استفسار عن عمليه التكميم ارجو افادتي يا احلى البنات

[brit.circus]

السلام عليكم

مساء الخير على الجميع ..


حبايبي اتمنى من الجميع ان يفيدني بالموضوع انا صديقتي بتسوي عمليه تكميم بمستشفى الجهراء حكومه عشان سعر العمليه حيل رخيصه تكاليفها ... سوت التحاليل وقالولها تسوي بعد منظار ...


اسم الدكتور " عماد الابراهيم " في احد سامع عنه .؟؟؟

وقايليلها ان اهيا اللي اتييب اغراض العمليه معاها ..؟؟!


وان مده العمليه 3 ساعات الى 5 ساعات هل هالكلام صحيح ؟؟


ياريت اتفيدوني احد سامع بهالدكتور ؟؟ وهل فعلا اهيا اتييب اغراض العمليه معاها ؟؟ وصج مده العمليه 3 ساعات الى 5 ؟؟ وهل فعلا لازم اتسوي منظار قبل العمليه ؟؟؟



واذا بتسويها بالخاص اقساط جم تدفع مقدم اقل شي ؟؟؟ وكل شهر جم القسط يكووووووووووون ؟؟؟؟


اتمنى انكم اتفيدوني بالمعلومات وشتنصحونها فيه



بصراحه انا وايد قاعده احاتيها ووعدتها انزلها الموضوع بمنتدانا الطيب كويتيات وقتلها اكيد اهل الخير ماراح يقصرون معاج بالمعلومات



ويزاكم الله خير وبنتظار ردودكم يا احلى بنات ...

 

[miss_Ba6oOo6a]

مافي شي اسمه اقصاد سعرها 3 و200 ليه 3 و500 بالخاص
والحكومه اي تدفع بس سعر المعدات الي اهم ملوت المعدة الدكتور يقولها من وين تشتريهم ب700 واذا خاص من الدكتور
وماعرف اسم الدكتور الي ذكرتيه ووقت العمليه علا حسب الشخص نفسه مرات يكون وايد شحم متكون بالبطن اهوو الي ياخر بالعمليه
والمنظار لازم قبل العمليه يتاكدون ان المعدة ان مافيها قرحه او جرثومه او ملتهبه ثقب جذي

 

[فجر_الكويت]

ان شا الله البنات يجاوبونج علا جميع استفساراتج حياتي

 

[Fαтee 5αиoм]

خوش دكتور رفيجتي مسوية عنده
خل تتوكل على الله

 

[ii DareeN ii]

ماعرف اسم الدكتور بس الي اعرفه ان ان العملية ماتاخذ اكثر من ساعه ونص ساعتين ويمكن اقل

 

[اميره بكلمتي]

شوفي اذا الخاص تدفع حوالي من 2500 الى 3000 وشي ،، اما الحكومه تدفع حوول 850 دينار
والعمليه تاخذ من ساعه ونص الى ساعتين اذا طولت وبس

 

[فجر_الكويت]

اب اب اب

 

[HOT^CHOCOLAT]

حبيبتي أنا سمعت عنه انه زين وقالولي احول عنده أنا بسويها بالجهرا بعد عند ماجد وموعروف علي فكره وخل تتوكل علي الله وتسويها والله يسهل عليها وعلي ولازم منظار عشان يشوفون المعده لاسمح الله اذا ملتهبه ولالا ولجلاب الخاص مايسونها ولايطلبون تحليل بول أنا رحت خاص وبس طلب تحليل دم مالت خليها علي الخكومه أبرك *

 

[brit.circus]

مشكوووورين بناااات

واي وحده اتعرف معلومات اكثر خل تفيدنا

 

[فيلجاويه كيوت]

وايد زين وسمعت ان فتحله عياده

 

[Heaven Light]

ما اعرفه والله ..
بس ممكن تسألين صديتقتج جم تكلف العملية ؟ وجم شهر مر عشان يحددون لها العملية ؟؟
سمعت تطول المواعيد ؟!

