استفسار عن حالة بنتي(تم تعديل العنوان من قبل الاشراف)

[روح نقيه..!]

سلام عليكم..
شخباركم..؟؟
صبايا ترددت كثير قبل اكتب هذا الموضوع ..
انا عندي بنت عمرها سنتين وماتتحرك عندها ضمور وتشنجات اول طفل لي ولدتها طبيعي ومافيها شي ابد وصار عمرها اربع شهور وانقلبت وكان تشوف وتغاغي وتسمع بس بعد خمس شهور صارت تسوي حركه غريبة ووديتها المستشفى قالوا عندها تشنج وضممور في للمخ وواعطوها ادوية من هذاك اليوم وهي تعبانه ولاتتحرك ولاتتكلم ورقبتها رخوووة مره ويدها بس قابضة ومستمره مع العلاج الطبيعي واذا تحسنت جتها صخونة لمده شهر وترجع لحالها الاول وتعبت نفسيتها واتعب لما اشوف الاطفال اللي في عمرها مافيهم شي وهي تعبانه

وبنتي اسم الله عليها جميلة وماكان فيها شي
اتمنى اذا تعرفوا شي يفيدني تقولوا لي عليه لاني من جد محتاجة مساعدتكم...

 

[أم علاوي حبيبي]

رد: نور عيني انطفت شمعتها..

حبيبتي عليج بفتح ملف طبي لها في مركز الأمراض الوراثية في مستشفى الولاده وملف في وحدة الطب التطوري لمتابعة حالتها وللأسف المخ يؤثر على كافة أعضاء الجسم ... المهم المتابعة في العلاج الطبيعي والدوائي ...

 

[دموع3]

رد: نور عيني انطفت شمعتها..

وجعتي قلبي الله يشفيها قادر وكريم

 

[Um Tuki]

رد: نور عيني انطفت شمعتها..

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
إلهي ..
أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..
إلهي ..
أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..
إلهي ..
إني أسألك من عظيم لطفك وكرمك و سترك الجميل أن تشفيها و تمدها بالصحة و العافية ..
إلهي ..
لا ملجأ و لا منجا منك إلا إليك .. إنك على كل شيء قدير .

 

[نونا العتيبى]

رد: نور عيني انطفت شمعتها..

هلا اختي ، حبيبتي هذا ابتلاء من رب العالمين الله يآجرج لكن في نفس الوقت لا تزعلين وتتضايقين لماتشوفين اللي بعمرها بصحه وعافيه بالعكس حمدي ربج ان حالتها مو اصعب من جذيه وفي نفس الوقت لاتخلينها باشري علاج طبيعي وعلاج بالعمل بمستشفي الطب الطبيعي وايد مفيد حق عمرها والافضل تبات في المستشفي وانتي معاها عشان يصير مكثف الصبح والعصر انا سويت حق بنتي جذيه تمت ستة شهور ووايد فرقت علي ،ولاتهملين عيادة الاعصاب حق التشنجات وصدقيني اهم من هذا كله ايمانج بالله وان بنتج راح تكون أحسن بس يبيله صبر ،ويقين برحمة ربج انا اكلمج من واقع تجربة مع بنتي فيها ضمور في المخ ولا تتكلم لكن اسم الله عليها تمشي بالووكر صج التحسن بطئ لكن الله كريم ،دخلتها حضانه عقب مدرسة والله بنتي جميلة واللي يشوفها يقول حراااام ان اهي جذيه والله ردي اقولهم هذي احلي هدية من ربي وهذي اللي بتدخلني الجنه اللهم امين ، اهم شي ماتيأسين من رحمة ربج ويبي عزيمة وإرادة والله معاج وييسر اموركم ويشافيها ويعافيها

 

[نونا العتيبى]

رد: نور عيني انطفت شمعتها..

نسيت اقولج بنتي عمرها الحين ٨ سنوات واسوي لها علاح طبيعي بمركز عايشة الرقم اللي بالسالمية وتروح مدرسة التعليم الارشادي اللي بالفروانية ومآخذه قلبي وعقلي كله والحمدلله علي كل حال

 

[روح نقيه..!]

رد: نور عيني انطفت شمعتها..

حبيبتي عليج بفتح ملف طبي لها في مركز الأمراض الوراثية في مستشفى الولاده وملف في وحدة الطب التطوري لمتابعة حالتها وللأسف المخ يؤثر على كافة أعضاء الجسم ... المهم المتابعة في العلاج الطبيعي والدوائي ...

فتح لها ملف بعيادات خاصة ومستشفى حكومي واللحين حولوها ع الرياض مالقوا لها علاج يحولوا اوراقها برا المملكة
والله يقومها بالسلامه
ويسلمووو قلبو ع الرد

 

[روح نقيه..!]

رد: نور عيني انطفت شمعتها..

وجعتي قلبي الله يشفيها قادر وكريم

اإامين

 

[روح نقيه..!]

رد: نور عيني انطفت شمعتها..

