استفسار عن شاليهات الوطنيه

[امواج النهر]

مرحبا كويتيات الله يعافيكم اللي عندها فكره عن شاليهات الوطنيه تفيدني :eh_s(6):ناويه اروح انا والعيال وماعندي فكره عنه وبعرف احسن شاليهات الوطنيه ولا شاليهات خليفه بليز ابي مساعدتكم والله لا يحرمكم الاجر ان شاءالله00

 

[tmtmt]

والله مادري
بس حطي موضوعج بالسياحه في الكويت هناك راح يفيدونج اكثر ان شاءالله
وجنه في موضوع بعد عن الشاليهات

 

[ام الدرر]

ياقلبي شاليهات الوطنية حجوزاتهم كاملة ماخذينهم الجمعيات التعاونية لي شهر رمضان
اما الخليفة ماادري اخذي رقمهم من البدالة واستفسري عن اي اللي تبين

 

[إستبرق]

بالنسبه لي احب خليفه اكثر
شالهيات خليفه ملمومه على شكل حرف u والي فيها عوائل وماكو مفاصيخ وفيها انشطه لليهال وسينما
شاليهات الوطنيه كبيره وفيها تفصخ وفيها شاليهات بس يكونون شباب

 

[Judy abbott]

حبيبتي موضوعج مكانه غلططططط

وانا ما جربت شاليهات خليفه بس الوطنيه حلويين من داخل او وايد حلوو حق اليهال يعني يستانسون فيه اكثرر

 

[MaNaYel]

حبيبتي انا رحت لهم اثنينهم .. و اهمه متشابهين تره بس انا افظل الوطنيه ..
الوطنيه داخله فيه مثل فرع صغير في اغراظ شوي و اكل و جذي بس الخليفه مافي يعني في بقاله عاديه بس مافي اغراظ يعني اذا نسيتي شي مثلا او احتجتي شي ما عنددهم فرع جذي بس لان هو جباله في مركز السلطان بس مو داخله عشان جذي ما افتحو شي داخل
و ثاني شي غرف الخليفه واااااايد واااايد ظيجه صراحه الوطنيه اوسع بالنسبه للغرف بس الخليفه صالته اكبر اللي تحت
و ثالث شي الله يسلمج بحر الوطنيه واااايد احلى من الخليفه لان الخليفه بحره عميق و اعتقد خور و حاطين علامه عند البحر ان المياه عميقه بس الوطنيه لا بحره حلو و يونس .. بس بشكل عام فيهم شبه يعني الشاليهات صايره بشكل حرف ال u و حمامات السباحه بالنص
و اثنينهم بالليل يحطون بره سينما حق اليهال و كل مره فلم
بس هذا اللي اذكره و اذا بغيتي شي او سؤال حبيبتي انا حاظره والله يونسكم بالعافيه

 

[dodowa el7elwa]

مااعرف والله ووupp

 

[الدنـ نور ـيا]

شاليهات اوطنيه حلوة و ملمومه بس انا كنت اروح لها لما كانوا اليهال صغار يعنى تصلح لى عمر 5 سنوات او حق الاسترخاء للكبار هاديه و ما فيها لويه بس من كبروا اليهال كله يتذمرون ما يبونها يقولون ما فيها شى نفس الخيران