استفسار عن القولون العصبي

[ام بنتها]

السلام عليكم بنات شلونكم:68_asmilies-com:

و تقبل انشالله صالح اعمالكم

بغيت اعرف اذا الواحد فيه القولون العصبي شلون يعرف ؟؟

الله لا يوريكم احس بطني حيييييل متفوخ و يعورني و صاير شكله جني وحده حامل بس مو طول اليوم
اول ما اقوم من النوم عادي بس بعد وقت احس يعورني و ينتفخ حيل ماادري ليش معني مااخربط بالاكل و مسويه الحين رجيم و مو قاعده آكل الا صحي و قاعده اسوي رياضه بس العوار والتفخه ذبحتني
شااكه انه فيني القولون بس مو متأكده بس شاكه عشان لتفخه
عفيه فيدوني شكل بطني يصير غلط و العووار

 

[coffee]

ام بنتها وعليكم السلام سلامتج حبيبتي
اخاف في اكل بالريجيم ما يوالمج؟ تاكدتي انج مو حامل؟ او ساعات قبل الدورة ينتفخ البطن؟
القولون يصير جنه تطبل بالبطن والم خاصة بالجوانب التحتية من البطن والم .. روحي الطبيب يفحصج أفضل
وان شاءالله مافيج الا العافيه

 

[Japanese]

اول شي اسم الله عليج وان شاء الله مافيج

لأن صج صج صج صج القولون أذييييييييييه

عوار بالبطن بعد بعض الأكلاات .. > وكلن على حسب جسمه

ونفخخخخخخخخخخخه وغازات

ولازم فحص سريري عشان الدكتور يتأكد فيج ولا مافيج .. وان شاء الله مافيج ..

 

[ام بنتها]

مشكورين كوفي و جبنيز ما تقصروون

امس انا مو ماكله الا مشاوي و نص خبزه و شويه حمص قلت يمكن منه ؟
و بعد هم شاكه بماي ابراج لأن جنه من بلشت آشربه قمت احس بعور بطني قلت اليوم بس بشرب من البراد و العوار وايد اخف من امس حمدلله
و انشالله اروح الطبيب اجييك بس الفحص السريري شلون طريقته لويه نومه بالمستشفى ولا عادي بالمستوصف يسوونه ؟؟
و كوفي اتصدقين شاكه اني حامل بس مااعتقد لانه مسوين مانع بكمل دراستي اول بعدين بحمل مرا ثانيه وانشالله الله يسهل والي الله كاتبه يصير
بس انا احساسي خرطي صايرلي 4 شهور تقريبا بموعد الدوره اوسوس و اشتري التحليل المنزلي واحلل كلا اشك اني حامل لاني ساعات احس بدوخه و جبدي كلا لايعه و اطلع مو حامل و بعد جم يووم تيلي الدوره
بس هالمره بطني حييل ذابحني و متفوخ بس الحمل بطنها ما ينتفخ من اول شهر و موعد الدوره قرب يعد جم يوم
الله أعلم وانشالله بعد العيد امر المستوصف وأٍسال عن الفحص السرير بس عفيه جابنيز وضحيلي شلون طريقته
ومشكووريييييين

 

[& حكاية حب موعود &]

انا بعد نفسج القولوووووووون ذاابحني ويزيد عندي لما اتضايق
او احااتي واذا كليت اكل في بهاارات لانه يهيج القولون موزين
شي ويصير جني حاامل وربي شكله يفشششششششششششل مع اني مو متزوجه وصغيره على هالاشيااء
وبشهر 4 سويت فحص سريري اللي اهوو يشوف وين يعورج وبعدين اهو يقرر
اذا تبين منظاار او بس مسكناات وماايحتااي انج تدخلين مستشفى ويااخذ كله خمس دقاايق او اقل
بس انا قالي الدكتور انه لازم اسوي منظاار
وسويت المنظاار وعلى فكره من اعرااض القولون
انه عزج الله يكون في سهاال وينتفخ البطن نفس حاالتي