​

 

[لولو ليلاس]

مرحبا
عن خبرتي بالحكومة بالفروانية بالذات اذا في مشاكل صحية ينصح الطبيب المعالج بتقديم موعد العملية وطبعا الواسطه لها دور
يعني انا قبل مشاكل السكر والضغط الدهون الثلاثية وانزيمات الكبد والى الخ............ من المشاكل الي تسببت فيها الوزن الزايد
كان موعد العملية بعد سنه ونص والدكتور حدد نوع العملية.. بس بعد مشاكلي الصحية تدخل طبيب الباطنة وقال في اقرب فرصة متاحة.. فحط موعد شهر 3 او 4 الياي 2012بس يصير مكان...
بعد ماكانت بعد سنة اوسنه ونص؟؟؟
وطبعا انا كنت حاسبه اني اسوي التكميم وشرحلي كل شي وقال ممكن تكلف الاغراض 1000 واو اقل يعني 900
وحسب ما شفت ان الاقبال علي دكاترة الفروانية وااايد يعني ياين من مبارك والجهرا والعدان وحاطين واسطه حق الدكتور عبيد
ورئس قسم الباطنية وايد مدح شغله ..
بس انا مستغربه حسب ما فهمت عملية التكميم تكلفى ادواد حق الدبابيس والصمغ الطبي يعني نشتري هالاغراض
بس التحويل قص ولزق فليش تكلف يعني شنو ادواتها الي عند خبرة ينورنا .... وسوري على الاطاله بس محد عبرني بموضوعي
واااااااااااااااالف شكر

 

[لولو ليلاس]

اي صج نسيت المنظار علشان يشوفون المعدة وياخذعينه صغيرة من العصارة علشان يشوف يقدر يقص ويحط الدبابيس
او لأ واذا في مشاكل تتعالج قبل لا يحط الموعد

 

[cat-girlq8]

شنوو العمليه من 3 الي 5 ساعات هالمعلومه مو صحيحه
انا سويتها بساعه وربع فقط عند الدكتور محمد الهيفي
مادري عن الحكومي بصراحه

 

[كلـــــي غنج]

مرحبا ,,

الله يسهل لرفيجتج العملية ,,

اولا // الدكتور عماد الابراهيم دكتوري وانا سويت عنده العملية تقريبا صارلي سنة الحين

نزلت ولله الحمد 55 كيلوو ..

الدكتور كثير شاطر ومماز ..

كلفتني الاغراض 1200

الدباسة ب 800 والدعامات ب400


اذا ماتبي دعامات يصير بس الدعامات تخفف نسبة التسريب ,,

العملية ان طولت ساعتين ونص الى 3 ساعات ..

يا انو الدكتور يقصد انو المدة هذي مع الافاقة

او انو اهي كثير متينة وتحتاج وقت اطول

الله اعلم

وعموما كل شخص يختلف عن الاخر ..

المنظار جدا ضروري عشان يشوف اذا المعدة فيها التهاب او جرثومة

او اي مشكل عشان تتعالج قبل لاتسوي العملية ..

اي سؤال انا حاظرة

موفقين خير واسفه عالاطالة

 

[فجر_الكويت]

مشكووورين بناااات علافاده يريت تطرحون تجارب اكثررر انا بعد مهتمه بالموضوع كثيررر

 

[فجر_الكويت]

اب اب اب اب

 

[اميره1980]

انا مسويتها بس بخاص
انا سامعه ان تشترين المعدات بفلوسج و اعتقد تكلفتها من 850 الى 1000 دينار و جنه تشترين المعدات من صيدلية الغانم

و العملية تستغرق ساعة و ربع تقريبا
و اذا تبينها اقساط انا سامعه ان مستشفى العرف اللي بالجهرا يسوونها اقساط
انا سويتها عند الدكتور خالد العنزي و خذا 2000 دينار و المستشفى ( السيف ) خذا 700 دينار
بس الادوية اللي تاخينهم معاج للبيت سعرهم بروح
بالنسبه للمنظار لازم تسوينه بس ترا شي عادي ما يخرع انا سويت المنظار عند الدكتور فهد النجار بعيادته الخاصة و ما طولت بس ربع ساعة و كنت مبنجه

