استفسار بنوتات عن ماليزياا ممكن تساعدوني

[بتبوتااا]

السلام عليكم ورحمه الله وبركاته


شلونكم حبيباتي

انا ان شاء الله مفكره اروح ماليزياا بعطله 15

ابي اعرف شلون الجو اهناك حار ولا بارد؟ ولاني ما احب اروح ديره الا اتسبح فيهاا :dddds:

و12 يوم جم تكلف بما انه احنا ثلاث كبار وثلاث صغار وبيبي ست اشهر يعني المجموع 7

واي طيران تنصحوني فيه وشنو الاماكن الي هناك بعد وبالمره ابي استفسار عن الفنادق او شقق ايجار

بالمختصر ابي اعرف كل التفاصيل والله يعطيكم الف عافيه

 

[الكادي 1981]

هــلا مرحبتين ....ماليزيا جوها أستوائي يعني حااار شوي ورطوبه طول السنه بس ممتعـــة حييييل ...طبعــا لازم تروحين بيننغ

الجزيرة وموأقل من خمس أيام تهببببل بصراااحه عالم ثاني فندقنا بصراااحه حلووو شوفي أسمه بالتقرير .... وأنصــحج بقصـــر الأحصنـــة

ممتع وأسكنيه ليلتين أو ثلاث

حــده هاااادي وتركبين القوارب وتروحين المجمـــع تتسوقين ونااااااســـه ( شوفي كل شي بتقريري بالتوقيع بالصــور )

وكوالالمبور يكفيييج أسبوع وأنصــح بفندق ريتز أو ماريوت بشارع العرب .... لاتنسين الجنتنق زياره يوم واحد من الصبح للليل

كاااافي .... أفاموزا منتجع نفس الشي وكل موجود شرح بالتقريري وأي سوال حاضرة

وحطي في بااالج التسوق موووووووووووطبيعي بماليزيا يعني أخذي مبلغ محترم للتسوق وماأنصح بالكويتيه طيراان

فاااشل الماليزيا تمدحها أختي وســــلامتج

 

[بتبوتااا]

ياقلبي الكادي ماقصرتي بعد عمري والله

انا ابي اعرف احنا 7 شكثر يكفينا مبلغ حق 12 يوم ؟

 

[الكادي 1981]

شــوفي آنــا وزوجي بس لمدة 22 يوم بدون تذاكر وسكن وتنقلات ..... يعني أكل ومشتريات ودخول المنتزهات تقريبا 1300 دينار

بس شرييييييت لييين قلت بس .... اذا أنتم 7 حطي في بالج بس مصرف 3 آلاف حبوبه بدون تذاكر وفنادق

 

[um 3li]

انا ان شاء الله مفكره اروح ماليزياا بعطله 15 ((( احسن اختيار )))

ابي اعرف شلون الجو اهناك حار ولا بارد؟ ولاني ما احب اروح ديره الا اتسبح فيهاا :dddds: ((( الجو حلو ساعات مطر و ساعات رطوبة بس اخذي جم قطعه شتوية حق جنتنج المنطقة الجبلية لانها باردة .. اما الباجي اخذي كله صيفي وحق عيالج شورتات وحفر )))

و12 يوم جم تكلف بما انه احنا ثلاث كبار وثلاث صغار وبيبي ست اشهر يعني المجموع 7 ((( حسم مشترياتج بس الأضمن اخذي 2000 شامل التكاسي والأكل والسوق والرحلات )))

واي طيران تنصحوني فيه وشنو الاماكن الي هناك بعد وبالمره ابي استفسار عن الفنادق او شقق ايجار ((( طيران الاتحاد وحجزي فندق برجايا تايمز سكوير بكوالامبور نظامه شقق فندقية وفيه مطبخ تحضيري - فندق الشانجريلا بجزيرة بينانج - فندق صن واي بيراميد بصن واي لاجون .. لا تطوفينها هذي حق عيالج حدهم راح يستانسون )))

 

[um 3li]

شــوفي آنــا وزوجي بس لمدة 22 يوم بدون تذاكر وسكن وتنقلات ..... يعني أكل ومشتريات ودخول المنتزهات تقريبا 1300 دينار

بس شرييييييت لييين قلت بس .... اذا أنتم 7 حطي في بالج بس مصرف 3 آلاف حبوبه بدون تذاكر وفنادق

انا نفس الكادي تقريبا
رحت انا وريلي وولدي العام على طيران الاتحاد مع الفنادق ( برجايا - شانجريلا - صن واي بيراميد ) + الطيران الداخلي طلع علينا 1150

وصرفنا هناك ( اكل + سوق ومشترى بالهبل + رحلات + تكاسي + شحن جنطة وزن 47 كيلو ) 1500 دينار
بس ما خليت بخاطري شي لا انا ولا ريلي وشريت حق ولدي ملابس لي 5 سنوات جدام هذا غير الصوايغ !!

