استفسار عن امستردام وبلجيكا ؟

[bambena]

شلونكم بنات

انا ان شالله مسافره امستردام - هولندا
اللي راحت بليز تقولي عن الاماكن الحلوه

وبعدين مفكره اروح بالقطار بلجيكا لانها قريبه حيل من امستردام ومن بروكسل نروح بروج ويمكن باريس

اللي جربت قطاراتهم وعندها فكره عن الاسعار تفيدني ويزاها الله خير

وهل تنصحوني اروح بلجيكا ولا المانيا لان هالثنتين وايد قراب من امستردام

شاكره لكم

 

[mooomooo]

حبيبتي ماعندي فكره

ان شاء الله البنات مايقصرون

ترحين وترجعين بالسلامه

والله يسهل دربج

 

[bambena]

مشكوره مومو

 

[Featured Lady]

حبيبتى نصيحة روحى المانيا.......... لاتطوفج
ولا تروحين لبروكسل الا اذا تبين ضيقة الخلق يكفيها يوم واحد فقط لان الاماكن اللى فيها الالعاب والتلفريك وحديقة الحيوان وغيره كل وحدة بمكان انا قعدت فيها 40 يوم (انفاس مو رحلة ) ضيقت خلقى كل اسبوع اروح امستردام يوم كامل وارجع
مع العلم انى رايحة امستردام قبل هالمره ورحت لمنتج كيكديون فى لاهاى لايطوفج واذا كنت فى امستردام لاتسكنين الا فى فندق فكتوريا كل شي يمج بسسسسسسسسسسس غالى
وشكرا

 

[bambena]

فنن احنا حجزنا في فكتوريا

وبنروج بلجيكا ومنها بالقطار بنروح يوم بروج ويوم فال دو يوروب في فرنسا ومايندرى بعد اول مره نروح امستردام وباصير بروحي الصبح لان ريلي عنده شغل شرايج المكان امان ؟؟

 

[Featured Lady]

المكان امان ومن تطلعين من الفندق عاليمين كلها مطاعم وقهاوىوفيها كلها اخواننا المصريين اغلب المطاعم يعنى موحاجة تتكلمين انجليزى الى ان توصلين ساحة الحمام وجبالج راح تلقين متحف الشمع وجبال المطاعم فى مجمع كبير وايد حلو بس ناسية اسمه واذا طلعتى من الفندق على اليسار يعنى بس تغيرين جهة جسمج يعنى خطوتين راح تلقين سوقهم واللى بدايته محل بوس رجالى وهذا السوق مبلط بدون سيارات الى ان ينتهى بساحة الحمام وجبالكم محطة القطارات الرئيسية يعنى مايبيلج تاخذين تكسي لفى بالسوق ورجعى الفندق
وشكرا

 

[noty]

المانيا اتينننن لا طوفينها كل شي فيها حلو .. اي منطقه بتروحين عشان انفيدج ؟

امستردام كلش ما ارتحت فيها بس وايد ناس احبونها .. بره امستردام وااااو .. لاهاي و شخيفنج لا طوفيين شخيفنج ,,,
رحنا مصنع الجبن و الجواتي و الطواحين كلهم بمكان واحد وايد حلو المكان
رحنا متحف الشمع موجود بالسنتر .. و مزارع الورد ما رحنا كانت تحت الصيانه

بروكسل انا حبيتها هاديه وايييد .. مافيها شي الجو اينن و الامان .. رحنا مصنع الالماس و ميني اوربا ..و فيها اوت لت وايد حلو

 

[bambena]

نوتي !اووووووووت للللللللتتتتتتتتتتت


وين وين وين لحقيني فيييييييه ؟؟

مشكوره فنن بره هالمنطقه اقدر اروح بروحي ولا لأ ؟؟

 

[bambena]

واذا تعرفون اوتيل حلو ببلجيكا واي منطقه احسن نسكن فيها ؟؟

 

[amoola79]

مرحبااااااااااااا
الصراحه انا انصحج بامستردام لاتطوفينها تينن,,,,,,,, وبالنسبه حق المانيا وااااااااايد احلى من بلجيكا انا الصراحة مااعجبتني كلش بلجيكا مو نظيفة وايد غالية وإ\ا تسألين عن فندق زين وقريب من السوق في بلجيكا عندج كراون بلازا.................... والله يوفقج وتردين بالسلامة...