 

[krkosha]

مستحيل 3 ساعات انا طولت نص ساعه بس مشالله لان وزني مو وايد
بس اذا كلش كلش ذبح نفسه ساعه ونص ساعتين

 

[لولو ليلاس]

​

يسر عيادة د / ابراهيم العنزي في مستشفي العرف بالاعلان عن انه تم بحمدالله الاتفاق مع بنك بوبيان لتمويل جميع العمليات بدون فوائد وخصوصا عمليات السمنة : تكميم المعدة , تحويل مسار , حلقة المعدة . يرجي قراءة الاسئلة الشائعة والاتصال بنا للاستفسار .






ما هي تكلفة العملية بالاقساط نقدا وبالاقساط ؟
تكلفة العملية هي ثلاث الاف دينار كويتي بغض النظر سواء كانت بالاقساط او نقدا


كم هي مدة الاقساط ؟
يستطيع الشخص التقسيط علي فترات تتراوح بين ستة اشهر الي ثلاث سنوات


كم هي قيمة الاقساط الشهرية ؟
يعتمد علي الفترة المتفق عليها بالسداد . يتم تقسيم تكلفة العملية ( 3000 دك ) علي عدد الاشهر . مثلا لو كانت الفترة المبتغاة للتسديد ثلاث سنوات سيكون القسط الشهري 80 دينار كويتي


هل من الضروري ان يكون القرض باسم المريض نفسه ؟
يستطيع اي شخص التعهد بالالتزام بسداد القرض سواء كان قريب او صديق للمريض . ولا يوجب ان يكون القرض باسم المريض






هل يجب وجود حساب او تحويل راتب الي بنك بوبيان ؟؟؟
لايوجب الاقتراض وجود حساب علي بنك بوبيان . بنك بوبيان يقبل عملاء جميع البنوك الكويتيه


ماهي الشروط لقبول القرض ؟
1) نفس شروط البنك المركزي ( عدم وجود اقساط تتعدي 40 بالمية من راتب الموظف او 30 بالمية من راتب المتقاعد ..الخ )
2) يجب ان يكون موظف بوظيفة حكومية
3) يجب ان يتم قبول الحالة من الناحية الطبية


ماهي الاوراق المطلوبه ؟
1) صورة من البطاقة المدنية
2) تقرير راتب
3) كشف حساب اخر ثلاث شهور


ماذا تشمل تكاليف العملية ؟
الثلاث الاف دينار تشمل ما يلي :
1) اقامة ثلاث ليالي بالمستشفي
2) العملية وماتحتاج من تخدير وادوات
3) فحوصات ما بعد العملية
4) ادوية خلال فترة الاقامة .


هل فحوصات ما قبل العملية مشموله ؟ وما تكلفتها ؟
الفحوصات ما قبل العملية غير مشموله بالتكلفة المذكورة وتكلفتها ما بين 100-200 دينار


ماهي فحوصات ما قبل العملية ؟
1) سي بي سي
2) وظائف كلي
3) وظائف كبد
4) نسبة السيوله
5) سونار للمرارة
6) اشعة ملونه للمرئ


هل تقبل فحوصات مستشفي اخر ؟
نعم


ما هي الاجراءات المطلوبة ؟
1) فتح ملف ومقابلة معانا لتحديد الحاجه للعملية ونوعها واعطاء المريض كتاب للبنك
2) اعطاء مندوب خاص من بنك بوبيان الاوراق المطلوبه
3) انتظار الموافقه من بنك بوبيان
4) تحديد موعد العملية




كم تستغرق فترة الاجراءات البنكية ؟
تستغرق اجراءات البنك قرابة الاسبوع


لحجز مواعيد ؟؟
مستشفي العرف ت / 24555050 داخلي 221/220


للاتصال بنا رقم مباشر / 0096566121900


مع تحيات
د/ ابراهيم العنزي


اعتذر للمنتدى اذا فية اعلان ..............................