 

[كيت كات]

القولون اعراضه وايد وساعات يختلف من شخص لي الثاني
بس اللي فيني تفاااخ وغازات والم بالبطن هذا حسب شكل القولون اللي
يعاني منه الواحد واسهال او امساك ومرات الاثنين

 

[تولين]

نص العالم فيهم قولوون لا تحاتين

بس كثري نعنااااااع و في حبووووب نعناع في الصيديلية تاكلينها قبل الاكل تريحج وايد


وما تشوفين شر ان شالله

 

[غزال البرية]

سلامتج وما تشوفين شر بس يمكن غازات لانج مثل ما قلتي انج موماكله شي فاحتمال غازات اخذيلج ينسون ونعناع وبترتاحين

 

[دلـــع_الكويــت]

سلامات لكم كلكم ...

الله يعينا على هالقولون...صج العالم كله قولون..

الله يشافينا ويعافينا قولوا امين

 

[ام بنتها]

مشكوريييين بنات و ما تقصرووون و الشر مااييكم كلكم
و عيييدكم مبارك

بنات اتصدقون بطني ليلحين يعورنيو صارله تكرمون 3 ايام مو طالع و امس خذيت حبوب تلين البطن و هم بالياله قاعد يطلع
حييل متعبني معنى اكلي صحي و كلش مو قاعده اخربط ولا شي و كل يوم بالليل قاعده اكل كيويتين و الكيوي يلين البطن المفروض
بس ماادري ليش بطني جذي متفوخ و موراضي يطلع
انزين اميره اذا بسوي المنظار يعطوني تحويل من المستوصف ولا على طول اروح و هل يتعب او عادي ؟؟
يعني اقدر اروح اسويه بسكات من غير مااقول حق احد ولا صعبه ؟؟ و يعور او لأ ؟
بانتظااارج الغاليه

 

[& حكاية حب موعود &]

اي روحي اول شي المستوصف وقولي ابي تحويل جهااز هضمي ويعطيج بعدين روحي المستشفى ويعطيج الدكتور
موعد حق المنظاار بس عقب مااتقولين له شنو مشكلتج وبعدهاا يحدد متى يعطونج منظاار وياارب ماتحتااجينه واذا احتجتيه الله لايقولهاا
بيعطونج اشيااء عشان يلين البطن وترى واااااايد عبااله موااعيدهم يعني اطوول شوي الا اذا عندج واااسطه بسرعه اتسوينه
ومن نااحية يتعب ماادري ليش اني بنوته احس اني تعبت شوي من المشيه بسسسسسس يعني اتفشل كله غازات لانه المنظاار من تحت
مو من الحلج واكيييد لا مااتقدرين اتسوينه بسكاات ولا اهماا راح يسونه لج الا لماا يشوفون معااج مراافق لانه تحتااجين تخدير وماايصير اتسوقين السيااره
ورااح اتناامين عندهم 2 او 3 سااعات على ماتصحين من البنج بس والله ماايعور ولاشي والكل خرعني ويهووولون بالشي
مع اني واااااااااااااااااايد خواافه بس والله مااحسيت بشي وربي كأنج بحلم بس اشوفين دكتور يشتغل شنو يسوي ماتدرين وربي يشهد انه ماااايعور ورااح يخدرونج لاني تعقدت من اللي سمعته انه يخرع ويعور والمشكله اللي يخرع يكون مو مجرب واسا مااراح يسويه الا لماا تكونين مخدره عشان يشوف عدل وماحسيت بشي الا لمااا قمت وموووووو من عواار لااااا بس الغاازات
طبعاا بيكون حظج حلووو لو سويته بثنيان الغانم اللي يم الاميري عند فهد النجاار
وعلى العموم كل دكااترتهم شطاار واايد
اسفه طولت عليج وياارب اكون جااوبتج
ومااااااااشوفين شررر يالغااليه