 

[bambena]

مشكوره حبيبتي اموله
بس خلاص حجزنا الطيران بس باقي الفندق بشوف الكراون بلازا ان شالله

 

[noty]

حبيبتي اسمه (Maasmechelen village )

الفندق كان موقعه صج اوكي بالسنتر يم البحيره و الجمعيه تحتج و المحلات يمج ,, و يمه حديقه عنونه اتونس يا حلو الجو اهناك صج
والله عيزت عصرت مخي ماني قادره اذكر كان وقتها مع قروب سفريات الفضاء .. سوري

نسيت اقولج شي اهناك في ساحه ضروري اتروحين معروفه تعتبر اقدم الاماكن اهناك فيها مباني مطليه ذهب وايد حلوه ..

وسوري اني تاخرت ما شفته الا توني عمري

 

[noty]

دير قعدت اسوي سيرج ليين ذكرته

كراون بلازا

اي شي تبينه انا حاضر و سوري عالتاخير

 

[bambena]

مشكوره بعد عمري

الحين هذا اسم الاوتلت صح ؟؟Maasmechelen village

والفندق حجزنا في هلتون بروكسل في ش واترلو

وادري اذيتج بس الاوتلت هذا بالسنتر ؟ ولا نروحله بالمترو ؟؟

 

[bambena]

حطيت اسمها وطلعلي السايت مالها

مشكوره حبوبه

 

[كيت كات]

شوفي انا رحت امستردام ماعجبتني زحمة وتخرع عشان جذي سكنا بالهلتون مال روتردام عجييييبة هادية وبالسنتر
ومنها طلعنا بالسيارة ساعتين على بلجيكا بروكسل روووعه ومحلات الكاكاو يمه يمه وايد عجبتني .....
والمانيا هم ساعتين بالسياره رحت بس اخن هاااااادية وتضيق الخلق

 

[noty]

مشكوره بعد عمري

الحين هذا اسم الاوتلت صح ؟؟Maasmechelen village

والفندق حجزنا في هلتون بروكسل في ش واترلو

وادري اذيتج بس الاوتلت هذا بالسنتر ؟ ولا نروحله بالمترو ؟؟

عمرج سالم حبيبتي

اي دير هذا اسمه .. شوفي دير هذا الاوت لت في منه ب لندن و باريس و مدريد و برشلونه و ميلان و دسرلدوف و فرانكفورت و ميونخ و دبلن و بروكسل بس .. وكون كله ماركات بس عليهم خصم حق يهال و حريم .. الرجالي مو وايد جم محل ..

انا رحت اللي ب باريس ما مدى انروح اللي ببروكسل . اي دير اصير بعيد اتروحيله بالمترو .. السياره بتصير مكلفه ...

السنتر اللي كان يمنا كان حلو اونس فيه Etam وايد حلو وفي ma7al 123 عجيب كانوا هالمحلين موجودين بمرينا بس سكروهم ماكو مقارنه بالبضاعه طبعا .. سوقهم نوت باد .. السوق التوب باريس و المانيا ..

بس الاماكن اللي قتلج عنهم لا طوفونهم

واي شي ثاني انا حاضر

 

[noty]

شوفي انا رحت امستردام ماعجبتني زحمة وتخرع عشان جذي سكنا بالهلتون مال روتردام عجييييبة هادية وبالسنتر
ومنها طلعنا بالسيارة ساعتين على بلجيكا بروكسل روووعه ومحلات الكاكاو يمه يمه وايد عجبتني .....
والمانيا هم ساعتين بالسياره رحت بس اخن هاااااادية وتضيق الخلق

صاجه دير .. امستردام كلش ما حبيتها .. و كان فندقنا بعيد عن السنتر و اذا بخاطرج شي باليل مستحيل انروح .. لوييييييه

بروكسل وايد ناس ذمتها و امدحوا امستردام .. و انا وايد استانست على بروكسل اتونس جنج بيتج وايد امان

و المانيا توووووب بكل شي احلى ديره شفتها لحد الحين

 

[noty]

حطيت اسمها وطلعلي السايت مالها

مشكوره حبوبه

اهو بالنورث .. نورث بروكسل ..

نصحيه ديير الرسبشن مال الفندق والله احسن من الكايد اللي معانا ما يفهم شي اقول بروكسل اتلوع الجبد عمرج شفتي واحد اسوي جذي .. قمنا نسال الرسبشن و معانا الخريطه و ادلينا بلا لوعة هالكايد .. و الناس بشارع متعاونيين .. سهاله والله

 

[صدى المحبه]

انا رحلتلهم حلوووين هولندا+بليجكا