 

[بتبوتااا]

يااقلبي الكادي وام علي ماقصرتووو حبيبااتي

ريلي حاط لي ميزانيه 4 الاف وانا قلت بخش 500 حق بعدين لما نرجع الكويت يعني 3,500 الاف حق السفر

يعني مثلاا حق التذاكر والفندق 1,500 و2,00 حق السياحه واحنا من النوع الي نروح اماكن ترفيهيه اكثر من التسوق

بس بعرف بجم التذكره حق الشخص وبجم الليله بالفندق ولا الشقه الفندقيه؟؟ وانا اذا باخذ بفندق لازم غرفه كونكت يعني غرفتين داخل بعض علشان الخدامه
واحسن شقه فندقيه بس بعرف شكثر ليلتهاا؟
وما ابي الفانادق ولا الشقق الغاليه ابي المقبوله وماكانهاا حلوو

 

[بتبوتااا]

اي وبعرف شنو الاماكن الحلوه الي نزورهاا هناك وعلشان انا عندي يهال فمارح اقدر اتنقل من مكان لي مكان بالطياره يعني

بنفس المدينه وين اماكن اقدر اروح

 

[غلاي6]

والله ماليزيا حده حلوه وجوه رطؤبه بس في مطر تبين فنادق خمس نجوم وروعه روحي حق قولدن هورس وفي كولالمبور روحي حق الماريوت وفي منتجع عجيب في قريه مائيه و قريه العب وفي سوق وفي سينما وطبعا الفندق اسمه سانولاقون وجينتنق حلوه يعني صج روعه بس اكثر شي انصحج في هالفنادق روعه وكلها 5 نجوم

 

[um 3li]

بس بعرف بجم التذكره حق الشخص((( حسب الطيران .. انا طلعت علي 200 طيران الاتحاد بس حجزت مبجر حيييييييييل ))) وبجم الليله بالفندق ولا الشقه الفندقيه؟؟ وانا اذا باخذ بفندق لازم غرفه كونكت يعني غرفتين داخل بعض علشان الخدامه
واحسن شقه فندقيه بس بعرف شكثر ليلتهاا؟ ((( برجايا تايم سكوير فيه الفندق وفيه الشقق الفندقية وانا انصحج فيه لان قريب من شارع العرب واسعاره معقولة وهم بعد داخل الفندق في سوق من 10 طوابق وملاهي داخل الفندق من 3 طوابق و مطاعم وسينمات .. يعني تقدري تقضين يومج بالفندق اذا مالج خلق تطلعين )))

 

[um 3li]

اي وبعرف شنو الاماكن الحلوه الي نزورهاا هناك وعلشان انا عندي يهال فمارح اقدر اتنقل من مكان لي مكان بالطياره يعني

بنفس المدينه وين اماكن اقدر اروح

اهم مكان تروحينله عشان عيالج ((( صن واي لاجون ))) عبارة عن مدينة مائية والعاب وحديقة حيوانات وملاهي صج راح يستانسون عيالج وماراح يطلعون منها نهائيا ... عشان جذي حجزي فيها فندق صن واي بيراميد والفندق هذا يطل على المدينة المائية وهم في سوق حلو ومطاعم 000 قعدي 3 ايام عشان يسيانسون عيالج

روحي افاموزاهم راح يستانسون عيالج
الاكواريوم
البرجين التوأم
حديقة الطيور
هذي الامكان كلها مو بالطيارة بنفس المدينة بس يبيلج تاكسين او ميني فان عشان عيالج الله يحفظهم

 

[بتبوتااا]

اممممم مشكوووووووووره ياقلبي ام علاوي حيااتي انتي ماقصرتي

ترى بزعجج بأسألتي لاني احل اعرف كل التفاصيل

يعني تهقين الميزاميه الي كتبتها بتكفي؟!!

 

[^noonaa^]

شوفي حبووبه

احس طياران اعتقد الاماراتيه وتوني دشيت موقعهم وشفت ان سعر التذكره KWD 216.900

واذا عالفنادق شوفي هالسايت واايد حلو وشوفي اي فندق تبون وشوفي اسعاره

http://www.booking.com/searchresult...ffset=0;si=ai,co,ci,re;ss_all=0;city=-2403010

 

[بتبوتااا]

يااقلبي مشكووووووورين

بعرف لازم ترانزيت ولا سيده في طيران يودينا ماليزياا؟؟

 

[.. مـــلاكـ ..]

حبيت ارفع لج الموضوع

 

[غلاي غير]

تروحون وتردون بالسلامه

وماليزيا بكل ايام السنه جوها واحد

 

[brettey]

فندق برجايا تايم سكوير بكوالا لمبور فيه شقق فندقيه

 

[بتبوتااا]

ملاك وغلاي حبيبااتي مشكورين عالمرور

برتي مات تعرفين جم اسعارهم ياقلبي؟

 

[um 3li]

اممممم مشكوووووووووره ياقلبي ام علاوي حيااتي انتي ماقصرتي

ترى بزعجج بأسألتي لاني احل اعرف كل التفاصيل

يعني تهقين الميزاميه الي كتبتها بتكفي؟!!

انتوا لأنكم وايد ماشاء الله يمكن التذاكر والفنادق توصل 2000 دينار
وحطي فوقهم بين ال 2000 و 3000 حق المصاريف الثانية

 

[um 3li]

يااقلبي مشكووووووورين

بعرف لازم ترانزيت ولا سيده في طيران يودينا ماليزياا؟؟

الكويتية سيده لي ماليزيا
بس الاتحاد والاماراتية ترانزيت في الامارات
القطرية ترانزيت في الدوحة
السيلانية ترانزيت بالامارات وسيلان !!!!!!!!!!!!!!!