افا عليج
تامرين
شوفي حبيبتي استراليا تونس طبعا بس انتوا اي مناطق بتروحون ؟؟ما قلتيلي
طبعا جولد كوست شقول وشخلي الصراحه اماكنهاااااااااااااااااااااااااا وايد وايد يعني لو تقعدين فيها اسبوعين كل يوم تقدرون تروحون رحلاتهم وايد
وطبعا اكثر شي مشهور هناك اللي هوا الثلاث عوالم
عالم البحار
كلة عن البحر والحيوانات البحرية وتقدرون تغوصون ويا اي حيوان تبونه حتا القرش
بس طبعا كلو بثمنوا لووول
عالم الافلام
كان واااااااااااااو واحلى عالم طبعا هو نفس ديزني لاند عجيييب كان
عالم الاحلام
هذا نفس الرتفيهيه بس طبعا ماكو مقارنه ههههههههههههه العابه عجيبة تخرررررررررررررررررررررررررع
وطبعا كل واحد فيهم يبيلة يوم كامل يفتحون من 10 الصبح لي 5 العصر بس الصراحه اذا تبون تركبون كل الالعاب ما راح يمدي الوقت احنا كنا ركضا خاصة انه كل عالم فيهم كبيييييييييييييييير وزحمة طوابير عالالعاب
بس ما عليج بسرعه يمشي الدور
اسعار التذاكر تقريبا 64 دولار استرالي طبعا كل عالم سعره بروح مع العلم انه 10 دنادنير = تقريبا 50 دولار
اي وطبعا عندج شاااارع البردايز ياحلااااته
لازم تروحون الانفنتي هذا يدخلونج مكان ظلمه ويلبسونج دلاغات ودسوس تشب ليت ودشين بغرفة وتطلعين من غرفة بس شي عجيب كل غرفة فيها العجايب ليتات و كور وحركات
وفيه بعد هنتد هاوس نفس بيت رعب تدخلونه فيه 5 ادوار كان عجيب كل دور تدخلينه يخرع اكثر من الثاني وتقدرين تطلعين من البيت بأي اذا طلعتي خوافة واذا قوية كملي البيت كلة
وبيت الثلج او مطعم الثلج هو مطعم صغير كل شي فيه ثلج تقعدين فيه ويعطونج بقلاس من اثلج عصير لذيذ وبالعافيه
اكمل بعد شوي امي تنايني