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
إلهي ..
أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..
إلهي ..
أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..
إلهي ..
إني أسألك من عظيم لطفك وكرمك و سترك الجميل أن تشفيها و تمدها بالصحة و العافية ..
إلهي ..
لا ملجأ و لا منجا منك إلا إليك .. إنك على كل شيء قدير .

اميببببببببببببببببن

 

[روح نقيه..!]

رد: نور عيني انطفت شمعتها..

هلا اختي ، حبيبتي هذا ابتلاء من رب العالمين الله يآجرج لكن في نفس الوقت لا تزعلين وتتضايقين لماتشوفين اللي بعمرها بصحه وعافيه بالعكس حمدي ربج ان حالتها مو اصعب من جذيه وفي نفس الوقت لاتخلينها باشري علاج طبيعي وعلاج بالعمل بمستشفي الطب الطبيعي وايد مفيد حق عمرها والافضل تبات في المستشفي وانتي معاها عشان يصير مكثف الصبح والعصر انا سويت حق بنتي جذيه تمت ستة شهور ووايد فرقت علي ،ولاتهملين عيادة الاعصاب حق التشنجات وصدقيني اهم من هذا كله ايمانج بالله وان بنتج راح تكون أحسن بس يبيله صبر ،ويقين برحمة ربج انا اكلمج من واقع تجربة مع بنتي فيها ضمور في المخ ولا تتكلم لكن اسم الله عليها تمشي بالووكر صج التحسن بطئ لكن الله كريم ،دخلتها حضانه عقب مدرسة والله بنتي جميلة واللي يشوفها يقول حراااام ان اهي جذيه والله ردي اقولهم هذي احلي هدية من ربي وهذي اللي بتدخلني الجنه اللهم امين ، اهم شي ماتيأسين من رحمة ربج ويبي عزيمة وإرادة والله معاج وييسر اموركم ويشافيها ويعافيها

اراجع فيها علاج طبيعي بس تمارين تحسيها ماتفيدها وابحث عن تمارين واسويها تتحسن وتنتكس بعد ماتتحسن
ادخلها مستشفى علاج طبيعي مكثف تتحسن

انا من السعودية
ويسلمووو عالرد
والله يفرحك ي بنتك يارب

 

[روح نقيه..!]

رد: نور عيني انطفت شمعتها..

نسيت اقولج بنتي عمرها الحين 8 سنوات واسوي لها علاح طبيعي بمركز عايشة الرقم اللي بالسالمية وتروح مدرسة التعليم الارشادي اللي بالفروانية ومآخذه قلبي وعقلي كله والحمدلله علي كل حال

طيب في علاج لرخاوة الرقبة

 

[الصابرة المحتسبة]

وعليكم السلام

كل أمور المؤمن خير

وهذا اختبار لج والله اذا أحب عبدا ابتلاه

الله يشافيها ويعافيها ويقر عينج فيها
وماننزل من داء إلا وله دواء بإذن الله

 

[نونا العتيبى]

حبيبتي انتي من الرياض وأكيد فيها مراكز علاج طبيعي ،بحثي بالنت وسألي لاتيأسين وضمور في المخ يعني الشلل الدماغي نفس بنتي ،كنت مثلج منصدمه من اسم الإعاقة لكن الواحد شيقول غير الحمدلك يارب،المهم انا بنتي عندها في ايدها ووحدة اكثر من الثانية وشد في الرجل وإرتخاء في الجذع والظهر كانت لا تقعد ولا تحبي ، لكن نصيحه من أخت تحبج في الله العلاااااااااااااااج الطبيعي للجسم وعلاج بالعمل حق ايدها ضروري جداااااااااااا، ولا بتندمين دامها صغيرة في العمر هذي فرصتك ، اي صح في شي اسمه الجبيرة للرجل يسوونها لك المستشفي ضرورية جدا لبنتك ، وأي استفسار آنا حاضرة

 

[روح نقيه..!]

وعليكم السلام

كل أمور المؤمن خير

وهذا اختبار لج والله اذا أحب عبدا ابتلاه

الله يشافيها ويعافيها ويقر عينج فيها
وماننزل من داء إلا وله دواء بإذن الله

ونعم بالله..
امين يارب

 

[روح نقيه..!]

