت ابحث عن علاج للقولون التقرحي لين قريت
عن ابر الهيوميرا وانها تنأخذ مره كل اسبوعين
انا الحين بدخل السنه الرابعه ونا استخدم العلاجات سالوفالك =نفس البنتاسا
وايميوران وحمض الفوليك وربي تعبت منها
الحمدلله على كل حال
سؤالي هو ::

هل تنفع للقولون التقرحي ولا لامراض ثانيه؟؟
كيف تستخدم الابره بالمستشفى او عادي اضربها بالبيت؟؟
ولو اخذتها تغنيني عن الادويه طول هالاسبوعين؟؟
وهل تشافي القولون من التقرحات المزمنه وكم مدة استخدامها؟؟
لان عندي موعد بعد شهرين وبقول للدكتور عنها ويعطيني بدل الادويه وابيكم تفيدوني ياللي تستخدموها وهل نفعتكم او لا ومرتاحين عليها او لا


معليش تحملوني يابنات
فديتكم:eh_s(17):
​

 

[رشيدية وافتخر]

اولا اتمنى لك الشفاء العاجل ولي لأني أعاني من نفس المرض
امابالنسبة للابر والله ماعندي فكرة عنها ،، بس ماحبيت اطلع بدون رد
لان وضعي زي وضعك وماتشوفين شر ان شاءالله

 

[يا كويتنا]

اسأل الله العلي القدير ان يشفيج

 

[nina.a]

الله يشفيج ويشفي جميع المسلمين .. انا ما اعرف الدوا .. اختي فيها تقرحات في القولون وتاخذ مثل ادويتج.

 

[انثى شقيه]

ياقلبي أنا مرضي مقارب لمرضك بس مقارب له مرض كراون

وعلاجاتي نفس علاجاتك بزيادة فيتامين دال وكالسيوم عشان هشاشة العظام ودايم أشكي من مفاصلي

والحمدالله على كل حال وسبحان الله نفسك هذي رابع سنه أستخدم علاجاتي والله يصبرني ويصبرك

الله يشفيني ويشفيك ويشفي جميع المسلمين والمسلمات

ولاتخلي الشيطان يلعب بك وتقولي مليت كل يوم حبوب مثلي أحيانن أبكي بس اتعوذ من الشيطان وأقول الحبوب أفضل لي من الألم

والنوم في المستشفى

عيشي حياتك طبيعي ولاتعكرين مزاجك واكثري من الأستغفار والحمد والشكر لله

وإحتسبي الأجر

 

[تعبت~]

شيديه وافتخر
والنعم فيك حبيبتي
ويارب نتشافى على خير ويكتب لنا الصحه والعافيه


ياكويتنا
اميييييييييين يارب والله يبعد عنك جميع الامراض


nina.a
الله يشفيني ويشفي اختك يالغاليه

انثى شقيه
وربي احس انك انتي اانا بضبط كل يوم اصيح وابكي من مرضي واقول ليش انا بذات جاني وكل ماسالت ليش يجي قالو منعرف سببه
من يوم مرضت ونفسيتي زفت انقلب حالي وصرت متشائمه مرررره
..وقبل شهرين كنت بالتنويم للمره الثالثه انتكست ووقفو الكالسيوم وفيتامين دال وقال بالتحليل الجاي نشوف اذا فيك
نقص او لا هذا غير الكورتيزون اللي وقفته من سنتين بس بسألك وش اعراض مرضك بضبط
والله يشفينا يارب ويشفي كل مريضه ون شاء الله مأجورين عند رب العالمين والله يخفف علينا



الله يخليكم اللي تعرف عن الابره تفيدنا
​

 

[الحلا-81]

حبيبتي الله يشفيك ويشفيني انا عندي مرض كرونز اتوقع نفس مرضك صرفلي الدكتور ابر الريميكيد وللحين مااخذتها لان طريقت اخذها بالوريد بس اهم شي يكون الضغط طبيعي وانا كل مارحت لهم صار ضغطي هابط تقريبا ٨٠ ع٥٠ ومن الخميس اللي طاف اقيس الضغط مو ثابت يرتفع وينزل اقول عساها خيره انشالله

 

[أم عيون كبار]

حبيبتي انا فيني داء الكرونز استخدمت ابر هوميرا في العضل مرة كل أسبوعين وكنت أخذ معها بنتاسا وإيموران وكالسيوم وفيتامين دال وحديد وبعد عملية استئصال جزء من الامعاء وقفها الدكتور ومستمرة علي الأدوية السابقة الي الان والله يشفيك يارب

 

[تعبت~]

الحلا
ام عيون
الله يشفينا يارب ويكتب لنا الاجر

 

[محمد SA]

احبابي.
تحية طيبة...
بالنسبة لمرض القلون التقرحي هو ملازمني منذ 8 سنوات وتعايشت معه مع الرغم بانة ينشط كل فترة واخرى وتم زيارة عدة اطباء وتوفقت مع دكتور بدات معه بارتياح بادت الاعراض تقل وصرف لي ادويه كالمعتاد هي تطبط اعراضة الحمدلله افضل من المرحلة السابقة ولكن ليس الشفاء التام لان المرض ملازمك مثل السكري والظغط ونا الان في طور اخذ الابرة مع اخذ الادوية للحد من نشاطة ولكن لايشفى هذا المرض لانة متقرح الا باذن الله تعالى.:yaaaaaarb:

وانا على اتم الاستعداد لمن يشكو منه لارشادة على الدكتور المناسب لذلك.
للاستفسار 0503927212 محمد

ودمتم من شفاء الى شفاء باذن الله.

 

[شندوخه]

الله يشافيكم ويشافيني ان شاءالله
هذي هيوميرا تنعطا للامراض المناعيه مثل الكرونز وانا اخذها بالبيت ابره كل اسبوع لان حالتي شديده
بس عن نفسي اخذها ولا ما اخذها ماحس بالفرق مادري الخلل فيني ولا بالابر الله المستعان ومايضيع شي عند رب العالمين

 

[خلطات المذهله]

خواتي عن بحث ودراسه طويل لكثير من الامراض انصحكم باخذ خلاصه الرمان له تاثير رهيب علي جميع امراض القولون حتي السرطان اي سؤال انا حاضره وسالو اطبائكم عن خلاصه الرمان للعلم امنه طبيا