حبيبتي انتي من الرياض وأكيد فيها مراكز علاج طبيعي ،بحثي بالنت وسألي لاتيأسين وضمور في المخ يعني الشلل الدماغي نفس بنتي ،كنت مثلج منصدمه من اسم الإعاقة لكن الواحد شيقول غير الحمدلك يارب،المهم انا بنتي عندها في ايدها ووحدة اكثر من الثانية وشد في الرجل وإرتخاء في الجذع والظهر كانت لا تقعد ولا تحبي ، لكن نصيحه من أخت تحبج في الله العلاااااااااااااااج الطبيعي للجسم وعلاج بالعمل حق ايدها ضروري جداااااااااااا، ولا بتندمين دامها صغيرة في العمر هذي فرصتك ، اي صح في شي اسمه الجبيرة للرجل يسوونها لك المستشفي ضرورية جدا لبنتك ، وأي استفسار آنا حاضرة

انا مو من الرياض بس المستشفى حولوها للمستشفى الرياض بس العلاج الطبيعي وديتها حكومي وخاص وللاسف مافي تحسن والمصيبه اسالهم وش عندها ماعندهم الا ضمور يمكن تتحرك اولا من جد يحبطوا الواحد بس ان شاء الله تقوم وافرح فيها يارب
ويشفي بنتك يارب وتفرحي فيها
بس ايش يعني علاج بالعمل لليد ممكن توضحينه لي
وجزاك الله خير
وتقر عينك ببنتك ان شاء الله

 

[روح نقيه..!]

بنتك نفس حاله بنتي بس جهه اليسار مشدود ورقبتها رخوه بس ماتشك شي ولاتتحرك ولاتحبي من جد تحزن الله يشفيها
واذا فاد بنتك اي شي ممكن تقولين لي ان شاء الله يفيد بنتي

 

[نونا العتيبى]

حبيبتي العلاج بالعمل هو تمارين خاصة لتقوية اليد وبعد الذهن مثل التركيب ومسك الكرة وغيرها من الالعاب تري هذي حيل مفيدة ويركز الاخصائي علي اليد الضعفية او اللي فيها شد كثير ،انا بنتي كانت اليد اليمين علي طول تصكها مثل البيبي الصغير وبالغصب افتحها لكن مع التمارين تحسنت كثير وهي عيارة ماتبي تستخدم الا اليسار لانها قوية لكن انا ادربها علي طول عشان ماتضمر اليد اليمين ، وبعدين تقولين انه تسوين لها علاج ومافي تحسن اي ياقلبي العلاج مو شهر ولا اثنين العلاج الطبيعي طول عمرها وبأذن الله بتشوفين تحسن صحيح بطئ جدا جدا يعني انا بنتي قامت تحبي قريب السنتين وقعدت يمكن خمس سنوات او اكثر ، فلا تيأسين لأن الدرب طويل وإن ماقدرتي تودينها مراكز العلاج الطبيعي تعلمي تسووين لها في البيت

 

[روح نقيه..!]

انا اسوي لبنتي علاج طبيعي في البيت اشوف فديوهات واسوي لها
لان اللي في المستشفى يحطمونك يقول بنتك المفروض انها تكون تجري مع اللي في سنها من جد يحطمونك
الله يعين
بس الحمدلله ما يئست لما اروح لهم يقولو بنتك تتحسن بس ان ما اشوف تحسن يمكن عشاني معها
الله يشافي كل مريض

 

[نونا العتيبى]

انا اسوي لبنتي علاج طبيعي في البيت اشوف فديوهات واسوي لها
لان اللي في المستشفى يحطمونك يقول بنتك المفروض انها تكون تجري مع اللي في سنها من جد يحطمونك
الله يعين
بس الحمدلله ما يئست لما اروح لهم يقولو بنتك تتحسن بس ان ما اشوف تحسن يمكن عشاني معها
الله يشافي كل مريض

حلو ماشااءالله وشوفي النت بعد واشتري كتب عن العلاج الطبيعي للشلل الدماغي cerebral palsy وفيه كره كبيرة اكيد شفتيها في مراكز العلاج الطبيعي اشتريها وسوي تمارين عليها بتفيدها للتوازن وحق الرقبه تقدر ترفعها والله عن جد ممتازة وفيه بعد ستاند للوقوف يخلون فيه البنت توقف ساعه باليوم بعد ضروري جدا لها في يبيعونه بالنت مع الكره او المحلات المتخصصه والستاند سواه لي نجار يتعامل مع المستشفي كلمته وسواه لي مخصوص لبنتي عندي في البيت والله يااختي عندي غرفة متكامله من ادوات العلاج الطبيعي كله لعيون الغالية نوفه بنتي وماتتخيلين اني دوم ابحث وابحث عن كل شي يفيد حالتها حتي الجباير للرجل تتغير كل ستة شهور وماتستغني عنهم عشان المشي اقولك ان بنتي نفس بنتك يوم هي صغيرة لكن بفضل من الله سبحانه ومجهودنا تحسنت البنت صحيح ماتمشي بروحها لكن تمشي بالووكر مع مراقبه وبعدين تري التطور الحركي للطفل الطبيعي يختلف عن بناتنا اكيد مافيه مقارنه لكن فيه تحسن وتطور وخلك قويه يااختي واتكلي علي الله وربي بيلطف فيها

 

[روح نقيه..!]

افدتيني كثير
ممكن تصوري لي الستاند اللي توقف عليه عشان افصل مثله
وش هي الجباير حقت الرجول عشان اي اسويها لبنتي لان رجلها ماتوقف عليها مع انها تاخذ فيتامين دال